စိတ္ညစ္ရင္ ဘယ္သူ႔ကို သတိရၾကလဲ

စိတ္ညစ္တဲ့ အခ်ိန္မွာ ဘယ္သူ႔ကို သတိရတတ္ၾကသလဲဆိုေတာ့ တစ္ေယာက္နဲ႔ တစ္ေယာက္မတူတတ္ၾကပါဘူး။ ဘယ္သူ႔ကို အမ်ားဆုံး သတိရတတ္ၾကမယ္လို႔ေရာ ထင္ပါသလဲ။ လူေတြ စိတ္ညစ္တဲ့အခ်ိန္၊ အားကိုးရာမဲ့တဲ့အခ်ိန္မွာ အမ်ားဆုံး ဘယ္သူ႔ကို သတိရတတ္ၾကမလဲ။ လူအားလုံး သတိရတတ္ၾကတာကေတာ့ ကိုယ့္ကို အျမဲတမ္း ေမတၱာရွိေနမယ့္၊ ကိုယ္ဆိုးဆိုး၊ ေကာင္းေကာင္း ကိုယ့္အေပၚ အျမဲခ်စ္ေန၊ ေမတၱာရွိေနမယ့္၊ ကိုယ္မွာေပ်ာ္စရာရွိရင္မွ်ေဝေပးခ်င္ၿပီး၊ ဝမ္းနည္းစရာဆိုရင္ကိုယ့္အေပၚနားလည္စာနာေပးႏုိင္မယ့္သူမ်ိဳးကိုပါ။

အမ်ားစုက သတိရတတ္ၾကတာကေတာ့ အေမပါ။ ဟုတ္ပါတယ္။ ကိုယ့္အေပၚအျမဲ ေမတၱာနဲ႔ ခ်စ္ေနမယ့္သူက အေမျဖစ္တတ္ၾကလို႔ပါ။ လူေတြ စိတ္ဆင္းရဲစရာ၊ ဝမ္းနည္းစရာ၊ ေၾကာက္စရာနဲ႔ ၾကံဳလာတဲ့အခါ အေမကို တၾကပါတယ္။ ခလုပ္ထိမွ အမိတေပါ့။ ေျပာရရင္ အသက္ဘယ္ေလာက္ပင္ ၾကီးပါေစ၊ ဘယ္ေနရာ၊ ဘယ္ဌာနကိုပင္ ေရာက္ပါေစ၊ အေရးၾကံဳရင္ အေမကို သတိရတတ္ၾကတာပါ။ ေဆးရုံမွာ မီးဖြားတဲ့ လူနာေတြေတြ႔ဖူးပါတယ္။ ဘယ္ႏွစ္ေယာက္ေျမာက္ကေလးကိုပဲ ေမြးေမြး၊ အေမကို "တ" ရင္းနဲ႔ မီးဖြားၾကပါတယ္။ "အေမေရ.....နာတယ္၊ ကယ္ပါဦး "ဆိုတဲ့ စကားကို ေအာ္ရင္းနဲ႔ မိခင္ေလာင္းေတြဟာ ေနာင္တစ္ခ်ိန္မွာ သူတို႔ကိုျပန္ "တ" မယ့္ ကေလးေတြကို ေမြးဖြားၾကပါတယ္။ ဒါျဖင့္ အသက္အရမ္းၾကီးတဲ့လူေတြေရာ ဘယ္သူ႔ကို "တ" ၾကလဲ။ သူတိ႔ုလဲ မထူးပါဘူး။ အသက္ဘယ္ေလာက္ၾကီးၾကီး အေရးအေၾကာင္းဆို အေမကို "တ" ၾကပါတယ္။ ကြ်န္ေတာ့္ ဂ်ီးေဒၚၾကီးတစ္ေယာက္ ေလနာေရာဂါရတဲ့အခါ အသက္ေျခာက္ဆယ္ေက်ာ္ၾကီးနဲ႔ " အေမေရ နာတယ္ " ဆိုၿပီး ဆုံးသြားတာ အလြန္ၾကာၿပီျဖစ္တဲ့ သူ႔အေမကို "တ" ေနတာၾကံဳဖူးပါတယ္။

ကဲ...ဘာလို႔ အေရးဟယ္၊ အေၾကာင္းဟယ္ဆိုရင္ အေမကို တ ၾကတာလဲ စဥ္းစားၾကည့္ရေအာင္။ ဘာလို႔ အေဖကိုေတာ့ မ "တ" လဲေပါ့။ တစ္ကယ္ဆို အေဖနဲ႔ အေမမွာ အေဖက ပိုသန္မာတာပဲ။ အိမ္ေထာင္ဦးစီး၊ အရာရာကို စနစ္တက် ဆုံးျဖတ္တတ္ယုံမက ကိုယ့္ကို ကယ္တင္ေပးႏုိင္တဲ့ အစြမ္းအစ၊အရည္အခ်င္း ပိုရွိတဲ့လူပဲ။ ဘာလို႔မ "တ" ၾကလဲ။

ဘာလို႔လဲဆိုေတာ့ အေမကကိုယ့္အေပၚမွာ ကရုဏာတရား ပိုၾကီးလို႔ပါ။ ကိုယ္ဝမ္းနညး္၊ ထိခိုက္ရင္ ပိုၿပီးေတာ့ စာနာေပးတတ္လို႔ပါ။ ဆိုပါေတာ့ ကြ်န္ေတာ့တို႔ ငယ္ငယ္ က လမ္းေလွ်ာက္ရင္း ခလုပ္တိုက္လဲတယ္ေပါ့။ အေဖကေျပာပါတယ္။ ငါ့သား..ေယာက္်ားကြ။ ထ ထ လို႔ အားေပးပါတယ္။ အေမကေတာ့ ဟယ္..ငါ့သားေလးဘယ္နားနာသြားလဲ ဆိုၿပီး ေျပးလာထူတတ္ပါတယ္။ အေဖက ေလာက အေတြ႔အၾကံဳပုိရွိတတ္သူျဖစ္လို႔ သူလုပ္တာ ကေလးအတြက္မွန္ေပမယ့္၊ ကေလးကေတာ့ ကိုယ့္ကို ပ်ာပ်ာသလဲေျပးလာထူတဲ့ အေမကို ပိုတြယ္တာသြားပါတယ္။ ဒီလိုနဲ႔ အျဖစ္အပ်က္ေပါင္းမ်ားစြာကို ျဖတ္ေက်ာ္ၿပီး ကြ်န္ေတာ္တို႔ ၾကီးျပင္းလာတဲ့ အခါ မသိစိတ္ထဲမွာ စြဲသြားပါတယ္။ အေမဟာ ကိုယ္ဝမ္းနည္းရင္ ကုိယ္နဲ႔လိုက္ငိုမယ့္သူတစ္ေယာက္။ ကုိယ္ စိတ္ညစ္စရာေတြကို မွ်ေဝပူပန္ေပးမယ့္ သူတစ္ေယာက္ဆိုတာကိုပါ။
ဒီလိုနဲ႔ပဲ ေျဖရွင္းမရတဲ့အခက္အခဲေတြနဲ႔ ၾကံဳတဲ့အခါ၊ ဝမ္းနည္း အားငယ္ အထီးက်န္မွဳေတြနဲ႔ ဆုံတဲ့အခါ ကြ်န္ေတာ္တို႔ေတြ အေမကို သတိရလာတတ္ၾကပါတယ္။

ကြ်န္ေတာ္လဲ ျပႆနာေပါင္းေျမာက္မ်ားစြာနဲ႔ ရင္ဆိုင္ေတြ႔ခဲ့ဖူးပါတယ္။ ေအာင္ျမင္တဲ့အခါရွိသလို၊ ရွံဳးနိမ့္တဲ့အခါေတြလဲ အလီလီေပါ့။ ျပႆနာေတြနဲ႔ ေတြ႔လို႔ ကြ်န္ေတာ္ရွင္းေတာ့မယ္ဆိုရင္ စဥ္းစားပါတယ္။ ေဖေဖဆိုရင္ ဘယ္လိုရွင္းမလဲဆိုၿပီးေတာ့ပါ။ ေတာ္ရုံတန္ရုံ အရွံဳးဆိုရင္လည္း ေဖေဖကေတာ့ ဒီေလာက္နဲ႔ အရွံဳးေပးမွာ မဟုတ္ဘူးကြ ဆိုၿပီး ကြ်န္ေတာ္သည္းခံၿပီးဆက္လုပ္တတ္ပါတယ္။ အဲ....ေနာက္ဆုံး မရွဴႏိုင္၊ မကယ္ႏုိင္နဲ႔ ဒုကၡလဲေတြ႔ေရာ မ်က္ရည္ျဖိဳင္ျဖိဳင္က်ၿပီး ေမေမ၊ ေမေမ နဲ႔ အေမကို "တ" ရေတာ့တာပါပဲ။ ေမေမက ဘာမွ လုပ္ေပးႏုိင္လုိ႔ မဟုတ္ပါဘူး။ ေမေမ့ရဲ ႔ ဂရုဏာကို တမ္းတတာပါ။ လူအားလုံးလဲ ဒီလိုပဲ လုိ႔ ကြ်န္ေတာ္ထင္ပါတယ္။ ဒါေၾကာင့္သာ လူေတြက ဝမ္းနည္းစရာေတြ၊ စိတ္ညစ္စရာေတြ၊ အားငယ္စရာေတြနဲ႔ ၾကံဳရင္ အေမကို တမ္းတ တတ္တာပါ။

အကယ္၍ ကြ်န္ေတာ္တို႔ ဝမ္းနည္း၊စိတ္ညစ္၊ အထီးက်န္၊ အားငယ္တဲ့အခါ အေဖ၊ အေမ အျပင္ တျခားသူတစ္ေယာက္ကုိပါ သတိရတယ္ဆိုရင္ေတာ့ အဲဒီလူကို ကြ်န္ေတာ္တို႔ ေကာင္းေကာင္းတန္ဖိုးထားသင့္ပါၿပီ။ ဘာလို႔လဲဆိုေတာ့ အဲဒီလူဟာလဲ ကြ်န္ေတာ္တို႔ရဲ ႔ ဝမ္းနည္း၊ ဝမ္းသာမွဳေတြကို မွ်ေဝေပးႏိုင္တဲ့၊ ကိုယ္က်ရွံဳးရင္ ကိုယ့္ကို အားေပးႏုိင္တဲ့၊ ကုိယ့္ကို စစ္မွန္ေသာ ေမတၱာဂရုဏာ ေတြထားရွိတဲ့ သူတစ္ေယာက္ျဖစ္လို႔ပါ။ ဒါေၾကာင့္သာ ကြ်န္ေတာ္တို႔ အားကိုးတၾကီး သတိရ တမ္းတတတ္ ၾကတာမဟုတ္လား။

နိဂံုးခ်ဴပ္ေျပာရရင္ေတာ့ ေလာကမွာ ကုိယ့္အေပၚဂရုဏာၾကီးမားတဲ့ မိဘ၊ ဆရာသမား ဘယ္သူကိုမဆို ရွိေနခ်ိန္မွာ ေကာင္းေကာင္းတန္ဖိုး ထားသင့္ပါတယ္။ ကိုယ္ကုိယ္တိုင္လဲ သူမ်ားအေပၚဂရုဏာထားႏိုင္သူမ်ားျဖစ္ေအာင္ ၾကိဳးစားႏုိင္ပါက ပိုေကာင္းပါတယ္။ ကြ်န္ေတာ္ေတြးမိသမွ်ေလးပါ။
ေမေမ၊ ေဖေဖ၊ ကမာၻေပၚက မိခင္၊ဖခင္တိုင္းနဲ႔ ဂရုဏာတရားၾကီးမားသူအားလုံး စိတ္၏ခ်မ္းသာျခင္း၊ ကိုယ္၏က်န္းမာျခင္းနဲ႔ ျပည့္စုံၾကပါေစ။

အသက္အရြယ္နဲ႔ ဘဝအျမင္

ဟိုး..ငယ္ငယ္.... ကေလးဘဝတုံးက ထင္ခဲ့ဘူးတယ္။ ဘဝမွာ ေပ်ာ္ရႊင္မွဳက အေရးအၾကီးဆုံးလို႔။

ေနာက္နည္းနည္းေလး အသက္ၾကီးလာေတာ့ အေတြးအေခၚ ေျပာငး္သြားတယ္။ ေအာင္ျမင္မွဳေလာက္ ဘဝမွာ အေရးပါတာ မရွိဘူးေပါ့။

ဒီထက္ နည္းနည္းပိုၾကီးလာေတာ့ ေပ်ာ္ရႊင္မွဳရွိဖို႔က ဘဝမွာ ပိုအဓိကက်တယ္ ျဖစ္လာျပန္ေရာ။

ေနာက္ဆုံးသိထားတဲ့ အသိကေတာ့ အဲလို မဟုတ္ေတာ့ျပန္ဘူး။ ဘဝမွာ အမွန္တကယ္ အေရးပါတာေတြက ေအာင္ျမင္မွဳတစ္ခုထဲလဲမဟုတ္၊ ေငြေၾကးခ်မ္းသာတာတစ္ခုထဲလဲမဟုတ္၊ ေက်ာ္ၾကားတာလဲမဟုတ္၊
ေအာင္ျမင္ေက်ာ္ၾကားခ်မ္းသာတာလဲ မဟုတ္တာေတာ့ ေသခ်ာတယ္။ ဒါျဖင့္ ဘာလဲဆိုေတာ့

ဘဝမွာ ေအာင္ျမင္မွဳေတြ ဘယ္ေလာက္ရရ၊ အတူတူ မွ်ေဝခံစားေပးမယ့္လူေတြ မရွိရင္ ေပ်ာ္ရႊင္မွဳဆိုတာ ပါးပါးေလးပါပဲ။ ေအာင္ျမင္မွဳေတြကို ကိုယ္ခ်စ္တဲ့သူေတြနဲ႔ ေပ်ာ္ေပ်ာ္ရႊင္ရႊင္မွ်ေဝခံစားႏုိင္မွသာလွ်င္ တကယ္အဓိပၸါယ္ရွိတဲ့ဘဝ၊ ျပည့္စုံသာယာတဲ့ဘဝ ျဖစ္ပါလိမ့္မယ္ဆိုတဲ့အေၾကာင္း။

ခုေလာေလာဆယ္ေတာ့ ဘဝမွာ စိတ္ခ်မ္းသာေအာင္ ဘယ္လိုေနရမလဲဆိုတာကုိပဲ ၾကိဳးစားေလ့လာေနျဖစ္ပါေလရဲ ႔ ။

Some motivational words for me

No life is perfect.......

Everyone is suffering from something........

Juz the intensity of suffering is different depends on how you see it........

So......

stop complaining,

wake up from dreams,

grab the reality

&

Do your Best !

ဒုကၡဟူေသာ ဆင္းရဲျခင္း

ဒီေန႔လဲ မနက္အေစာၾကီး ႏုိးေနခဲ့ျပန္တယ္။ ကြန္ျပဴတာကို ဖြင့္ၿပီးစာေရးမယ္လုပ္ေနတုံး ဥၾသငွက္တစ္ေကာင္ရဲ႔ တေၾကာ္ေၾကာ္ေအာ္ေနသံကို ကားသံေတြၾကားထဲမွာ ထူးထူးဆန္းဆန္းၾကားေနရလုိက္ရျပန္ရဲ ႔။ ဥၾသငွက္ကေလးရဲ ႔ အသံက လြမ္းလြမ္းေဆြးေဆြးေနနဲ႔ ေတာ္ေတာ္ အထီးက်န္ေနရွာတာပဲ လို႔ ခံစားလိုက္ရတယ္။ သူ႔မွာ ခံစားစရာေတြမ်ား ရွိေနေရာ႔သလား။ ငွက္လဲ ငွက္အေလ်ာက္ေတာ့ ငွက္ဒုကၡေတြ ရွိရွာမွာေပါ့။

တစ္ကယ္ေတာ့ လူေတြကေရာ....။ လူတုိင္းမွာလဲ ဒုကၡေတြကိုယ္စီ ရွိေနၾကတာပဲ။ ကိုယ္ဒုကၡကိုမွ ဒုကၡၾကီးလို႔ ထင္ေနတတ္ၾကတာကေတာ့ထုံးစံပါ။ အဲ.....ကိုယ္တုိင္ခံစားဖူးရင္ေတာ့ သူမ်ားကို နည္းနည္းပိုၿပီး ကိုယ္ခ်င္းစာ တတ္လာမွာေပါ့။ ဗုဒၶေဟာတဲ့ ဒုကၡသစၥာကုိ ၾကည့္ရင္ေတာ့ မေမြးခင္ အမိဝမ္းထဲမွာကတည္းက ဒုကၡေတြစခဲ့တာကို ေတြ႔ရမွာပါ။ ဒါေပမယ့္လဲ စာေပက စာေပ၊ လူက လူပါပဲ။ ကိုယ္တုိင္မၾကံဳမခ်င္းေတာ့ ဘယ္သူမွ ဒုကၡရဲ ႔ အဓိပၸါယ္ကို ေသခ်ာမသိပါဘူး။

ဥပမာေျပာရရင္ အခု လူေတာ္ေတာ္မ်ားမ်ားခံစားေနရတဲ့ ဒုကၡႏွစ္ခုေပါ့။ ခ်စ္ေသာသူတို႔နဲ႔ ေကြကြင္းရျခင္းဒုကၡ နဲ႔ လိုခ်င္ေတာင့္တအပ္သည္ကို မရျခင္း ဒုကၡ....။ လူဟာ အသက္ၾကီးလာတာနဲ႔ အမွ် ဒီဒုကၡေတြကို မလြဲမေသြၾကံဳလာရမွာပါ။ အဲဒီအခါ စြဲလမ္းတဲ့ အတုိင္းအတာကို လုိက္ၿပီး ခံစားရတဲ့ ဒုကၡ အၾကီးအေသးက အမ်ားၾကီး ကြာသြားျပန္ပါတယ္။

တစ္စုံတစ္ခုကို အရမ္းစြဲလမ္းၿပီး မရေတာ့တဲ့ အခါမ်ိဳးမွာ ခံစားရတာကို ကိုယ္ခ်င္းစာတတ္ၾကပါသလား။ တစ္စုံတစ္ခုကို ဆုံးရွံဳးလုိက္ရလို႔ အျပင္းအထန္ ခံစားရတာမ်ိဳးကိုေရာ ၾကံဳဖူးၾကပါသလား။ ဘယ္ေလာက္ပဲ ကိုယ္ခ်င္းစာေပးတယ္ေျပာေျပာ ကိုယ္တိုင္မခံစားဖူးရင္ အဲဒီဒုကၡေတြကို ဂဃနဏ ခံစားနားလည္ၿပီး မသိႏုိင္ပါဘူး။

ဗုဒၶစာေပထဲက မပဋာ ေယာက္်ားေျမြကိုက္၊ သားၾကီးေရေျမာ၊ သားငယ္စြန္ခ်ီခံရတဲ့ ပဋာေျမလူးဒုကၡ ဆိုတာက ဘယ္ႏွစ္ခါဖတ္ဖတ္ ကိုယ္တိုင္မခံစားဖူးရင္ ေၾသာ္ သနားပါတယ္ ဆိုတာေလာက္နဲ႔ ၿပီးသြားတာပါ။ ဒုကၡကို မၾကံဳဖူးရင္ ဒုကၡေၾကာင့္ရူးသြားတယ္ ဆိုတာကို ခံစားေပးတတ္မယ္ မထင္ပါဘူး။

ကိုယ္ျမတ္ႏုိးတဲ့ တစ္စုံတစ္ခုကို ဆုံးရွံဳးလိုက္ရၿပီလို႔ သိရတဲ့ အခါမ်ိဳးမွာ ႏွလုံးခုန္ေတြ တျဖည္းျဖည္း ျမန္လာတတ္ပါတယ္။ ေပါက္ထြက္သြားမလားလို႔ ထင္ရမတတ္ ႏွလုံးေတြခုန္လာတတ္ပါတယ္။ စိတ္အရမ္းေပ်ာ့ၿပီး ခံစားခ်က္ျပင္းထန္လြန္းတဲ့လူဆိုရင္ မူးေမ့သြားတဲ့ အထိျဖစ္တတ္ပါတယ္။ အိပ္လို႔လဲ မေပ်ာ္ႏုိင္သလို၊ စားလို႔လဲ မဝင္ပါဘူး။ သိပ္ဆိုးရင္ ရင္ဘတ္ထဲက ေအာင့္ၿပီး ဗိုက္ထဲက အစာေတြပါ ျပန္အန္ထြက္တဲ့ အထိျဖစ္တတ္ပါတယ္။ အဲဒီအခ်ိန္မ်ိဳးမွာ ရည္မွန္းခ်က္ဆိုတာမ်ိဳးေတြလဲ ေပ်ာက္သြားၿပီး ဒီစိတ္တစ္ခုထဲနဲ႔ ဘာကိုမွ အေရးမစိုက္ျဖစ္လာပါတယ္။ တအားခံစားရလြန္းရင္ ရူးသြားတယ္ ဆိုတာ ဟုတ္မွာပါ။ မိတ္ေဆြ၊ သူငယ္ခ်င္းေကာင္း ေတြ၊ မိဘေဆြမ်ိဳးေတြက ေဖးမေပးရင္ေတာ့ သက္သာႏုိင္ပါတယ္။ လူၾကီးသူမေတြကေတာ့ ဒီဒုကၡေတြကို ေက်ာ္လႊားခဲ့ဖူးလို႔ ရင့္က်က္လာၾကတာ ေနမွာပါ။

ဒါက ခ်က္ခ်င္းခံစားရတာကို ေျပာတာပါ။ ေရရွည္ခံစားရတဲ့ ဆိုးက်ိဳးေတြရွိပါေသးတယ္။ လူက မတက္ၾကြေတာ့တာ၊ အာရုံစူးစုိက္မွဳေတြ ေလ်ာ႔သြားတာ၊ဘာပဲလုပ္လုပ္ ေခါင္းထဲမွာ အဲဒီကိစၥပဲေရာက္ေနတာ၊တျခား ဘာကိုမွ အေလးမထားခ်င္ေတာ့တာ၊ ကိုယ့္ဘဝကိုယ္ ေရစုန္ေမ်ာခ်င္ေလာက္ေအာင္ ျဖစ္သြားတာ၊ ဘယ္အရာကမွ ေပ်ာ္ရႊင္ေအာင္ မလုပ္ေပးႏုိင္ေတာ့တာ၊ ရည္မွန္းခ်က္ေတြ ေပ်ာက္သြားတာ၊ ဘဝရဲ ႔ အဓိပၸါယ္ေတြ ေပ်ာက္ဆုံးသြားသလိုမ်ိဳး ခံစားရတာ၊ စတာေတြပါ။

အဲဒီ ဒုုကၡေတြနဲ႔ ၾကံဳခဲ့ရတဲ့ လူတစ္ေယာက္ကိုေတြ႔ဖူးပါတယ္။ နာဂစ္မုန္တိုင္း တုိက္ၿပီးခါစက ဧရာဝတီျမစ္ဝကြ်န္းေပၚေဒသမွာပါ။ မုန္တုိင္းထဲမွာ သူ႔မိန္းမ၊ ဘြဲ႔ရၿပီးလို႔ ရန္ကုန္မွာ အလုပ္လုပ္ေနရာက အလည္ျပန္လာတဲ့ ကေလးႏွစ္ေယာက္၊ ခ်မ္းသာသမွ် ပစၥည္းဥစၥာ၊ အကုန္ပါသြားတာပါ။ ေန႔တုိင္း အရက္ေသာက္ၿပီး သူ႔ဒုကၡေတြကို ေမ့ဖို႔ၾကိဳးစားေနရွာပါတယ္။က်န္ခဲ့တဲ့ အငယ္ဆုံး ကေလးေလးတစ္ေယာက္သာ မရွိခဲ့ရင္ သူ အသက္ေတာင္ ဆက္ရွင္ဖို႔ စိတ္မရွိေတာ့ဘူးလို႔ ဆိုပါတယ္။ ဟုတ္မွာပါ။ ခ်စ္ေသာသူမ်ားနဲ႔ ေကြကြင္းရျခင္း ဒုကၡဆိုတာက အဲဒီေလာက္ဆိုးပါတယ္။ ဒါေၾကာင့္လဲ ဗုဒၶက ဆင္းရဲျခင္း အမွန္တရားလို႔ ဆိုခဲ့တာပါ။

လြန္ခဲ့တဲ့ႏွစ္ႏွစ္ေက်ာ္ေက်ာ္ေလာက္က ကြ်န္ေတာ္ေတြ႔ခဲ့ရတဲ့ လူတစ္ေယာက္ပါ။ ခုခ်ိန္မွာ သူနာလန္ျပန္ထူေနၿပီလားဆိုတာ ကြ်န္ေတာ္မသိပါဘူး။ ဒါေပမယ့္ အဲဒီဒဏ္ရာက သူ႔ကို တစ္သက္လုံး ဒုကၡေပးေနေတာ့မယ္ ဆိုတာေတာ့ ေသခ်ာပါတယ္။

ဘဝမွာ ခ်စ္တဲ့သူေတြအားလုံးနဲ႔ ပစၥည္းဥစၥာဆုိသမွ်ကို ဆုံးရွံဳးၿပီးေနာက္ သူ႔မွာ ဘဝကို ခုံမင္စိတ္ေရာ ရွိပါဦးမလားလို႔ ကြ်န္ေတာ္ေတြးေနမိပါတယ္။

သူရဲ ႔ဒုကၡေတြကို ျပန္စဥ္းစားတဲ့အခါတုိင္း ကြ်န္ေတာ္တို႔ေတြရဲ ႔ ဒုကၡေလးေတြက ေသးေသးေလးေတြပါလုိ႔ သေဘာေပါက္ရပါတယ္။ သေဘာသာ ေပါက္တာပါ၊ ခံစားရတာက ခံစားရတာပါပဲ။ တစ္ခ်ိဳ ႔ဆင္းရဲျခင္းေတြက ဘယ္လိုပဲ စိတ္ကိုေျဖေျဖ၊ ေနာက္ကေန တေကာက္ေကာက္လိုက္ၿပီး စိတ္ကိုဆင္းရဲေစတတ္တာပါ။ အခ်ိန္အတုိင္းအတာ တစ္ခုေရာက္ရင္ အရာရာဟာဘာမွ မဟုတ္ေတာ့ဘူးျဖစ္သြားလိမ့္မယ္ဆိုေပမယ့္ အဲဒီအခ်ိန္မေရာက္ခင္မွာေတာ့ ခံစားရတာေတြဟာ ဆိုးရြားလြန္းလွပါတယ္။ ဒုကၡဆိုတာက ရင္ထဲမွာ တေျမ့ေျမ့နဲ႔ ေလာင္ကြ်မ္းေနတဲ့မီး၊ ႏွလုံးသားကို တစ္ခ်ိန္လုံး တစ္စြပ္စြပ္ထိုးေနတဲ့ ဓါးတစ္လက္ပါ။ဒါေၾကာင့္လဲ တစ္ခ်ိဳ ႔လူေတြဟာ ဒုကၡနဲ႔ ၾကံဳၿပီးရင္ သာ့သနာ့ေဘာင္ကိုဝင္လို႔၊ တစ္ခ်ိဳ ႔ကေတာ့ ရူးသြားၾကတာေနမွာပါ။ တစ္ခ်ိဳ ႔ကေတာ့ ဘဝကိုလက္ေျမွာက္အရွံဳးေပးၿပီး ပ်က္စီးသြားတဲ့အထိျဖစ္တတ္ၾကပါတယ္။ ဘာပဲျဖစ္ျဖစ္ ဒုကၡအားလုံးကို သင့္တင့္စြာ ႏွလုံးသြင္းၿပီး ေက်ာ္လႊားႏုိင္တဲ့ လူတစ္ေယာက္ပဲ ျဖစ္ခ်င္ပါတယ္။ ျဖစ္ပါရေစ။ တတ္ႏုိင္ရင္ေတာ့ ဒုကၡဆိုတာမ်ိဳးကို ၾကံဳကိုမၾကံဳခ်င္ပါဘူး။

လူရယ္လို႔ျဖစ္လာၿပီဆုိမွေတာ့ လိုခ်င္သည္ျဖစ္ေစ၊ မလိုခ်င္သည္ျဖစ္ေစ ဒုကၡေတြကို ၾကံဳလာရပါၿပီ။ ဘယ္လိုရင္ဆုိင္ၾကမလဲ ဆိုတာေတာ့ တစ္ေယာက္ခ်င္းစီနဲ႔ ဆိုင္သြားပါၿပီ။ ျမတ္ဗုဒၶကေတာ့ ဒုကၡရဲ ႔ အစဟာ စြဲလမ္းျခင္းလို႔ ဆိုထားခဲ့ပါတယ္။ စြဲလမ္းျခင္းကို ျဖတ္ႏုိင္ရင္ ဒုကၡမရွိေတာ့ဘူးလို႔ ေဟာခဲ့တာပါ။ သာမန္ အႏၶပုထုဇဥ္တစ္ေယာက္အတြက္ လုိက္နာဖို႔ အလြန္ခက္ခဲတဲ့ ဒုကၡကင္းေဝးေရး နည္းလမ္းတစ္ခုပါ။ အေကာင္းဆုုံး၊ အသက္သာဆုံးျဖစ္ေအာင္ ရင္ဆုိင္နုိင္တဲ့နည္းလမ္းေတြေတြ႔ၾကပါေစ။

ပဋိသေႏၶေနရျခင္းနဲ႔ အို၊နာ၊ေသ ဒုကၡေတြက လူတိုင္းခံစားရေပမယ့္ မခ်စ္မႏွစ္သက္သူတို႔နဲ႔ ေပါင္းသင္းေနထုိင္ရျခင္း၊ ခ်စ္ေသာသူန႔ဲ ေကြကြင္းရျခင္းနဲ႔ လိုခ်င္ေတာင့္တအပ္သည္ကို မရျခင္းဒုကၡကေတာ့ ကံအရမ္းေကာင္းသူေတြမွာ မခံစားရတတ္ပါဘူး။ အဲဒီလို ကံေကာင္းသူျဖစ္ခ်င္ပါတယ္။ ကံေကာင္းသူမ်ားလည္း သူမ်ားကို ကိုယ္ခ်င္းစာေပးႏိုင္ၾကပါေစ။ ကံမေကာင္းသူမ်ားလည္း ဒုကၡေတြကို ေက်ာ္လႊားႏုိင္ၾကပါေစ။ သူမ်ားကို ဒုကၡေပးသူမ်ားလည္း မျဖစ္ၾကပါေစနဲ႔။

လူတိုင္း၊ လူတိုင္း ဒုကၡအေပါင္းက ကင္းေဝးၾကပါေစဗ်ာ။

မင္း၊ ငါ၊ ကြ်န္ေတာ္၊ ခင္ဗ်ား

"ေဟ့ေကာင္၊ မင္း ဒီဟာေလးေတြ သယ္သြားလိုက္စမ္းပါ" တဲ့။ လွည့္ၾကည့္လိုက္ေတာ့ ကြ်န္ေတာ့ကို ေျပာေနတာ။ ေျပာေနတဲ့ငတိေလးက ကြ်န္ေတာ့္ထက္အနည္းဆုံး ၃ ႏွစ္ေလာက္ငယ္လိမ့္မယ္။ အဲဒါ ကြ်န္ေတာ္တို႔ ေက်ာင္းက ေက်ာင္းသားသစ္ေတြေရာ၊ ေက်ာင္းသားေဟာင္းေတြေရာ စုေပါင္းၿပီးလုပ္တဲ့ ပြဲတစ္ပဲြမွာပါ။ အလို...ဒီေခတ္ စင္ကာပူက လူငယ္ေတြ ဒီလိုျဖစ္ကုန္ၿပီလား။ စင္ကာပူကို ငယ္ငယ္ရြယ္ရြယ္နဲ႔ ေရာက္လာလို႔ ယဥ္ေက်းမွဳဆိုတာကို မသိေတာ့တာလား။ ရန္ကုန္မွာ ကတည္းက မိဘေဆြမ်ိဳးေတြက မသင္ေပးလိုက္လို႔ပဲ ဒီလိုေျပာဆုိေနတတ္တာလား။ "လား" ေပါင္းမ်ားစြာကုိ ကြ်န္ေတာ္ ေတြးမိသြားပါတယ္။

ဒီအျဖစ္အပ်က္မ်ိဳးက ကြ်န္ေတာ္ခုမွ ၾကံဳရတာေတာ့ မဟုတ္ပါဘူး။ ခဏ၊ ခဏ ေတြ႔ေနရတာပါ။ ခုေတာ့ ေျပာစရာေတြက အရမ္းမ်ားလာလို႔ ေရးလိုက္တာပါ။

ကြ်န္ေတာ္တို႔ဟာ ျမန္မာလူမ်ိဳးေတြပါ။ ျမန္မာလူမ်ိဳးဟာ လူတစ္ေယာက္ကို အသက္အရြယ္လိုက္လို႔ ဦးဦး၊ ေဒၚေဒၚ၊ အစ္ကို၊ အစ္မ စသည္ျဖင့္ ဂါရဝတရားနဲ႔ ဆက္ဆံေလ့ရွိတာပါ။ ကြ်န္ေတာ့မိဘေတြဆိုရင္ ဘယ္သူ႔ကိုပဲ ျဖစ္ျဖစ္၊ ကိုယ္ထက္ အသက္ ၁ ႏွစ္ၾကီးရင္ မင္းနဲ႔ငါနဲ႔ မေျပာဖို႔ ကြ်န္ေတာ္တို႔ကုိ ဆုံးမထားတာပါ။ ဒါေၾကာင့္လဲ ဘယ္လိုလူပဲျဖစ္ျဖစ္၊ ဘာအလုပ္ပဲလုပ္လုပ္၊ ပညာတတ္တတ္ မတတ္တတ္ ကြ်န္ေတာ္ဟာ ကိုယ့္ထက္အသက္အရြယ္ၾကီးသူေတြကို အသက္အရြယ္လုိက္လို႔ ေခၚေဝၚဆက္ဆံပါတယ္။

စင္ကာပူမွာ ကြ်န္ေတာ္ ေတြ႔၊ ၾကံဳ ေနရတာေတြကို ေရးျပပါမယ္။ ေကာင္ေလး၊ ေကာင္မေလးေတြ ရွိပါတယ္။ ပိုလီေက်ာင္းေလာက္ၿပီးသြားရင္ လူတစ္ကာကို မင္း၊ငါ၊ နင္၊ငါ စသည္ျဖင့္ ေျပာတတ္ၾကပါတယ္။ အသက္ၾကီးလာၿပီး မရင့္က်က္လာတာလား။ သိကို မသိတတ္တာလားေတာ့ ကြ်န္ေတာ္မသိပါဘူး။ အနည္းဆုံးေတာ့ ကိုယ္န႔ဲ မသိတဲ့ လူတစ္ေယာက္နဲ႔ စကားစေျပာရင္ "ခင္ဗ်ား၊ ကြ်န္ေတာ္" ေလာက္ေတာ့ ျဖစ္သင့္ပါတယ္။ အသက္အရြယ္ကို ေသခ်ာသိမွ အစ္ကို၊ အစ္မ၊ ညီေလး၊ ညီမေလး စသည္ျဖင့္ေျပာတာ ပိုမယဥ္ေက်းေပဘူးလားဗ်ာ။

အေရးမၾကီးတာကို ၾကီးက်ယ္ေအာင္ေရးေနတာ မဟုတ္ပါဘူး။ ဆက္ဆံေရးတစ္ခုမွာ အေခၚအေဝၚက အရမ္းကို အေရးပါလို႔ ေျပာေနတာပါ။ တစ္ေယာက္နဲ႔ တစ္ေယာက္ေလးစားမွဳမရွိရင္ အစကတည္းက ဆက္ဆံေရးက အႏွဳတ္နဲ႔ စပါတယ္။ အျပဳသေဘာထက္ အပ်က္သေဘာက ပိုမ်ားလာပါတယ္။ ၾကီးျမင့္တဲ့ ပုဂၢိဳလ္ေတြကေတာ့ ကိုယ့္ကိုယ္ကို ႏွိမ့္ခ်တတ္ၾကပါတယ္။ မာနေထာင္လႊားျခင္းမရွိပါဘူး။ ဒီေတာ့ သူတို႔နဲ႔ ဆက္ဆံရသူေတြကို ျငိမ္းခ်မ္း ေစပါတယ္။ ဥပမာ တစ္ခုေျပာရရင္ စာေပေဟာေျပာပြဲတစ္ခုမွာ ဆရာလယ္တြင္းသား ေစာခ်စ္နဲ႔ စကားေျပာခြင့္ၾကံဳပါတယ္။ ကြ်န္ေတာ္ဟာ သူ႔သား၊ သူ႔ေျမး အရြယ္ေလာက္ပါ။ ဒါေပမယ့္ လူ႔ေလာကထဲမွာ ႏွစ္ေပါင္းမ်ားစြာ က်င္လည္ခဲ့တဲ့ဆရာက သူ႔ကိုသူ "ကြ်န္ေတာ္"၊ လူငယ္တစ္ေယာက္သာ ျဖစ္ေသးတဲ့ ကြ်န္ေတာ့ကို "ခင္ဗ်ား" စသည္ျဖင့္ သုံးႏွဳန္းေျပာဆိုသြားတာကို သတိထားမိလိုက္ပါတယ္။ ေတာ္ေတာ္လဲ ေလးစားသြားမိပါတယ္။ ကိုယ္မသိတဲ့ လူတစ္ေယာက္ကို ဆက္ဆံရာမွာ သူ႔ဂုဏ္ကိုယ္မသိ၊ ကိုယ့္ဂုဏ္သူမသိ ဆိုတဲ့အခါမ်ိဳးေတြ ရွိတတ္ပါတယ္။ ဆရာ ဆက္ဆံသလို ဆက္ဆံျခင္းအားျဖင့္ ျပႆနာ အားလုံးကို ေျဖရွင္းၿပီး ျဖစ္သြားတယ္လို႔ သေဘာေပါက္မိပါတယ္။ ဆရာ လယ္တြင္းသားေစာခ်စ္မွ မဟုတ္ပါဘူး။ ကြ်န္ေတာ္ ဆက္ဆံမိသမွ် သေဘာထားၾကီးရင့္တဲ့၊ အေတြ႔အၾကံဳမ်ားတဲ့ လူၾကီးသူမမ်ားဟာ ဒီလိုပဲဆိုတာ ကြ်န္ေတာ္ေလ့လာ မွတ္သားခဲ့ရပါတယ္။

အခု စင္ကာပူက လူူငယ္အမ်ားစု ျဖစ္ေနတဲ့ ျပႆနာကို ဆက္ေရးပါမယ္။ လူတိုင္းမဟုတ္ေပမယ့္ တစ္ခ်ိဳ ႔ ဟာပိုလီေက်ာင္းေလာက္ၿပီးရင္ ကိုယ့္ကိုယ္ကို ဘုရင္ခံေလာက္ထင္ေနတဲ့လူေတြရွိပါတယ္။ စီနီယာဆိုၿပီး ေနာက္မွ ေက်ာင္းတက္လာတဲ့လူေတြကို အသက္အရြယ္မၾကည့္ပဲ ခပ္ရင့္ရင့္ဆက္ဆံတတ္ၾကပါတယ္။တစ္ကယ္ေတာ့ အေၾကာင္းအမ်ိဳးမ်ိဳးေၾကာင့္ အသက္ၾကီးမွ ပိုလီလာတက္သူေတြ၊ အိုင္တီအီးကေန ကူးလာသူေတြ ဒုနဲ႔ေဒးပါ။ ဒါကိုမစဥ္းစားပဲ သူတိ႔ု စိတ္ထဲမွာ စီနီယာဆိုရင္ မင္း၊ငါ ဆိုတဲ့ စကားနဲ႔ ေျပာတာ တရားတယ္လို႔ ထင္ေနၾကပံုရပါတယ္။

ကြ်န္ေတာ့ထက္ၾကီးတဲ့သူေတြကို စီနီယာျဖစ္ျဖစ္၊ ဂ်ဴနီယာျဖစ္ျဖစ္ ကြ်န္ေတာ္ အစ္ကို၊ အစ္မေခၚပါတယ္။ သူတို႔က မင္း၊ငါ စသည္ျဖင့္သုံးႏွဳန္းရင္ ကြ်န္ေတာ္ ေက်နပ္ပါတယ္။ ဒါေပမယ့္ ငယ္သူေတြက ရင့္လာရင္ေတာ့ ကြ်န္ေတာ္ လက္မခံႏုိင္ပါဘူး။ ကြ်န္ေတာ္တို႔ဟာ ျမန္မာလူမ်ိဳး ျဖစ္တဲ့ အတြက္ ျမန္မာ့ယဥ္ေက်းမွဳကိုပဲ ဆက္ခံ၊ လုိက္နာရမွာပါ။ ကြ်န္ေတာ္ကိုယ္တိုင္လဲ လုိက္နာပါတယ္။ ကြ်န္ေတာ့ထက္ ငယ္တာကို ေသေသခ်ာခ်ာသိေနရင္ေတာင္မွ တစ္ဖက္လူက ကြ်န္ေတာ့ကို မသိေသးရင္ "ကြ်န္ေတာ္၊ ခင္ဗ်ား" စသည္ျဖင့္ သုံးႏွဳန္းပါတယ္။ သူဘက္က ဘာမွ မသိရပဲ ကြ်န္ေတာ္ကတစ္ဖက္သတ္ မင္း၊ငါ စသည္ျဖင့္သုံးႏွဳန္းလိုက္ရင္ စိတ္ကြက္သြားမွာ စိုးလို႔ပါ။ ဆက္ဆံေရးတစ္ခုကို အဖုအထစ္ မျဖစ္ေစခ်င္လုိ႔ပါ။ ေနာက္တစ္ခုက ကြ်န္ေတာ့ထက္ငယ္ေပမယ့္၊ ေလးစားေလာက္စရာ ဂုဏ္ရွိသူေတြ၊ သို႔မဟုတ္ သိပ္မရင္းႏွီးသူေတြကိုလဲ ကြ်န္ေတာ္၊ ခင္ဗ်ားစသည္ျဖင့္ပဲ ဆက္ဆံပါတယ္။ ဂုဏ္ဆိုတဲ့ ေနရာမွာ ေငြ၊ ေၾကးကို ေျပာတာ မဟုတ္ပါဘူး။ သူ႔ရဲ ႔ ကိုယ္ရည္ကိုယ္ေသြး၊ တာဝန္ယူထားမွဳ၊ ရင့္က်က္မွဳ၊ ပတ္ဝန္းက်င္ကုိ အက်ိဳးျပဳႏုိင္မွဳ စတာေတြကိုေျပာတာပါ။

ေနာက္ဆုံးအေနနဲ႔ ကြ်န္ေတာ္ ၾကံဳခဲ့ရတဲ့ ကိုယ္ေတြ႔ေလးတစ္ခုကိုေျပာပါမယ္။ အဖြဲ႔လုိက္ တာဝန္ယူရတဲ့လုပ္ငန္းေလးတစ္ခုမွာပါ။ ကြ်န္ေတာ္ရယ္၊ ကြ်န္ေတာ့ညီငယ္ေလး တစ္ခ်ိဳ ႔ရယ္၊ စီနီယာထဲက မိန္းကေလး တစ္ခ်ိဳ ႔ရယ္ အတူတူတာဝန္က်ပါတယ္။ ကြ်န္ေတာ္သိတာေတာ့ မိန္းကေလးေတြဟာ ကြ်န္ေတာ့ထက္ ႏွစ္ႏွစ္၊ သုံးႏွစ္စီေလာက္ငယ္ပါတယ္။ ဒါေပမယ့္ သူနဲ႔ ကိုယ္နဲ႔ မသိေသးတဲ့ အတြက္ ကြ်န္ေတာ္ဘက္က "ကြ်န္ေတာ္၊ ခင္ဗ်ား" စသည္ျဖင့္ပဲ သုံးနွဳန္းပါတယ္။ အဲ....ျပႆနာကုိ သူတို႔ ဘက္က စရွာလာပါတယ္။ သူတို႔ကိုယ္သူတို႔ နာမည္တပ္ရင္ "မ" ဆိုတာေလးကို ေရွ ႔က တပ္ေပးပါတယ္။ ၿပီးေတာ့ ကြ်န္ေတာ့ကိုေတာ့ "နင္၊ ငါ" စသည္ျဖင့္ စီနီယာဂုဏ္ျပပါတယ္။ ကြ်န္ေတာ္ စိတ္ထဲမွာ သူတို႔ကို နည္းနည္း အထင္ၾကီးလို႔မရျဖစ္သြားပါေလေရာ။ ေရရွည္ အတူတြဲလုပ္ရမယ့္လူေတြ မဟုတ္တဲ့အတြက္ ကြ်န္ေတာ္ ဘာတစ္ခုမွ မေျပာခဲ့ေတာ့ပါ။ ေျပာခ်င္ရာေျပာၾကလို႔ လႊတ္ေပးထားၿပီး ၾကိတ္ပဲ ရယ္ေနလိုက္ပါတယ္။ သူတို႔ကိုေတာ့ ခပ္တန္းတန္းပဲ ဆက္ဆံခဲ့ရပါတယ္။

ကြ်န္ေတာ္ေျပာခ်င္တာကေတာ့ သူတိ႔ုေတြ မေျပာတတ္၊ မဆိုတတ္တာေၾကာင့္ အတူတြဲလုပ္ရင္း သူငယ္ခ်င္းသစ္ေတြ၊ မိတ္ေဆြသစ္ေတြရမယ့္အခြင့္အေရး ကို ကြ်န္ေတာ္ေရာ၊ သူတို႔ေရာ ဆုံးရွံဳးခဲ့ရတယ္ဆိုတာပါ။

ေနာက္ဆုံး နိဂံုးခ်ဳပ္ရရင္ တစ္ေယာက္နဲ႔ တစ္ေယာက္ေလးစားမွဳမရွိရင္ ဆက္ဆံေရးေကာင္းတစ္ခုကို အစပ်ိဳးဖုိ႔ခက္ပါတယ္။ တစ္ဖက္ဖက္က မေက်မနပ္ျဖစ္ေနရတဲ့ ဆက္ဆံေရးမ်ိဳးဟာ ဘယ္ေတာ့မွ ေကာင္းက်ိဳးကို ထုတ္မေပးႏုိင္ပါဘူး။ အစပ်ိဳးမွဳ မေကာင္းတဲ့ ဆက္ဆံေရးတစ္ခုကေန မိတ္ေဆြ၊ သူငယ္ခ်င္းေကာင္းဆိုတာလဲ ရ မလာႏုိင္ပါဘူး။ ဒါဆိုရင္ ကုိယ့္အတြက္ေရာ၊ ကုိယ့္နဲ႔ ခင္မင္ျခင္းအားျဖင့္ အက်ိဳးရႏုိင္မယ့္ တစ္ဖက္လူအတြက္ေရာ အက်ိဳးယုတ္ပါတယ္။ မိတ္ေဆြတစ္ေယာက္တုိးတယ္ ဆိုတာဟာ တစ္ခ်ိန္မဟုတ္တစ္ခ်ိန္မွာ ကုိယ့္အတြက္ အက်ိဳးရွိပါတယ္။ ဒီသေဘာတရားေလးက ဘယ္ေတာ့မွ မမွားပါဘူးဆိုတာ လူတိုင္းသိသင့္ပါတယ္။

ဒါေၾကာင့္ ေျပာတတ္၊ ဆိုတတ္၊ ေပါင္းသင္းတတ္ၿပီး သူ႔ေနရာ၊ ဌာနနဲ႔ ေခၚေျပာ ဆက္ဆံတတ္သူေတြ၊ စကားေကာင္းထြက္သူေတြ ျဖစ္ၾကပါေစဗ်ာ။

ဖေဖေ

ကျွန်တော့အဖေနဲ့ ကျွန်တော်နဲ့ အသက် ၃၃ နှစ်လောက်ကွာပါတယ်။ ဖေဖေ ၃၃နှစ်မှာ ကျွန်တော့ကို မွေးခဲ့တာပေ့ါ။ အငယ်ဆုံးသားဖြစ်တဲ့ ကျွန်တော့ကို ဖေဖေကချစ်ပါတယ်။ ချစ်တဲ့အကြောင်းလည်း အနည်းနဲ့ အများဆိုသလို ပြတတ်ပါတယ် (ကိုကို ငယ်ငယ်ကတော့ ဖေဖေက ချစ်ပေမယ့် ချစ်ကြောင်းပြခဲပါတယ် )။ ကျွန်တော်မှတ်မိတာ တစ်ခုကတော့ ဖေဖေမုတ်ဆိတ်ရိတ်ပြီးရင် ကျွန်တော့ကို ချီပြီးသူ့မုတ်ဆိတ်ငုတ်တိုစူးစူးတွေနဲ့ ကျွန်တော့လည်ပင်းကို ပွတ်လို့ ယားအောင်လုပ်တတ်တာပါ။ ကျွန်တော်က အသည်းယားလွန်းလို့ တွန့်တွန့်လူးရုန်း၊

ဖေဖေက မလွှတ်ပဲ တစ်ဟားဟား ရယ်ပြီးမုတ်ဆိတ်နဲ့ပွတ်၊ ခုတောင်ပြန်စဉ်းစားပြီး ရင်ထဲနွေးလာမိတယ်ဗျာ။

နောက်တစ်ခုမှတ်မိတာက ဖေဖေခရီးသွားပြီးပြန်လာရင် ကျွန်တော်ကြိုက်တတ်တဲ့မုန့်တွေ၊ ကစားစရာတွေဝယ်လာတတ်တာပါ။ ကျွန်တော်သိပ်ကြိုက်တဲ့ စာကလေးကြော်တု့ိ၊ ငုံးဥပြုတ်တို့ဆိုတာတော့ ဖေဖေခရီးက ပြန်လာတိုင်းပါလာနေကြပေါ့။မေမေကတော့ဖေဖေဝယ်လာတဲ့ စာကလေးကြော်တွေကို ပြန်ကြော်ပေးပြီး ငုံးဥတွေကို စိတ်ရှည်လက်ရှည် အခွံခွာပေးတတ်တယ်။ ကိုကိုနဲ့ မမကတော့ ကျွန်တော့မုန့်တွေကပ်စားပေါ့...ဟဲဟဲ။ တစ်ခါတစ်ရံ ဖေဖေပြန်လာရင် ကစားစရာတွေလည်းပါလာတတ်ပါတယ်။ ကျွန်တော်ငယ်ငယ်က နယ်မြို့လေးတစ်မြို့မှာနေတာဆိုတော့ ကစားစရာ အသစ်အဆန်းလေးတွေ ခရီးသွားရင်းနဲ့ ဖေဖေဝယ်လာတတ်ပါတယ်။ ဒီတုံးက သံပတ်နဲ့ ခုန်ဆွ ခုန်ဆွ သွားတတ်တဲ့ ဖားရုပ်လေးတို့၊ အထဲကမီးခတ်ကျောက်နဲ့သွားတဲ့ ဖိတွန်းပြီးလွှတ်လိုက်ရတဲ့ကားလေးတို့၊ ပစ်လိုက်ရင် မီးလင်းပြီး အသံမျိုးစုံမြည်တဲ့ အဲဒီခေတ်က ခေတ်စားတဲ့ ဓါတ်ခဲသေနတ်တို့ ကျွန်တော်မှတ်မိနေပါသေးတယ်။ ကျွန်တော့အတွက်တော့ ဖေဖေဟာ အရာရာကို ဖန်ဆင်းနိုင်တဲ့ တန်ခိုးရှင်ကြီးပေါ့။

ဖေဖေ့အလုပ်တာဝန်နဲ့ ကျွန်တော်တို့တွေ အနယ်နယ်၊ အမြို့မြို့ပြောင်းပြီး ရန်ကုန်ကို ကျွန်တော် ခုနစ်တန်းနှစ်မှာ ရောက်လာပါတယ်။ ကျွန်တော့ စိတ်ထဲမှာ စွဲထင်နေခဲ့တဲ့ အဖြစ်အပျက်လေးတွေရှိခဲ့ပါတယ်။ ကျွန်တော် ဆယ်တန်းနှစ်မှာပေါ့..။အိမ်မှာ Study Guide စောင့်နေတာကို မေ့ပြီး ကျွန်တော် ကျူရှင်က အပြန်ဂိမ်းဝင်ဆော့ပါတယ်။ ပြန်လာတော့ဖေဖေက စောင့်ပြီးမေးပါလေရော။ “ဘယ်လျှောက်သွားနေတာလဲ....မင်းဂိုက်တောင် မစောင့်နိုင်လို့ ပြန်သွားပြီ” တဲ့။

ဖေဖေက စိတ်ဆိုးရင် ဇက်ပိုးအုပ်တတ်သလို၊ ကြိမ်လုံးနဲ့လဲ ဆော်ရင်ဆော်တတ်သူပါ။ များသောအားဖြင့်တော့ ဖေဖေမျက်လုံးစူးစူးနဲ့ တစ်ချက်ကြည့်လိုက်ရင်ပဲ ကျွန်တော်တို့ ညီအစ်ကို၊မောင်နှမတစ်တွေ ဖေဖေ့ကိုကြောက်ကြပါတယ်။ ကျွန်တော်လဲ အဆူခံရမှာ ကြောက်တာနဲ့ လိမ်ရတော့တာပေါ့။ ဆရာမက အချိန်ပိုခေါ်လို့ပါ၊ ဘာညာနဲ့ပေါ့လေ။ ဖေဖေက ကျွန်တော့ကို သေချာကြည့်ပါတယ်။ ပြီးမှ “ဟုတ်ရဲ့လားကွာ၊ မင်းဟာက လိမ်ဆင်ကြီး” လို့ပြောလေရဲ့။ ကျွန်တော်လဲ “ပေါက်တဲ့နှဖူး မထူးဘူးဟ” ဆိုပြီး “ဟုတ်ပါတယ်၊ဖေဖေရဲ့ ” လို့ ဆက်လှိမ့်ပါတယ်။ ပြီးတော့မှ ကျွန်တော်စိတ်မကောင်းဖြစ်သွားပါတယ်။ အဖေကိုလိမ်လိုက်မိလို့ပါ။ ဖေဖေကညစာစားရင်းနဲ့ နောက်တစ်ခေါက်ထပ်မေးတဲ့ အခါမှာတော့ အမှန်ပဲ ပြောပြလိုက်ပါတော့တယ်။ ရင်ထဲမှတော့ တထိတ်ထိတ်နဲ့ပေါ့ဗျာ။ကျွန်တော်ဂိမ်းသွားဆော့နေလို့ နောက်ကျပါတယ်။ ဖေဖေ့ကို ညာပြောလိုက်တာပါဆိုတဲ့ အကြောင်းပေါ့။ ဖေဖေက ပထမတော့ တွေသွားပါတယ်။ ပြီးတော့မှ “ဟာကွာ...မင်းကွာ.....ငါ့ကိုလိမ်ပြောတယ်” ဆိုပြီး မျက်နှာညိုှးသွားပါတယ်။ ပြီးတော့ ဘာမှ ဆက်မပြောတော့ပါဘူး။ ဖေဖေတော်တော် စိတ်မကောင်းဖြစ်သွားတာ သေချာပါတယ်။ ထမင်းလဲ ကောင်းကောင်းမစားတော့တာ ကျွန်တော်မှတ်မိပါတယ်။ ကျွန်တော်လဲ အဲဒီကတည်းက ဖေဖေ့ကို လိမ်မပြောဖြစ်တော့ပါဘူး။ လိမ်လို့လဲမရတော့ပါဘူး။ နောက်ဆုံး ဖေဖေ မသိစေချင်တဲ့ အကြောင်းအရာဆိုရင်တောင် ကျွန်တော်လှည့်ပတ်ပြီးပဲ ရှောင်ပြောလိုက်ပါတယ်။ မညာဖြစ်တော့ပါဘူး။ အဲဒီ ညာမပြောတတ်တဲ့ အကြောင်းကြောင့်ပဲ နောက်တစ်ခါ ဖေဖေနဲ့ ပြဿနာ ထပ်တက်ရသေးတာကိုတော့ နောက်ပိုင်းမှာ ထပ်ရေးပြပါ့မယ်။

ဒီလိုနဲ့ ကျွန်တော် ဆယ်တန်းဖြေပြီးတဲ့အခါမှာ နည်းနည်း အတွေးအခေါ်ပြောင်းလာပါတယ်။ ကိုယ့်ကိုယ်ကို အထင်ကြီးလာပြီး၊ ယုံကြည်မှုလည်းရှိလာပါတယ်။ ကိုယ့်ကိုယ်ကိုလဲ ကိစ္စတော်တော်များများကို လုပ်နိုင်မယ်လို့ ထင်လာပါတယ်။ သားသမီးအကြောင်း မမောနိုင် မပန်းနိုင်ပြောတတ်တဲ့ ဖေဖေ့ကိုတော့ ကြွားတယ်လို့ ထင်လာမိတယ်။ ကျွန်တော် ဆယ်တန်းအောင်စာရင်း ထွက်မယ့်ညမှာ အရမ်းတက်ကြွနေတဲ့ ဖေဖေ့ကို အေးစက်စက်လုပ်ပြပြီး အသံတိတ် ဆန္ဒပြခဲ့မိတယ်။ အေးအေးဆေးဆေးပေါ့၊ ဘာတွေတက်ကြွစရာရှိလို့လဲဆိုတဲ့ အထာနဲ့ပေါ့ဗျာ။

ဂုဏ်ထူးလေးနည်းနည်းပါးပါးပါလို့ ဆုပေးပွဲတက်ပြီး ဆုယူရတော့ ရုံးမသွားခင် သားဆုပေးပွဲကို လိုက်တက်ချင်တဲ့ ဖေဖေ့ကို နေရာတကာပါချင်တယ်လို့ ထင်ခဲ့မိတယ်။ ဆုပေးပွဲမှာ သူငယ်ချင်းတွေနဲ့ပဲ ဓါတ်ပုံရိုက်နေတဲ့သားကို ဓါတ်ပုံတစ်ပုံလောက် အမှတ်တရ အတူရိုက်ဖို့ ခေါ်တဲ့ဖေဖေ့ကို ကြွားဖို့ပဲ ဓါတ်ပုံရိုက်ချင်တဲ့ဖေဖေလို့ တွေးခဲ့မိတယ်။ ခု အဲဒီဓါတ်ပုံကို ပြန်ကြည့်ရင် သားအတွက်ဂုဏ်ယူ ဝင့်ကြွားနေတဲ့ဖေဖေနဲ့ မာနတက်ပြီး စိတ်ပျက်နေတဲ့ မျက်ခွက်နဲ့ သားပုံကို ပြန်တွေ့ရမှာပါ။ ဖြစ်သင့်တာက ဝမ်းသာအားရနဲ့ သားအဖနှစ်ယောက်ဖက်ပြီး ရိုက်တဲ့ပုံဖြစ်သင့်ပါတယ်။ ခုတော့ ဘာလို့မေမေ့လိုပဲ အိမ်မှာမနေခဲ့တာလဲ ဆိုတဲ့အချိုးမပြေတဲ့ မျက်နှာပေးနဲ့ သားဘဝင်နဲ့ သားဘဝင်ကို ချစ်တဲ့၊ ဂုဏ်ယူတဲ့အဖေရဲ့ အပြုံးပဲ မှတ်တမ်းဓါတ်ပုံမှာ ကျန်ခဲ့တာပါ။ ပြန်တွေးပြီး ရေးရင်းနဲ့ မသိတတ်တဲ့ ကိုယ့်ကိုယ်ကိုနဲ့ သားကို ချစ်ခင်ဂုဏ်ယူတတ်တဲ့ ဖေဖေ့အတွက် မျက်ရည်များတောင် ဝဲမိပါတယ်။ ဖေဖေဟာ ကျွန်တော့အတွက်ဘယ်လောက်တောင် ဝမ်းသာပျော်ရွှင်ခဲ့လဲဆိုရင် ကျွန်တော်ဆေးကျောင်းမှာ ကျောင်းအပ်တဲ့နေ့အထိ တက်ကြွပျော်ရွှင်နေခဲ့တာပါ။ ကျွန်တော့နာမည်ခေါ်လိုက်တိုင်း ထထပြေးသွားတတ်တဲ့ တိုက်ပုံကြီးတကားကားနဲ့ ဖေဖေ့ကို စာရေးမက လှမ်းအော်ရတဲ့ထိပါ။ “မျိုးထက်နိုင်ကိုခေါ်တာ၊ မျိုးထက်နိုင်အဖေကို ခေါ်တာ မဟုတ်ဘူး” တဲ့။ ကဲ...မှတ်ကရော။

ကျွန်တော်လား။ ကျွန်တော်ကတော့ အဖေကိုယ့်ကိုဂရုစိုက်တာကို ကြည်နူးဖို့နေနေသာသာ၊ ရှက်များတောင်နေလိုက်သေးသတဲ့...အဟား။ ဖေဖေကျွန်တော့ကို ချစ်ပုံက နောက်ဆုံး ကိုယ့်ဟာကိုယ် နောက်ကျလို့ ကျောင်းကားမမှီတဲ့ ကျွန်တော့ကို ဖုန်းဆက်လိုက်ရုံနဲ့ ရုံးကို သွားနေတဲ့ လမ်းကနေပြန်လှည့်လာပြီး ကျောင်းလိုက်ပို့ပေးတတ်တာပါ။ တစ်ခြားအသေးအဖွဲလေးတွေကတော့ မရေမတွက်နိုင်အောင်ရှိပေမယ့် ထည့်မရေးတော့ပါ။ ဖေဖေ့ မေတ္တာတွေကို တွေးမိတိုင်း ကျွန်တော့်ရင်ထဲမှာ အမြဲနွေးထွေးရပါတယ်။ဖေဖေနဲ့ ကျွန်တော့အကြောင်းတွေက ရေးစရာ အများကြီးကျန်နေသေးလို့ နောက် စာပုဒ်ရေးမှပဲ ထပ်ရေးပါတော့မယ်။ ခုတော့ ဖေဖေ့ကို သတိရလို့ တစ်ချို့တစ်ဝက်ကို ရတဲ့အချိန်မှာ လုပြီးရေးလိုက်ရတာပါ။ ဖတ်မိလို့ ရင်ထဲမှာ တစ်ခုခုခံစားရတယ်ဆို ကျေနပ်ပါပြီ။ ဖေဖေ့ အတွက်အမှတ်တရပါ။

================================================

ကြ်န္ေတာ့အေဖနဲ႔ ကြ်န္ေတာ္နဲ႔ အသက္ ၃၃ ႏွစ္ေလာက္ကြာပါတယ္။ ေဖေဖ ၃၃ႏွစ္မွာ ကြ်န္ေတာ့ကို ေမြးခဲ့တာေပ့ါ။ အငယ္ဆုံးသားျဖစ္တဲ့ ကြ်န္ေတာ့ကို ေဖေဖကခ်စ္ပါတယ္။ ခ်စ္တဲ့အေၾကာင္းလည္း အနည္းနဲ႔ အမ်ားဆိုသလို ျပတတ္ပါတယ္ (ကိုကုိ ငယ္ငယ္ကေတာ့ ေဖေဖက ခ်စ္ေပမယ့္ ခ်စ္ေၾကာင္းျပခဲပါတယ္ )။ ကြ်န္ေတာ္မွတ္မိတာ တစ္ခုကေတာ့ ေဖေဖမုတ္ဆိတ္ရိတ္ၿပီးရင္ ကြ်န္ေတာ့ကို ခ်ီၿပီးသူ႔မုတ္ဆိတ္ငုတ္တိုစူးစူးေတြနဲ႔ ကြ်န္ေတာ့လည္ပင္းကို ပြတ္လို႔ ယားေအာင္လုပ္တတ္တာပါ။ ကြ်န္ေတာ္က အသည္းယားလြန္းလို႔ တြန္႔တြန္႔လူးရုန္း၊
ေဖေဖက မလႊတ္ပဲ တစ္ဟားဟား ရယ္ၿပီးမုတ္ဆိတ္နဲ႔ပြတ္၊ ခုေတာင္ျပန္စဥ္းစားၿပီး ရင္ထဲေႏြးလာမိတယ္ဗ်ာ။

ေနာက္တစ္ခုမွတ္မိတာက ေဖေဖခရီးသြားၿပီးျပန္လာရင္ ကြ်န္ေတာ္ၾကိဳက္တတ္တဲ့မုန္႔ေတြ၊ ကစားစရာေတြဝယ္လာတတ္တာပါ။ ကြ်န္ေတာ္သိပ္ၾကိဳက္တဲ့ စာကေလးေၾကာ္တု႔ိ၊ ငံုးဥျပဳတ္တို႔ဆိုတာေတာ့ ေဖေဖခရီးက ျပန္လာတိုင္းပါလာေနၾကေပါ့။ေမေမကေတာ့ေဖေဖဝယ္လာတဲ့ စာကေလးေၾကာ္ေတြကို ျပန္ေၾကာ္ေပးၿပီး ငံုးဥေတြကို စိတ္ရွည္လက္ရွည္ အခြံခြာေပးတတ္တယ္။ ကိုကိုနဲ႔ မမကေတာ့ ကြ်န္ေတာ့မုန္႔ေတြကပ္စားေပါ့...ဟဲဟဲ။ တစ္ခါတစ္ရံ ေဖေဖျပန္လာရင္ ကစားစရာေတြလည္းပါလာတတ္ပါတယ္။ ကြ်န္ေတာ္ငယ္ငယ္က နယ္ၿမိဳ႔ေလးတစ္ၿမိဳ႔မွာေနတာဆိုေတာ့ ကစားစရာ အသစ္အဆန္းေလးေတြ ခရီးသြားရင္းနဲ႔ ေဖေဖဝယ္လာတတ္ပါတယ္။ ဒီတုံးက သံပတ္နဲ႔ ခုန္ဆြ ခုန္ဆြ သြားတတ္တဲ့ ဖားရုပ္ေလးတို႔၊ အထဲကမီးခတ္ေက်ာက္နဲ႔သြားတဲ့ ဖိတြန္းၿပီးလႊတ္လိုက္ရတဲ့ကားေလးတို႔၊ ပစ္လိုက္ရင္ မီးလင္းၿပီး အသံမ်ိဳးစံုျမည္တဲ့ အဲဒီေခတ္က ေခတ္စားတဲ့ ဓါတ္ခဲေသနတ္တို႔ ကြ်န္ေတာ္မွတ္မိေနပါေသးတယ္။ ကြ်န္ေတာ့အတြက္ေတာ့ ေဖေဖဟာ အရာရာကို ဖန္ဆင္းႏုိင္တဲ့ တန္ခိုးရွင္ၾကီးေပါ့။

ေဖေဖ့အလုပ္တာဝန္နဲ႔ ကြ်န္ေတာ္တို႔ေတြ အနယ္နယ္၊ အျမိဳ႔ျမိဳ႔ေျပာင္းၿပီး ရန္ကုန္ကို ကြ်န္ေတာ္ ခုနစ္တန္းႏွစ္မွာ ေရာက္လာပါတယ္။ ကြ်န္ေတာ့ စိတ္ထဲမွာ စြဲထင္ေနခဲ့တဲ့ အျဖစ္အပ်က္ေလးေတြရွိခဲ့ပါတယ္။ ကြ်န္ေတာ္ ဆယ္တန္းႏွစ္မွာေပါ့..။အိမ္မွာ Study Guide ေစာင့္ေနတာကို ေမ့ၿပီး ကြ်န္ေတာ္ က်ဴရွင္က အျပန္ဂိမ္းဝင္ေဆာ့ပါတယ္။ ျပန္လာေတာ့ေဖေဖက ေစာင့္ၿပီးေမးပါေလေရာ။ “ဘယ္ေလွ်ာက္သြားေနတာလဲ....မင္းဂိုက္ေတာင္ မေစာင့္ႏုိင္လို႔ ျပန္သြားၿပီ” တဲ့။

ေဖေဖက စိတ္ဆိုးရင္ ဇက္ပုိးအုပ္တတ္သလို၊ ၾကိမ္လုံးနဲ႔လဲ ေဆာ္ရင္ေဆာ္တတ္သူပါ။ မ်ားေသာအားျဖင့္ေတာ့ ေဖေဖမ်က္လုံးစူးစူးနဲ႔ တစ္ခ်က္ၾကည့္လိုက္ရင္ပဲ ကြ်န္ေတာ္တို႔ ညီအစ္ကို၊ေမာင္ႏွမတစ္ေတြ ေဖေဖ့ကို္ေၾကာက္ၾကပါတယ္။ ကြ်န္ေတာ္လဲ အဆူခံရမွာ ေၾကာက္တာနဲ႔ လိမ္ရေတာ့တာေပါ့။ ဆရာမက အခ်ိန္ပိုေခၚလို႔ပါ၊ ဘာညာနဲ႔ေပါ့ေလ။ ေဖေဖက ကြ်န္ေတာ့ကို ေသခ်ာၾကည့္ပါတယ္။ ၿပီးမွ “ဟုတ္ရဲ ႔လားကြာ၊ မင္းဟာက လိမ္ဆင္ၾကီး” လို႔ေျပာေလရဲ ႔။ ကြ်န္ေတာ္လဲ “ေပါက္တဲ့ႏွဖူး မထူးဘူးဟ” ဆိုၿပီး “ဟုတ္ပါတယ္၊ေဖေဖရဲ ႔ ” လို႔ ဆက္လိွမ့္ပါတယ္။ ၿပီးေတာ့မွ ကြ်န္ေတာ္စိတ္မေကာင္းျဖစ္သြားပါတယ္။ အေဖကုိလိမ္လိုက္မိလို႔ပါ။ ေဖေဖကညစာစားရင္းနဲ႔ ေနာက္တစ္ေခါက္ထပ္ေမးတဲ့ အခါမွာေတာ့ အမွန္ပဲ ေျပာျပလိုက္ပါေတာ့တယ္။ ရင္ထဲမွေတာ့ တထိတ္ထိတ္နဲ႔ေပါ့ဗ်ာ။ကြ်န္ေတာ္ဂိမ္းသြားေဆာ့ေနလို႔ ေနာက္က်ပါတယ္။ ေဖေဖ့ကို ညာေျပာလိုက္တာပါဆိုတဲ့ အေၾကာင္းေပါ့။ ေဖေဖက ပထမေတာ့ ေတြသြားပါတယ္။ ၿပီးေတာ့မွ “ဟာကြာ...မင္းကြာ.....ငါ့ကိုလိမ္ေျပာတယ္” ဆိုၿပီး မ်က္နွာညိဳွးသြားပါတယ္။ ၿပီးေတာ့ ဘာမွ ဆက္မေျပာေတာ့ပါဘူး။ ေဖေဖေတာ္ေတာ္ စိတ္မေကာင္းျဖစ္သြားတာ ေသခ်ာပါတယ္။ ထမင္းလဲ ေကာင္းေကာင္းမစားေတာ့တာ ကြ်န္ေတာ္မွတ္မိပါတယ္။ ကြ်န္ေတာ္လဲ အဲဒီကတည္းက ေဖေဖ့ကို လိမ္မေျပာျဖစ္ေတာ့ပါဘူး။ လိမ္လို႔လဲမရေတာ့ပါဘူး။ ေနာက္ဆုံး ေဖေဖ မသိေစခ်င္တဲ့ အေၾကာင္းအရာဆိုရင္ေတာင္ ကြ်န္ေတာ္လွည့္ပတ္ၿပီးပဲ ေရွာင္ေျပာလိုက္ပါတယ္။ မညာျဖစ္ေတာ့ပါဘူး။ အဲဒီ ညာမေျပာတတ္တဲ့ အေၾကာင္းေၾကာင့္ပဲ ေနာက္တစ္ခါ ေဖေဖနဲ႔ ျပႆနာ ထပ္တက္ရေသးတာကိုေတာ့ ေနာက္ပိုင္းမွာ ထပ္ေရးျပပါ့မယ္။

ဒီလိုနဲ႔ ကြ်န္ေတာ္ ဆယ္တန္းေျဖၿပီးတဲ့အခါမွာ နည္းနည္း အေတြးအေခၚေျပာင္းလာပါတယ္။ ကိုယ့္ကိုယ္ကို အထင္ၾကီးလာၿပီး၊ ယံုၾကည္မွဳလည္းရွိလာပါတယ္။ ကိုယ့္ကုိယ္ကိုလဲ ကိစၥေတာ္ေတာ္မ်ားမ်ားကို လုပ္ႏုိင္မယ္လုိ႔ ထင္လာပါတယ္။ သားသမီးအေၾကာင္း မေမာႏုိင္ မပန္းႏုိင္ေျပာတတ္တဲ့ ေဖေဖ့ကိုေတာ့ ၾကြားတယ္လို႔ ထင္လာမိတယ္။ ကြ်န္ေတာ္ ဆယ္တန္းေအာင္စာရင္း ထြက္မယ့္ညမွာ အရမ္းတက္ၾကြေနတဲ့ ေဖေဖ့ကို ေအးစက္စက္လုပ္ျပၿပီး အသံတိတ္ ဆႏၵျပခဲ့မိတယ္။ ေအးေအးေဆးေဆးေပါ့၊ ဘာေတြတက္ၾကြစရာရွိလို႔လဲဆိုတဲ့ အထာနဲ႔ေပါ့ဗ်ာ။

ဂုဏ္ထူးေလးနည္းနည္းပါးပါးပါလို႔ ဆုေပးပြဲတက္ၿပီး ဆုယူရေတာ့ ရုံးမသြားခင္ သားဆုေပးပြဲကို လုိက္တက္ခ်င္တဲ့ ေဖေဖ့ကို ေနရာတကာပါခ်င္တယ္လို႔ ထင္ခဲ့မိတယ္။ ဆုေပးပြဲမွာ သူငယ္ခ်င္းေတြနဲ႔ပဲ ဓါတ္ပုံရုိက္ေနတဲ့သားကို ဓါတ္ပုံတစ္ပံုေလာက္ အမွတ္တရ အတူရုိက္ဖို႔ ေခၚတဲ့ေဖေဖ့ကို ၾကြားဖို႔ပဲ ဓါတ္ပုံရုိက္ခ်င္တဲ့ေဖေဖလို႔ ေတြးခဲ့မိတယ္။ ခု အဲဒီဓါတ္ပုံကို ျပန္ၾကည့္ရင္ သားအတြက္ဂုဏ္ယူ ဝင့္ၾကြားေနတဲ့ေဖေဖနဲ႔ မာနတက္ၿပီး စိတ္ပ်က္ေနတဲ့ မ်က္ခြက္နဲ႔ သားပုံကို ျပန္ေတြ႔ရမွာပါ။ ျဖစ္သင့္တာက ဝမ္းသာအားရနဲ႔ သားအဖႏွစ္ေယာက္ဖက္ၿပီး ရုိက္တဲ့ပုံျဖစ္သင့္ပါတယ္။ ခုေတာ့ ဘာလို႔ေမေမ့လိုပဲ အိမ္မွာမေနခဲ့တာလဲ ဆိုတဲ့အခ်ိဳးမေျပတဲ့ မ်က္ႏွာေပးနဲ႔ သားဘဝင္နဲ႔ သားဘဝင္ကို ခ်စ္တဲ့၊ ဂုဏ္ယူတဲ့အေဖရဲ ႔ အျပံဳးပဲ မွတ္တမ္းဓါတ္ပုံမွာ က်န္ခဲ့တာပါ။ ျပန္ေတြးၿပီး ေရးရင္းနဲ႔ မသိတတ္တဲ့ ကိုယ့္ကိုယ္ကိုနဲ႔ သားကို ခ်စ္ခင္ဂုဏ္ယူတတ္တဲ့ ေဖေဖ့အတြက္ မ်က္ရည္မ်ားေတာင္ ဝဲမိပါတယ္။ ေဖေဖဟာ ကြ်န္ေတာ့အတြက္ဘယ္ေလာက္ေတာင္ ဝမ္းသာေပ်ာ္ရႊင္ခဲ့လဲဆိုရင္ ကြ်န္ေတာ္ေဆးေက်ာင္းမွာ ေက်ာင္းအပ္တဲ့ေန႔အထိ တက္ၾကြေပ်ာ္ရႊင္ေနခဲ့တာပါ။ ကြ်န္ေတာ့နာမည္ေခၚလုိက္တုိင္း ထထေျပးသြားတတ္တဲ့ တိုက္ပုံၾကီးတကားကားနဲ႔ ေဖေဖ့ကို စာေရးမက လွမး္ေအာ္ရတဲ့ထိပါ။ “မ်ိဳးထက္ႏုိင္ကိုေခၚတာ၊ မ်ိဳးထက္ႏုိင္အေဖကို ေခၚတာ မဟုတ္ဘူး” တဲ့။ ကဲ...မွတ္ကေရာ။

ကြ်န္ေတာ္လား။ ကြ်န္ေတာ္ကေတာ့ အေဖကိုယ့္ကိုဂရုစိုက္တာကုိ ၾကည္ႏူးဖို႔ေနေနသာသာ၊ ရွက္မ်ားေတာင္ေနလိုက္ေသးသတဲ့...အဟား။ ေဖေဖကြ်န္ေတာ့ကို ခ်စ္ပုံက ေနာက္ဆုံး ကုိယ့္ဟာကိုယ္ ေနာက္က်လို႔ ေက်ာင္းကားမမွီတဲ့ ကြ်န္ေတာ့ကို ဖုန္းဆက္လိုက္ရုံနဲ႔ ရုံးကို သြားေနတဲ့ လမ္းကေနျပန္လွည့္လာၿပီး ေက်ာင္းလိုက္ပို႔ေပးတတ္တာပါ။ တစ္ျခားအေသးအဖဲြေလးေတြကေတာ့ မေရမတြက္ႏုိင္ေအာင္ရွိေပမယ့္ ထည့္မေရးေတာ့ပါ။ ေဖေဖ့ ေမတၱာေတြကို ေတြးမိတိုင္း ကြ်န္ေတာ့္ရင္ထဲမွာ အျမဲေႏြးေထြးရပါတယ္။ေဖေဖနဲ႔ ကြ်န္ေတာ့အေၾကာင္းေတြက ေရးစရာ အမ်ားၾကီးက်န္ေနေသးလို႔ ေနာက္ စာပုဒ္ေရးမွပဲ ထပ္ေရးပါေတာ့မယ္။ ခုေတာ့ ေဖေဖ့ကို သတိရလို႔ တစ္ခ်ိဳ႔တစ္ဝက္ကို ရတဲ့အခ်ိန္မွာ လုၿပီးေရးလိုက္ရတာပါ။ ဖတ္မိလို႔ ရင္ထဲမွာ တစ္ခုခုခံစားရတယ္ဆို ေက်နပ္ပါၿပီ။ ေဖေဖ့ အတြက္အမွတ္တရပါ။

ကောင်းကင်နဲ့ ပင်လယ်

တစ်နေ့မှာ ကောင်းကင်ကြီးက ပင်လယ်ကို ငုံ့ကြည့်ရင်း ပင်လယ်ရဲ့ အလှမှာ ယစ်မူးသွားတယ်။ ဒါနဲ့ မိုးစက်လေးတွေထဲမှာ သူ့ရဲ့ မေတ္တာတွေကို စိမ့်ဝင်စေလို့ ပင်လယ်ဆီကို မှန်မှန်ပေးပို့ခဲ့တယ်။ ပင်လယ်ကတော့ ရိပ်တောင်မရိပ်မိခဲ့ပါဘူး။ ရိပ်မိခဲ့ရင်လည်း ခုငြိမ်သက်လိုက်၊ တော်ကြာလှိုင်းထန်လိုက်နဲ့ အပြောင်းအလဲမျိုးစုံပြတတ်တဲ့ ပင်လယ်ကို ကောင်းကင်က ဖတ်တတ်ပါ့မလား။ အချိန်တွေသာကြာလာခဲ့တယ် ကောင်းကင်နဲ့ ပင်လယ်က ဝေးကွာနေဆဲ။ တစ်နေ့မှာတော့ ပင်လယ်ဟာ နီးစပ်တဲ့ မြေကြီးရဲ့ အချစ်ကို တုန့်ပြန်လိုက်တော့တယ်။ ကောင်းကင်ကြီးသိတဲ့အခါမှာတော့ ရင်ကွဲရပြီ။ သူ့ရဲ့ ဖြိုင်ဖြိုင်ရွာသွန်းတဲ့ မျက်ရည်တွေကြောင့် ပင်လယ်ဟာလဲ သူ့အချစ်ကို သိသွားတော့တယ်။ ဒါပေမယ့် လွန်ခဲ့ပြီလေ။ ကောင်းကင်ဟာ ပင်လယ်ကို အမြဲစောင့်ကြည့်နေခဲ့လို့ ပင်လယ်ရဲ့ ဘာသာဗေဒတစ်ချို့ကို နားလည်နေပြီဖြစ်ပေမယ့် သူတို့ကြားမှာ မြေကြီးက ရှိနေခဲ့ပြီ.......။ ဒီလိုနဲ့ပဲ ဟိုးမိုးကုတ်စက်ဝိုင်း အဆုံးကိုရောက်ရင်တော့ ဆုံတွေနိုင်ကြမယ်လို့ ကောင်းကင်နဲ့ ပင်လယ် နှစ်ယောက်လုံးက ယုံကြည်နေကြလေရဲ့......။

==========================================

တစ္ေန႔မွာ ေကာင္းကင္ၾကီးက ပင္လယ္ကို ငံု႔ၾကည့္ရင္း ပင္လယ္ရဲ ႔ အလွမွာ ယစ္မူးသြားတယ္။ ဒါနဲ႔ မိုးစက္ေလးေတြထဲမွာ သူ႔ရဲ ႔ ေမတၱာေတြကို စိမ့္ဝင္ေစလို႔ ပင္လယ္ဆီကို မွန္မွန္ေပးပို႔ခဲ့တယ္။ ပင္လယ္ကေတာ့ ရိပ္ေတာင္မရိပ္မိခဲ့ပါဘူး။ ရိပ္မိခဲ့ရင္လည္း ခုၿငိမ္သက္လုိက္၊ ေတာ္ၾကာလွိဳင္းထန္လိုက္နဲ႔ အေျပာင္းအလဲမ်ိဳးစုံျပတတ္တဲ့ ပင္လယ္ကို ေကာင္းကင္က ဖတ္တတ္ပါ့မလား။ အခ်ိန္ေတြသာၾကာလာခဲ့တယ္ ေကာင္းကင္နဲ႔ ပင္လယ္က ေဝးကြာေနဆဲ။ တစ္ေန႔မွာေတာ့ ပင္လယ္ဟာ နီးစပ္တဲ့ ေျမၾကီးရဲ ႔ အခ်စ္ကို တုန္႔ျပန္လုိက္ေတာ့တယ္။ ေကာင္းကင္ၾကီးသိတဲ့အခါမွာေတာ့ ရင္ကြဲရၿပီ။ သူ႔ရဲ ႔ ၿဖိဳင္ၿဖိဳင္ရြာသြန္းတဲ့ မ်က္ရည္ေတြေၾကာင့္ ပင္လယ္ဟာလဲ သူ႔အခ်စ္ကို သိသြားေတာ့တယ္။ ဒါေပမယ့္ လြန္ခဲ့ၿပီေလ။ ေကာင္းကင္ဟာ ပင္လယ္ကို အၿမဲေစာင့္ၾကည့္ေနခဲ့လို႔ ပင္လယ္ရဲ ႔ ဘာသာေဗဒတစ္ခ်ိဳ ႔ကို နားလည္ေနၿပီျဖစ္ေပမယ့္ သူတုိ႔ၾကားမွာ ေျမၾကီးက ရွိေနခဲ့ၿပီ.......။ ဒီလိုန႔ဲပဲ ဟိုးမိုးကုတ္စက္ဝုိင္း အဆုံးကိုေရာက္ရင္ေတာ့ ဆုံေတြႏုိင္ၾကမယ္လို႔ ေကာင္းကင္နဲ႔ ပင္လယ္ ႏွစ္ေယာက္လုံးက ယံုၾကည္ေနၾကေလရဲ ႔......။

ေစာေစာထတဲ့ငွက္

ဒီေန႔မနက္ ကြ်န္ေတာ္ အေစာၾကီးႏုိးေနတယ္။ ေတြးစရာေတြ မ်ားလြန္းလို႔နဲ႔ တူပါရဲ႔။ ဆက္အိပ္လို႔မရ။ ဒါနဲ႔ ကြ်န္ေတာ္နဲ႔ ခံစားခ်က္ေတြမွ်ေဝေလ့ရွိတဲ့

အခ်စ္ဆုံးသူငယ္ခ်င္းတစ္ေယာက္ကို သတိရေနမိတယ္။ မဆီမဆိုင္လို႔ေတာ့ ေျပာလို႔မရပါဘူး။ ကြ်န္ေတာ့ေတြးစရာေတြကုိ သူကဒုိင္ခံနားေထာင္ေပးေလ့ ရွိတာကုိး။

မနက္ေစာေစာထရင္ သူနဲ႔ ကြ်န္ေတာ္ေျပာေနက် စကားေလးေတြကို ျပန္သတိရမိတယ္။
"ေစာေစာထတဲ့ငွက္ တီေကာင္စားရတယ္္ " တဲ့။
ဒါက ဆိုရိုးစကားေလးပါ။ မထူးဆန္းပါဘူး။ သူဆက္ေျပာတာေလးေတြကသာ ကြ်န္ေတာ့ကို အမွတ္တရျဖစ္ေစတာ။

သူ ကြ်န္ေတာ့ကို ဘာေမးလဲဆိုေတာ့
" ဒါျဖင့္ တီေကာင္ကေရာ.....တီေကာင္ကလဲ ေစာေစာထလို႔ အစားခံရတာေပါ့၊ ဟုတ္လား" တဲ့။
ကြ်န္ေတာ္ ဘာျပန္ေျဖရမွန္းမသိ ျဖစ္သြားတယ္။ အေတြးေတြလဲ ပြားသြားတယ္။စကားပုံကို ဘယ္လိုကာကြယ္ရမလဲလို႔ ကြ်န္ေတာ္ေတြးေနတုံး သူကပဲဆက္ေျပာပါတယ္။

" အမွန္ကေတာ့ တီေကာင္က ေစာေစာထတာမဟုတ္ဘူးကြ၊ တစ္ညလုံး ေလွ်ာက္ကဲေနလို႔ အိမ္ျပန္ေနာက္က်ေနတာ" တဲ့။
"ဒါေၾကာင့္ အစားခံရတာေပါ့ကြ" တဲ့။
"စကားပုံက မွန္ပါတယ္္" ဆိုတာက ပါလိုက္ေသး...ကဲ။

ကြ်န္ေတာ့မွာ ရယ္လိုက္ရတာ...အေတြးကိုသေဘာက်လြန္းလို႔။ သူဘယ္ကေန အဲဒါကိုဖတ္လာလဲ (သို႔) ေတြးလာလဲေတာ့ မသိဘူး။ ကြ်န္ေတာ္ကေတာ့ စိတ္ထဲမွာ စြဲသြားတယ္။ ခုေတာ့ မနက္အေစာၾကီးလဲ ႏုိးေနျပန္၊ သူ႔ကိုလဲသတိရမိျပန္ဆိုေတာ့ ဒီအေၾကာင္းအရာေလးကို ေခါင္းထဲမွာ ျပန္ျမင္ေနမိတယ္။

သူငယ္ခ်င္းေရ...ခုေတာ့လဲ ငါတစ္ေယာက္ထဲ မင္းကိုလြမ္းမိပါရဲ႔။

ခရီးသွားများ

မဆုံးနိုင်တဲ့ ခရီးရှည်ကြီးတစ်ခုမှာပေါ့..... ဖြစ်သင့်တာနဲ့ ဖြစ်ချင်တာ ဆိုတဲ့ မြင်းနှစ်ကောင်ကတဲ့ ရထားကြီး...
မျက်နှာကြောမာမာနဲ့ ပုဂ္ဂိုလ်ကြီး အသိတရားက မြင်းနှစ်ကောင်အပြေးညီအောင် မြင်းဇက်ကြောတွေကို တင်းတင်းဆွဲလို့...။ ခံစားချက်ကလေး ရထားထောင့်ထဲမှာ တစ်ယောက်ထဲ ငုတ်တုတ်ထိုင်ပြီးမှိုင်နေရှာတုံး မျှော်လင့်ချက်က ရထားပြတင်းပေါက်ကနေ ခေါင်းပြူပြီး ကြည့်လိုက်တယ်။ ရထားပေါ်က ပြုတ်ကျပြီးကျန်ခဲ့တာ ကြာပြီဖြစ်တဲ့ ပျော်ရွှင်ခြင်းကိုများ လမ်းတစ်ကွေ့ကွေ့မှာ ပြန်တွေ့မလားလို့ပေါ့လေ...........။ အဲဒီလိုနဲ့ပဲ....မဆုံးနိုင်တဲ့ခရီးရှည်ကြီးတစ်ခုမှာပေါ့.....

====================================

မဆံုးႏုိင္တဲ့ ခရီးရွည္ၾကီးတစ္ခုမွာေပါ့..... ျဖစ္သင့္တာနဲ႔ ျဖစ္ခ်င္တာ ဆိုတဲ့ ျမင္းႏွစ္ေကာင္ကတဲ့ ရထားၾကီး...

မ်က္ႏွာေၾကာမာမာနဲ႔ ပုဂၢိဳလ္ၾကီး အသိတရားက ျမင္းႏွစ္ေကာင္အေျပးညီေအာင္ ျမင္းဇက္ေၾကာေတြကို တင္းတင္းဆြဲလို႔...။ ခံစားခ်က္ကေလး ရထားေထာင့္ထဲမွာ တစ္ေယာက္ထဲ ငုတ္တုတ္ထုိင္ျပီးမွိဳင္ေနရွာတုံး ေမွ်ာ္လင့္ခ်က္က ရထားျပတင္းေပါက္ကေန ေခါင္းျပဴျပီး ၾကည့္လိုက္တယ္။ ရထားေပၚက ျပဳတ္က်ျပီးက်န္ခဲ့တာ ၾကာျပီျဖစ္တဲ့ ေပ်ာ္ရႊင္ျခင္းကိုမ်ား လမ္းတစ္ေကြ႔ေကြ႔မွာ ျပန္ေတြ႔မလားလို႔ေပါ့ေလ...........။ အဲဒီလိုန႔ဲပဲ....မဆုံးႏုိင္တဲ့ခရီးရွည္ၾကီးတစ္ခုမွာေပါ့.....

ပင္းတယျမိဳ႔ေလးရဲ ႔ ဒ႑ာရီ

ရွမး္ၿပည္ေတာင္ပိုင္း ပင္းတယၿမိဳ႔ကေလးက ဒီလိုၿဖစ္ေပၚလာခဲ့တာလို႔ ဆုိပါတယ္။
တစ္ခါက တိုင္းၿပည္တစ္ၿပည္မွာ ေကာင္းကင္ေပၚမွာ ပ်ံသန္းသြားလာႏုိင္တဲ့ မင္းသမီး ခုနစ္ေယာက္ရွိပါသတဲ့။ မိုးေပၚလဲ ပ်ံႏုိင္၊ ညီအစ္မတစ္ေတြအဖြဲ႔ကလဲ ေတာင့္ၿပန္ဆိုေတာ့ နန္းေတာ္မွာ ဘယ္ေကာင္းေကာင္းေနၾကေတာ့မလဲဗ်ာ။ ဟုိေလွ်ာက္သြား၊ ဒီေလွ်ာက္ေဆာ့ လုပ္ၾကေတာ့တာေပါ့။ တစ္ေန႔မွာေတာ့ အဲဒီလို ေလွ်ာက္သြားၾကရာကေန ေတာၾကီးတစ္ခုထဲမွာ အလြန္အင္မတန္သာယာလွပတဲ့ ေရကန္ၾကီးတစ္ကန္ကို မေမွ်ာ္လင့္ပဲ ေတြ႔ၾကပါေလေရာ။ ေရကန္က ေက်းငွက္ေတြနဲ႔အလြန္ကို သာယာၿပီး ေရကလဲၾကည္လင္ေအးၿမေနပါသတဲ့။ ဒါ့အၿပင္လူသူေတြနဲ႔ေဝးတဲ့ ေတာထဲမွာဆိုေတာ့ ညီအစ္မတစ္ေတြလဲ ေရကူးကန္အသစ္္ေတာ့ ရပဟဲ့ဆုိၿပီး ဝမ္းသာအားရ ေရေဆာ့ၾကသတဲ့။ ေရကန္က်ယ္ၾကီးကို အရမ္းသေဘာက်သြားတဲ့ ညီအစ္မတစ္ေတြဟာ ေနာက္လဲအၿမဲလိုလို ဒီကန္ၾကီးမွာအၿမဲ လာေရာက္ေရကစားၿဖစ္ၾကပါေတာ့တယ္။

အဲဒီလိုနဲ႔ မၾကာခဏလာေရာက္ ေဆာ့ကစားေနၾကရာကေန တစ္ေန႔မွာေတာ့.......။အဲဒီေန႔မွာ အေဆာ့လြန္သြားတဲ့အတြက္ ေနေတာ္ေတာ္ေစာင္းသြားပါတယ္။ သူတို႔ရဲ႔ အိမ္ကိုပ်ံသန္းသြားရမယ့္ခရီးကလဲ အေဝးၾကီး။ ဘယ္လိုနည္းနဲ႔မွ အိမ္ကို အခ်ိန္မွီၿပန္ဖို႔ မၿဖစ္ႏုိင္ေတာ့ပါဘူး။ ဒါေၾကာင့္ ညီအစ္မတေတြ ဆုံးျဖတ္လိုက္တာက ကန္နားမွာပဲ ေနရာထိုင္ခင္းေကာင္းတာရွာၿပီး ညအိပ္လိုက္ၾကဖို႔ပါ။ ကန္နဲ႔ ခပ္လွမ္းလွမ္း မွာ ေက်ာက္ဂူၾကီး တစ္ခုေတြ႔တဲ့အတြက္ အဲဒီထဲမွာပဲ သူတို႔တစ္ေတြ စခန္းခ်ၾကပါတယ္။ အထဲမွာ မီးေမႊးၿပီး မီးပုံပြဲေတြဘာေတြလုပ္ၾကမွာေပါ့ဗ်ာ။ အဲ..........ၿပႆနာကေတာ့ မနက္မိုးလင္းတဲ့ အခ်ိန္မွာ ဂူဝကို လွည္းဘီးဝုိင္းေလာက္ ပင့္ကူၾကီးတစ္ေကာင္အိမ္ဖြဲ႔ျပီး ပိတ္ေနတာ ေတြ႔ၾကရတာပါပဲ။ ပင့္ကူကလဲ ၿဖစ္ၿပန္၊ အေကာင္ကလဲ ဧရာမဆိုေတာ့ မိန္းကေလးေတြပီပီ အရမ္းကုိေၾကာက္ၾကတာေပါ့ဗ်ာ။ ဒါနဲ႔ပဲ ငယ္သံပါေအာင္ ေအာ္ဟစ္ငိုယိုၿပီး ကယ္ပါယူပါလုပ္ရေတာ့တာေပါ့။ မင္းသမီးေလးေတြက အသံေတာ္ေတာ္ေအာင္တယ္နဲ႔တူပါတယ္...အနားကေတာထဲေရာက္ေနတဲ့မင္းသားတစ္ပါးက ၾကားသြားပါေလေရာ။ မိန္းကေလးေတြရဲ႔ ငိုယို အကူအညီေတာင္းသံကိုၾကားေတာ့ မင္းသားလဲ ေယာက်္ားပီပီ ကူညီခ်င္စိတ္ေတြတစ္ဖြားဖြားေပၚၿပီး ကယ္ဆယ္မဟဲ့ဆိုၿပီး အသံလာရာကို လုိက္ရွာပါတယ္။ အမွန္ကေတာ့ သူကိုယ္တိုင္လဲ အမဲလိုက္ရင္းမ်က္စိလည္ လမ္းေပ်ာက္ေနတာပါ။ ဒါေပမယ့္ ေယာက္်ားမဟုတ္လား။ ေကာင္မေလးေတြဒုကၡေရာက္ေနတာ ကယ္ရမွာေပါ့။ ဒါနဲ႔ပဲ မင္းသားဟာ မင္းသမီးေတြရွိေနတဲ့၊ ပင့္ကူၾကီးပိတ္ထားတဲ့ ဂူဝနားကို ေရာက္သြားပါေလတယ္။ အခ်င္းခ်င္း အသံနဲ႔ ဆက္သြယ္ၾကတဲ့ အတြက္ အထဲမွာ မင္းသမီးေလးေတြ ပိတ္မိေနတယ္ဆိုတာကို သူသိသြားပါတယ္။ အဲဒါနဲ႔ပဲ...ကယ္ဆယ္မယ္လို႔ ဆုိင္းၿပင္းၿပီးကာမွ ကိုယ္ေတာ္ေခ်ာက အေပးအယူ ထလုပ္ပါေလေရာကလား။ မင္းသမီးေလးေတြကိုကယ္ရင္ သူဘာရမွာလဲေပါ့။ အေရးအေၾကာင္းထဲမွာေတာင္ အခြင့္အေရးေတာ္ေတာ္ရွာတတ္တဲ့ မင္းသားပါ။ ေနာက္ဆုံးေတာ့ မင္းသမီးတစ္ပါးနဲ႔ လက္ထပ္ရမယ္ဆိုတဲ့ ကတိကုိရပါတယ္။ ဒီေတာ့မွ မင္းသားက စြမ္းစြမ္းတမံ ၿမားနဲ႔ပစ္သတ္လိုက္တာ ပင့္ကူၾကီး ေသသြားပါေလေတာ့တယ္။ ပင့္ကူၾကီးလဲ ေသေရာ မင္းသားက ပင့္ကူရၿပီ လို႔ ေအာ္၊ မင္းသမီးေလးေတြကို ဝမ္းသာအားရ အေၾကာင္းၾကား၊ ၿပီးေတာ့ ေကာင္မေလးေတြကို ကယ္ထုတ္ေပါ့ဗ်ာ။


ေနာက္ဆုံးမွာေတာ့ ဂတိအတိုင္း မင္းသမီးေလးတစ္ပါးနဲ႔ မင္းသားနဲ႔လက္ဆက္ရပါတယ္။ အဲဒီ ေက်ာက္ဂူၾကီးနဲ႔ အဲဒီကန္ၾကီးနားမွာပဲ ၿမိဳ႔တစ္ၿမိဳ႔တည္ေထာင္ၿပီးေနလိုက္ၾကတာ ပင့္ကူရတဲ့အထိမ္းအမွတ္နဲ႔ ပင့္ကူရၿမိဳ႔လို႔ အမည္တြင္ပါတယ္။ ေတာ္ေတာ္ဟုတ္တဲ့မင္းသားပါ။ မိန္းမလဲရေရာ တိုင္းျပည္မျပန္ပဲ ျမိဳ႔တစ္ျမိဳ႔ေတာင္ တည္ေထာင္ျပီးေနတယ္ဆိုပဲ။ ျမိဳ႔မွာေနတဲ့လူဦးေရေေတာ့ ဘယ္ကရလဲ မသိပါဘူး။ ဇာတ္လမ္းျပန္ဆက္ရရင္ အဲဒီပင့္ကူရျမိဳ႔ကေလးကေန ကာလေရြ႔လ်ားလာေတာ့ ပင္းတယၿမိဳ႔လို႔ျဖစ္လာပါေတာ့တယ္။ ညီအစ္မတစ္ေတြ ေရကစားၾကတဲ့ကန္ၾကီးကိုေတာ့ ပုတ္တလုပ္ကန္္လို႔ ေခၚပါတယ္။ မင္းသမီးေလးေတြ အိပ္ေနတုံး ပင့္ကူအိမ္ဖြဲ႔ျပီး ပိတ္သြားတဲ့ဂူက ပင္းတယဂူူပါ။ ပင္းတယၿမိဳ႔ထဲက ပုတ္တလုပ္ကန္္နဲ႔ ပင္းတယၿမိဳ႔နားက ပင္းတယဂူတို႔ကို ေရာက္ရင္ ပံုျပင္ေလးကို သတိရၾကမွာပါ။ ပင္းတယဂူရဲ ႔အေရွ ႔မွာ မင္းသားက ပင့္ကူၾကီးကို ျမွားနဲ႔ပစ္ေနတဲ့အရုပ္ၾကီးေတြ ထုထားပါတယ္။ ပုံျပင္ထဲက မင္းသားေလးက ေညာင္ေရႊေစာ္ဘြားရဲ ႔ သားလို႔ဆိုပါတယ္။ ေနာက္ပိုင္းမွာ ေညာင္ေရႊေစာ္ဘြားက သူ႔သားေတာ္ကို အိမ္ျပန္လာဖို႔ေခၚခိုင္းလိုက္ရာက မင္းသားမရွိတုံး မင္းသမီးေလး တိုင္းျပည္ျပန္သြားလို႔ မင္းသားျပန္လိုက္ေခၚရတဲ့ ေနာက္ဆက္တြဲ ရွိပါေသးတယ္။ ဒါေပမယ့္ ေငြေတာင္ျပည္ ေဒြးမယ္ေနာ္ ဇာတ္နဲ႔ဆင္ေနလို႔ ဒီမွာပဲ ရပ္ထားလိုက္ပါ့မယ္။ ပင္းတယျမိဳ႔ေလးနဲ႔ ပက္သက္တဲ့ စိတ္ဝင္စားဖြယ္ရာ ဒ႑ာရီေလး တစ္ပုဒ္ပါ။

သားတုိ႔ေမေမ

မ်က္လုံးကို မိွတ္ၿပီး လဲွအိပ္အိပ္ၿခင္း ေမေမ့ကို မ်က္စိထဲမွာၿမင္လာတယ္။ ကြ်န္ေတာ္ ၿပန္ရေတာ့မွာပဲ။ ေမေမနဲ႔ ေဖေဖကိုေတြ႔ရေတာ့မယ္။ အေတြးနဲ႔အတူ ေမေမ့ရင္ခြင္ထဲမွာ ေတာ္ေတာ္ၾကီးတဲ့အထိ ဝင္ဝင္ေနတတ္တဲ့ ကြ်န္ေတာ့ပံုကို ၿပန္ၿမင္လာမိတယ္။ အရမ္းငယ္တုံးကေတာ့ တစ္ကုိယ္လုံး ေမေမ့ ရင္ခြင္ထဲမွာေပါ့။ နညး္နညး္ၾကီးလာေတာ့ အတင္းေကြးၿပီး ဝင္အိပ္မွ တစ္ကိုယ္လုံးဝင္လုိ႔ရေတာ့တယ္။ ေဟာ....ခုေတာ့ ေမေမ့ေပါင္ေပၚေခါင္းအုံးၿပီး ေမေမ့ကို ဖက္ထားလို႔ပဲ ရေတာ့တယ္ေလ။ ေမေမကေတာ့ ကြ်န္ေတာ္ ဝင္အိပ္ေနရင္ ထုိင္ရာက မထပဲကြ်န္ေတာ္ႏုိးတဲ့ထိ ေနေပးေလ့ရွိတာပါ။ေမေမ့ရင္ခြင္ထဲမွာ အိပ္ရတာ အရမ္းကိုေႏြးေထြးပါတယ္။ အိပ္ရာက ႏုိးလာရင္ ၿပံဳးၿပီးၾကည့္ေနတတ္တဲ့ ေမေမ့ကို ေတြ႔ရတတ္ပါတယ္။ ေမေမ့အၿပံဳးနဲ႔ မ်က္လုံးကိုၿမင္လိုက္တာနဲ႔ ေမေမ ကြ်န္ေတာ့္ကို ဘယ္ေလာက္ခ်စ္လဲဆိုတာ ေၿပာစရာမလိုပဲ ခံစားမိတာပါ။ အိမ္မွာ အငယ္ဆုံးမို႔လို႔ ေမေမက ကြ်န္ေတာ့္ကို ေတာ္ေတာ္ခ်စ္ပါတယ္။ ငယ္ငယ္က ကိုကိုစလို႔ ကြ်န္ေတာ္ငိုရင္ ေမေမပါလိုက္ငိုတတ္တာပါ။ ခုေတာ့ သားႏွစ္ေယာက္လုံး အေဝးမွာ ေရာက္ေနေတာ့ ကြ်န္ေတာ္တို႔ ညီအစ္ကိုကို ေတာ္ေတာ္ သတိရရွာမွာပါ။ စကားနည္းတဲ့ေမေမက ဘယ္ေတာ့မွေတာ့ ထုတ္ေၿပာတာမဟုတ္ပါဘူး။ ဒါေပမယ့္ ကြ်န္ေတာ္ခံစားလို႔ရတယ္..ကြ်န္ေတာ္တို႔အေပၚထားတဲ့ ေမေမ့ေမတၱာနဲ႔ ကြ်န္ေတာ္တို႔ကိုသတိရေနမယ့္ ေမေမ့စိတ္ေတြကိုေလ။ ေမေမ...သားတို႔ၿပန္လာေတာ့မယ္။ ခဏပဲ ၿပန္လာႏုိင္ေပမယ့္ ေမေမေက်နပ္မွာပါ...။ေရးစရာေတြ အမ်ားၾကီးရွိေပမယ့္ သတိရလို႔ စိတ္ထဲမွာမွတ္မွတ္ထင္ထင္ ရွိေနတာေလးပဲ အရင္ေရးလိုက္ပါတယ္။ ရန္ကုန္ၿပန္ေရာက္မွ ေမေမ့ရင္ခြင္ထဲ ေခါင္းတုိးၿပီး အိပ္ၿဖစ္ေအာင္ကို အိပ္ပစ္လိုက္ဦးမယ္ဗ်ာ......။

ညီအစ္ကိုဆိုတာ...

ဟိုး လြန္ခဲ့တဲ့ ႏွစ္ ႏွစ္ဆယ္ေလာက္တုံးကေပါ့....( ၿမန္မာကားေတြထဲက ေနာက္ေၾကာင္းၿပန္ေလသံနဲ႔ ဟီဟိ)၊ ကြ်န္ေတာ္က ငါးႏွစ္သားေလာက္ေပါ့ဗ်ာ။ ကြ်န္ေတာ္နဲ႔ အိမ္နားက အရြယ္စုံကေလးေတြ ကစားေနၾကရင္း ရန္ၿဖစ္ပါေလေရာ။ ၿဖစ္တာက ကြ်န္ေတာ္နဲ႔ ကြ်န္ေတာ့ထက္ ၃၊ ၄ ႏွစ္ၾကီးတဲ့ ေကာင္ေလးနဲ႔ၿဖစ္တာ။ ေဆာ့ရင္းနဲ႔ ဒီလိုပဲရန္ၿဖစ္ၾကတာေပါ့။ုသူက ကြ်န္ေတာ့ထက္ ၃ ၊ ၄ ႏွစ္ၾကီးတယ္ဆုိေတာ့ လူေကာင္ကလဲ အမ်ားၾကီးထြားတာေပါ့။ အဲဒီမွာ ဟိုငတိေလးက ဘာမေၿပာ ညာမေၿပာနဲ႔ ကြ်န္ေတာ့ ဖိနပ္တစ္ဖက္ကိုယူၿပီး ဟိုးၿခံဳေတြအမ်ားၾကီးရွိတဲ့ အေဝးၾကီးကို လႊင့္ပစ္လိုက္ကေရာ။အႏုိင္က်င့္တာေပါ့ဗ်ာ။ ကြ်န္ေတာ္ကလဲ သတၱိခဲပဲ၊ ဘယ္ရမလဲ၊ ငိုၿပီးအိမ္ကိုတန္းၿပန္ေၿပးေတာ့တာေပါ့..ဟီးဟီး။ အိမ္ေရာက္ေတာ့ ကြ်န္ေတာ့ အစ္ကိုနဲ႔ေတြ႔၊ ဘာၿဖစ္လဲေမး၊ လာလိုက္ခဲ့၊ အဲဒီေကာင္ၿပ ဆိုၿပီး ကြ်န္ေတာ္ကို ၿပန္ေခၚလာေတာ့တာပဲ။ ကြ်န္ေတာ္လဲ အစ္ကုိအားကိုးနဲ႔ဆိုေတာ့ ဟဲဟဲ၊ ဘယ္ေၾကာက္ပါ့မလဲ။ ဒီလိုနဲ႔ ဟိုေရာက္ေတာ့ ဟိုအေကာင္ေလးက ေဆာ့လို႔ေကာင္းတုံး။ ကြ်န္ေတာ္တို႔ ညီအစ္ကို ႏွစ္ေယာက္ကိုၿမင္ေတာ့ သူ႔ကိုၿပႆနာရွာဖို႔ လာတာဆိုတာ တန္းသိတာေပါ့။ ကြ်န္ေတာ့ အစ္ကိုက သူ႔ကို ဖိနပ္ၿပန္ေကာက္ေပးဖို႔ ေၿပာတယ္။ သူက ခံတန္တန္လုပ္ေနတယ္။ ကိုကို (ကြ်န္ေတာ့အစ္ကို) က "ေဟ့ေကာင္ မင္းငါ့ညီဖိနပ္ကို ၿပန္ရွာေပးမွာလား၊ မေပးဘူးလား " လို႔ ခပ္ထန္ထန္ေၿပာလိုက္ေတာ့မွပဲ ဒင္းကမေက်မနပ္နဲ႔ ရွာၿပီး ေကာက္ေပးေတာ္မူေတာ့တယ္။ အင္း အစ္ကိုရွိတာ တယ္ေကာင္းသကိုး။ ငွဲငွဲငွဲ။
ကြ်န္ေတာ္ကသာ ႏွစ္ႏွစ္ဆယ္နီးပါးေလာက္ၾကာတဲ့ အထိ အဲဒီကိစၥ ခဏခဏ သတိရေနတာ...ကာယကံရွင္နဲ႔ ကြ်န္ေတာ့အစ္ကိုေတာင္ ေမ့ေလာက္ပါၿပီ။ ကြ်န္ေတာ္ေၿပာခ်င္တာက ညီအစ္ကိုဆိုတဲ့ စိတ္ဓါတ္ကိုေၿပာခ်င္တာပါ။ ငါ့မွာ ငါ့ေရွ ႔ကမားမားရပ္ေပးမယ့္ အစ္ကိုရွိတယ္ဆိုတဲ့ အသိေၾကာင့္ ကြ်န္ေတာ္အမ်ားၾကီးလုံၿခဳံမွဳရခဲ့၊ ကုိယ့္ကိုယ္ကို ယံုၾကည္မွဳတည္ေဆာက္ႏုိင္ခဲ့တာကို ေၿပာခ်င္တာပါ။ အဲဒီခံစားခ်က္ေလးကို သေဘာက်လို႔၊ ကိုယ္ခ်င္းစာလို႔ပဲ ကြ်န္ေတာ္နဲ႔ ခင္မင္ေတြ႔ၾကံဳခဲ့ရတဲ့ ညီငယ္ေတြအားလုံးကို အစ္ကိုတစ္ေယာက္ေနရာက ကြ်န္ေတာ္ေပးႏုိင္တာအားလုံးေပးၿဖစ္ခဲ့တာပါ။ညီအစ္ကိုုဆက္ဆံေရးမ်ိဳး ေၿပာဆို၊ဆက္ဆံ၊ ညွာတာၿဖစ္ခဲ့တာပါ။ ကြ်န္ေတာ္ခံစားရသလို ငါ့မွာ အေရးၾကံဳရင္ အားကိုးစရာ အစ္ကိုတစ္ေယာက္ရွိပါလားလို႔ ခံစားေစခ်င္လို႔ပါ။ (ဖတ္မိတဲ့ ညီငယ္မ်ား ပိုက္ဆံေခ်းၾကမယ္ေတာ့ မၾကံနဲ႔၊ ဒါေတာ့မရဘူး၊ ဟဲဟဲ)။

ဆက္ေၿပာရမယ္ဆိုရင္ေတာ့ အဲဒီ ကြ်န္ေတာ္ငါးႏွစ္သားအရြယ္ကေန၊ ခုကြ်န္ေတာ္ ၂၅ႏွစ္၊ ကိုကုိ ၃၁ ႏွစ္ရွိတဲ့အထိ ကြ်န္ေတာ္တို႔ညီအစ္ကုိဆက္ဆံေရးက ေႏြးေထြးဆဲပါ။ ပိုၿပီးေတာ့ ခ်စ္ခင္လာတာ၊ရင္းႏွီးပြင့္လင္းလာတာပဲ ပုိလာတာရွိပါတယ္။ ကြ်န္ေတာ္အရြယ္ေရာက္လာေတာ့ ညီအစ္ကိုခ်င္းလဲပုိၿပီး နားလည္လာတယ္ေလ။ညီအစ္ကိုခ်င္းလဲ ပိုၿပီးညွာတာေထာက္ထားၿဖစ္လာၾကတယ္လို႔ ေၿပာရမွာေပါ့။ ဇန္နဝါရီ ၃၁ ရက္ေန႔က ကြ်န္ေတာ္ ၂၅ႏွစ္ၿပည့္တယ္။ အဲဒီေန႔မနက္မွာ ကြ်န္တာ္အလုပ္(part time) ေနာက္က်ေနလို႔႔အၿမန္သြားမယ္ ၿပင္ေနတုံး ကိုကို အလုပ္ကေန night shift ဆင္းရာကၿပန္ေရာက္လာတယ္။သူပင္ပန္းေနရဲ့သားနဲ႔ ဘာမွမစားရေသးတဲ့ ကြ်န္ေတာ့ကို ေခါက္ဆြဲၿပဳတ္ေကြ်းလိုက္ေသးတယ္။ မင္းေမြးေန႔မို႔ ကိုကို ေခါက္ဆြဲၿပဳတ္ေကြ်းတယ္သေဘာထားလိုက္ ဆိုပဲ ။ကြ်န္ေတာ္လဲအလုပ္သြားရင္းနဲ႔ ငယ္ငယ္က ကိစၥေတြကို ၿပန္စဥ္းစားမိသြားေတာ့တာေပါ့။ ဟိုးငယ္ငယ္ကေန ခုခ်ိန္ထိ ကြ်န္ေတာ့မွာ အစ္ကိုရွိတဲ့အတြက္ အစစ အရာရာသက္သာခဲ့တာပါ။ ဘာလုပ္လုပ္ သူေဖာက္သြားတဲ့လမ္းမွာ အသင့္ေလွ်ာက္၊ သူဆီကသင္ယူ၊ သူဖတ္တဲ့ စာအုပ္ေတြယူဖတ္ၿပီး စာဖတ္ဝါသနာပါ၊ ေနာက္ဆုံးကုန္ကုန္ေၿပာရရင္ စင္ကာပူေရာက္လာေတာ့လဲ ကိုကိုဒီမွာရွိေနလို႔ သူမ်ားေတြထက္အမ်ားၾကီးကို အဆင္ေၿပသြားတာပါ။ ညီအစ္ကိုႏွစ္ေယာက္ဆုိေတာ့ သူမ်ားေတြလို အထီးက်န္လဲ မခံစားရဘူးေပါ့။ ဘာပဲ ၿဖစ္ၿဖစ္ တို္င္ပင္ေဖာ္တိုင္ပင္ဖက္ သူငယ္ခ်င္းလို၊ ညီအစ္ကုိလို အစ္ကုိတစ္ေယာက္ရွိတာ အရမ္းကို စိတ္ဓါတ္ကိုလံုၿခံံဳေစပါတယ္ ။အၿပန္အလွန္မွီခိုလို႔ ရတာေပါ့။ ငယ္ငယ္ကတည္းက သိခဲ့တဲ့ ရာမနဲ႔ လကၡဏဇာတ္ထဲက ညီအစ္ကိုေတြခ်စ္ခင္ၾကတာကို ငယ္ငယ္ကသိပ္နားမလည္ခဲ့ဘူး.. ခုမွ ပိုၿပီးသေဘာေပါက္မိတယ္။အဲ..ေကာင္မေလးတစ္ေယာက္ကို ညီအစ္ကိုႏွစ္ေယာက္လုံး ၿပိဳင္ၾကိဳက္ၾကမယ္ဆိုရင္ေတာ့ လကၡဏလို ဘယ္အေလွ်ာ့ေပးႏုိင္မလဲဗ်ာ..ဟီး။ မင္းတုန္းမင္းနဲ႔ ကေနာင္မင္းတို႔ရဲ႔ ညီအစ္ကို ခ်စ္ခင္ၾကပံုမ်ိဳးကိုလဲ ၾကိဳက္တယ္။ ၿပီးေတာ့ မင္းေခါင္နဲ႔ ရွင္သိဒၶါတ္ညီအစ္ကိုရဲ႔ ညီေနာင္စိတ္ဓါတ္။မင္းေခါင္ကို အင္းဝထီးနန္းအပ္ေတာ့ လူသူအင္အားမရွိလို႔ မင္းေခါင္ကၿငင္းလိုက္ရတဲ့ ထီးနန္း၊ အဲဒီထီးနန္းကိုညီအစ္ကိုစိတ္ဓါတ္နဲ႔ ၿပန္တိုက္ယူေပးၿပီး ေနာင္ေတာ္ကိုအပ္တဲ့ ညီေတာ္ရွင္သိဒၶတ္၊ ဖတ္ရင္း၊ ဖတ္ရင္းနဲ႔ကုိ စိတ္ထဲမွာ တစ္အားေက်နပ္မိတာပါ(အက်ယ္သိခ်င္ရင္ေတာ့ ရွာဖတ္ၾကပါေတာ့ဗ်ိဳ႔) ။ညီအစ္ကိုဆိုတာ ဒီလိုမ်ိဳးပါလားေပါ့။ အဲဒီေတာ့.......ေနာက္ဆုံးေၿပာရရင္ အစ္ကုိတစ္ေယာက္ရွိတာ၊ ဒါမွမဟုတ္ အစ္ကုိတစ္ေယာက္ၿဖစ္ခြင့္ရတာ ဘယ္ေလာက္ေကာင္းလုိက္ေလလဲဗ်ာ..ေနာ။

ေၾသာ္..... စကား စကား( သြော်..... စကား စကား )

လြန္ခဲ့တဲ့ႏွစ္ရက္ေလာက္က ျမန္မာေက်ာင္းသားေတြလုပ္တဲ့ စင္ကာပူက ပြဲတစ္ပြဲကို သြားၾကည့္ျဖစ္ခဲ့ပါတယ္...။ ပြဲစစခ်င္းမွာပဲ မေမွ်ာ္လင့္ပဲ အမွားအယြင္းတစ္ခ်ိဳ႕ ျဖစ္ပါတယ္။ Technical error လို႔လဲ ေျပာလို႔ရပါတယ္။ ပရိသတ္ကေတာ့ သေဘာေပါက္ပါတယ္။ ေက်ာင္းသားေတြလုပ္တဲ့ပြဲ ျဖစ္တဲ့အတြက္ အမွားအယြင္းေလးေတြရွိတတ္တာ ေဗြမယူၾကပါဘူး..။ အဲဒီအခ်ိန္မွာ အစီအစဥ္ေၾကျငာသူ ေကာင္မေလးက စင္ေပၚတက္လာၿပီး ေျပာပါတယ္။ We are just students, so we have to understand this လို႔ ဆိုလာပါတယ္။သူတို႔ အစမ္းေလ့က်င့္တုံးကလဲ ဒီလိုမျဖစ္ဘူး..အဆင္ေျပပါတယ္လို႔ ေျပာပါေသးတယ္။ ပရိသတ္က နားလည္ၿပီးသားပါ။ Please understand the technical error ဆိုတာေလာက္နဲ႔တင္ အဆင္ေျပပါတယ္..။ ရွင္းျပဖို႔ မလိုပါဘူး။ အဲဒီမွာ ကြၽန္ေတာ့ေဘးမွာ ထိုင္ေနတဲ့ ကြၽန္ေတာ့သူငယ္ခ်င္းက "ေဟ့ေကာင္..ဟိုမွာ ဘုရားတန္ေဆာင္းႀကီး လုပ္ေနၿပီကြ" လို႔ ေျပာပါတယ္။ ဘုရားတန္ေဆာင္းႀကီးလို႔ ကြၽန္ေတာ့သူငယ္ခ်င္း ေျပာတာက အဓိပၸာယ္ရွိပါတယ္။ ကြၽန္ေတာ္ ရန္ကုန္မွာေနစဥ္က ျမန္မာဇာတ္ကားတစ္ကား ၾကည့္ဖူးပါတယ္။ အဲဒီ ဇာတ္လမ္းမွာ အဓိကဇာတ္ေကာင္က ေတာကေန ၿမိဳ႕ကို တက္လာပါတယ္။ ရည္႐ြယ္ခ်က္ကေတာ့ သူ႔မွာရွိတဲ့ ေရွးေဟာင္းပစၥည္းေလးေတြေရာင္းၿပီး ႐ြာကဘုရားတန္ေဆာင္းႀကီး ပ်က္စီးေနတာကို ျပဳျပင္ဖို႔ပါ။

အဲ..ျပႆနာကေတာ့ ဇာတ္ေကာင္ဟာေတြ႕သမွ်လူတိုင္းကို " ဘုရားတန္ေဆာင္းႀကီးဆိုတာဗ်ာ...ဟို...ဘုရားႀကီးတေစာင္းျဖစ္ေနတာကို ေျပာတာမဟုတ္ဘူးဗ်ာ...ဘုရားေပၚကို လူေတြတက္တဲ့ တန္ေဆာင္းကို ေျပာတာဗ်" ဆိုၿပီး အတင္းရွင္းျပတတ္တာပါ။ လူတိုင္းနားလည္ေနတဲ့ကိစၥကို အတင္းရွင္းျပတဲ့အေၾကာင္း ဟာသလုပ္ထားတာပါ။ ကြၽန္ေတာ္လဲ ၾကည့္ၿပီးသေဘာက်တာနဲ႔ သူငယ္ခ်င္းေတြကိုျပန္ေျပာျပမိပါတယ္။ အဲဒီကစၿပီး ကြၽန္ေတာ္တို႔ သူငယ္ခ်င္းေတြၾကားမွာ မလိုအပ္ပဲ ရွင္းျပေနရင္ "ဘုရားတန္ေဆာင္းႀကီး လုပ္မေနနဲ႔ေဟ့..ေတာ္ေတာ့" ဆိုတဲ့စကားနဲ႔ ဝိုင္းေျပာၾကတဲ့အက်င့္ေပၚလာေတာ့တာပဲ။ ခုလဲ အဲဒီစကားကို ကြၽန္ေတာ့သူငယ္ခ်င္းက ေျပာပါတယ္။ ကြၽန္ေတာ္လဲ "ေအးဟုတ္တယ္ ရွင္းျပဖို႔မွ မလိုပဲ" လို႔ျပန္ေျပာလိုက္ၿပီး ပြဲဆက္ၾကည့္ၾကပါတယ္။

အဲလိုနဲ႔ ေတာ္ေတာ္ေလးၾကာေတာ့ တစ္ခါအထစ္အေငါ့ေလးေတြ ျဖစ္ျပန္ပါတယ္..။ ခုနကေကာင္မေလးပဲ ထပ္တက္လာၿပီး we have to understand this ေတြလုပ္ျပန္ပါတယ္။ရွင္းျပျပန္ပါတယ္။ ကြၽန္ေတာ္တို႔ႏွစ္ေယာက္ ေျပာမိၾကပါတယ္...please understand this လို႔ေျပာရင္ ပိုယဥ္ေက်းမယ္လို႔။ခုေတာ့ သူ႔ရဲ႕ အမူူအရာနဲ႔ အေျပာအဆိုက နည္းနည္းရင့္သလို ျဖစ္ေနပါတယ္။ ဒါေပမယ့္ ကြၽန္ေတာ္တို႔ႏွစ္ေယာက္လည္း "ေအးေလ..အသုံးအႏႈန္း မတတ္လို႔ ျဖစ္ပါလိမ့္မယ္ကြာ " ဆိုၿပီးခြင့္လႊတ္လိုက္ၾကပါတယ္။ ပြဲတစ္ဝက္နားလို႔ အေအးတိုက္ၿပီး လူေတြကို အမႈိက္ေတြစနစ္တက် ပစ္ဖို႔ ေျပာလာျပန္ပါတယ္။ ဒီတစ္ခါေတာ့ ျမန္မာလို ေျပာတာပါ..။ေျပာတာကေတာ့ ေျပာကိုေျပာရမွာပါ။ ေျပာပုံဆိုပုံေလးပဲ လိုတာပါ။ အဲဒီ ေကာင္မေလးပဲ ဘယ္လိုေျပာျပန္သလဲဆိုေတာ့ ျမန္မာလူမ်ိဳးေတြကို စည္းကမ္းမရွိတဲ့လူမ်ိဳးေတြလို႔ သူမ်ားေတြမထင္ေစလိုေၾကာင္း၊ အမ်ိဳးုဂုဏ္ကို ထိန္းသိမ္းတဲ့ အေနနဲ႔ စည္းကမ္းရွိၾကမယ္လို႔ ေမွ်ာ္လင့္ေၾကာင္း၊ သူတို႔ေက်ာင္းရဲ႕ image ကိုလဲထိန္းသိမ္းလိုေၾကာင္း စသည္ျဖင့္ ေျပာၿပီး အမႈိက္ေတြကိုေတြ႕ကရာ မပစ္ၾကဖို႔ေျပာပါတယ္။

တိုတိုေျပာရရင္ေတာ့ဗ်ာ...ပြဲၿပီးထမင္းေကြၽးခါနီးေတာ့လဲ တစ္ခါ အဲလို သေဘာမ်ိဳးသက္ေရာက္တဲ့စကားေတြ ေျပာၿပီး လက္ခ်ာ႐ိုက္ပါတယ္။ ေက်းဇူးျပဳ၍ အမႈိက္မ်ားကို စနစ္တက်စြန႔္ပစ္ၾကပါရန္ ေလးေလးနက္နက္ ေမတၱာရပ္ခံပါသည္ရွင့္ ဆိုတာေလာက္နဲ႔ ၿပီးသြားရမယ့္ဟာကို...ခုေတာ့ ပရိသတ္ကိုဆရာလုပ္တယ္၊ အေျပာအဆိုနည္းနည္းရင့္တယ္လို႔ ခံစားရပါတယ္။ ကြၽန္ေတာ့သူငယ္ခ်င္းကလဲ ေထာက္ခံပါတယ္။ အဲဒီမွာ ကြၽန္ေတာ္လဲ အစီအစဥ္ေၾကျငာသူေတြဟာ အေျပာအဆိုေတာ္ေတာ္ ရည္မြန္ ေျပျပစ္ ယဥ္ေက်းသင့္တယ္ဆိုတာ သေဘာေပါက္သြားပါတယ္။ လက္ေတြ႕ကိုးဗ်..။


တစ္ကယ္ေတာ့ အေၾကာင္းအရာေလးတစ္ခုကို ဒီလိုေျပာလဲ ဒါကိုဆိုလိုတာပဲ၊ ဟိုလိုေျပာလဲ ဒါကိုပဲဆိုလိုတာပါပဲ။ ဒါေပမယ့္ ေျပာဆိုပုံေလးကြာတာနဲ႔ပဲ အက်ိဳးသက္ေရာက္မႈကအမ်ားႀကီးကြာသြားတာပါ။

ရန္ကုန္မွာေက်ာင္းတက္ေနတုန္းက သူငယ္ခ်င္းတစ္ေယာက္ ရွိပါတယ္။ အေပါင္းအသင္းေတြက သူ႔ကိုအကူအညီေတြ ေတာင္းတတ္ၾကပါတယ္။ ဥပမာဗ်ာ...သူ႔ကားနဲ႔ စီးသြားရင္း ဟိုပို႔ခိုင္း ဒီပို႔ခိုင္းလုပ္တာတို႔ ဘာတို႔ေပါ့။ တစ္ခါတစ္ေလသူ႔မွာ သြားစရာရွိေနတတ္ပါတယ္။ အဲဒီအခါမ်ိဳးမွာ ဒါငါ့ကားပဲ ငါပို႔ခ်င္မွပို႔မွာေပါ့ ..၊ငါမွမအားတာလို႔ လုပ္လို႔ရပါတယ္။ သူဘယ္ေတာ့မွ အဲလိုမလုပ္ပါဘူး...ငါမွာလဲသြားစရာရွိလို႔ပါကြာ..ဘယ္လိုမွမျဖစ္ႏိုင္လို႔ပါ..တစ္ကယ္စိတ္မေကာင္းပါဘူး စသည္ျဖင့္ ရည္ရည္မြန္မြန္ ေျပေျပျပစ္ျပစ္ ျငင္းေလ့ရွိပါတယ္။ အျငင္းခံရသူကလဲ ေက်နပ္သြားတာပါပဲ။ အဲဒါပဲ ၾကည့္ဗ်ာ.. အျငင္းခံရတာေတာင္ အေျပာအဆိုယဥ္ေက်းေတာ့ ဘယ္ေလာက္ေက်နပ္စရာေကာင္းလဲ..။ ကြၽန္ေတာ္လဲ အဲဒီအက်င့္ေလးကို အရမ္းသေဘာက်လို႔ ႀကိဳးစားၿပီး အတုယူပါတယ္။ သူငယ္ခ်င္းကိုလဲ အေျပာအဆိုနဲ႔ ပက္သက္ၿပီး သင္ေပးတဲ့အတြက္ေက်းဇူးတင္ပါတယ္။

အလားတူေလးေတြပါ... အေျပာအဆိုတတ္တာေလးေၾကာင့္ လူခ်စ္လူခင္မ်ားတာ၊ ႀကီးပြားတာေတြနဲ႔ အေျပာအဆိုေလး ညံ့တာေၾကာင့္ လူမုန္းမ်ား၊ အက်ိဳးယုတ္သြားတာေတြ ကြၽန္ေတာ္အမ်ားႀကီးေတြ႕ခဲ့ရပါတယ္။တစ္ကယ့္ အျပင္ေလာကမွာကို ေျပာတာပါ။ စာအုပ္ေတြထဲမွာေတာ့ ဒီလွ်ာေလးတစ္ေခ်ာင္းေၾကာင့္ ျဖစ္ခဲ့ရတဲ့ျပႆနာေတြ၊ ဆုံးရႈံးခဲ့ရတဲ့ အသက္ေတြအေၾကာင္းကို မေရမတြက္ႏိုင္ေအာင္ဖတ္ခဲ့ဖူးပါတယ္..။ စိတ္ထဲမွာအခု ေပၚလာတာကေတာ့ ေစာလူမင္းနဲ႔ ငရမန္အေၾကာင္းပါ.။ေႂကြအန္ကစားရင္း "နင္အစြမ္းရွိက ပုန္စားေလ " ဆိုတဲ့စိတ္လိုက္မာန္ပါေျပာလိုက္တဲ့ ေစာလူးမင္းရဲ႕ စကားတစ္ခြန္းေၾကာင့္ ပုဂံျပည္မွာ ျပည္တြင္းစစ္ျဖစ္ၿပီး ေစာလူးမင္းလဲ ငရမန္လက္မွာ အသက္ဆုံးခဲ့ရပါတယ္။ အဲဒီအျဖစ္ေတြကို ဖတ္ဖူး၊ ၾကားဖူးေနတာကိုေတာင္ ကြၽန္ေတာ္က လွ်ာတစ္ေခ်ာင္းကို ေကာင္းေကာင္းမထိန္းႏိုင္ခဲ့ပါဘူး။


ကြၽန္ေတာ္ရန္ကုန္မွာ ေက်ာင္းတက္ေနတုန္းကပါ..။သူငယ္ခ်င္းတစ္ေယာက္အိမ္မွာ ညအိပ္ၿပီး စာက်က္ဖို႔ျဖစ္လာပါတယ္။ သူငယ္ခ်င္းကလဲ အရမ္းခင္ေတာ့ သူ႔အိမ္ကိုလိုက္အိပ္ဖို႔ အိမ္တိုင္ရာေရာက္လာေခၚၿပီး သူ႔အေမကလဲ သေဘာေကာင္းေၾကာင္း စကားတတ္တဲ့၊ သြက္လက္တဲ့လူေတြကိုဆိုရင္ အလြန္သေဘာက်ေၾကာင္းေတြလဲ ေျပာပါတယ္။ ဟုတ္ကဲ့ ..ကြၽန္ေတာ္လဲ လိုက္သြားပါတယ္..ညစာစားရင္းလဲ သူတို႔အိမ္ကထမင္းဝိုင္း (သူရယ္၊ သူ႔အေမရယ္၊ ကြၽန္ေတာ္ရယ္) မွာ စကားေတြအမ်ားႀကီး ေျပာမိပါတယ္။ ပုံမွန္ဆိုရင္ ကြၽန္ေတာ္လူႀကီးေတြေရွ႕မွာ စကားသိပ္မ်ားမ်ား မေျပာရဲပါဘူး။ ခုေတာ့ သူငယ္ခ်င္းရဲ႕ စကားေၾကာင့္ ကိစၥမရွိဘူးထင္ၿပီး ေပါ့ေပါ့ပါးပါးပဲ စကားေတြအမ်ားႀကီး ေျပာလိုက္မိတာပါ။ ရလဒ္ကေတာ့ ထမင္းစားၿပီးၿပီးခ်င္းသူ႔အေမက "သားတို႔ စာက်က္ရင္ေတာ့စကား အမ်ားႀကီးမေျပာၾကနဲ႔ေနာ္"တဲ့။ ထမင္းဝိုင္းမွာ တစ္ေလွ်ာက္လုံး ကြၽန္ေတာ့ကို အကဲခတ္ေနတာကိုးဗ်...။ကြၽန္ေတာ္လဲ ေအာ္ဟုတ္သားပဲ..ငါ့ကိုေတာ့စကားအရမ္းမ်ားတယ္လို႔ ထင္သြားမွာပဲ ဆိုၿပီး ဟုတ္ကဲ့အန္တီလို႔ ျပန္ေျပာလိုက္ရပါတယ္..။ခက္တာက အဲဒီကိစၥက အဲဒီမွာတင္ မၿပီးသြားတာပါပဲ။ ကြၽန္ေတာ္တို႔ စာက်က္ေနစဥ္မွာလဲ အန္တီက မၾကာခဏလာေခ်ာင္းပါတယ္။ ကြၽန္ေတာ္လဲသိပါတယ္။ စိတ္ထဲမွာလဲ ေအာ္ငါစကားမ်ားလိုက္မိလို႔ ငါ့တို႔ကို မယုံၾကည္ေတာ့ပါလားလို႔ ခံစားရၿပီး ကိုယ့္ကိုယ္ကိုလဲ ေဒါသထြက္သြားပါတယ္။ ကြၽန္ေတာ္တို႔က အဲဒီအခ်ိန္မွာ တကၠသိုလ္တက္ေနတာ ဒုတိယႏွစ္ေရာက္ေနပါၿပီ။ ကေလးေတြမဟုတ္ေတာ့ပါဘူး..။အဲဒီကေန ကြၽန္ေတာ္သင္ခန္းစာႏွစ္ခုရလိုက္ပါတယ္။ တစ္ခုကေတာ့ စေတြ႕ေတြ႕ခ်င္းလူေတြကို စကားေတြအမ်ားႀကီးေျပာၿပီး ကိုယ့္ကိုအထင္မေသးေစသင့္ဘူးဆိုတာပါ။ ေနာက္တစ္ခုကေတာ့ သတင္းအခ်က္အလက္ဆိုတာ သူမ်ားေျပာယုံနဲ႔ ပစ္ၿပီးယုံလိုက္လို႔မရဘူးဆိုတာပါ..။ကြၽန္ေတာ္သာ သူ႔အေမကို သူ႔အေျပာနဲ႔ ႀကိဳၿပီးအရမ္းယုံၾကည္ ခ်စ္ခင္မေနခဲ့ရင္ စကားအမ်ားႀကီးေျပာျဖစ္ခဲ့မွာ မဟုတ္ပါဘူး။ သူ႔အေမမႀကိဳက္တဲ့ စကားအမ်ားႀကီးေျပာတဲ့ကိစၥကိုလည္းလုပ္ျဖစ္ခဲ့မွာ မဟုတ္ပါဘူး။ ဒီသင္ခန္းစာႏွစ္ခုေၾကာင့္ ကြၽန္ေတာ္ ဘယ္ေတာ့ျဖစ္ျဖစ္ ေတြ႕ခါစလူေတြနဲ႔ စကားအမ်ားႀကီးမေျပာပဲ အကဲပဲမ်ားမ်ားခတ္ျဖစ္ေအာင္၊ ကိုယ္တိုင္ေျပာဆိုၾကည့္ၿပီးမွ စိတ္ေနစိတ္ထားကို ဆုံးျဖစ္တတ္ေအာင္ ကိုယ့္ကိုယ္ကို အၿမဲသတိေပးခဲ့ရပါတယ္။ သူတို႔သားအမိ ေက်းဇူးပါ။

စကားနဲ႔ပက္သက္ၿပီး ကြၽန္ေတာ့မွာ ေျပာစရာေတြအမ်ားႀကီးပါ...။ သူမ်ားဆီကသင္ခန္းစာေတြ၊ ကိုယ္တိုင္ႀကဳံသင္ခန္းစာေတြ၊ စာေတြ႕ေတြ အမ်ားႀကီးပါ။စကားေလးေတြရဲ႕ အစြမ္းက အလြန္ကိုႀကီးမားလွပါတယ္။ ေနာက္ထပ္လဲ သင္ယူေလ့လာစရာေတြ အမ်ားႀကီး ဘယ္လိုႀကဳံရဦးမလဲ မသိပါဘူး။ဒါေၾကာင့္လဲ ေရွးလူႀကီးေတြက "မုန္းေစခ်င္လဲ ဒီခံတြင္းလက္ေလးသစ္၊ ခ်စ္ေစလိုလဲ ဒီခံတြင္းလက္ေလးသစ္" ဆိုတဲ့စကားပုံကိုထားခဲ့ၾကတာေနမွာပါ.....။ကြၽန္ေတာ္ ၾကည့္ခဲ့ရတဲ့ ပြဲေလးတစ္ပြဲကေန ဆင့္ပြားေတြးမိ သတိရမိတာေတြကို ခံစားၿပီးေရးထားတာပါ။ဒီငတိေတာ့ ဘုရားတန္ေဆာင္းႀကီးလုပ္ျပန္ၿပီေဟ့ လို႔ေတာ့ မထင္လိုက္ၾကပါနဲ႔ဗ်ာ.......။ေရးရင္း ေရးရင္းနဲ႔ လက္ပါသြားလို႔ပါဗ်..။အဲဗ်ိဳ႕ ...ေျပာရင္းနဲ႔ တစ္ျဖည္းျဖည္း ဘုရားတန္ေဆာင္းႀကီး ျဖစ္လာၿပီ။ ေတာ္ၿပီဗ်ိဳ႕...................ေတာ္ၿပီ။
____________________________
လွန်ခဲ့တဲ့နှစ်ရက်လောက်က မြန်မာကျောင်းသားတွေလုပ်တဲ့ စင်ကာပူက ပွဲတစ်ပွဲကို သွားကြည့်ဖြစ်ခဲ့ပါတယ်...။ ပွဲစစချင်းမှာပဲ မမျှော်လင့်ပဲ အမှားအယွင်းတစ်ချို့ ဖြစ်ပါတယ်။ Technical error လို့လဲ ပြောလို့ရပါတယ်။ ပရိသတ်ကတော့ သဘောပေါက်ပါတယ်။ ကျောင်းသားတွေလုပ်တဲ့ပွဲ ဖြစ်တဲ့အတွက် အမှားအယွင်းလေးတွေရှိတတ်တာ ဗွေမယူကြပါဘူး..။ အဲဒီအချိန်မှာ အစီအစဉ်ကြေငြာသူ ကောင်မလေးက စင်ပေါ်တက်လာပြီး ပြောပါတယ်။ We are just students, so we have to understand this လို့ ဆိုလာပါတယ်။သူတို့ အစမ်းလေ့ကျင့်တုံးကလဲ ဒီလိုမဖြစ်ဘူး..အဆင်ပြေပါတယ်လို့ ပြောပါသေးတယ်။ ပရိသတ်က နားလည်ပြီးသားပါ။ Please understand the technical error ဆိုတာလောက်နဲ့တင် အဆင်ပြေပါတယ်..။ ရှင်းပြဖို့ မလိုပါဘူး။ အဲဒီမှာ ကျွန်တော့ဘေးမှာ ထိုင်နေတဲ့ ကျွန်တော့သူငယ်ချင်းက "ဟေ့ကောင်..ဟိုမှာ ဘုရားတန်ဆောင်းကြီး လုပ်နေပြီကွ" လို့ ပြောပါတယ်။ ဘုရားတန်ဆောင်းကြီးလို့ ကျွန်တော့သူငယ်ချင်း ပြောတာက အဓိပ္ပာယ်ရှိပါတယ်။ ကျွန်တော် ရန်ကုန်မှာနေစဉ်က မြန်မာဇာတ်ကားတစ်ကား ကြည့်ဖူးပါတယ်။ အဲဒီ ဇာတ်လမ်းမှာ အဓိကဇာတ်ကောင်က တောကနေ မြို့ကို တက်လာပါတယ်။ ရည်ရွယ်ချက်ကတော့ သူ့မှာရှိတဲ့ ရှေးဟောင်းပစ္စည်းလေးတွေရောင်းပြီး ရွာကဘုရားတန်ဆောင်းကြီး ပျက်စီးနေတာကို ပြုပြင်ဖို့ပါ။

အဲ..ပြဿနာကတော့ ဇာတ်ကောင်ဟာတွေ့သမျှလူတိုင်းကို " ဘုရားတန်ဆောင်းကြီးဆိုတာဗျာ...ဟို...ဘုရားကြီးတစောင်းဖြစ်နေတာကို ပြောတာမဟုတ်ဘူးဗျာ...ဘုရားပေါ်ကို လူတွေတက်တဲ့ တန်ဆောင်းကို ပြောတာဗျ" ဆိုပြီး အတင်းရှင်းပြတတ်တာပါ။ လူတိုင်းနားလည်နေတဲ့ကိစ္စကို အတင်းရှင်းပြတဲ့အကြောင်း ဟာသလုပ်ထားတာပါ။ ကျွန်တော်လဲ ကြည့်ပြီးသဘောကျတာနဲ့ သူငယ်ချင်းတွေကိုပြန်ပြောပြမိပါတယ်။ အဲဒီကစပြီး ကျွန်တော်တို့ သူငယ်ချင်းတွေကြားမှာ မလိုအပ်ပဲ ရှင်းပြနေရင် "ဘုရားတန်ဆောင်းကြီး လုပ်မနေနဲ့ဟေ့..တော်တော့" ဆိုတဲ့စကားနဲ့ ဝိုင်းပြောကြတဲ့အကျင့်ပေါ်လာတော့တာပဲ။ ခုလဲ အဲဒီစကားကို ကျွန်တော့သူငယ်ချင်းက ပြောပါတယ်။ ကျွန်တော်လဲ "အေးဟုတ်တယ် ရှင်းပြဖို့မှ မလိုပဲ" လို့ပြန်ပြောလိုက်ပြီး ပွဲဆက်ကြည့်ကြပါတယ်။

အဲလိုနဲ့ တော်တော်လေးကြာတော့ တစ်ခါအထစ်အငေါ့လေးတွေ ဖြစ်ပြန်ပါတယ်..။ ခုနကကောင်မလေးပဲ ထပ်တက်လာပြီး we have to understand this တွေလုပ်ပြန်ပါတယ်။ရှင်းပြပြန်ပါတယ်။ ကျွန်တော်တို့နှစ်ယောက် ပြောမိကြပါတယ်...please understand this လို့ပြောရင် ပိုယဉ်ကျေးမယ်လို့။ခုတော့ သူ့ရဲ့ အမူူအရာနဲ့ အပြောအဆိုက နည်းနည်းရင့်သလို ဖြစ်နေပါတယ်။ ဒါပေမယ့် ကျွန်တော်တို့နှစ်ယောက်လည်း "အေးလေ..အသုံးအနှုန်း မတတ်လို့ ဖြစ်ပါလိမ့်မယ်ကွာ " ဆိုပြီးခွင့်လွှတ်လိုက်ကြပါတယ်။ ပွဲတစ်ဝက်နားလို့ အအေးတိုက်ပြီး လူတွေကို အမှိုက်တွေစနစ်တကျ ပစ်ဖို့ ပြောလာပြန်ပါတယ်။ ဒီတစ်ခါတော့ မြန်မာလို ပြောတာပါ..။ပြောတာကတော့ ပြောကိုပြောရမှာပါ။ ပြောပုံဆိုပုံလေးပဲ လိုတာပါ။ အဲဒီ ကောင်မလေးပဲ ဘယ်လိုပြောပြန်သလဲဆိုတော့ မြန်မာလူမျိုးတွေကို စည်းကမ်းမရှိတဲ့လူမျိုးတွေလို့ သူများတွေမထင်စေလိုကြောင်း၊ အမျိုးုဂုဏ်ကို ထိန်းသိမ်းတဲ့ အနေနဲ့ စည်းကမ်းရှိကြမယ်လို့ မျှော်လင့်ကြောင်း၊ သူတို့ကျောင်းရဲ့ image ကိုလဲထိန်းသိမ်းလိုကြောင်း စသည်ဖြင့် ပြောပြီး အမှိုက်တွေကိုတွေ့ကရာ မပစ်ကြဖို့ပြောပါတယ်။

တိုတိုပြောရရင်တော့ဗျာ...ပွဲပြီးထမင်းကျွေးခါနီးတော့လဲ တစ်ခါ အဲလို သဘောမျိုးသက်ရောက်တဲ့စကားတွေ ပြောပြီး လက်ချာရိုက်ပါတယ်။ ကျေးဇူးပြု၍ အမှိုက်များကို စနစ်တကျစွန့်ပစ်ကြပါရန် လေးလေးနက်နက် မေတ္တာရပ်ခံပါသည်ရှင့် ဆိုတာလောက်နဲ့ ပြီးသွားရမယ့်ဟာကို...ခုတော့ ပရိသတ်ကိုဆရာလုပ်တယ်၊ အပြောအဆိုနည်းနည်းရင့်တယ်လို့ ခံစားရပါတယ်။ ကျွန်တော့သူငယ်ချင်းကလဲ ထောက်ခံပါတယ်။ အဲဒီမှာ ကျွန်တော်လဲ အစီအစဉ်ကြေငြာသူတွေဟာ အပြောအဆိုတော်တော် ရည်မွန် ပြေပြစ် ယဉ်ကျေးသင့်တယ်ဆိုတာ သဘောပေါက်သွားပါတယ်။ လက်တွေ့ကိုးဗျ..။


တစ်ကယ်တော့ အကြောင်းအရာလေးတစ်ခုကို ဒီလိုပြောလဲ ဒါကိုဆိုလိုတာပဲ၊ ဟိုလိုပြောလဲ ဒါကိုပဲဆိုလိုတာပါပဲ။ ဒါပေမယ့် ပြောဆိုပုံလေးကွာတာနဲ့ပဲ အကျိုးသက်ရောက်မှုကအများကြီးကွာသွားတာပါ။

ရန်ကုန်မှာကျောင်းတက်နေတုန်းက သူငယ်ချင်းတစ်ယောက် ရှိပါတယ်။ အပေါင်းအသင်းတွေက သူ့ကိုအကူအညီတွေ တောင်းတတ်ကြပါတယ်။ ဥပမာဗျာ...သူ့ကားနဲ့ စီးသွားရင်း ဟိုပို့ခိုင်း ဒီပို့ခိုင်းလုပ်တာတို့ ဘာတို့ပေါ့။ တစ်ခါတစ်လေသူ့မှာ သွားစရာရှိနေတတ်ပါတယ်။ အဲဒီအခါမျိုးမှာ ဒါငါ့ကားပဲ ငါပို့ချင်မှပို့မှာပေါ့ ..၊ငါမှမအားတာလို့ လုပ်လို့ရပါတယ်။ သူဘယ်တော့မှ အဲလိုမလုပ်ပါဘူး...ငါမှာလဲသွားစရာရှိလို့ပါကွာ..ဘယ်လိုမှမဖြစ်နိုင်လို့ပါ..တစ်ကယ်စိတ်မကောင်းပါဘူး စသည်ဖြင့် ရည်ရည်မွန်မွန် ပြေပြေပြစ်ပြစ် ငြင်းလေ့ရှိပါတယ်။ အငြင်းခံရသူကလဲ ကျေနပ်သွားတာပါပဲ။ အဲဒါပဲ ကြည့်ဗျာ.. အငြင်းခံရတာတောင် အပြောအဆိုယဉ်ကျေးတော့ ဘယ်လောက်ကျေနပ်စရာကောင်းလဲ..။ ကျွန်တော်လဲ အဲဒီအကျင့်လေးကို အရမ်းသဘောကျလို့ ကြိုးစားပြီး အတုယူပါတယ်။ သူငယ်ချင်းကိုလဲ အပြောအဆိုနဲ့ ပက်သက်ပြီး သင်ပေးတဲ့အတွက်ကျေးဇူးတင်ပါတယ်။

အလားတူလေးတွေပါ... အပြောအဆိုတတ်တာလေးကြောင့် လူချစ်လူခင်များတာ၊ ကြီးပွားတာတွေနဲ့ အပြောအဆိုလေး ညံ့တာကြောင့် လူမုန်းများ၊ အကျိုးယုတ်သွားတာတွေ ကျွန်တော်အများကြီးတွေ့ခဲ့ရပါတယ်။တစ်ကယ့် အပြင်လောကမှာကို ပြောတာပါ။ စာအုပ်တွေထဲမှာတော့ ဒီလျှာလေးတစ်ချောင်းကြောင့် ဖြစ်ခဲ့ရတဲ့ပြဿနာတွေ၊ ဆုံးရှုံးခဲ့ရတဲ့ အသက်တွေအကြောင်းကို မရေမတွက်နိုင်အောင်ဖတ်ခဲ့ဖူးပါတယ်..။ စိတ်ထဲမှာအခု ပေါ်လာတာကတော့ စောလူမင်းနဲ့ ငရမန်အကြောင်းပါ.။ကြွေအန်ကစားရင်း "နင်အစွမ်းရှိက ပုန်စားလေ " ဆိုတဲ့စိတ်လိုက်မာန်ပါပြောလိုက်တဲ့ စောလူးမင်းရဲ့ စကားတစ်ခွန်းကြောင့် ပုဂံပြည်မှာ ပြည်တွင်းစစ်ဖြစ်ပြီး စောလူးမင်းလဲ ငရမန်လက်မှာ အသက်ဆုံးခဲ့ရပါတယ်။ အဲဒီအဖြစ်တွေကို ဖတ်ဖူး၊ ကြားဖူးနေတာကိုတောင် ကျွန်တော်က လျှာတစ်ချောင်းကို ကောင်းကောင်းမထိန်းနိုင်ခဲ့ပါဘူး။


ကျွန်တော်ရန်ကုန်မှာ ကျောင်းတက်နေတုန်းကပါ..။သူငယ်ချင်းတစ်ယောက်အိမ်မှာ ညအိပ်ပြီး စာကျက်ဖို့ဖြစ်လာပါတယ်။ သူငယ်ချင်းကလဲ အရမ်းခင်တော့ သူ့အိမ်ကိုလိုက်အိပ်ဖို့ အိမ်တိုင်ရာရောက်လာခေါ်ပြီး သူ့အမေကလဲ သဘောကောင်းကြောင်း စကားတတ်တဲ့၊ သွက်လက်တဲ့လူတွေကိုဆိုရင် အလွန်သဘောကျကြောင်းတွေလဲ ပြောပါတယ်။ ဟုတ်ကဲ့ ..ကျွန်တော်လဲ လိုက်သွားပါတယ်..ညစာစားရင်းလဲ သူတို့အိမ်ကထမင်းဝိုင်း (သူရယ်၊ သူ့အမေရယ်၊ ကျွန်တော်ရယ်) မှာ စကားတွေအများကြီး ပြောမိပါတယ်။ ပုံမှန်ဆိုရင် ကျွန်တော်လူကြီးတွေရှေ့မှာ စကားသိပ်များများ မပြောရဲပါဘူး။ ခုတော့ သူငယ်ချင်းရဲ့ စကားကြောင့် ကိစ္စမရှိဘူးထင်ပြီး ပေါ့ပေါ့ပါးပါးပဲ စကားတွေအများကြီး ပြောလိုက်မိတာပါ။ ရလဒ်ကတော့ ထမင်းစားပြီးပြီးချင်းသူ့အမေက "သားတို့ စာကျက်ရင်တော့စကား အများကြီးမပြောကြနဲ့နော်"တဲ့။ ထမင်းဝိုင်းမှာ တစ်လျှောက်လုံး ကျွန်တော့ကို အကဲခတ်နေတာကိုးဗျ...။ကျွန်တော်လဲ အော်ဟုတ်သားပဲ..ငါ့ကိုတော့စကားအရမ်းများတယ်လို့ ထင်သွားမှာပဲ ဆိုပြီး ဟုတ်ကဲ့အန်တီလို့ ပြန်ပြောလိုက်ရပါတယ်..။ခက်တာက အဲဒီကိစ္စက အဲဒီမှာတင် မပြီးသွားတာပါပဲ။ ကျွန်တော်တို့ စာကျက်နေစဉ်မှာလဲ အန်တီက မကြာခဏလာချောင်းပါတယ်။ ကျွန်တော်လဲသိပါတယ်။ စိတ်ထဲမှာလဲ အော်ငါစကားများလိုက်မိလို့ ငါ့တို့ကို မယုံကြည်တော့ပါလားလို့ ခံစားရပြီး ကိုယ့်ကိုယ်ကိုလဲ ဒေါသထွက်သွားပါတယ်။ ကျွန်တော်တို့က အဲဒီအချိန်မှာ တက္ကသိုလ်တက်နေတာ ဒုတိယနှစ်ရောက်နေပါပြီ။ ကလေးတွေမဟုတ်တော့ပါဘူး..။အဲဒီကနေ ကျွန်တော်သင်ခန်းစာနှစ်ခုရလိုက်ပါတယ်။ တစ်ခုကတော့ စတွေ့တွေ့ချင်းလူတွေကို စကားတွေအများကြီးပြောပြီး ကိုယ့်ကိုအထင်မသေးစေသင့်ဘူးဆိုတာပါ။ နောက်တစ်ခုကတော့ သတင်းအချက်အလက်ဆိုတာ သူများပြောယုံနဲ့ ပစ်ပြီးယုံလိုက်လို့မရဘူးဆိုတာပါ..။ကျွန်တော်သာ သူ့အမေကို သူ့အပြောနဲ့ ကြိုပြီးအရမ်းယုံကြည် ချစ်ခင်မနေခဲ့ရင် စကားအများကြီးပြောဖြစ်ခဲ့မှာ မဟုတ်ပါဘူး။ သူ့အမေမကြိုက်တဲ့ စကားအများကြီးပြောတဲ့ကိစ္စကိုလည်းလုပ်ဖြစ်ခဲ့မှာ မဟုတ်ပါဘူး။ ဒီသင်ခန်းစာနှစ်ခုကြောင့် ကျွန်တော် ဘယ်တော့ဖြစ်ဖြစ် တွေ့ခါစလူတွေနဲ့ စကားအများကြီးမပြောပဲ အကဲပဲများများခတ်ဖြစ်အောင်၊ ကိုယ်တိုင်ပြောဆိုကြည့်ပြီးမှ စိတ်နေစိတ်ထားကို ဆုံးဖြစ်တတ်အောင် ကိုယ့်ကိုယ်ကို အမြဲသတိပေးခဲ့ရပါတယ်။ သူတို့သားအမိ ကျေးဇူးပါ။

စကားနဲ့ပက်သက်ပြီး ကျွန်တော့မှာ ပြောစရာတွေအများကြီးပါ...။ သူများဆီကသင်ခန်းစာတွေ၊ ကိုယ်တိုင်ကြုံသင်ခန်းစာတွေ၊ စာတွေ့တွေ အများကြီးပါ။စကားလေးတွေရဲ့ အစွမ်းက အလွန်ကိုကြီးမားလှပါတယ်။ နောက်ထပ်လဲ သင်ယူလေ့လာစရာတွေ အများကြီး ဘယ်လိုကြုံရဦးမလဲ မသိပါဘူး။ဒါကြောင့်လဲ ရှေးလူကြီးတွေက "မုန်းစေချင်လဲ ဒီခံတွင်းလက်လေးသစ်၊ ချစ်စေလိုလဲ ဒီခံတွင်းလက်လေးသစ်" ဆိုတဲ့စကားပုံကိုထားခဲ့ကြတာနေမှာပါ.....။ကျွန်တော် ကြည့်ခဲ့ရတဲ့ ပွဲလေးတစ်ပွဲကနေ ဆင့်ပွားတွေးမိ သတိရမိတာတွေကို ခံစားပြီးရေးထားတာပါ။ဒီငတိတော့ ဘုရားတန်ဆောင်းကြီးလုပ်ပြန်ပြီဟေ့ လို့တော့ မထင်လိုက်ကြပါနဲ့ဗျာ.......။ရေးရင်း ရေးရင်းနဲ့ လက်ပါသွားလို့ပါဗျ..။အဲဗျို့ ...ပြောရင်းနဲ့ တစ်ဖြည်းဖြည်း ဘုရားတန်ဆောင်းကြီး ဖြစ်လာပြီ။ တော်ပြီဗျို့...................တော်ပြီ။

ဖတ်မိသွားတဲ့ စာတစ်အုပ်

မနေ့က သိပ္ပံမောင်ဝရေးတဲ့ အောက်စ်ဖို့ဒ်ခရီးသွားမှတ်တမ်း ဖတ်လို့ပြီးသွားတယ်။ ၁၉၂၇-၂၈ လောက်တုံးက အင်္ဂလန်ကို ပညာသင်သွားတဲ့ သူ့အတွေ့အကြုံကိုရေးထားတာ။ အင်္ဂလိပ်ခေတ်ကပေါ့ဗျာ။ အောက်စ်ဖို့ဒ်တက္ကသိုလ်တဲ့။ လန်ဒန်တဲ့။ စိတ်ဝင်စားစရာ အရမ်းကောင်းတာပဲ။ နှိုင်းယှဉ်ချက်တွေ၊ စကားလုံးအသုံးအနှုန်းတွေကို သတိထားပြီးဖတ်မိတယ်။ ဓါတ်လှည်းတဲ့ ၊ ဓါတ်လှေကားကိုပြောတာပါ။ နောက်မြေထဲရထားတဲ့။ မော်တော်ဘတ်စ်တဲ့။ အသုံးအနှုန်းလေးတွေသိရတယ်။ အောင်မယ်...အင်ဂျင်နီယာကို အဲဒီခေတ်က စက်ဆရာလို့ ခေါ်တာဗျ။ တော်သေးတယ်..ခုခေတ်အသုံးအနှုန်းပြောင်းလိုက်လို့..။မဟုတ်ရင်ကျွန်တော်တို့တွေလည်း စက်ဆရာဖြစ်နေတော့မှာ။စာရေးသူတို့တစ်တွေ ကျောင်းပိတ်ရက်တွေမှာ လျှောက်လည်ကြတဲ့ မြို့လေးတွေ၊ ရွာလေးတွေ၊ ပြတိုက်တွေအကြောင်းလည်း ဖတ်ရတယ်။ သူတို့ခေတ်က အင်္ဂလန်ကို ရောက်သွားတဲ့ မြန်မာတစ်ယောက်ရဲ့ မှတ်တမ်းတွေကို စုံလင်အောင် ဖတ်ရတာပေါ့။ ကျွန်တော်လဲ စင်္ကာပူသွားမှတ်တမ်းဆိုပြီး စာတစ်အုပ်ရေးရင်ကောင်းမလားလို့...... ဟားဟား။ ဒါဆိုရင်တော့ ဒီခေတ်မှာ ဘာမှထူးဆန်းမယ်မထင်ဘူး။ လူတိုင်းက ကျောင်းတက်တာနဲ့ အလည်လာတာနဲ့ ရောက်ဖူးနေကြတာကိုး။အဲ......ရေးပြီး ပိုလီကျောင်းတွေတက်မယ့်လူတွေကို ရောင်းစားရင်တော့ ရလောက်မယ်ထင်တယ်။ မသွားခင် စင်င်္ကာပူမှာကြုံတွေ့မယ်ဟာတွေကိုသိအောင် ဖတ်ကြပါဆိုပြီး ညာရောင်းရင်တော့ ရမယ်ထင်တယ်..ဟဲဟဲ။ သူ့ရဲ့နိုင်ငံခြားအတွေ့အကြုံထဲမှာ ငပိကြော်ငတ်ကြတာလဲပါတယ်။ ငပိကြော် တစ်ပုံးလောက်ရောက်လာရင် မိတ်ဆွေတွေဖိတ်ပြီး ပေါင်မုန့်နဲ့ စားကြတယ်ဆိုပဲ။ ၂ရက်သုံးရက်တောင်မခံဘူးဆိုလား။ရယ်ရတယ်။ ကျွန်တော်တို့အတိုင်းပဲ။ မြန်မာစာငတ်တာပေါ့။ကိုယ်ချင်းစာပါတယ်။ ပိုဆိုးတာက သူတို့က ၂နှစ်ပြည့်မှလဲပြန်ရသေး။လူကြုံတို့၊ ဘာတို့ကလဲ ရှားသေး။ ဒီကြားထဲ သင်္ဘောကလဲ တစ်လလောက်စီးရသေးတာ။ခုစင်္ကာပူနဲ့ မြန်မာကတော့ အိမ်ဦးနဲ့ ကြမ်းပြင်လိုပါပဲ။ ပြီးတော့လဲ little myanmar လို့တောင်သူများတွေခေါ်ခေါ်နေရတဲ့ peninsula plaza မှာ လိုချင်တဲ့မြန်မာ အစားအသောက် ပစ္စည်းတွေကလဲ ရနေပြီလေ(ကြော်ငြာ..ကြော်ငြာ)။ ဒါတောင် ကျွန်တော်တို့မှာ အိမ်လွမ်းရတာနဲ့ အစားအသောက်အဆင်မပြေရတာနဲ့ ဖြစ်သေးတာ၊ သူတို့ခေတ်က အင်္ဂလန်မှာ ပိုဆိုးတော့မပေါ့။ အဲဒီတော့ လိုရင်းပြန်ကောက်ရရင် အဲဒီစာအုပ်ဖတ်လိုက်မိတာ ဗဟုသုတလဲရ၊ စာရေးချင်စိတ်လဲ ပေါက်လာတော့တာပဲဗျို့။ ကိုယ်ရောစိတ်ပါကျန်းမာလို့ ရွှင်လန်းကြည်သာကြပါစေဗျာ။ (အဲ......စာအုပ်ကတော့ မငှားနိုင်ဘူးနော်..ကြိုပြောထားတာ ငှဲငှဲငှဲ)

======================================

မေန႔က သိပၸံေမာင္ဝေရးတဲ့ ေအာက္စ္ဖို႔ဒ္ခရီးသြားမွတ္တမ္း ဖတ္လို႔ၿပီးသြားတယ္။ ၁၉၂၇-၂၈ ေလာက္တုံးက အဂၤလန္ကို ပညာသင္သြားတဲ့ သူ႔အေတြ႔အၾကံဳကုိေရးထားတာ။ အဂၤလိပ္ေခတ္ကေပါ့ဗ်ာ။ ေအာက္စ္ဖို႔ဒ္တကၠသိုုလ္တဲ့။ လန္ဒန္တဲ့။ စိတ္ဝင္စားစရာ အရမ္းေကာင္းတာပဲ။ ႏွိဳင္းယွဥ္ခ်က္ေတြ၊ စကားလုံးအသံုးအႏွဳန္းေတြကို သတိထားၿပီးဖတ္မိတယ္။ ဓါတ္လွည္းတဲ့ ၊ ဓါတ္ေလွကားကိုေၿပာတာပါ။ ေနာက္ေၿမထဲရထားတဲ့။ ေမာ္ေတာ္ဘတ္စ္တဲ့။ အသံုးအႏွဳန္းေလးေတြသိရတယ္။ ေအာင္မယ္...အင္ဂ်င္နီယာကို အဲဒီေခတ္က စက္ဆရာလို႔ ေခၚတာဗ်။ ေတာ္ေသးတယ္..ခုေခတ္အသံုးအႏွဳန္းေၿပာင္းလိုက္လို႔..။မဟုတ္ရင္ကြ်န္ေတာ္တို႔ေတြလည္း စက္ဆရာၿဖစ္ေနေတာ့မွာ။စာေရးသူတို႔တစ္ေတြ ေက်ာင္းပိတ္ရက္ေတြမွာ ေလွ်ာက္လည္ၾကတဲ့ ၿမိဳ႔ေလးေတြ၊ ရြာေလးေတြ၊ ၿပတိုက္ေတြအေၾကာင္းလည္း ဖတ္ရတယ္။ သူတို႔ေခတ္က အဂၤလန္ကို ေရာက္သြားတဲ့ ၿမန္မာတစ္ေယာက္ရဲ့ မွတ္တမ္းေတြကို စံုလင္ေအာင္ ဖတ္ရတာေပါ့။ ကြ်န္ေတာ္လဲ စကၤာပူသြားမွတ္တမ္းဆိုၿပီး စာတစ္အုပ္ေရးရင္ေကာင္းမလားလို႔...... ဟားဟား။ ဒါဆိုရင္ေတာ့ ဒီေခတ္မွာ ဘာမွထူးဆန္းမယ္မထင္ဘူး။ လူတိုင္းက ေက်ာင္းတက္တာနဲ႔ အလည္လာတာနဲ႔ ေရာက္ဖူးေနၾကတာကုိး။အဲ......ေရးၿပီး ပုိလီေက်ာင္းေတြတက္မယ္ ့လူေတြကို ေရာင္းစားရင္ေတာ့ ရေလာက္မယ္ထင္တယ္။ မသြားခင္ စင္ကၤာပူမွာၾကံဳေတြ႔မယ္ဟာေတြကိုသိေအာင္ ဖတ္ၾကပါဆိုၿပီး ညာေရာင္းရင္ေတာ့ ရမယ္ထင္တယ္..ဟဲဟဲ။ သူ႔ရဲ့ႏိုင္ငံၿခားအေတြ႔အၾကံဳထဲမွာ ငပိေၾကာ္ငတ္ၾကတာလဲပါတယ္။ ငပိေၾကာ္္ တစ္ပံုးေလာက္ေရာက္လာရင္ မိတ္ေဆြေတြဖိတ္ၿပီး ေပါင္မုန္႔နဲ႔ စားၾကတယ္ဆိုပဲ။ ၂ရက္သံုးရက္ေတာင္မခံဘူးဆိုလား။ရယ္ရတယ္။ ကြ်န္ေတာ္တို႔အတိုင္းပဲ။ ၿမန္မာစာငတ္တာေပါ့။ကိုယ္ခ်င္းစာပါတယ္။ ပိုဆိုးတာက သူတို႔က ၂ႏွစ္ၿပည့္မွလဲၿပန္ရေသး။လူၾကံဳတုိ႔၊ ဘာတို႔ကလဲ ရွားေသး။ ဒီၾကားထဲ သေဘၤာကလဲ တစ္လေလာက္စီးရေသးတာ။ခုစကၤာပူနဲ႔ ၿမန္မာကေတာ့ အိမ္ဦးနဲ႔ ၾကမ္းၿပင္လိုပါပဲ။ ၿပီးေတာ့လဲ little myanmar လို႔ေတာင္သူမ်ားေတြေခၚေခၚေနရတဲ့ peninsula plaza မွာ လိုခ်င္တဲ့ၿမန္မာ အစားအေသာက္ ပစၥည္းေတြကလဲ ရေနၿပီေလ(ေၾကာ္ၿငာ..ေၾကာ္ၿငာ)။ ဒါေတာင္ ကြ်န္ေတာ္တို႔မွာ အိမ္လြမ္းရတာနဲ႔ အစားအေသာက္အဆင္မေၿပရတာနဲ႔ ၿဖစ္ေသးတာ၊ သူတို႔ေခတ္က အဂၤလန္မွာ ပိုဆိုးေတာ့မေပါ့။ အဲဒီေတာ့ လိုရင္းၿပန္ေကာက္ရရင္ အဲဒီစာအုပ္ဖတ္လိုက္မိတာ ဗဟုသုတလဲရ၊ စာေရးခ်င္စိတ္လဲ ေပါက္လာေတာ့တာပဲဗ်ိဳ႔။ ကိုယ္ေရာစိတ္ပါက်န္းမာလို႔ ရႊင္လန္းၾကည္သာၾကပါေစဗ်ာ။ (အဲ......စာအုပ္ကေတာ့ မငွားႏိုင္ဘူးေနာ္..ၾကိဳေၿပာထားတာ ငွဲငွဲငွဲ)

ဘေလာ့စေရးၿခင္း

ဘေလာ့တစ္ခု ေရးခ်င္ေနတာ ေတာ္ေတာ္ကိုၾကာခဲ့ပါၿပီ။ ဒါေပမယ ့္အေၾကာင္းအမ်ိဳးမ်ိဳးေၾကာင ့္မစၿဖစ္ခဲ့ပါဘူး။ ညီအစ္ကိုလိုခ်စ္ခင္ရတဲ့ ညီေလးဟယ္ရီ (သူ႔ဘေလာ့ရွိပါတယ္)ကလဲ အားေပးတိုက္တြန္းေနတာၾကာပါၿပီ။ ခုေတာ့စၿဖစ္သြားၿပီေပါ့။ ကြ်န္ေတာ္က စာေရးရတာကို ဝါသနာပါပါတယ္။ ဘယ္သူဖတ္ဖတ္ မဖတ္ဖတ္ ကြ်န္ေတာ္ေတြးမိတာေလးေတြ၊ ေတြ႔ၾကံဳရတာေလးေတြကို မွတ္တမ္းတင္ထားခ်င္ပါတယ္။ အကယ္၍ ဖတ္တဲ့လူသာရွိမယ္ဆိုရင္ေတာ့ တိုင္း၍ယက္သည့္ပကၠလာမိုးရြာသည္ႏွင့္ အခန္႔သင့္ ဆိုသလိုေပါ့ဗ်ာ။
ကြ်န္ေတာ္ဘေလာ့ေရးရတဲ့ရည္ရြယ္ခ်က္ကေတာ့ ခုနကေၿပာတဲ့အတိုင္း ကြ်န္ေတာ့ဘဝမွာေတြ႔ၾကံဳရတာေလးေတြ၊ သင္ခန္းစာရခဲ့တာေလးေတြ၊ သင္ယူခဲ့ရတာေလးေတြ၊ ေတြးမိတာေလးေတြကို ကိုယ့္ဖာသာေနာင္ၿပန္ဖတ္ရင္မွတ္မိေအာင္၊သတိရဆင္ၿခင္လို႔ရေအာင္၊ ၿပီးေတာ့ ဖတ္မိသူမ်ားနဲ႔မွ်ေဝခံစားရေအာင္လို႔ေၿပာႏုိင္ပါတယ္။ဖတ္ရင္းနဲ႔ အၿမင္ကတ္စရာေလးမ်ား၊ အခ်ိဳးမေၿပတာေလးမ်ား၊ ကိုယ္ရည္ေသြးတာေလးမ်ိဳးမ်ားလဲ မေတာ္တဆပါသြားခဲ့ရင္ မရင့္က်က္ေသးတဲ့လူငယ္တစ္ေယာက္ပါလား လို႔သေဘာထားၿပီးခြင့္လႊတ္ေပးေစခ်င္ပါတယ္။
ႏွစ္သစ္တစ္ခုၿဖစ္တဲ့ ၂၀၁၀ရဲ့ပထမဆုံးေန႔မွာ ကြ်န္ေတာ္ဘေလာ့တစ္ခုကိုစေရးလိုက္ပါၿပီ။ ေနာင္အလ်ဥ္းသင့္တိုင္းလည္း၊ ေၿပာခ်င္တာ၊ ခံစားထိရွမိတာရွိတိုင္းလည္း ထပ္မံေရးသားသြားမွာၿဖစ္ပါတယ္။ ဘေလာ့စေရးၿဖစ္ေအာင္ အတင္းအားေပး၊ အတင္းတိုုက္တြန္း အတင္းကူညီတဲ့ ညီေလးဟယ္ရီကိုေက်းွဇူးအမ်ားၾကီးတင္ပါတယ္။
က်န္းမာရႊင္လန္းၾကပါေစ။