ရာဇဝင်ထဲက လန်ဒန်နန်းမြင့်

အင်္ဂလန်နိုင်ငံ၊ လန်ဒန်မြို့ မှာရှိတဲ့ အထင်ကရနေရာတွေအများကြီးထဲမှာမှ လျှို့ ဝှက်မှုတွေနဲ့ပြည့်နေတဲ့၊ တော်ဝင်မျိုးနွယ်တွေနဲ့ပက်သက်ခဲ့တဲ့၊ စိတ်လှုပ်ရှားစရာရာဇဝင်ဖြစ်အပျက်တွေနဲ့ပြည့်နေတဲ့၊ နောက်ခံသမိုင်းရှည်လျားစုံလင်လှတဲ့ နေရာတစ်ခုကိုပြပါဆိုရင် မောင်ဇိကတော့ Tower of London လို့ခေါ်တဲ့ လန်ဒန်နန်းမြင့်ကို မဆိုင်းမတွရွေးမိမှာပဲ။ ရာဇဝင်၊ သမိုင်းတွေထဲက ဘုရင်တွေ၊ သူရဲကောင်းတွေ၊ စစ်ချီစစ်တိုက်ပုံတွေ၊ ခန်းနားလှတဲ့တိုင်းပြည်တွေကိုထူထောင်ခဲ့ပုံတွေ၊ ပျက်စီးခဲ့ပုံတွေ၊ သွေးစွန်းတဲ့နန်းလုပွဲတွေ၊ ခွန်အားပြည့်ဝတဲ့ ခေါင်းဆောင်သူတွေရဲ့ ဆောင်ရွက်ချက်တွေကို စိတ်ဝင်စားလွန်းတဲ့မောင်ဇိအတွက် မရောက်ခင်ကတည်းက စာတွေကတဆင့် ရင်းနှီးနေခဲ့ရတဲ့ လန်ဒန်နန်းမြင့်။

အင်္ဂလိပ်ရာဇဝင်မှာ ထင်ရှားတဲ့ဘုရင်တစ်ပါးဖြစ်တဲ့ အောင်နိုင်သူဝီလျံ (William the Conquerer) က ၁၁ရာစုကုန်ခါနီး အချိန် အင်္ဂလိပ်သက္ကရာဇ် ၁၀၇၈ ခုနှစ်မှာတည်ဆောက်ခဲ့တာဖြစ်လို့ ဒီနေ့ဆိုရင် လန်ဒန်နန်းမြင့်ရဲ့ သက်တမ်းက နှစ်တစ်ထောင်နီးပါရှိနေပြီ။ ဖြတ်သန်းခဲ့တဲ့ နှစ်တစ်ထောင်နီးပါးသက်တမ်းအတွင်းမှာ အားတက်စရာတွေ၊ ထိတ်လန့်ကြောက်ရွံ့ဖွယ်ရာတွေ၊ ပုန်ကန်မှုတွေ၊ အာဏာသိမ်းမှုတွေ၊ သတ်ဖြတ်ညှင်းပမ်းနှိပ်စက်မှုတွေ၊ သစ္စာဖောက်မှုတွေ၊ ရဲရင့်တည်ကြည်မှုတွေ စတာ၊ စတာတွေက ဒီနန်းတော်ကြီးထဲမှာ၊ နန်းတော်တစ်ဝိုက်မှာ၊ နန်းတော်ကိုဗဟိုပြုပြီးတော့ တစ်တိုင်းပြည်လုံးမှာ အကြိမ်ရေ မရေမတွက်နိုင်အောင်ဖြစ်ခဲ့၊ ပျက်ခဲ့ပြီးပြီ။ ဘုရင်၊ ဘုရင်မနဲ့၊ မင်းမျိုးမင်းနွယ်တွေနေထိုင်ဖို့ ရည်ရွယ်ချက်နဲ့ဆောက်ခဲ့တဲ့ နန်းတော်ကြီးကို ထူထဲ၊ ခိုင်ခံ့တဲ့ကျောက်မြို့ ရိုးခံတပ်၊ ကျုံးတို့နဲ့ ပတ်ပတ်လည်မှာအကာအကွယ်ပေးထားပြီး အထဲမှာတော့ နန်းတော်ကြီးတစ်ခုလုံးကို လန်ဒန်နန်းမြင့်လို့ အမည်တွင်စေတဲ့ ထီးထီးကြီးမြင့်မားနေတဲ့၊ ကျော်ကြားလှတဲ့ White Tower အဆောက်အဦးကြီးရှိတယ်။ ဒါ့အပြင် ဘာတွေရှိသေးလဲဆိုတော့ ဘုရားကျောင်းငယ်တစ်ခု၊ လက်နက်တိုက်၊ တခြား အဆောက်အဦးတွေ၊ တန်းလျားတွေ၊ မျှော်စင်တွေ။ လန်ဒန်မြို့ ရဲ့ နာမည်ကျော် သိမ်းမြစ်ဘေးမှာရှိလို့ ဟိုးရှေးကတည်းက ကုန်းလမ်း၊ ရေလမ်းသာတဲ့နေရာတစ်ခုဖြစ်ခဲ့တယ်။ ၁၅ ရာစုနှောင်းပိုင်းထိ နန်းတော်အဖြစ်အသုံးပြုခဲ့ပေမယ့် အဲဒီနောက်ပိုင်းမှာတော့ လက်နက်ကြီးဒဏ်ကို ထိထိရောက်ရောက်မကာကွယ်နိုင်တော့လို့ဆိုတဲ့အကြောင်းပြချက်နဲ့ ဘုရင်တွေနန်းမစိုက်တော့ပါဘူး။ ၁၆ ရာစုမှာတော့ ကြောက်မက်ဖွယ်ကောင်းတဲ့ အကျဉ်းထောင်ကြီးတစ်ခုအဖြစ်နဲ့သာ နာမည်ကျော်ခဲ့ပြန်တယ်။ အလယ်ခေတ်က အကျဉ်းသားတွေကို နှိပ်စက်ညှဉ်းပမ်းရာခန်းမကိုလဲ မောင်ဇိကိုယ်တိုင် ကျောချမ်းဖွယ်ရာမြင်ခဲ့ရသေးတယ်။ လူကိုကျောခင်းပြားတွေပေါ်မှာချည်ပြီး ဟိုဘက်ဒီဘက်ဆွဲဆန့်နှိပ်စက်တဲ့ စက်သီးသွားနဲ့ ကိရိယာကြီးတွေ၊ လူကိုကွေးခိုင်းပြီး သံကွင်းနဲ့ပတ်၊ တဖြည်းဖြည်းနဲ့ပိုပြီးဖိနှိပ်ပစ်ပြီးနှိပ်စက်တဲ့ ကိရိယာတွေ စသည်ဖြင့်နှိပ်စက်တဲ့ကိရိယာနဲ့ နည်းစနစ်ကလဲ အမျိုးမျိုးအဖုံဖုံ။ အများအားဖြင့်တော့ မင်းမျိုးမင်းနွယ်အပြစ်သားတွေနဲ့ အရေးကြီးရာဇဝတ်ကောင်တွေကိုသာ လန်ဒန်နန်းမြင့်မှာဖမ်းဆီးထားလေ့၊ နှိပ်စက်လေ့ရှိတယ်လို့ မှတ်သားရတယ်။

မောင်ဇိအပါအဝင် လူငယ်တွေသိပ်ကြိုက်ရတဲ့၊ ၂၀၁၁ခုနှစ်ကနေ ယနေ့ ၂၀၁၇ ရောက်တဲ့ထိအအောင်မြင်ဆုံးတီဗီဇာတ်လမ်းတွဲတစ်ခုအဖြစ် HBO တီဗီလိုင်းကနေလွှင့်နေဆဲဖြစ်တဲ့ Game of Thrones ဇာတ်ကားထဲက ဇာတ်ဝင်ခန်းတစ်ချို့ ဟာ ဒီမြို့ ရိုးတွေရဲ့ နောက်ကွယ်မှာ အမှန်တကယ်ဖြစ်ခဲ့တဲ့ ရာဇဝင်အဖြစ်အပျက်တွေကို မှီငြမ်းထားခဲ့တာ။ ဒီနန်းတော်ကြီးကို အခြေတည်ပြီးရေးထားတဲ့ War of Roses ဆိုတဲ့စာအုပ်ကို ဖတ်ပြီးတဲ့အချိန်မှာ တစ်နေ့နေ့တော့ ဒီနန်းတော်ထဲကိုရောက်အောင်သွားမယ်လို့ ဆုံးဖြတ်ချက်ချခဲ့တဲ့အတိုင်း မောင်ဇိတစ်ယောက် ရောက်အောင်သွားဖြစ်ခဲ့တယ်ဆိုပါတော့။ မသွားခင် နန်းတော်ကြီးနဲ့ပက်သက်တဲ့ စာအုပ်၊ စာတမ်းတွေ၊ အချက်အလက်တွေ ရှာဖွေဖတ်ရှုဖြစ်ခဲ့တဲ့အခါမှာ အင်္ဂလိပ်ဘုရင်တွေနဲ့ ဘုရင်မတွေအကြောင်းရေးတဲ့စာအုပ်တိုင်း၊ သမိုင်းအဖြစ်အပျက်တိုင်းမှာ ဒီနန်းတော်ကြီးက မပါမဖြစ် အမြဲပါတာကိုတွေ့ခဲ့ရတယ်။ ထင်ရှားကျော်ကြားတဲ့ ဇာတ်ကောင်တစ်ချို့ ကလည်း ဒီနန်းတော်ကြီးနဲ့ ပက်သက်နေတတ်ကြပြန်ရော။ အင်္ဂလိပ်ရာဇဝင်မှာနှင်းဆီစစ်ပွဲလို့လူသိများတဲ့နှင်းဆီဖြူနဲ့ နှင်းဆီနီတံဆိပ်ကို မိသားစုအမှတ်တံဆိပ်တွေအဖြစ်သုံးတဲ့မိသားစုနှစ်ခုကြားဖြစ်ပွားခဲ့တဲ့ နန်းလုပွဲတွေမှာ အဓိကဇာတ်ကောင်အနေနဲ့ပါဝင်ခဲ့ကြတဲ့ ယောက်နယ်စားကြီး ရစ်ချတ်၊ အင်္ဂလန်နဲ့ပြင်သစ်ပြည်ရဲ့ ဘုရင် ဆဌမမြောက်ဟင်နရီ၊ ပြီးတော့ ဗြိတိသျှပါလီမန်ကို ယမ်းမှုန့်တန်ချိန် ၂ တန်လောက်နဲ့ ဖောက်ခွဲပစ်ဖို့ကြိုးစားခဲ့တဲ့ နာမည်ကြီး ဂိုင်းဖော့ (Guy Fawkes) ၊ လန်ဒန်နန်းမြင့်ကို ဝင်စီးခဲ့တဲ့ သူပုန်ခေါင်းဆောင် ဂျက်ကိတ်၊ အဌမမြောက်ဟင်နရီဘုရင်ရဲ့ ဒုတိယမြောက်မိဖုရားဖြစ်ပြီး နန်းတော်ဝင်းထဲမှာ ခေါင်းဖြတ်သတ်ခံခဲ့ရတဲ့ အန်နီဘိုလိန်း ၊ ဒုတိယကမ္ဘာစစ်အတွင်းကဂျာမဏီနိုင်ငံ အဓိပတိကြီးဟစ်တလာရဲ့ ညာလက်ရုံးစစ်သူကြီး ရူးဒေါ့ဟက်စ် စသူတွေဟာ နန်းတော်ကြီးရဲ့  သမိုင်းတစ်လျှောက်မှာ တစ်နည်းနည်းနဲ့ ပါဝင်ပက်သက်ခဲ့ကြတယ်။ ကမ္ဘာကျော် ပြဇာတ်ရေးဆရာကြီး ဝီလျံရှိတ်စပီးယားရဲ့  အင်မတန်ထင်ရှားကျော်ကြားခဲ့တဲ့ ဆဌမမြောက်ဟင်နရီဘုရင်ကြီး ပြဇာတ်သုံးတွဲမှာဆိုရင်လည်း ဟင်နရီဘုရင်နန်းစံရာ လန်ဒန်နန်းမြင့် (Tower of London) ကနောက်ခံအခင်းအကျင်းအနေနဲ့ မပါမဖြစ်ပါခဲ့ရပြန်တယ်။

နန်းတော်ကြီးကို နောက်ထပ်နာမည်ကြီးစေတာကတော့ ခေတ်အဆက်ဆက်သူရဲခြောက်တယ်ဆိုတဲ့ ရှင်းပြလို့မရတဲ့ သတင်းစကားတွေပါပဲ။ နန်းတော်ထဲမှာခေါင်းဖြတ်သတ်ခံခဲ့ရတဲ့ အန်နီဘိုလိန်းရဲ့  ဝိညာဉ်ဟာ သူမကိုမြှုပ်နှံရာ St Peter Ad Vincula ဘုရားကျောင်းအတွင်းမှာခြောက်လှန့်နေတယ်ဆိုတာမျိုး၊ တစ်ခါတစ်ရံ White Tower ပတ်ဝန်းကျင်မှာ ခေါင်းပြတ်ကိုချိုင်းအောက်မှာပိုက်ပြီးသွားလာနေတတ်တဲ့ သူမကိုတွေ့တတ်တယ်ဆိုတာမျိုးတွေက ပျံ့ နှံ့နေတဲ့ ကောလဟာလတွေပါ။ ဆဌမမြောက်ဟင်နရီ၊ လေဒီဂျိမ်းဂရေး၊ မာဂရက်ပိုး၊ နန်းမြင့်ထဲကမင်းသားငယ်လေးတွေ စသူတွေရဲ့  ဝိညာဉ်တွေကို တွေ့တယ်လို့ သတင်းပို့တာတွေလဲရှိပါတယ် (ဒီဝိညာဉ်တွေရဲ့  အသေးစိတ်အဖြစ်သနစ်ရာဇဝင်တွေကိုတော့ နောက်ဆောင်းပါးတွေမှ အကျယ်ရေးပါ့မယ်)။ အထူးသဖြင့် ညတာဝန်ကျဝန်ထမ်းတစ်ချို့ ဆီက သတင်းပို့တာမျိုးတွေပေါ့။

ဘုရင်ထီးနန်းစိုက်ရာ နန်းတော်အဖြစ်တည်ဆောက်ခဲ့တဲ့ လန်ဒန်နန်းမြင့်ဟာ နှစ်ပေါင်းတစ်ထောင်အတွင်း နန်းတော်ဖြစ်လိုက်၊ နန်းတော်တစ်ပိုင်း ထောင်တစ်ပိုင်းဖြစ်လိုက်၊ အကျဉ်းထောင်ဖြစ်လိုက်နဲ့အမျိုးမျိုးဘဝပြောင်းခဲ့ရာကနေ ဒီနေ့မှာတော့ ကမ္ဘာလှည့်ခရီးသည်တွေဆွဲဆောင်ရာနဲ့ ပြတိုက်တစ်ခုဖြစ်နေပါပြီ။

ဗြိတိသျှတော်ဝင်မျိုးနွယ်တွေရဲ့  နန်းစဉ်အမွေအနှစ်တစ်ခုဖြစ်လို့ အင်္ဂလန်ရဲ့ လက်ရှိဘုရင်မကြီး ဒုတိယမြောက်အဲလိဇဘက်ရဲ့ ပိုင်ဆိုင်မှုအောက်မှာရှိတဲ့ လန်ဒန်နန်းမြင့်မှာ ရာဇဘိသေကရတနာ (Crown Jewels) တွေကိုလဲ အများပြည်သူကြည့်ရှုဖို့ ပြသပေးထားပါတယ်။ ဘိသိက်ခံရတနာတွေမှာ အင်္ဂလန်ရဲ့ ဘုရင်၊ဘုရင်မ အဆက်ဆက်နန်းတက်ပွဲတွေမှာဝတ်ဆင်သုံးစွဲခဲ့တဲ့ အဖိုးထိုက်တန်တဲ့ရတနာတွေ တန်ဆာဆင်ထားတဲ့ သရဖူ၊ နှင်တံ တွေကစလို့ ရတနာစီခြယ်ထားတဲ့ပန်းကန်၊ ခွက်ယောက်၊ ရွှေဇွန်း၊ ခရင်းတွေပါ ပါဝင်တယ်။ လက်ရှိဘုရင်မကြီးရဲ့ မိခင် ပထမအဲလိဇဘက်ဘုရင်မကြီးဝတ်ဆင်ခဲ့တဲ့သရဖူမှာတော့ ကမ္ဘာမှာအကျော်ကြားဆုံးဖြစ်တဲ့ ကိုဟီနူးစိန်ကြီးအပါအဝင် စိန်ပွင့်ပေါင်း ၂၈၀၀ စီခြယ်ထားတာတွေ့ရမှာပါ။ နောက်ထပ်စိတ်ဝင်စားစရာတစ်ခုက မြန်မာနိုင်ငံနဲ့ ပက်သက်ပါတယ်။ မြန်မာတွေရဲ့  ပတ္တမြားငမောက်ကို တပ်ဆင်ထားတယ်လို့ စွပ်စွဲခံရတဲ့ ဧကရာဇ်သရဖူ (Imperial State Crown) ပါ။ အင်္ဂလိပ်တွေကတော့ အဲဒီ သရဖူမှာတပ်ထားတဲ့ပတ္တမြားဟာ အက်ဒွက်မင်းသားခေါ် Black Prince ရဲ့  ပတ္တမြားဖြစ်ကြောင်း၊ အာရပ်ကမ္ဘာမှာဖြစ်တဲ့စစ်ပွဲတစ်ပွဲမှာပါဝင်ပက်သက်ရာက ၁၃၆၆ ခုနှစ်မှာရခဲ့ကြောင်း ဇာတ်လမ်းဇာတ်ကွက်တွေနဲ့ အခိုင်အမာရေးသားထားပါတယ်။ သေသေချာချာပြူးပြီးကြည့်ခဲ့ပေမယ့်လဲ ပတ္တမြားငမောက်လား၊ Black Prince ရဲ့ ပတ္တမြားလားဆိုတာကို ဝေခွဲနိုင်တဲ့အစွမ်း မောင်ဇိမှာမရှိခဲ့ဘူးဆိုတာကိုတော့ ဝန်ခံရမှာပါ။

လန်ဒန်နန်းမြင့် (Tower of London) က လန်ဒန်မြို့  Tower Hill အရပ်မှာရှိပါတယ်။ ယူကေနိုင်ငံမှာ ယူနက်စကိုရဲ့  ကမ္ဘာ့အမွေအနှစ်စာရင်းဝင်နေရာပေါင်း ၃၀ ရှိတဲ့အနက်က တစ်ခုပေ့ါ။ မြေအောက်ရထားစီးရင် Tower Hill Station မှာဆင်းရမှာဖြစ်ပြီး အထဲကိုဝင်ဖို့ဝင်ကြေးက စတာလင်ပေါင်နဲ့ လူကြီး ၂၈ ပေါင်(မြန်မာငွေ ငါးသောင်းကျပ်နီးပါး)၊ ကလေး ၁၃ပေါင်ပါ။ ကျောင်းသားတွေနဲ့ online က လက်မှတ်ဝယ်သူတွေအတွက်ကတော့ လျှော့ဈေးပေးလေ့ရှိပါတယ်။ အဖွဲ့လိုက်လက်မှတ်တို့၊ တစ်ခြား ကမ္ဘာလှည့်ခရီးသည်ဆွဲဆောင်ရာနေရာတွေနဲ့တွဲပြီးဝယ်ရတဲ့ အတွဲလိုက်လက်မှတ်တို့လိုမျိုးတွေလဲ ဝယ်လို့ရနိုင်ပါသေးတယ်။ အထဲမှာ နာရီဝက်ခြားတစ်ခါလောက်ဆိုသလို Yeoman Warder Tour လို့ခေါ်တဲ့ ရှေးခေတ်နန်းတော်အမှုထမ်းဝတ်စုံဝတ်ထားသူတွေ လိုက်ပြ၊ ရှင်းပြတဲ့ နန်းတော်တစ်ပတ်ပတ်တဲ့ အစီအစဉ်လေးတွေရှိပါတယ်။ အမူအရာအပြည့်၊ အာပေါင်အာရင်းသန်သန်နဲ့ နန်းတော်ဝင်းထဲမှာ တစ်နေရာပြီးတစ်နေရာရွှေ့ ရင်း ပရိသတ်အုပ်ကြီးကို ရှင်းပြတာတွေနားထောင်ရတာ စိတ်ဝင်စားစရာကောင်းပြီး ဗဟုသုတလဲရသလို၊ ဟာသတွေနှောပြီးပြောပြတတ်လို့ တဝါးဝါး တဟားဟားနဲ့ ပါးစပ်လဲ မပိတ်ရပါဘူး။ အထင်ကရလူတွေကို ဖမ်းထားခဲ့တဲ့နေရာတွေ၊ အထင်ကရအဖြစ်အပျက်တွေဖြစ်ပျက်ခဲ့တဲ့နေရာတွေမှာလည်း အညွှန်းစာတွေရေးထားတာတွေ့ရမှာပါ။ နန်းတော်ဝင်းတစ်ခုလုံးကို အေးအေးဆေးဆေးနှံ့အောင်ကြည့်မယ်ဆိုရင် အချိန် ၄၊ ၅ နာရီလောက်ယူမှဖြစ်ပါလိမ့်မယ်။ သိမ်းမြစ်ကမ်းနံဘေး၊ နာမည်ကျော်တံတား မျှော်စင်တံတား(Tower Bridge) နဲ့ကပ်လျက်၊ လန်ဒန်မြို့ ကြီးရဲ့ အလယ် လန်ဒန်နန်းမြင့်ဆိုတာက စိတ်ဝင်စားစရာတွေနဲ့ပြည့်နေတဲ့၊ အရောင်စုံလှတဲ့သမိုင်းအချက်အလက်တွေနဲ့ ယက်ဖောက်ထားတဲ့ ကမ္ဘာ့သက်တမ်းအရှည်ဆုံး ကမ္ဘာလှည့်ခရီးသည်စွဲဆောင်ရာနေရာတစ်ခုလို့ဆိုရမှာပါ။ ကမ္ဘာမှာနေမဝင်အင်ပါယာအဖြစ်နာမည်ကြီးခဲ့တဲ့ နိုင်ငံတစ်ခုရဲ့  အနိမ့် အမြင့်၊ အတက်အကျတွေ၊ ဘုန်းတန်ခိုးကြီးတယ်ဆိုသူတွေရဲ့  အောင်မြင်မှုတွေ၊ ကျရှုံးမှုတွေကို အံ့သြ သံဝေဂယူစရာ ပြသနေတဲ့နေရာတစ်ခုလို့လဲ ပြောလို့ရပါတယ်။ မောင်ဇိအတွက်ကတော့ အခွင့်အရေးရရင် နောက်ထပ်တစ်ခေါက်လောက်ထပ်သွားချင်သေးတဲ့ နေရာတစ်ခုပေါ့။

မျိုးထက်နိုင် ( ၀၄၊၀၄၊၂၀၁၇ မြန်မာစံတော်ချိန် မနက် ၂နာရီ၊ ၂၇ မိနစ်)