Sunday, October 25, 2015

အေးလွန်းတဲ့တစ်နေ့

အလိုက်မသိတဲ့ ဗိုက်က နှိုးစက်သံပေးပြန်တယ်
ဖျော်သောက်စရာက ထုထည်ဖွဲ့နေတဲ့ ပျင်းရိငြီးငွေ့ခြင်းတွေ။

အအေးဓါတ်ကိုမောင်းထုတ်ဖို့ ပြတင်းတံခါးကိုအပိတ်
တက်ကြွခြင်းတွေထွက်ပြေးသွားတာကို အထင်းသား တွေ့လိုက်တယ်။

ကြိုးစားဖို့အော်နေတဲ့ အသံသေးသေးလေးကို လစ်လျူ ရှုရင်း
အမှောင်ကိုရှာဖွေမိတယ်။

ဧကစာရီ၊ solitude၊ အထီးကျန်၊ ဘာသာစကားတွေကွဲပေမယ့်
အဓိပ္ပါယ်ချင်းဆင်တယ်။

ဒုက္ခသစ္စာကို ဆင်ခြင်ရင်း
ကိုယ်ခန္ဓာရဲ့ လိုအပ်ချက်တွေကို မသဒ္ဓါရေစာဖြည့်ဆည်းရပြန်တယ်။

ရှိမရှိ မသေချာတဲ့ မနက်ဖြန်အတွက်
လူတိုင်းအလုပ်များကြတယ်မဟုတ်လား။ ။
Posted by at No comments:
Subscribe to: Posts (Atom)