မိုးစက်တွေက မစဲနိုင်၊ မသည်းနိုင်......အဆက်မပြတ်ကိုရွာချပြီးရင်း ရွာချနေတဲ့ မှောင်မဲမဲ ကုပ်ချောင်းချောင်း၊ မှုန်ကုပ်ကုပ်ညနေခင်းကြီးတစ်ခုမှာပေါ့။ ပတ်ဝန်းကျင်တစ်ခုလုံးကလဲ မုန်းစရာကောင်းလောက်အောင် ညို့မှိုင်းပြီး၊ မြင်မြင်သမျှအရာတွေက မွဲတေတဲ့အရောင်အဆင်းတွေနဲ့ စိတ်ဓါတ်တက်ကြွစရာ တစ်ကွက်မှမရှိအောင်ကို အရာရာကို တန်ဆာဆင်လို့.............။
အဲဒီလိုမျိုး စိတ်ပျက်စရာကောင်းလွန်းလှတဲ့ အခြေအနေထဲမှာ ကျွန်တော်တစ်ယောက်ထဲ မိုးရေတွေစိုလို့။ ဆောင်းစရာအကာမရှိသလို၊ ခိုစရာအမိုးလဲမရှိ။ တစ်ယောက်ထဲ ခိုက်ခိုက်တုန်အောင်ချမ်းလို့၊ ကူရာ၊ ကယ်ရာကိုရှာလို့မတွေ့......ရှာလို့မတွေ့.....ရှာလို့မတွေ့.......။
ကျွန်တော့်မိဘတွေရော၊ သူငယ်ချင်းတွေရော၊ ဘယ်ရောက်ကုန်ပြီလဲ။ အားကိုးစရာကို အလိုအပ်ဆုံးအချိန်မျိုးမှာ... ဘယ်မှာလဲ ကျွန်တော့်ဘဝကို အာမခံချက်တွေနဲ့ လုံခြုံမှု၊ ကိုယ့်ကိုယ်ကို ယုံကြည်မှုတွေကိုတည်ဆောက်ပေးနိုင်တဲ့ မိဘတွေ၊ ဘယ်မှာလဲ ကျွန်တော့ကို ဖေးမတတ်၊ ကူညီတတ်၊ မျှဝေတတ်တဲ့သူငယ်ချင်းတွေ။ ဘယ်မှာလဲ....ဘယ်မှာလဲ....ဘယ်မှာလဲ...............။
ကူရာ၊ကယ်ရာမဲ့နေတဲ့ကျွန်တော်....မရပ်နိုင်တော့တဲ့ ဒီစိုစွတ်စွတ် မိုးရေတွေအောက်မှာ တစ်ယောက်ထဲ အားငယ်ရင်း အားကိုးရာကိုရှာနေလို့....။အားကိုးရာ....အားကိုးရာ...အားကိုးရာ......။
လျှောက်ရင်း၊ လျှောက်ရင်း၊ လျှောက်ရင်းနဲ့ အားကိုးစရာ ဘာမှမရှိမှန်း......ဘယ်မှာမှမရှိမှန်း.... ပိုပိုသေချာလာတယ်။ ကျွန်တော်တစ်ယောက်ထဲ....... မိုးရေထဲမှာ..... အမိုးနတ္ထိ၊ အကာဗလာ။ ကူရာ၊ ကယ်ရာကလဲ ရှာလို့မတွေ့၊ ချမ်းအေးပြီး တွယ်ရာမဲ့လို့...ချမ်းအေးပြီးတွယ်ရာမဲ့လို့......ချမ်းအေးပြီးတွယ်ရာမဲ့လို့........။
အို....ဒီမဲမှောင်နေတဲ့ စိုထိုင်းထိုင်း၊ ချမ်းအေးအေး၊ မှုန်မှုန်မှိုင်းမှိုင်းလောကကြီးထဲမှာ.............ဆာလောင်နေတဲ့၊ အရမ်းချမ်းနေတဲ့၊ နားခိုစရာမရှိတဲ့၊ အကူအကယ်မခံရတဲ့ ကျွန်တော်ဟာ...............တစ်ယောက်ထဲပါလား.........တစ်ယောက်ထဲမှ တစ်ယောက်ထဲ၊ တစ်ကယ့်ကို ဘာမှ အားကိုးရမယ့်ဟာမရှိတာပါလား။ တွေးရင်း တွေးရင်းနဲ့ ပိုပိုပြီး အားငယ်လိုက်လာလို့........။ ကျွန်တော်တစ်ယောက်ထဲ....တစ်ယောက်ထဲ.....တစ်ယောက်...........ထဲ.......။
အားကိုးစရာမရှိမှန်းသေချာလာတဲ့အခါ၊ ကိုယ့်ကိုယ်ကို ကယ်တင်နိုင်စွမ်းမရှိတာကို သဘောပေါက်လာတဲ့အခါ၊ အထီးကျန်ပြီး ဝမ်းနည်းတဲ့ဒဏ်ကို မခံစားနိုင်တော့တဲ့အခါ.....................ကျွန်တော်............................................ထုတ်သုံးရတော့မှာက.....နောက်ဆုံးလက်နက်................။
ဟုတ်တယ်...နောက်ဆုံးလက်နက်။ ဘာမှမတတ်နိုင်တော့ဘူးလို့ သေသေချာချာထင်ရတဲ့အခါမျိုးမှာ သုံးတဲ့လက်နက်။ အရာရာကို ဒူးထောက်ပြီး ဖြစ်သမျှကိုလည်စင်းခံရတော့မဲ့အခါ သုံးတဲ့လက်နက်......လက်နက်......လက်နက်။
ကျွန်တော် ငိုချလိုက်တယ်။ အားရပါးရငိုချလိုက်တယ်။ ရှိုက်ကြီးတငင်ငိုချလိုက်တယ်။ သည်းသည်းမည်းမည်းကြီးကို ငိုချပစ်လိုက်တယ်။ဟုတ်တယ်.....ကျွန်တော်.........ငိုချလိုက်တယ်.....ငိုချလိုက်တယ်....ငိုချ.....ပစ်.......လိုက်တယ်.....။
ကျွန်တော့်ရဲ့မျက်လုံးထောင့်တွေကနေ...... မျက်ရည်တွေအဆက်မပြတ်စီးဆင်းလာတဲ့အထိ............... တစ်လောကလုံးက အဆိုးတွေ........ ကျွန်တော့်မျက်ရည်တွေထဲမှာ မျောပါသွားတဲ့အထိ............ငိုတာကလွဲလို့ ဘာကိုမှ မတွေးနိုင်တော့တဲ့အထိ................ ငိုလွန်းလို့ နှလုံးခုန်ပါရပ်သွားတဲ့အထိ.......အဲဒီ ဆိုးရွားလွန်းတဲ့.....ကမ္ဘာကြီးပျက်သွားတဲ့ အထိ.....အထိ.................အထိ.........................။
No comments:
Post a Comment