စံေျပာင္ႏွင့္ ဒိုးပတ္

စံပြောင် တစ်ယောက် ယခုရက်ပိုင်းအတွင်း အလွန်အင်မတန် တက်ကြွနေသည်။ သူ့ကိုယ်သူလည်း အလွန်ကျေနပ်အားရနေပုံပေါက်သည်ကို တွေ့ရသည်။ စံပြောင့်ကို ကြည့်၍ ကျွန်တော်ကိုယ်တိုင်လည်း ကျေနပ်မိသည်။ တစ်ခုခုတွင်စိတ်ဝင်တစား အာရုံစိုက်၍ ဝီရိယအပြည့်ဖြင့် အားကြိုးမာန်တက် ကြိုးစားနေသော ကျွန်တော့ညီလေးမဟုတ်ပါလား။  ။


ဤ ဇာတ်လမ်းကြီးကို စခဲ့သူမှာ ကျွန်တော်ဖြစ်၍ စံပြောင်မှာ ကျွန်တော့အတွက် ဇာတ်ကောင်တစ်ကောင်အဖြစ် အားရဝမ်းသာ ဝင်ရောက်ကပြပေးခဲ့ခြင်းဖြစ်သည်။ သူစိတ်ဝင်စားသော ဘာသာရပ်နှင့် ကျွန်တော်ဖြစ်စေလိုသောအရာ ဖြစ်တောင့်ဖြစ်ခဲ့ တစ်သက်မှာတစ်ခါဆိုသလို ထပ်တူကျ၍ စံပြောင်ဝင်ရောက် ပါဝင်ပေးခြင်းဖြစ်၏။ ကျွန်တော် ဒါရိုက်တာလုပ်၍ လက်စွမ်းပြရိုက်ကူးသော ဤဇာတ်ကားမဟာ၊ ချာတာတာကြီးတွင် စံပြောင် ပါဝင်အစွမ်းပြခဲ့ပုံကို ကြည့်ကြပါဦးစို့။


ကိစ္စအားလုံး၏ အစကို ခလုပ်နှိပ်ဖွင့်လှစ်ပေးသူမှာ မစ္စတာတီရို ဖြစ်သည်။ မစ္စတာတီရိုဆိုသည်မှာ ကျွန်တော်တို့ ကျောင်းတော်မဟာကြီးမှ စာပေသင်ကြားပို့ချပေးသူ၊ ကျောင်းအုပ်ချုပ်ရေးကိစ္စများတွင် ပါဝင်ရသူ ကျွန်တော်တို့ ဆရာတစ်ဦးပင်ဖြစ်၏။ တစ်နေ့တွင်ဆရာတီရိုက ကျွန်တော်နှင့် အပေါင်းအပါအချို့ကိုခေါ်ပြော၏။ ကျောင်းတွင် နိုင်ငံတကာအကများပါသည့် ပွဲငယ်လေးတစ်ခုလုပ်မည်ဖြစ်ရာ ကျွန်တော်တို့ မြန်မာကျောင်းသားများမှ ဖျော်ဖြေမှုတစ်ခုပါဝင် ဖျော်ဖြေပေးရန် ဟူလို။ ကိစ္စမရှိပါ။ ဒါမျိုးက ကျွန်တော်တို့ မြန်မာကျောင်းသားများ ပါဝင်လက်စွမ်းပြနေကျ ဖြစ်သည်။ သင်္ကြန်အကထည့်မလား၊ ပုဂံအကထည့်မလား၊ ဒိုးပတ်ဝိုင်းထည့်မလား ဆုံးဖြတ်ရန်သာဖြစ်၏။ ဆရာတီရိုအား အာမဘနေ ္တခံပြီးနောက် ကျွန်တော်တို့ ပါဝင်ဖျော်ဖြေဖို့ ဆုံးဖြတ်သည်မှာ ဒိုးပတ်ဝိုင်းဖြစ်၏။


ဒိုးပတ်ဝိုင်းတစ်ခုတွင် ဒိုးပတ်(နှစ်ဖက်တီးရသည့် ဗုံတစ်မျိုး)၊ ပလွေ၊ ဝါးလက်ခုပ်၊ လင်ကွင်း စသည့်တူရိယာများပါပြီး မြိုင်မြိုင်ဆိုင်ဆိုင်တီးခတ်ပါက အလွန်ပင်မြူးကာ ဦးရွှေရိုး၊ ဒေါ်မိုးပါ တွဲလိုက်လျှင် နိုင်ငံခြားသား ပရိသတ်ကြိုက်မည်မှာ အမှန်ပင်ဖြစ်သည်။ မည်သူတွေ တီးကြမည်နည်း။ ကျွန်တော်တို့ တီးမှုတ်ကခုန်မည့်သူများကို လူစုသောအခါ ကျွန်တော့ညီငယ် စံပြောင်က လင်ကွင်းတီးမည်ဟု အားတက်သရော စာရင်းပေးပါသည်။ အခြားသော သူများလည်း အသီးသီး၊ အသသ ပါဝင်ကြရာ ဦးရွှေရိုးဒေါ်မိုးအပါအဝင် တီးမှုတ်ကခုန်မည့်သူ ၉ ယောက်တိတိရပါသည်။ အားတက်ဖွယ်ရာပင်။


သို့နှင့်ပင် ပွဲမဝင်ခင် အပြင်ကကျင်းပ ဆိုသည့်အတိုင်း ဒိုးပတ်တိုက်ကြရာ၊ စံပြောင်ကပင် ဦးစီးဦးဆောင်၍ နေ့စဉ်၊ အပတ်စဉ်ပင် ဖြစ်ကြသည်။ ပွဲမစမှီ သုံးလ အလိုကတည်းက ဒိုးပတ်တိုက်နေသော ကျွန်တော့ညီစံပြောင်တို့ အဖွဲ့ကို ကြည့်၍ ကျွန်တော့မှာ အားရလှပါသည်။ အားကိုးလိုက်ရသည့် ကျွန်တော်၏ညီလေး စံပြောင်၊ ကြိုးစားလိုက်သည့် ကျွန်တော်၏ညီလေး စံပြောင်၊ စိတ်ဓါတ်ပြင်းထန်လှသည့် ကျွန်တော်၏ ညီလေးစံပြောင်ပါတကား။


စံပြောင်ကိုယ်တိုင်လည်း အလွန်ပင် စိတ်ပါဝင်စားစွာ ဒိုးပတ်တိုက်နေသည်ကို တွေ့ရပါသည်။ အလွန်ပင် တက်ကြွရွှင်လန်းနေသည်ကိုတွေ့ရပါသည်။ ဝါးလက်ခုပ် သုံးလက်၊ ဒိုးပတ် ၂ လုံး နှင့် ပလွေတစ်ချောင်းကြားတွင် လင်ကွင်းကို အချက်ကျကျတီးရသည်မှာ ထင်သလောက်မလွယ်ပေ။ တိုင်မင်ကိုက်ရန်အလွန်လို၏။ ကိစ္စမရှိပါ။ စံပြောင်ကိုယုံပါသည်။ သူသည် ဂီတကိုလည်း ဝါသနာပါသူတစ်ယောက်ဖြစ်ရုံမက ဂီတာကိုပင်ကျွမ်းကျွမ်းကျင်ကျင်ဖြစ်အောင် လေ့ကျင့်တီးခတ်ထားသူဖြစ်ကြောင်းကို ကျွန်တော်ကောင်းကောင်းသိသည်။သူစိတ်ပါဖို့သာ လိုသည်။ ယခုလို တက်ကြွပျော်ရွှင်စွာ၊ လူအများကို ဦးဆောင်၍ ဒိုးပတ်တိုက်နေသည်ကို တွေ့ရ၍ ကျွန်တော်အင်မတန် ပီတိဖြစ်မိသည်။ ဒီလိုတော့လည်း ငါ့ညီလေးက တယ်ဟုတ်ပါလားဟု........။


ဤသို့ဖြင့်....... နိုင်ငံတကာကျောင်းသားများနှင့် ဆရာများကို တီးမှုတ်ဖျော်ဖြေမည့်နေ့သို့ ရောက်၍လာပါပြီ။


ပွဲမှာ ညနေ ၄ နာရီတွင်စ၍ ကျွန်တော်တို့က ညနေ ၅ နာရီတွင် ဖျော်ဖြေရမည်ဖြစ်သည်။ မနက်ပိုင်းတွင် ကျောင်းမှ ပရောဂျက်တစ်ခုအတွက် မြို့ထဲသိ့ုသွားစရာရှိသည်ဟု စံပြောင်ကဆိုလာလေသည်။ “ အင်း...မောင်စံပြောင်၊ သွားစရာရှိတာတော့ သွား၊ ၃ နာရီလောက်တော့ အရောက်ပြန်ခဲ့ ” ဟု ကျွန်တော် မှာလိုက်ရာ မောင်စံပြောင်လည်း “ စိတ်ချ အစ်ကို၊ ကျွန်တော်ကလည်း တအားကို တီးပြချင်နေတာ ” ဟုဆိုကာ ပျော်ရွှင်တက်ကြွစွာထွက်ခွာသွားလေသတည်း။


သို့နှင့်...... ညနေ သုံးနာရီသို့ ဆိုက်ရောက်လာရာ ကျွန်တော် ပထမဆုံး သတိရသည့်သူမှာ ကျွန်တော့ညီငယ် စံပြောင်ပင်ဖြစ်သည်။ ပြန်ရောက်မလာသေး။ ဒီငတိက သတိပေးမှုလိုသည့်ငတိလေးမှန်း ကျွန်တော်သိပြီးသားဖြစ်သည်။ ဖုန်းလှမ်းဆက်လိုက်သည်။ မကိုင်။ ဘုရား တလိုက်မိပါသေးသည်။


ခနစောင့်ပြီးနောက် နောက်တစ်ကြိမ်ဆက်သောအခါ အနှီကောင်လေးက ဖုန်းကိုင်သည်။တော်ပါသေး၏။ “ ပြန်လာပြီလားမောင်စံပြောင် ” ဟုမေးသောအခါ မပြန်ရသေးပါ ဆိုပါကလား။ ဟဲ့ဟဲ့....မဖြစ်။ မြန်မြန်ပြန်လာရန်မှာကြား၍ ပွဲနှင့် ပက်သက်သော ကျွန်တော်၏ အခြားလုပ်ငန်းဆောင်တာများကို ဆောင်ရွက်ပါသည်။ နေရာထိုင်ခင်းများစီစဉ်ခြင်း၊ အခမ်းအနားမှူးများမှာ မြန်မာလူမျိုးများမဟုတ်ကြရာ သူတို့ကို ဒိုးပတ်ဝိုင်းနှင့်ပက်သက်သည့် အသံထွက်များသင်ပေးခြင်း၊ ဒိုးပတ်ဝိုင်းနှင့်ပက်သက်သော အခြင်းအရာများကြေငြာရန်ကို သေချာအောင်လုပ်ခြင်းများစသည့် စသည့် ကိစ္စများကို ဆောင်ရွက်ပြီးသောအခါ ညနေလေးနာရီ ထိုးလုပြီဖြစ်သည်။


ဒိုးပတ်ဝိုင်းတော်သားများကို စိစစ်သောအခါ မောင်စံပြောင်မရောက်လာသေး။ ဖုန်းထပ်ဆက်ရပြန်သည်။ ကိုယ်တော်မြတ်က ပြန်လာတော်မမူသေးဆိုပါလား။ “ ဟဲ့..ကိစ္စအားလုံးကို ထားခဲ့တော့။ လူသာ ခုချက်ချင်းပြန်လာခဲ့ ” ဟု တစ်ချက်လွှတ်အမိန့်ထုတ်ရသည်။ “ဟုတ်ကဲ့” ဟုဆိုသော မောင်စံပြောင်ကို စိတ်မချ၍ ၁၀ မိနစ်ခန့်အကြာထပ်ဆက်ရာ မြို့ထဲမှာရှိဆဲ ဆို၏။ ကျွန်တော်လည်း ဆူပူ၍ “ခုပြန်လာခဲ့ဟ၊ စတော့မှာ” ဟုပြောမှ “ကျွန်တော်ခုချက်ချင်း တက္ကစီ ငှားပြန်ခဲ့မယ် အစ်ကို ” ဆိုသော စကားကို ရလေသည်။


လေးနာရီ၊ လေးနာရီ ဆယ့်ငါး၊ လေးနာရီခွဲ၊ လေးနာရီ လေးဆယ့်ငါး....။ လေးနာရီ ငါးဆယ်။ နာရီလက်တံများက တရွေ့ရေ့ွ၊ ကျွန်တော့်နှလုံးသားက တမြေ့မြေ့၊ မောင်စံပြောင်က တမေ့မေ့။ ကျွန်တော့ဒိုးပတ်အဖွဲ့သားများမှာလည်း မျက်စိ၊ မျက်နှာများပျက်၍ မျက်စိသူငယ်၊ နားသူငယ်နှင့်။ အမောင်လင်ကွင်းက မရောက်သေးသည်ကိုး။


ကျွန်တော်အားပေးရပါသည်။ “ ကိစ္စမရှိဘူး...။ သူအချိန်မှီရောက်လာမှာ။ တက္ကစီစင်းလုံးငှားပြီးလာနေပြီ။ အစ်ကိုလဲ အခမ်းအနားမှူးတွေကို အချိန်ဆွဲထားဖို့ သွားပြောထားမယ်...” စသည်၊ စသည်ဖြင့်။ တကယ်တမ်း စင်ပေါ်တက်ရမည့် အချိန်နှင့် ၅ မိနစ်ခန့်အလိုတွင် စံပြောင့်ကို ဆက်ရာ ကားပေါ်တွင်သာရှိသေးကြောင်းသိရသည်။ ကျွန်တော်ဘာလုပ်ရမည်နည်း။ ပရိသတ်နှင့် ကျွန်တော့ကို အားကိုးတကြီး ကြည့်နေသော ကျွန်တော့ အဖွဲ့သားများကို ကြည့်ကာ ကျွန်တော်ချွေးပြန်လာပါသည်။


မတတ်နိုင်။ ကျွန်တော်တတ်နိုင်တာ အကောင်းဆုံးလုပ်ရတော့မည်။ “ ကဲ...ငါ့လူတို့၊ ပွဲကတော့ ခုမှဖျက်လို့မရတော့ဘူး။ လင်ကွင်းမပါပဲ ဖြစ်အောင်သာတီးမှ ဖြစ်တော့မယ်။ လုပ်နိုင်ပါ့မလား ကိုယ့်လူတို့ ”

“ ချဗျာ...လုပ်ရတော့မှာပေါ့” ဟူူသောစကားကို ကျွန်တော့လူများက ပြောသောအခါ ကျွန်တော်လည်း သူတို့ အားမငယ်စေရန်အားပေးရင်း စင်ပေါ်တက်ခါနီးထိ စိတ်ဓါတ်ထက်သန်စေမည့် စကားများပြောနေလိုက်ပါသည်။ စိတ်ထဲတွင်တော့ စံပြောင်ကို ကျိန်ဆဲရင်း တထင့်ထင့်။


ဒိုးပတ်ဝိုင်းကြီး စင်ပေါ်တက်ပါပြီ။ စံပြောင်ကားရောက်မလာသေးချေတကား။


လင်ကွင်းမပါသော ဒိုးပတ်ဝိုင်းကြီး၏ “ ဒုံပတ်၊ ဒုံပတ်....ချမ်း မပါ ” အသံကို ကြားယောင်ကြည့်ပါ။ ဤသို့သော ဒိုးပတ်ဝိုင်းမျိုးကို နိုင်ငံတကာကျောင်းသားများရှေ့တွင် ကျွန်တော် တည်ခင်းခဲ့ဖူးပါသည်။ ကျွန်တော့ညီ စံပြောင်ငယ်၏ ကျေးဇူးဖြင့်ဖြစ်သည်။


ပရိသတ်၏ လက်ခုပ်သံများကို ရသော်လည်း ကျွန်တော်လိပ်ပြာမလုံလှပါ။ အဆိုးဆုံးအခြေအနေတွင် အကောင်းဆုံးလုပ်ခဲ့သော ကျွန်တော့လူများကို ချီးကျူးရင်း စံပြောင်ရောက်လာပါကလည်း ဝိုင်းအပြစ်မပြောကြဖို့ ပြောမိသည်။ သူ သုံးလလုံးလုံးလေ့ကျင့်ခဲ့ရသော လင်ကွင်းကို ပရိသတ်ရှေ့တွင် တီးပြခွင့်မရလိုက်ခြင်းသည်ပင် သူ့အတွက် ကြီးစွာသောစိတ်ထိခိုက်ဖွယ်ရာဟု ကျွန်တော်ခံစားမိသောကြောင့်ဖြစ်သည်။


တီးမှုတ်ဖျော်ဖြေမှုပြီးဆုံး၍ ဆယ်မိနစ်ခန့်အကြာတွင် ပုဆိုးကိုဆွဲ၍ လင်ကွင်းကိုပိုက်ကာ အူယားဖားလျားပြေးလာသော အလာကောင်းသော်လည်း အခါနှောင်းလေသည့် ကျွန်တော်တို့၏ ဇာတ်လိုက်ကျော်ကြီး မောင်စံပြောင်ကို အားလုံးတွေ့ကြရပေသတည်း......။

_____________________________________________________________________
စံေျပာင္ တစ္ေယာက္ ယခုရက္ပိုင္းအတြင္း အလြန္အင္မတန္ တက္ၾကြေနသည္။ သူ႔ကိုယ္သူလည္း အလြန္ေက်နပ္အားရေနပုံေပါက္သည္ကို ေတြ႔ရသည္။ စံေျပာင့္ကို ၾကည့္၍ ကြ်န္ေတာ္ကိုယ္တုိင္လည္း ေက်နပ္မိသည္။ တစ္ခုခုတြင္စိတ္ဝင္တစား အာရုံစိုက္၍ ဝီရိယအျပည့္ျဖင့္ အားၾကိဳးမာန္တက္ ၾကိဳးစားေနေသာ ကြ်န္ေတာ့ညီေလးမဟုတ္ပါလား။  ။

ဤ ဇာတ္လမ္းၾကီးကို စခဲ့သူမွာ ကြ်န္ေတာ္ျဖစ္၍ စံေျပာင္မွာ ကြ်န္ေတာ့အတြက္ ဇာတ္ေကာင္တစ္ေကာင္အျဖစ္ အားရဝမ္းသာ ဝင္ေရာက္ကျပေပးခဲ့ျခင္းျဖစ္သည္။ သူစိတ္ဝင္စားေသာ ဘာသာရပ္ႏွင့္ ကြ်န္ေတာ္ျဖစ္ေစလိုေသာအရာ ျဖစ္ေတာင့္ျဖစ္ခဲ့ တစ္သက္မွာတစ္ခါဆိုသလို ထပ္တူက်၍ စံေျပာင္ဝင္ေရာက္ ပါဝင္ေပးျခင္းျဖစ္၏။ ကြ်န္ေတာ္ ဒါရုိက္တာလုပ္၍ လက္စြမ္းျပရုိက္ကူးေသာ ဤဇာတ္ကားမဟာ၊ ခ်ာတာတာၾကီးတြင္ စံေျပာင္ ပါဝင္အစြမ္းျပခဲ့ပုံကို ၾကည့္ၾကပါဦးစို႔။

ကိစၥအားလုံး၏ အစကို ခလုပ္ႏွိပ္ဖြင့္လွစ္ေပးသူမွာ မစၥတာတီရုိ ျဖစ္သည္။ မစၥတာတီရုိဆိုသည္မွာ ကြ်န္ေတာ္တို႔ ေက်ာင္းေတာ္မဟာၾကီးမွ စာေပသင္ၾကားပို႔ခ်ေပးသူ၊ ေက်ာင္းအုပ္ခ်ဳပ္ေရးကိစၥမ်ားတြင္ ပါဝင္ရသူ ကြ်န္ေတာ္တို႔ ဆရာတစ္ဦးပင္ျဖစ္၏။ တစ္ေန႔တြင္ဆရာတီရုိက ကြ်န္ေတာ္ႏွင့္ အေပါင္းအပါအခ်ိဳ ႔ကိုေခၚေျပာ၏။ ေက်ာင္းတြင္ ႏုိင္ငံတကာအကမ်ားပါသည့္ ပြဲငယ္ေလးတစ္ခုလုပ္မည္ျဖစ္ရာ ကြ်န္ေတာ္တို႔ ျမန္မာေက်ာင္းသားမ်ားမွ ေဖ်ာ္ေျဖမွဳတစ္ခုပါဝင္ ေဖ်ာ္ေျဖေပးရန္ ဟူလို။ ကိစၥမရွိပါ။ ဒါမ်ိဳးက ကြ်န္ေတာ္တို႔ ျမန္မာေက်ာင္းသားမ်ား ပါဝင္လက္စြမ္းျပေနက် ျဖစ္သည္။ သၾကၤန္အကထည့္မလား၊ ပုဂံအကထည့္မလား၊ ဒုုိးပတ္ဝိုင္းထည့္မလား ဆုံးျဖတ္ရန္သာျဖစ္၏။ ဆရာတီရုိအား အာမဘေႏ ၱခံၿပီးေနာက္ ကြ်န္ေတာ္တို႔ ပါဝင္ေဖ်ာ္ေျဖဖို႔ ဆုံးျဖတ္သည္မွာ ဒိုးပတ္ဝိုင္းျဖစ္၏။

ဒိုးပတ္ဝုိင္းတစ္ခုတြင္ ဒိုးပတ္(ႏွစ္ဖက္တီးရသည့္ ဗုံတစ္မ်ိဳး)၊ ပေလြ၊ ဝါးလက္ခုပ္၊ လင္ကြင္း စသည့္တူရိယာမ်ားပါၿပီး ၿမိဳင္ၿမိဳင္ဆုိင္ဆုိင္တီးခတ္ပါက အလြန္ပင္ျမဴးကာ ဦးေရႊရိုး၊ ေဒၚမိုးပါ တြဲလုိက္လွ်င္ ႏုိင္ငံျခားသား ပရိသတ္ၾကိဳက္မည္မွာ အမွန္ပင္ျဖစ္သည္။ မည္သူေတြ တီးၾကမည္နည္း။ ကြ်န္ေတာ္တို႔ တီးမွဳတ္ကခုန္မည့္သူမ်ားကို လူစုေသာအခါ ကြ်န္ေတာ့ညီငယ္ စံေျပာင္က လင္ကြင္းတီးမည္ဟု အားတက္သေရာ စာရင္းေပးပါသည္။ အျခားေသာ သူမ်ားလည္း အသီးသီး၊ အသသ ပါဝင္ၾကရာ ဦးေရႊရိုးေဒၚမိုးအပါအဝင္ တီးမွဳတ္ကခုန္မည့္သူ ၉ ေယာက္တိတိရပါသည္။ အားတက္ဖြယ္ရာပင္။

သို႔ႏွင့္ပင္ ပြဲမဝင္ခင္ အျပင္ကက်င္းပ ဆိုသည့္အတိုင္း ဒုိးပတ္တိုက္ၾကရာ၊ စံေျပာင္ကပင္ ဦးစီးဦးေဆာင္၍ ေန႔စဥ္၊ အပတ္စဥ္ပင္ ျဖစ္ၾကသည္။ ပြဲမစမွီ သုံးလ အလုိကတည္းက ဒိုးပတ္တုိက္ေနေသာ ကြ်န္ေတာ့ညီစံေျပာင္တို႔ အဖြဲ႔ကို ၾကည့္၍ ကြ်န္ေတာ့မွာ အားရလွပါသည္။ အားကိုးလုိက္ရသည့္ ကြ်န္ေတာ္၏ညီေလး စံေျပာင္၊ ၾကိဳးစားလိုက္သည့္ ကြ်န္ေတာ္၏ညီေလး စံေျပာင္၊ စိတ္ဓါတ္ျပင္းထန္လွသည့္ ကြ်န္ေတာ္၏ ညီေလးစံေျပာင္ပါတကား။

စံေျပာင္ကိုုယ္တိုင္လည္း အလြန္ပင္ စိတ္ပါဝင္စားစြာ ဒုိးပတ္တိုက္ေနသည္ကို ေတြ႔ရပါသည္။ အလြန္ပင္ တက္ၾကြရႊင္လန္းေနသည္ကိုေတြ႔ရပါသည္။ ဝါးလက္ခုပ္ သုံးလက္၊ ဒုိးပတ္ ၂ လုံး ႏွင့္ ပေလြတစ္ေခ်ာင္းၾကားတြင္ လင္ကြင္းကို အခ်က္က်က်တီးရသည္မွာ ထင္သေလာက္မလြယ္ေပ။ တုိင္မင္ကုိက္ရန္အလြန္လို၏။ ကိစၥမရွိပါ။ စံေျပာင္ကိုယုံပါသည္။ သူသည္ ဂီတကိုလည္း ဝါသနာပါသူတစ္ေယာက္ျဖစ္ရုံမက ဂီတာကိုပင္ကြ်မ္းကြ်မ္းက်င္က်င္ျဖစ္ေအာင္ ေလ့က်င့္တီးခတ္ထားသူျဖစ္ေၾကာင္းကို ကြ်န္ေတာ္ေကာင္းေကာင္းသိသည္။သူစိတ္ပါဖို႔သာ လိုသည္။ ယခုလို တက္ၾကြေပ်ာ္ရႊင္စြာ၊ လူအမ်ားကို ဦးေဆာင္၍ ဒိုးပတ္တိုက္ေနသည္ကို ေတြ႔ရ၍ ကြ်န္ေတာ္အင္မတန္ ပီတိျဖစ္မိသည္။ ဒီလုိေတာ့လည္း ငါ့ညီေလးက တယ္ဟုတ္ပါလားဟု........။

ဤသို႔ျဖင့္....... ႏုိင္ငံတကာေက်ာင္းသားမ်ားႏွင့္ ဆရာမ်ားကို တီးမွဳတ္ေဖ်ာ္ေျဖမည့္ေန႔သို႔ ေရာက္၍လာပါၿပီ။

ပြဲမွာ ညေန ၄ နာရီတြင္စ၍ ကြ်န္ေတာ္တို႔က ညေန ၅ နာရီတြင္ ေဖ်ာ္ေျဖရမည္ျဖစ္သည္။ မနက္ပို္င္းတြင္ ေက်ာင္းမွ ပေရာဂ်က္တစ္ခုအတြက္ ၿမိဳ ႔ထဲသိ႔ုသြားစရာရွိသည္ဟု စံေျပာင္ကဆိုလာေလသည္။ “ အင္း...ေမာင္စံေျပာင္၊ သြားစရာရွိတာေတာ့ သြား၊ ၃ နာရီေလာက္ေတာ့ အေရာက္ျပန္ခ့ဲ ” ဟု ကြ်န္ေတာ္ မွာလိုက္ရာ ေမာင္စံေျပာင္လည္း “ စိတ္ခ် အစ္ကို၊ ကြ်န္ေတာ္ကလည္း တအားကုိ တီးျပခ်င္ေနတာ ” ဟုဆိုကာ ေပ်ာ္ရႊင္တက္ၾကြစြာထြက္ခြာသြားေလသတည္း။

သုိ႔ႏွင့္...... ညေန သုံးနာရီသို႔ ဆုိက္ေရာက္လာရာ ကြ်န္ေတာ္ ပထမဆုံး သတိရသည့္သူမွာ ကြ်န္ေတာ့ညီငယ္ စံေျပာင္ပင္ျဖစ္သည္။ ျပန္ေရာက္မလာေသး။ ဒီငတိက သတိေပးမွဳလုိသည့္ငတိေလးမွန္း ကြ်န္ေတာ္သိၿပီးသားျဖစ္သည္။ ဖုန္းလွမ္းဆက္လုိက္သည္။ မကိုင္။ ဘုရား တလိုက္မိပါေသးသည္။

ခနေစာင့္ၿပီးေနာက္ ေနာက္တစ္ၾကိမ္ဆက္ေသာအခါ အႏွီေကာင္ေလးက ဖုန္းကိုင္သည္။ေတာ္ပါေသး၏။ “ ျပန္လာၿပီလားေမာင္စံေျပာင္ ” ဟုေမးေသာအခါ မျပန္ရေသးပါ ဆိုပါကလား။ ဟဲ့ဟဲ့....မျဖစ္။ ျမန္ျမန္ျပန္လာရန္မွာၾကား၍ ပဲြႏွင့္ ပက္သက္ေသာ ကြ်န္ေတာ္၏ အျခားလုပ္ငန္းေဆာင္တာမ်ားကို ေဆာင္ရြက္ပါသည္။ ေနရာထုိင္ခင္းမ်ားစီစဥ္ျခင္း၊ အခမ္းအနားမွဴးမ်ားမွာ ျမန္မာလူမ်ိဳးမ်ားမဟုတ္ၾကရာ သူတို႔ကို ဒုိးပတ္ဝို္င္းႏွင့္ပက္သက္သည့္ အသံထြက္မ်ားသင္ေပးျခင္း၊ ဒိုးပတ္ဝုိင္းႏွင့္ပက္သက္ေသာ အျခင္းအရာမ်ားေၾကျငာရန္ကို ေသခ်ာေအာင္လုပ္ျခင္းမ်ားစသည့္ စသည့္ ကိစၥမ်ားကို ေဆာင္ရြက္ၿပီးေသာအခါ ညေနေလးနာရီ ထိုးလုၿပီျဖစ္သည္။

ဒိုးပတ္ဝုိင္းေတာ္သားမ်ားကို စိစစ္ေသာအခါ ေမာင္စံေျပာင္မေရာက္လာေသး။ ဖုန္းထပ္ဆက္ရျပန္သည္။ ကိုယ္ေတာ္ျမတ္က ျပန္လာေတာ္မမူေသးဆိုပါလား။ “ ဟဲ့..ကိစၥအားလုံးကို ထားခဲ့ေတာ့။ လူသာ ခုခ်က္ခ်င္းျပန္လာခဲ့ ” ဟု တစ္ခ်က္လႊတ္အမိန္႔ထုတ္ရသည္။ “ဟုတ္ကဲ့” ဟုဆုိေသာ ေမာင္စံေျပာင္ကို စိတ္မခ်၍ ၁၀ မိနစ္ခန္႔အၾကာထပ္ဆက္ရာ ၿမိဳ ႔ထဲမွာရွိဆဲ ဆို၏။ ကြ်န္ေတာ္လည္း ဆူပူ၍ “ခုျပန္လာခဲ့ဟ၊ စေတာ့မွာ” ဟုေျပာမွ “ကြ်န္ေတာ္ခုခ်က္ခ်င္း တကၠစီ ငွားျပန္ခဲ့မယ္ အစ္ကို ” ဆိုေသာ စကားကို ရေလသည္။

ေလးနာရီ၊ ေလးနာရီ ဆယ့္ငါး၊ ေလးနာရီခဲြ၊ ေလးနာရီ ေလးဆယ့္ငါး....။ ေလးနာရီ ငါးဆယ္။ နာရီလက္တံမ်ားက တေရြ႔ေရ႔ြ၊ ကြ်န္ေတာ့္ႏွလုံးသားက တေျမ့ေျမ့၊ ေမာင္စံေျပာင္က တေမ့ေမ့။ ကြ်န္ေတာ့ဒိုးပတ္အဖြဲ႔သားမ်ားမွာလည္း မ်က္စိ၊ မ်က္ႏွာမ်ားပ်က္၍ မ်က္စိသူငယ္၊ နားသူငယ္ႏွင့္။ အေမာင္လင္ကြင္းက မေရာက္ေသးသည္ကိုး။

ကြ်န္ေတာ္အားေပးရပါသည္။ “ ကိစၥမရွိဘူး...။ သူအခ်ိန္မွီေရာက္လာမွာ။ တကၠစီစင္းလုံးငွားၿပီးလာေနၿပီ။ အစ္ကုိလဲ အခမ္းအနားမွဴးေတြကို အခ်ိန္ဆဲြထားဖုိ႔ သြားေျပာထားမယ္...” စသည္၊ စသည္ျဖင့္။ တကယ္တမ္း စင္ေပၚတက္ရမည့္ အခ်ိန္ႏွင့္ ၅ မိနစ္ခန္႔အလိုတြင္ စံေျပာင့္ကို ဆက္ရာ ကားေပၚတြင္သာရွိေသးေၾကာင္းသိရသည္။ ကြ်န္ေတာ္ဘာလုပ္ရမည္နည္း။ ပရိသတ္ႏွင့္ ကြ်န္ေတာ့ကို အားကိုးတၾကီး ၾကည့္ေနေသာ ကြ်န္ေတာ့ အဖြဲ႔သားမ်ားကို ၾကည့္ကာ ကြ်န္ေတာ္ေခြ်းျပန္လာပါသည္။

မတတ္ႏုိင္။ ကြ်န္ေတာ္တတ္ႏုိင္တာ အေကာင္းဆုံးလုပ္ရေတာ့မည္။ “ ကဲ...ငါ့လူတို႔၊ ပြဲကေတာ့ ခုမွဖ်က္လုိ႔မရေတာ့ဘူး။ လင္ကြင္းမပါပဲ ျဖစ္ေအာင္သာတီးမွ ျဖစ္ေတာ့မယ္။ လုပ္ႏုိ္င္ပါ့မလား ကို္ယ့္လူတို႔ ”
“ ခ်ဗ်ာ...လုပ္ရေတာ့မွာေပါ့” ဟူူေသာစကားကိုု ကြ်န္ေတာ့လူမ်ားက ေျပာေသာအခါ ကြ်န္ေတာ္လည္း သူတို႔ အားမငယ္ေစရန္အားေပးရင္း စင္ေပၚတက္ခါနီးထိ စိတ္ဓါတ္ထက္သန္ေစမည့္ စကားမ်ားေျပာေနလုိက္ပါသည္။ စိတ္ထဲတြင္ေတာ့ စံေျပာင္ကို က်ိန္ဆဲရင္း တထင့္ထင့္။

ဒုိးပတ္ဝုိင္းၾကီး စင္ေပၚတက္ပါၿပီ။ စံေျပာင္ကားေရာက္မလာေသးေခ်တကား။

လင္ကြင္းမပါေသာ ဒိုးပတ္ဝုိင္းၾကီး၏ “ ဒုံပတ္၊ ဒုံပတ္....ခ်မ္း မပါ ” အသံကိုု ၾကားေယာင္ၾကည့္ပါ။ ဤသို႔ေသာ ဒိုးပတ္ဝိုိင္းမ်ိဳးကို ႏုိင္ငံတကာေက်ာင္းသားမ်ားေရွ ႔တြင္ ကြ်န္ေတာ္ တည္ခင္းခဲ့ဖူးပါသည္။ ကြ်န္ေတာ့ညီ စံေျပာင္ငယ္၏ ေက်းဇူးျဖင့္ျဖစ္သည္။

ပရိသတ္၏ လက္ခုပ္သံမ်ားကို ရေသာ္လည္း ကြ်န္ေတာ္လိပ္ျပာမလုံလွပါ။ အဆိုးဆုံးအေျခအေနတြင္ အေကာင္းဆုံးလုပ္ခဲ့ေသာ ကြ်န္ေတာ့လူမ်ားကို ခ်ီးက်ဴးရင္း စံေျပာင္ေရာက္လာပါကလည္း ဝို္င္းအျပစ္မေျပာၾကဖို႔ ေျပာမိသည္။ သူ သုံးလလုံးလုံးေလ့က်င့္ခဲ့ရေသာ လင္ကြင္းကို ပရိသတ္ေရွ ႔တြင္ တီးျပခြင့္မရလုိက္ျခင္းသည္ပင္ သူ႔အတြက္ ၾကီးစြာေသာစိတ္ထိခို္က္ဖြယ္ရာဟု ကြ်န္ေတာ္ခံစားမိေသာေၾကာင့္ျဖစ္သည္။

တီးမွဳတ္ေဖ်ာ္ေျဖမွဳၿပီးဆုံး၍ ဆယ္မိနစ္ခန္႔အၾကာတြင္ ပုဆိုးကိိုဆဲြ၍ လင္ကြင္းကိုပိုက္ကာ အူယားဖားလ်ားေျပးလာေသာ အလာေကာင္းေသာ္လည္း အခါေႏွာင္းေလသည့္ ကြ်န္ေတာ္တို႔၏ ဇာတ္လိုက္ေက်ာ္ၾကီး ေမာင္စံေျပာင္ကို အားလုံးေတြ႔ၾကရေပသတည္း......။