မိန်ရာသီခွင် (Pisces) သင်္ကေတ ငါးနှစ်ကောင်၏ဇာစ်မြစ်

 မိန်ရာသီခွင် (Pisces) သင်္ကေတ ငါးနှစ်ကောင်၏ဇာစ်မြစ်
*****************************************
မိန်ရာသီခွင် (Pisces) ရဲ့သင်္ကေတက အမြီးမှာကြိုးချည်ထားတဲ့ ငါးနှစ်ကောင်ပုံပါ။ ကောင်းကင်မှာရှိတဲ့ မိန်ရာသီနက္ခတ်ကိုကြည့်လိုက်ရင် ငါးနှစ်ကောင်ပုံကိုတွေ့ရမှာဖြစ်ပြီး တစ်ကောင်နဲ့တစ်ကောင်ကိုကြိုးတစ်ချောင်းနဲ့ဆက်သွယ်ထားသလိုတွေ့ရမှာဖြစ်တယ်လို့ဆိုပါတယ်။ သူ့ရဲ့နောက်ခံဇာတ်လမ်းကတော့ တစ်ခြားနက္ခတ်တွေလိုအများကြီးမရှိပဲ ဇာတ်လမ်းတစ်ခုထဲကိုပဲ မူကွဲနည်းနည်းနဲ့သာရှိပါတယ်။
ဂရိနဲ့ရောမဒဏ္ဍာရီလာ ဇာတ်လမ်းပေါ့။

ဂရိဒဏ္ဍာရီလာ မိန်ရာသီခွင်၏ သင်္ကေတ
******************************
အိုလံပစ်တောင်မှာစိုးစံတဲ့ နတ်ဘုရင် Zeus (ဇူးစ်) ကို နတ်ဘုရားအားလုံးရဲ့မိခင်ဖြစ်သူ ကမ္ဘာမြေကိုကိုယ်စားပြုတဲ့ Gaia (ဂိုင်းယာ) ကမကျေနပ်ပါဘူး။ အဓိကအကြောင်းရင်းကတော့ သူ့သားတွေဖြစ်တဲ့ တိုက်တန်နတ်ဘုရားတွေကို Zeus က ကမ္ဘာမြေရဲ့အနက်ရှိုင်းဆုံးဖြစ်တဲ့ မြေအောက်ကမ္ဘာက Tartarus ( တားတရက်စ်) မှာချုပ်နှောင်ထားလို့ပါ။

ဇာတ်ကြောင်းပြန်ရရင်တော့ စကြဝဠာကိုပိုင်စိုးတဲ့ Cronus (ခရိုးနပ်စ်) ဦးဆောင်တဲ့တိုက်တန်နတ်ဘုရားတွေကို Zeus ခေါင်းဆောင်တဲ့အိုလံပီရန်နတ်ဘုရားတွေက ပုန်ကန်ရာကနေစပါတယ်။ ဆယ်နှစ်ကျော်စစ်ပွဲကြီးဖြစ်ပြီးတဲ့နောက် တိုက်တန်တွေအရေးနိမ့်ပြီး အနိုင်ရသူအိုလံပီရန်တွေရဲ့ပြစ်ဒဏ်ပေးခြင်းကိုခံရပါတယ်။ အဲဒီကမှ Cronus နဲ့ တိုက်တန်တစ်ချို့ကို မြေအောက်ကမ္ဘာရဲ့ Tartarus မှာ ထာဝရချုပ်နှောင်ထားခြင်းဖြင့် Zeus  ကအပြစ်ပေးခဲ့ပါတယ်။ တိုက်တန်တွေရဲ့မိခင်ကြီးဖြစ်တဲ့ Gaia ကတော့ သူ့သားတွေကိုမြေအောက်ကမ္ဘာမှာချုပ်နှောင်ထားလို့ မကျေလည်ပါဘူး။ ဒီလိုနဲ့ တစ်နေ့မှာတော့ နတ်ဘုရင် Zeus ကိုပြန်လက်စားချေဖို့အတွက် မိစ္ဆာသတ္တဝါတွေအားလုံးရဲ့ ဘိုးအေကြီးဖြစ်တဲ့ Typhon (တိုင်ဖွန်) ကိုဖန်တီးမွေးဖွားပြီး အိုလံပစ်တောင်ကိုတိုက်ခိုက်စေပါတော့တယ်။

Typhon ကလူ့ကိုယ်ခန္ဓာအပေါ်ပိုင်းနဲ့မြွေတစ်ကောင်ရဲ့အောက်ပိုင်းကိုပေါင်းစပ်ထားတဲ့ ပုံမျိုးရှိပြီး သူ့လက်ချောင်းတွေကလဲ မြွေဆိုးမြွေဟောက်ပေါင်းတစ်ရာလောက်နဲ့လုပ်ထားတာပါ။ ချွန်တဲ့နားရွက်တွေ၊ နှစ်ခုသောဦးချို၊ ရှည်လျားတဲ့မုတ်ဆိတ်၊ မီးဝင်းဝင်းတောက်တဲ့မျက်လုံးတွေနဲ့ မီးတောက်မီးလျှံတွေကိုထုတ်လွှတ်နိုင်တဲ့ အာခံတွင်းကိုပိုင်ဆိုင်ပါတယ်။ ကိုယ်ပေါ်မှာလဲတောင်ပံပေါင်းတစ်ရာရှိပါတယ်။
သူ့အရပ်ကလဲ ကြယ်တာရာတွေကိုထိမတတ်မြင့်မားပြီး ခွန်အားကြီးမားရုံမက ကြမ်းတမ်းရက်စက်တယ်လို့လဲဆိုတယ်။

အိုလံပစ်တောင်ကိုတိုက်ခိုက်ဖို့လာနေတဲ့
Typhon ကို လူကိုယ်နဲ့ဆိတ်ခြေထောက်တွေရှိတဲ့ ဆိတ်နတ် Pan (ပန်) ကအရင်ဆုံးမြင်ပြီး Typhon လက်ကလွတ်ဖို့ မြစ်ထဲခုန်ချ၊ ငါးတစ်ကောင်ပုံပြောင်းပြီး ပြေးပါတယ်။ ဆိတ်အပေါ်ပိုင်းနဲ့ အောက်ပိုင်းမှာငါးအမြီးပါတဲ့ ဆိတ်နတ်Pan ပြောင်းလိုက်တဲ့ပုံက မကာရရာသီခွင် (Capricorn) ရဲ့သင်္ကေတတစ်ခုလဲဖြစ်တယ်လို့ တစ်ချို့ဒဏ္ဍာရီမှာ ဆိုထားပါသေးတယ်(Capricorn အကြောင်းမှာပါ)။

အိုလံပစ်တောင်မှာရှိတဲ့ တစ်ခြားနတ်ဘုရားတော်တော်များများလဲ Typhon ရန်ကလွတ်ဖို့ထွက်ပြေးကြရပါတယ်တဲ့။ အလှအပနဲ့ဖိုမအချစ်တို့ရဲ့နတ်ဘုရားမဖြစ်တဲ့ Aphrodite အဖရိုဒိုက်တီ (ရောမအခေါ်  Venus) နဲ့ သူ့သားတော်လေးဖြစ်တဲ့ ကျောပေါ်မှာတောင်ပံလေးနှစ်ဖက်ပါတဲ့မြှားနတ်မောင် Ero အီရို ( ရောမအခေါ် Cupid) တို့ဟာလဲ ပြေးကြရတဲ့နတ်ဘုရားတွေမှာအပါအဝင်ပေါ့။ သားအမိနှစ်ယောက်ပြေးလာလိုက်ကြတာ နောက်ဆုံးမှာ မြစ်ကမ်းတစ်ခုကိုရောက်လာကြသတဲ့။ နောက်က Typhon ရဲ့ရန်ကိုလဲကြောက်ရ၊ ရှေ့မှာလဲမြစ်နဲ့ဖြစ်နေချိန်မှာ မြစ်ထဲကနေ ငါး‌လေးနှစ်ကောင်ပေါ်လာပြီး Aphrodite နဲ့ Ero တို့ကိုတစ်ယောက်စီကျောပေါ်မှာတင်၊ ရေထဲမှာကူးခတ်သွားလို့ Typhon လက်ကလွတ်အောင် ကယ်ဆယ်ခဲ့ကြပါတယ်တဲ့။ တစ်ချို့ဒဏ္ဍာရီတွေမှာတော့  ငါးကလေးတွေနည်းလမ်းပြတဲ့အတိုင်း Aphrodite နဲ့ Ero ကိုယ်တိုင်ငါးပုံစံပြောင်း၊ တစ်ယောက်နဲ့တစ်ယောက်မကွဲအောင် အမြီးတွေမှာကြိုးနဲ့ချည်ပြီး မြစ်ထဲမှာကူးခတ်ပြေးတယ်လို့လဲ ပြောကြပါတယ်။

Typhon ကိုနှိမ်နင်းနိုင်ပြီးတဲ့နောက် အရာရာအေးချမ်းသွားချိန်မှာတော့ Aphrodite နဲ့ Ero တို့ကိုကယ်တင်ခဲ့တဲ့ ငါးလေးနှစ်ကောင်ကို ဂုဏ်ပြုတဲ့အနေနဲ့ နတ်ဘုရားတွေက ကောင်းကင်မှာ အမြီးနှစ်ခုကို ကြိုးတစ်ချာင်းနဲ့ဆက်သွယ်ထားတဲ့ငါးနှစ်ကောင်ပုံနက္ခတ်တစ်ခုကို ဖန်ဆင်းပေးလိုက်ပါသတဲ့။
အဲဒီနက္ခတ်ကတော့ မိန်ရာသီခွင် (Pisces) ရဲ့သင်္ကေတ ငါးနှစ်ကောင်ပုံပါပဲ။

မောင်ဇိ
#ရာသီခွင်ဇာတ်လမ်း #မောင်ဇိ #မောင်ဇိ၏ပုံပြင်များ #မိန်ရာသီ #MaungZi #MaungZitales #Myth #Mythology #Horoscope #Pisces

======================================================================

မိန္ရာသီခြင္ (Pisces) သေကၤတ ငါးႏွစ္ေကာင္၏ဇာစ္ျမစ္
*****************************************
မိန္ရာသီခြင္ (Pisces) ရဲ႕သေကၤတက အၿမီးမွာႀကိဳးခ်ည္ထားတဲ့ ငါးႏွစ္ေကာင္ပုံပါ။ ေကာင္းကင္မွာရွိတဲ့ မိန္ရာသီနကၡတ္ကိုၾကည့္လိုက္ရင္ ငါးႏွစ္ေကာင္ပုံကိုေတြ႕ရမွာျဖစ္ၿပီး တစ္ေကာင္နဲ႔တစ္ေကာင္ကိုႀကိဳးတစ္ေခ်ာင္းနဲ႔ဆက္သြယ္ထားသလိုေတြ႕ရမွာျဖစ္တယ္လို႔ဆိုပါတယ္။ သူ႔ရဲ႕ေနာက္ခံဇာတ္လမ္းကေတာ့ တစ္ျခားနကၡတ္ေတြလိုအမ်ားႀကီးမရွိပဲ ဇာတ္လမ္းတစ္ခုထဲကိုပဲ မူကြဲနည္းနည္းနဲ႔သာရွိပါတယ္။
ဂရိနဲ႔ေရာမဒ႑ာရီလာ ဇာတ္လမ္းေပါ့။

ဂရိဒ႑ာရီလာ မိန္ရာသီခြင္၏ သေကၤတ
******************************
အိုလံပစ္ေတာင္မွာစိုးစံတဲ့ နတ္ဘုရင္ Zeus (ဇူးစ္) ကို နတ္ဘုရားအားလုံးရဲ႕မိခင္ျဖစ္သူ ကမာၻေျမကိုကိုယ္စားျပဳတဲ့ Gaia (ဂိုင္းယာ) ကမေက်နပ္ပါဘူး။ အဓိကအေၾကာင္းရင္းကေတာ့ သူ႔သားေတြျဖစ္တဲ့ တိုက္တန္နတ္ဘုရားေတြကို Zeus က ကမာၻေျမရဲ႕အနက္ရႈိင္းဆုံးျဖစ္တဲ့ ေျမေအာက္ကမာၻက Tartarus ( တားတရက္စ္) မွာခ်ဳပ္ေႏွာင္ထားလို႔ပါ။

ဇာတ္ေၾကာင္းျပန္ရရင္ေတာ့ စၾကဝဠာကိုပိုင္စိုးတဲ့ Cronus (ခ႐ိုးနပ္စ္) ဦးေဆာင္တဲ့တိုက္တန္နတ္ဘုရားေတြကို Zeus ေခါင္းေဆာင္တဲ့အိုလံပီရန္နတ္ဘုရားေတြက ပုန္ကန္ရာကေနစပါတယ္။ ဆယ္ႏွစ္ေက်ာ္စစ္ပြဲႀကီးျဖစ္ၿပီးတဲ့ေနာက္ တိုက္တန္ေတြအေရးနိမ့္ၿပီး အႏိုင္ရသူအိုလံပီရန္ေတြရဲ႕ျပစ္ဒဏ္ေပးျခင္းကိုခံရပါတယ္။ အဲဒီကမွ Cronus နဲ႔ တိုက္တန္တစ္ခ်ိဳ႕ကို ေျမေအာက္ကမာၻရဲ႕ Tartarus မွာ ထာဝရခ်ဳပ္ေႏွာင္ထားျခင္းျဖင့္ Zeus  ကအျပစ္ေပးခဲ့ပါတယ္။ တိုက္တန္ေတြရဲ႕မိခင္ႀကီးျဖစ္တဲ့ Gaia ကေတာ့ သူ႔သားေတြကိုေျမေအာက္ကမာၻမွာခ်ဳပ္ေႏွာင္ထားလို႔ မေက်လည္ပါဘူး။ ဒီလိုနဲ႔ တစ္ေန႔မွာေတာ့ နတ္ဘုရင္ Zeus ကိုျပန္လက္စားေခ်ဖို႔အတြက္ မိစာၦသတၱဝါေတြအားလုံးရဲ႕ ဘိုးေအႀကီးျဖစ္တဲ့ Typhon (တိုင္ဖြန္) ကိုဖန္တီးေမြးဖြားၿပီး အိုလံပစ္ေတာင္ကိုတိုက္ခိုက္ေစပါေတာ့တယ္။

Typhon ကလူ႔ကိုယ္ခႏၶာအေပၚပိုင္းနဲ႔ေႁမြတစ္ေကာင္ရဲ႕ေအာက္ပိုင္းကိုေပါင္းစပ္ထားတဲ့ ပုံမ်ိဳးရွိၿပီး သူ႔လက္ေခ်ာင္းေတြကလဲ ေႁမြဆိုးေႁမြေဟာက္ေပါင္းတစ္ရာေလာက္နဲ႔လုပ္ထားတာပါ။ ခြၽန္တဲ့နား႐ြက္ေတြ၊ ႏွစ္ခုေသာဦးခ်ိဳ၊ ရွည္လ်ားတဲ့မုတ္ဆိတ္၊ မီးဝင္းဝင္းေတာက္တဲ့မ်က္လုံးေတြနဲ႔ မီးေတာက္မီးလွ်ံေတြကိုထုတ္လႊတ္ႏိုင္တဲ့ အာခံတြင္းကိုပိုင္ဆိုင္ပါတယ္။ ကိုယ္ေပၚမွာလဲေတာင္ပံေပါင္းတစ္ရာရွိပါတယ္။
သူ႔အရပ္ကလဲ ၾကယ္တာရာေတြကိုထိမတတ္ျမင့္မားၿပီး ခြန္အားႀကီးမား႐ုံမက ၾကမ္းတမ္းရက္စက္တယ္လို႔လဲဆိုတယ္။

အိုလံပစ္ေတာင္ကိုတိုက္ခိုက္ဖို႔လာေနတဲ့
Typhon ကို လူကိုယ္နဲ႔ဆိတ္ေျခေထာက္ေတြရွိတဲ့ ဆိတ္နတ္ Pan (ပန္) ကအရင္ဆုံးျမင္ၿပီး Typhon လက္ကလြတ္ဖို႔ ျမစ္ထဲခုန္ခ်၊ ငါးတစ္ေကာင္ပုံေျပာင္းၿပီး ေျပးပါတယ္။ ဆိတ္အေပၚပိုင္းနဲ႔ ေအာက္ပိုင္းမွာငါးအၿမီးပါတဲ့ ဆိတ္နတ္Pan ေျပာင္းလိုက္တဲ့ပုံက မကာရရာသီခြင္ (Capricorn) ရဲ႕သေကၤတတစ္ခုလဲျဖစ္တယ္လို႔ တစ္ခ်ိဳ႕ဒ႑ာရီမွာ ဆိုထားပါေသးတယ္(Capricorn အေၾကာင္းမွာပါ)။

အိုလံပစ္ေတာင္မွာရွိတဲ့ တစ္ျခားနတ္ဘုရားေတာ္ေတာ္မ်ားမ်ားလဲ Typhon ရန္ကလြတ္ဖို႔ထြက္ေျပးၾကရပါတယ္တဲ့။ အလွအပနဲ႔ဖိုမအခ်စ္တို႔ရဲ႕နတ္ဘုရားမျဖစ္တဲ့ Aphrodite အဖ႐ိုဒိုက္တီ (ေရာမအေခၚ  Venus) နဲ႔ သူ႔သားေတာ္ေလးျဖစ္တဲ့ ေက်ာေပၚမွာေတာင္ပံေလးႏွစ္ဖက္ပါတဲ့ျမႇားနတ္ေမာင္ Ero အီ႐ို ( ေရာမအေခၚ Cupid) တို႔ဟာလဲ ေျပးၾကရတဲ့နတ္ဘုရားေတြမွာအပါအဝင္ေပါ့။ သားအမိႏွစ္ေယာက္ေျပးလာလိုက္ၾကတာ ေနာက္ဆုံးမွာ ျမစ္ကမ္းတစ္ခုကိုေရာက္လာၾကသတဲ့။ ေနာက္က Typhon ရဲ႕ရန္ကိုလဲေၾကာက္ရ၊ ေရွ႕မွာလဲျမစ္နဲ႔ျဖစ္ေနခ်ိန္မွာ ျမစ္ထဲကေန ငါး‌ေလးႏွစ္ေကာင္ေပၚလာၿပီး Aphrodite နဲ႔ Ero တို႔ကိုတစ္ေယာက္စီေက်ာေပၚမွာတင္၊ ေရထဲမွာကူးခတ္သြားလို႔ Typhon လက္ကလြတ္ေအာင္ ကယ္ဆယ္ခဲ့ၾကပါတယ္တဲ့။ တစ္ခ်ိဳ႕ဒ႑ာရီေတြမွာေတာ့  ငါးကေလးေတြနည္းလမ္းျပတဲ့အတိုင္း Aphrodite နဲ႔ Ero ကိုယ္တိုင္ငါးပုံစံေျပာင္း၊ တစ္ေယာက္နဲ႔တစ္ေယာက္မကြဲေအာင္ အၿမီးေတြမွာႀကိဳးနဲ႔ခ်ည္ၿပီး ျမစ္ထဲမွာကူးခတ္ေျပးတယ္လို႔လဲ ေျပာၾကပါတယ္။

Typhon ကိုႏွိမ္နင္းႏိုင္ၿပီးတဲ့ေနာက္ အရာရာေအးခ်မ္းသြားခ်ိန္မွာေတာ့ Aphrodite နဲ႔ Ero တို႔ကိုကယ္တင္ခဲ့တဲ့ ငါးေလးႏွစ္ေကာင္ကို ဂုဏ္ျပဳတဲ့အေနနဲ႔ နတ္ဘုရားေတြက ေကာင္းကင္မွာ အၿမီးႏွစ္ခုကို ႀကိဳးတစ္ခ်ာင္းနဲ႔ဆက္သြယ္ထားတဲ့ငါးႏွစ္ေကာင္ပုံနကၡတ္တစ္ခုကို ဖန္ဆင္းေပးလိုက္ပါသတဲ့။
အဲဒီနကၡတ္ကေတာ့ မိန္ရာသီခြင္ (Pisces) ရဲ႕သေကၤတ ငါးႏွစ္ေကာင္ပုံပါပဲ။

ေမာင္ဇိ
#ရာသီခြင္ဇာတ္လမ္း #ေမာင္ဇိ #ေမာင္ဇိ၏ပုံျပင္မ်ား #မိန္ရာသီ #MaungZi #MaungZitales #Myth #Mythology #Horoscope #Pisces

လူနာတစ်ယောက်ကိုခွဲစိတ်ရာက လူသုံးယောက်ကို သေစေခဲ့သူ

 လူနာတစ်ယောက်ကိုခွဲစိတ်ရာက လူသုံးယောက်ကို သေစေခဲ့သူ
**********************************************
ခွဲစိတ်ခံရဖို့လိုအပ်တဲ့သူတစ်ယောက်ကိုခွဲစိတ်အောင်မြင်ပြီး လူနာအသက်ရှင်သွားရင် အောင်မြင်မှု ၁၀၀ ရာနှုန်းလို့ခေါ်တယ်ဆိုပါတော့၊ လူနာသေသွားတယ်ဆိုရင် သေနှုန်း ၁၀၀ ရာခိုင်နှုန်းပေါ့။ ဒါပေမယ့် ထူးထူးခြားခြား သေနှုန်း ၃၀၀ ရာခိုင်နှုန်းဖြစ်အောင် အစွမ်းပြခွဲစိတ်ခဲ့တဲ့ ဆရာဝန်တစ်ယောက်ရှိခဲ့ဖူးပါတယ်။
(တစ်ကယ်ကတော့ သေဆုံးနှုန်း Mortality rate ကိုတွက်တဲ့ပုံသေနည်းသက်သက်ရှိပါတယ်။ ထားပါတော့)

သူ့နာမည်က ဒေါက်တာ ရောဘတ်လစ်(စ်)တန် (Robert Liston) ပါတဲ့။ စကော့လူမျိုးတစ်ယောက်ဖြစ်တဲ့ လစ်(စ်)တန်က အနောက်တိုင်းမှာ ဓါးအမြန်ဆုံးခွဲစိတ်ဆရာဝန်အဖြစ်ထင်ရှားပါတယ်။ သူဆရာဝန်ဖြစ်ခဲ့တဲ့ ၁၈၂၀ ဝန်းကျင်ကာလတွေမှာ ထုံဆေးတို့၊ မေ့ဆေးတို့မပေါ်သေးပါဘူး (အဲဒီအချိန်က မြန်မာပြည်မှာ ကုန်းဘောင်မင်းဆက် ဘိုးတော်ဘုရားရဲ့မြေးတော်၊ ဘကြီးတော်ဘုရားလက်ထက်လောက်ပါ)။ ဒီတော့ လူ့ကိုယ်ခန္ဓာအစိတ်အပိုင်းတွေကို ခွဲစိတ်ဖြတ်တောက်ချင်ရင် ဒီအတိုင်း လူနာကိုဝိုင်းချုပ်ထားပြီး အမြန်ဆုံးပြီးအောင်ခွဲစိတ်ဖြတ်တောက်ရပါတယ်။ မြန်မြန်ပြီးလေ၊ လူနာဝေဒနာခံစားရချိန်ကနည်းလေမို့လို့ပါ။ ထုံဆေးကတော့ ၁၈၈၄ ခုနှစ်လောက်ရောက်မှ ကိုကိန်းကနေ တရားဝင်စထုတ်လုပ်နိုင်တယ်လို့ဆိုပါတယ်။

လစ်(စ်)တန်ကလူနာတွေကို မိနစ်ပိုင်းအတွင်းမှာခွဲစိတ်ဖြတ်တောက်နိုင်သူအဖြစ် ထင်ရှားတယ်။ အကျော်ကြားဆုံး ခွဲစိတ်မှုကတော့ လူနာတစ်ယောက်ရဲ့ခြေထောက်ကို ၂ မိနစ်ခွဲအတွင်းခွဲစိတ်ဖြတ်တောက်လိုက်တဲ့ ခွဲစိတ်မှုပါ။ အမြန်ခွဲစိတ်ရတဲ့အတွက် ရုန်းကန်အော်ဟစ်နေတဲ့ လူနာရဲ့ခြေထောက်ကိုကိုင်ထားတဲ့ သူ့လက်ထောက်ရဲ့ လက်ချောင်းတွေကိုပါမှားဖြတ်လိုက်ပါတယ်။ အဲဒါတင်မပြီးသေးပါဘူး။ ဘေးကရပ်ကြည့်နေတဲ့ တစ်ခြားခွဲစိတ်ဆရာဝန်အိုကြီးတစ်ယောက်ရဲ့ကုတ်အင်္ကျီအနားသတ်ကိုပါ ဓါးနဲထိုးခွဲမိပါသေးတယ်။ ကုတ်အင်္ကျီစုတ်ပြဲသွားတဲ့ ဆရာဝန်က သွေးတွေနဲ့ပေရေပြီး ပြဲနေတဲ့သူ့အင်္ကျီကိုမြင်ချိန်မှာ သူပါဓါးချက်မိသွားပြီထင်လို့ လန့်ဖျပ်ပြီးမေ့လဲရာကနေ နှလုံးခုန်ရပ်ပြီးအသက်ပါ ပါသွားရှာသတဲ့။ ခြေထောက်ဖြတ်လူနာနဲ့ လက်ချောင်းပြတ်သွားတဲ့ လစ်(စ်)တန်ရဲ့လက်ထောက်ကလဲ ဒဏ်ရာတွေကနေပိုးဝင်ရာက မကြာခင်ပဲဆေးရုံပေါ်မှာဆုံးပါးသွားကြပါတော့တယ်။ ဒါနဲ့ပဲ လူနာသေဆုံးနှုန်း ၃၀၀ ရာခိုင်နှုန်းရှိတဲ့ဆရာဝန်အနေနဲ့နာမည်ကြီးတော့တာ ဒီခေတ်ထိပါပဲ။

ပြီးတော့မပြီးသေးပါဘူး။
သူ့ရဲ့နောက်ထပ်နာမည်ကြီးတဲ့ ခွဲစိတ်မှုတစ်ခုလဲရှိပါသေးတယ်။ အဲဒီမှာကတော့ လူနာရဲ့ခြေထောက်ကို ၂မိနစ်ခွဲအတွင်း ခွဲစိတ်ဖြတ်တောက်လိုက်နိုင်ပေမယ့် အလျင်လိုနေတာနဲ့ စိတ်လှုပ်ရှားပြီး လူနာရဲ့ဝှေးစေ့တွေကိုပါ ဖြတ်ထုတ်လိုက်မိတာပါတဲ့။

လစ်(စ်)တန်အနေနဲ့လဲ ဒီနေ့ခေတ်ထိအဲလိုမျိုးကြီးနာမည်ကြီးနေတာတော့ကြိုက်မယ်မထင်ပါဘူး။ ဒါပေမယ့်လဲ ဒီအဖြစ်အပျက်တွေကမှတ်တမ်းအနေနဲ့ကျန်ခဲ့တာဆိုတော့ ဖတ်မိတဲ့မောင်ဇိလဲ မောင်ဇိရဲ့မိတ်ဆွေတွေကိုပြန်ပြီးဖောက်သည်ချလိုက်ပါတယ်။ ထုံဆေးတွေ၊မေ့ဆေးတွေကောင်းလာတဲ့ ဒီဘက်ခေတ်မှာလူလာဖြစ်ရတာ ကံကောင်းတယ်လို့မှတ်ကြပေါ့ဗျာ။ ။

မောင်ဇိ
(Weird History ဖေ့စ်ဘွတ်ပေ့ချ်ကနေ အနံ့ရလို့ အင်တာနက်မှာတစ်ခြားအသေးစိတ်အချက်အလက်တွေပြန်ရှာပြီး ရေးပါတယ်)
#MaungZitales  #history  #သမိုင်း  #မောင်ဇိ၏ပုံပြင်များ #ရောက်တတ်ရာရာ
===================================================================

လူနာတစ္ေယာက္ကိုခြဲစိတ္ရာက လူသုံးေယာက္ကို ေသေစခဲ့သူ
**********************************************
ခြဲစိတ္ခံရဖို႔လိုအပ္တဲ့သူတစ္ေယာက္ကိုခြဲစိတ္ေအာင္ျမင္ၿပီး လူနာအသက္ရွင္သြားရင္ ေအာင္ျမင္မႈ ၁၀၀ ရာႏႈန္းလို႔ေခၚတယ္ဆိုပါေတာ့၊ လူနာေသသြားတယ္ဆိုရင္ ေသႏႈန္း ၁၀၀ ရာခိုင္ႏႈန္းေပါ့။ ဒါေပမယ့္ ထူးထူးျခားျခား ေသႏႈန္း ၃၀၀ ရာခိုင္ႏႈန္းျဖစ္ေအာင္ အစြမ္းျပခြဲစိတ္ခဲ့တဲ့ ဆရာဝန္တစ္ေယာက္ရွိခဲ့ဖူးပါတယ္။
(တစ္ကယ္ကေတာ့ ေသဆုံးႏႈန္း Mortality rate ကိုတြက္တဲ့ပုံေသနည္းသက္သက္ရွိပါတယ္။ ထားပါေတာ့)

သူ႔နာမည္က ေဒါက္တာ ေရာဘတ္လစ္(စ္)တန္ (Robert Liston) ပါတဲ့။ စေကာ့လူမ်ိဳးတစ္ေယာက္ျဖစ္တဲ့ လစ္(စ္)တန္က အေနာက္တိုင္းမွာ ဓါးအျမန္ဆုံးခြဲစိတ္ဆရာဝန္အျဖစ္ထင္ရွားပါတယ္။ သူဆရာဝန္ျဖစ္ခဲ့တဲ့ ၁၈၂၀ ဝန္းက်င္ကာလေတြမွာ ထုံေဆးတို႔၊ ေမ့ေဆးတို႔မေပၚေသးပါဘူး (အဲဒီအခ်ိန္က ျမန္မာျပည္မွာ ကုန္းေဘာင္မင္းဆက္ ဘိုးေတာ္ဘုရားရဲ႕ေျမးေတာ္၊ ဘႀကီးေတာ္ဘုရားလက္ထက္ေလာက္ပါ)။ ဒီေတာ့ လူ႔ကိုယ္ခႏၶာအစိတ္အပိုင္းေတြကို ခြဲစိတ္ျဖတ္ေတာက္ခ်င္ရင္ ဒီအတိုင္း လူနာကိုဝိုင္းခ်ဳပ္ထားၿပီး အျမန္ဆုံးၿပီးေအာင္ခြဲစိတ္ျဖတ္ေတာက္ရပါတယ္။ ျမန္ျမန္ၿပီးေလ၊ လူနာေဝဒနာခံစားရခ်ိန္ကနည္းေလမို႔လို႔ပါ။ ထုံေဆးကေတာ့ ၁၈၈၄ ခုႏွစ္ေလာက္ေရာက္မွ ကိုကိန္းကေန တရားဝင္စထုတ္လုပ္ႏိုင္တယ္လို႔ဆိုပါတယ္။

လစ္(စ္)တန္ကလူနာေတြကို မိနစ္ပိုင္းအတြင္းမွာခြဲစိတ္ျဖတ္ေတာက္ႏိုင္သူအျဖစ္ ထင္ရွားတယ္။ အေက်ာ္ၾကားဆုံး ခြဲစိတ္မႈကေတာ့ လူနာတစ္ေယာက္ရဲ႕ေျခေထာက္ကို ၂ မိနစ္ခြဲအတြင္းခြဲစိတ္ျဖတ္ေတာက္လိုက္တဲ့ ခြဲစိတ္မႈပါ။ အျမန္ခြဲစိတ္ရတဲ့အတြက္ ႐ုန္းကန္ေအာ္ဟစ္ေနတဲ့ လူနာရဲ႕ေျခေထာက္ကိုကိုင္ထားတဲ့ သူ႔လက္ေထာက္ရဲ႕ လက္ေခ်ာင္းေတြကိုပါမွားျဖတ္လိုက္ပါတယ္။ အဲဒါတင္မၿပီးေသးပါဘူး။ ေဘးကရပ္ၾကည့္ေနတဲ့ တစ္ျခားခြဲစိတ္ဆရာဝန္အိုႀကီးတစ္ေယာက္ရဲ႕ကုတ္အက်ႌအနားသတ္ကိုပါ ဓါးနဲထိုးခြဲမိပါေသးတယ္။ ကုတ္အက်ႌစုတ္ၿပဲသြားတဲ့ ဆရာဝန္က ေသြးေတြနဲ႔ေပေရၿပီး ၿပဲေနတဲ့သူ႔အက်ႌကိုျမင္ခ်ိန္မွာ သူပါဓါးခ်က္မိသြားၿပီထင္လို႔ လန႔္ဖ်ပ္ၿပီးေမ့လဲရာကေန ႏွလုံးခုန္ရပ္ၿပီးအသက္ပါ ပါသြားရွာသတဲ့။ ေျခေထာက္ျဖတ္လူနာနဲ႔ လက္ေခ်ာင္းျပတ္သြားတဲ့ လစ္(စ္)တန္ရဲ႕လက္ေထာက္ကလဲ ဒဏ္ရာေတြကေနပိုးဝင္ရာက မၾကာခင္ပဲေဆး႐ုံေပၚမွာဆုံးပါးသြားၾကပါေတာ့တယ္။ ဒါနဲ႔ပဲ လူနာေသဆုံးႏႈန္း ၃၀၀ ရာခိုင္ႏႈန္းရွိတဲ့ဆရာဝန္အေနနဲ႔နာမည္ႀကီးေတာ့တာ ဒီေခတ္ထိပါပဲ။

ၿပီးေတာ့မၿပီးေသးပါဘူး။
သူ႔ရဲ႕ေနာက္ထပ္နာမည္ႀကီးတဲ့ ခြဲစိတ္မႈတစ္ခုလဲရွိပါေသးတယ္။ အဲဒီမွာကေတာ့ လူနာရဲ႕ေျခေထာက္ကို ၂မိနစ္ခြဲအတြင္း ခြဲစိတ္ျဖတ္ေတာက္လိုက္ႏိုင္ေပမယ့္ အလ်င္လိုေနတာနဲ႔ စိတ္လႈပ္ရွားၿပီး လူနာရဲ႕ေဝွးေစ့ေတြကိုပါ ျဖတ္ထုတ္လိုက္မိတာပါတဲ့။

လစ္(စ္)တန္အေနနဲ႔လဲ ဒီေန႔ေခတ္ထိအဲလိုမ်ိဳးႀကီးနာမည္ႀကီးေနတာေတာ့ႀကိဳက္မယ္မထင္ပါဘူး။ ဒါေပမယ့္လဲ ဒီအျဖစ္အပ်က္ေတြကမွတ္တမ္းအေနနဲ႔က်န္ခဲ့တာဆိုေတာ့ ဖတ္မိတဲ့ေမာင္ဇိလဲ ေမာင္ဇိရဲ႕မိတ္ေဆြေတြကိုျပန္ၿပီးေဖာက္သည္ခ်လိုက္ပါတယ္။ ထုံေဆးေတြ၊ေမ့ေဆးေတြေကာင္းလာတဲ့ ဒီဘက္ေခတ္မွာလူလာျဖစ္ရတာ ကံေကာင္းတယ္လို႔မွတ္ၾကေပါ့ဗ်ာ။ ။

ေမာင္ဇိ
(Weird History ေဖ့စ္ဘြတ္ေပ့ခ်္ကေန အနံ႔ရလို႔ အင္တာနက္မွာတစ္ျခားအေသးစိတ္အခ်က္အလက္ေတြျပန္ရွာၿပီး ေရးပါတယ္)
#MaungZitales  #history  #သမိုင္း  #ေမာင္ဇိ၏ပုံျပင္မ်ား #ေရာက္တတ္ရာရာ

ဘီစီ၊ အေဒီ၊ သာသနာသက္ကရာဇ် နဲ့ မြန်မာသက္ကရာဇ်

ဘီစီ၊ အေဒီ၊ သာသနာသက္ကရာဇ် နဲ့ မြန်မာသက္ကရာဇ်
**************************************
ရှေးဟောင်းဒဏ္ဍာရီနဲ့ပတ်သက်တဲ့အကြောင်းအရာတွေ၊ သမိုင်းနဲ့ပတ်သက်တဲ့အဖြစ်အပျက်တွေရေးတဲ့အခါမှာ မလွှဲမရှောင်သာပါလာတာက ခုနှစ်သက္ကရာဇ်တွေ၊ အေဒီ၊ ဘီစီ ဆိုတဲ့အသုံးအနှုန်းတွေ။ မောင်ဇိပရိသတ်တစ်ချို့ကလဲ အေဒီနဲ့ဘီစီဘာကွာလဲဆိုတာ လာလာမေးတတ်ကြတယ်။ ဒီတော့ သိပြီးသားသူတွေအတွက်တော့ ကိစ္စမရှိပေမယ့် မသိသေးတဲ့သူတွေအတွက် စာဖတ်တဲ့အခါ ပိုအရသာရှိအောင် မောင်ဇိရေးတဲ့ဒဏ္ဍာရီတွေမှာ တစ်ခါတစ်လေပါတတ်တဲ့ ဘီစီ၊ အေဒီဆိုတဲ့စကားလုံးတွေရဲ့အဓိပ္ပါယ်နဲ့ ခုနှစ်သက္ကရာဇ်တွေနဲ့ ဆက်စပ်ရာ ဆက်စပ်ကြောင်းလေးတွေကို ပြောပြသွားပါ့မယ်။

အေဒီ (AD)
********
အေဒီဆိုတာက မောင်ဇိတို့အခုရောက်နေတဲ့ သက္ကရာဇ်စနစ်ဖြစ်ပြီး  Anno Domini (AD) ဆိုတဲ့ အလယ်ခေတ်လက်တင်ဘာသာစကားအတိုလေးကနေလာပါတယ်။ အင်္ဂလိပ်လိုက‌တော့ "In the year of the Lord" ပေါ့။ မြန်မာလိုပြန်ရင်တော့ "ရှင်တော်၏လက်ထက်" တဲ့။ ခရစ်တော်သခင်ရေရှုမွေးတဲ့နှစ်ကနေစတွက်ပါတယ်။ လက်တင်ဘာသာစကားနဲ့ ဒီထက်ပိုရှည်အောင်ပြောထားတာရှိသေးပေမယ့် ဒီလောက်ဆိုလုံလောက်လို့ချန်ခဲ့လိုက်ပါမယ်။ သက္ကရာဇ်နှစ်ထောင်ဆိုရင် အေဒီ ၂၀၀၀ လို့ပြောပြီး ခရစ်တော်မွေးပြီး နှစ်ပေါင်း၂၀၀၀ လို့ဆိုလိုတယ်။ ခရစ်သက္ကရာဇ် ၂၀၂၀ ဆိုရင် AD၂၀၂၀ ပေါ့။ တစ်ခါတစ်လေ ခရစ်သက္ကရာဇ်ကိုလက်ရှိသုံးနေတဲ့သက္ကရာဇ်ဖြစ်လို့ Current Era သို့မဟုတ် Common Era (CE) လို့လဲသုံးပါတယ်။

ဘီစီ(BC)
*******
ဘီစီကတော့ရှင်းပါတယ်။ Before Christ  ဆိုတဲ့အင်္ဂလိပ်စကားလေးကိုပဲ အတိုကောက်ထားတာပါ။ ခရစ်တော်မတိုင်ခင်ဆိုတဲ့အဓိပ္ပါယ်ရပါတယ်။ မျဥ်းကြောင်းတစ်ကြောင်းဆွဲပြီး သုညရယ်၊ သုညရဲ့ ဘယ်ဘက်မှာ အနှုတ်တစ်၊ အနှုတ်နှစ်၊အနှုတ်သုံးစသည်ဖြင့်အနှုတ်ကိန်းတွေရယ်၊ သုညရဲ့ညာဘက်မှာ တစ်၊နှစ်၊သုံး စသည်ဖြင့် အပေါင်းကိန်းတွေရယ်ထည့်မယ်ဆိုပါတော့၊ ဘီစီကတော့ အနှုတ်ကိန်းနဲ့တူပြီး အေဒီက အပေါင်းကိန်းနဲ့တူပါတယ်။ ဆိုလိုတာက ဘီစီကိုရောက်သွားတဲ့အခါမှာ ရှေးကျသွားလေ ဂဏန်းအရေအတွက်များလေပါ။ ဥပမာ ဘီစီ ၁၀ ထက် ဘီစီ ၁၀၀ ကပိုရှေးကျပါတယ်။ သူတို့ထက် ဘီစီ ၁၀၀၀ ကပိုရှေးကျတယ်ပေါ့။ ဒီတော့ အဲလိုဆက်သွားမယ်ဆိုရင် ရှေးကျလေ၊ ဘီစီဂဏန်းကြီးလေလေလို့ပြောလို့ ရပါလိမ့်မယ်။ အေဒီကတော့ ဂဏန်းကြီးလာလေ ခေတ်သစ်နဲ့နီးလေပါ။ ဥပမာ အေဒီ ၁၀၀၀ ထက်၊ အေဒီ ၂၀၀၀ ကခေတ်မီတာပေါ့။ ဘီစီကို Before Current Era or Before Common Era (BCE) လို့လဲခေါ်ပါတယ်။

သာသနာသက္ကရာဇ်
***************
ဂေါတမမြတ်စွာဘုရား ပရိနိဗ္ဗာန်စံပြီး သုံးလလောက်အကြာမှာ အရှင်မဟာကဿပမထေရ်မြတ်ကြီးမှူးပြီး ပထမသင်္ဂါယနာတင်ခဲ့တာ  ၇ လလောက်ကြာပါတယ်။အဲဒီနောက်အဲဒီနှစ်ကိုပဲ သာသနာသက္ကရာဇ် ၁ အဖြစ် စတင်သတ်မှတ်ပါတယ်။ ရာဇဂြိုဟ်မင်း အဇာတသတ်နဲ့ အရှင်မဟာကဿပတို့ တိုင်ပင်ပြီး ရှိပြီးသားသက္ကရာဇ်တစ်ခုကိုဖြိုပြီး စသတ်မှတ်ခဲ့တာပါ။ ဗုဒ္ဓပွင့်ခဲ့တဲ့အချိန်က ခရစ်တော်မမွေးခင်ကဖြစ်ပြီး အထောက်အထားတွေအရ ဘီစီ ၅၀၀ ဝန်းကျင်လောက်ကဖြစ်တယ်လို့ ပညာရှင်တွေက ဆိုကြပါတယ်။ ဒါကြောင့် အကြမ်းအားဖြင့် ခရစ်နှစ်ကို ၅၄၃ ခုပေါင်းလိုက်ရင် သာသနာသက္ကရာဇ်ရပါတယ်။

မြန်မာသက္ကရာဇ်
************
မြန်မာသက္ကရာဇ်ကို ကောဇာ(ဂေါဇာ)သက္ကရာဇ်လို့လဲခေါ်ပြီး သရေခေတ္တရာမင်းဆက် သုမုန္ဒရီမင်း လက်ထက်က စပြီးရေတွက်တယ်လို့ဆိုပါတယ်။ ကောဇာသက္ကရာဇ်ကို ၁၁၈၂ နှစ်ထည့်ပေါင်းရင် သာသနာနှစ်ရပါတယ်။  

ဒီလောက်ဆို တော်တော်လေးရှင်းသွားမယ်ထင်ပါတယ်။

မောင်ဇိ
Ref: Internet

မေထုန်ရာသီခွင် (Gemini) သင်္ကေတ အမွှာညီနောင်ဇာစ်မြစ်

မေထုန်ရာသီခွင် (Gemini) သင်္ကေတ အမွှာညီနောင်ဇာစ်မြစ်
*********************************************
မေထုန်ရာသီခွင်ကိုခေါ်တဲ့ Gemini ဆိုတာက လက်တင်ဘာသာစကားဖြစ်ပြီး အင်္ဂလိပ်ဘာသာနဲ့ဆို The Twins လို့ဘာသာပြန်တယ်။ မြန်မာလိုဆိုရင်တော့ "အမွှာ" ပေါ့။ မေထုန်ရာသီခွင်ရဲ့ ကြယ်စု (Gemini constellation) က သင်္ဘောသားတွေကို လမ်းပြလေ့ရှိလို့ သင်္ဘောသားတွေကိုစောင့်ရှောက်သူလို့လဲ တင်စားခေါ်ကြတယ်။
သူ့ရဲ့နောက်ခံဇာတ်လမ်းက ဂရိနဲ့ရောမသားတွေပြောခဲ့တဲ့ ဒဏ္ဍာရီတစ်ခုပဲရှာလို့ရတဲ့အတွက် ဒီဇာတ်ကြောင်းကိုပဲ နည်းနည်းလေးအကျယ်ချဲ့ပြီး ပြောကြတာပေါ့။

ဂရိဒဏ္ဍာရီလာ မေထုန်ရာသီ၏ သင်္ကေတ
*******************************
ရှေးခေတ် ဂရိနိုင်ငံက စပါတာပြည်မှာ Leda လို့ခေါ်တဲ့ လှပတဲ့မိဖုရားတစ်ပါးရှိတယ်။ သူ့ရဲ့ခင်ပွန်းဘုရင်ကြီးကတော့ Tyndareus တဲ့။ မိဖုရားဟာ လှပလွန်းတဲ့အတွက် လှပချောမောသူတွေကို သဘောကျတတ်တဲ့ နတ်ဘုရင် Zeus ရဲ့မျက်စိကျခြင်းကို ခံရတယ်(ထုံးစံအတိုင်း) ။

မိဖုရား Leda တစ်ယောက်နန်းတော်က ဥယျာဥ်ထဲမှာတစ်ယောက်ထဲရှိနေတုန်း သိမ်းငှက်တစ်ကောင်လိုက်လို့ ထွက်ပြေးလာတဲ့ ငန်းဖြူကြီးတစ်ကောင်ဟာ မိဖုရားဆီအားကိုးတကြီးပြေးလာပြီး အကာအကွယ်လာယူတယ်။ အဲဒီ လှပတဲ့ငန်းဖြူကြီးက အမှန်တော့ ဉာဏ်များတဲ့ နတ်ဘုရင် Zeus ကိုယ်တိုင်ပါပဲ။ ငန်းအသွင်ယူထားတဲ့ Zeus နတ်ဘုရားဟာ မိဖုရားဘေးမှာ တစ်နေကုန်ကပ်နေပြီး မိဖုရားကိုကိုယ်ဝန်ရသွားစေခဲ့တယ်။
အဲဒီညမှာပဲ မိဖုရားက သူ့ချစ်လင် ဘုရင်ကြီး  Tyndareus နဲ့အတူနေပြန်တယ်။ ဒီလိုနဲ့ မိဖုရားမှာ ကိုယ်ဝန်ရင့်လာပြီး အမွှာကလေးယောက်ျားလေးနှစ်ယောက်မွေးလာတော့တယ် (တစ်ချို့ဇာတ်လမ်းတွေမှာတော့ ဥကပေါက်တယ်လို့ဆိုတယ်)။ တစ်ယောက်ကတော့ ဘုရင်Tyndareus နဲ့ရတဲ့လူသားကလေး Castor ဖြစ်ပြီး နောက်တစ်ယောက်ကတော့ Zeus နတ်မင်းရဲ့ရင်သွေး Pollux ပေါ့
( Castor နဲ့ Pollux ကလက်တင်နာမည်တွေဖြစ်ပြီး ဂရိမှာတော့ Pollux ကို Polydeuces လို့လဲခေါ်တယ်)။ သူတို့နဲ့အတူနောက်ထပ်မွေးလာတာက Helen နဲ့  Clytemnestra ဆိုတဲ့ညီအစ်မနှစ်ယောက်။ အဲဒီ Helen ကပဲနောင်တစ်ချိန်မှာ အလှပဂေးတစ်‌ယောက်အဖြစ်ကြီးပြင်းလာလို့ Helen of Troy ဆိုပြီးသူ့ကိုနာမည်ကြီးစေမယ့် Trojan စစ်ပွဲကိုဖြစ်စေခဲ့တဲ့ အကြောင်းအရင်းဖြစ်လာခဲ့တယ်။

အမွှာညီအစ်ကိုနှစ်ယောက်အကြောင်းဆက်ပြောရရင် Castor ကလူသားမိဘတွေကမွေးသူဖြစ်လို့ သာမန်လူသားတစ်ယောက်ဖြစ်ပေမယ့် demigod လို့ခေါ်ကြတဲ့ လူတစ်ပိုင်း၊နတ်တစ်ပိုင်း Pollux ကတော့ သေခြင်းကင်းသူ (immortal) တစ်ယောက်ဖြစ်တယ်။ အဖေတစ်ယောက်စီကမွေးတာဖြစ်ပေမယ့် အမွှာညီအစ်ကိုနှစ်ယောက်က သိပ်ကိုချစ်ခင်စည်းလုံးကြတယ်။ နတ်ဘုရားသွေးပါလို့ ခွန်အားဗလကြီးမားပြီး၊ အတိုက်အခိုက်၊ အသတ်အပုတ်ကျွမ်းကျင်တဲ့ Pollux ကို သူ့ညီ Castor ကပြိုင်ဘက်ကင်းမြင်းစီးအတတ်နဲ့ ပခုံးချင်းယှဥ်နိုင်တယ်။ သူ့ရဲ့မြင်းဖြစ်တဲ့ Pep ကိုအချိန်ပြည့်စီးနင်းလေ့ကျင့်နေတဲ့ Castor ကို အတော်ဆုံးမြင်းသည်တော်အဖြစ်အဲဒီဒေသမှာ အသိအမှတ်ပြုထားကြတယ်။ တိုက်ခိုက်စွန့်စားရတဲ့ကိစ္စတွေမှာ တိုက်ရည်ခိုက်ရည်ကောင်းတဲ့ Pollux ကိုသာမက မြင်းရေးကြွယ်ပြီး ကင်းထောက်တော်တဲ့ Castor ကိုပါ လူတွေက အားကိုးကြရပါသတဲ့။  မြင်းစီးအမဲလိုက်ကျွမ်းကျင်တဲ့ သူတို့နှစ်ယောက်က ဘယ်လောက်တောင်မခွဲမခွာအတူရှိကြလွန်းလဲဆို သူတို့ညီအစ်ကိုနှစ်ယောက်ကိုတစ်ယောက်ချင်းစီနာမည်မခေါ်တော့ပဲ နှစ်ယောက်ပေါင်းကို  Dioscuri (Zeus ရဲ့သားတွေ) လို့ခေါ်ကြတဲ့ထိပါပဲ။ Dioscuri ဆိုရင် Castor နဲ့ Pollux ညီနောင်နှစ်ယောက်ပေါ့။

သူတို့ညီအစ်ကိုနှစ်ယောက်ရဲ့ ညီမဖြစ်တဲ့ Helen အင်မတန်ငယ်ရွယ်စဥ်မှာ အေသင်မြို့က သူရဲကောင်း Theseus နဲ့ သူ့မိတ်ဆွေတစ်ယောက်က စပါတာ ကိုခိုးဝင်ပြီး Helen ကိုခိုးသွားတယ်။ အကြောင်းရင်းကိုပြောရမယ်ဆိုရင် Theseus ရဲ့အိပ်မက်တစ်ခုက နတ်ဘုရင် Zeus ရဲ့သမီးတစ်ယောက်နဲ့လက်ထပ်ချင်တာမို့လို့ပါတဲ့။ ဒါနဲ့ပဲ Zeus ရဲ့သမီးတော်လို့နာမည်ထွက်တဲ့ Helen က Theseus ရဲ့ပစ်မှတ်ဖြစ်သွားတယ်။ အဲဒီနောက်သူနဲ့ကြံစည်ဖော်ကြံစည်ဖက်ဖြစ်တဲ့ သူ့မိတ်ဆွေဖြစ်သူ Larissa ပြည်ရဲ့ဘုရင် Perithous လိုချင်တဲ့သတို့သမီးကိုခိုးယူဖို့ နှစ်ယောက်သားမြေအောက်ကမ္ဘာကိုဆင်းသွားကြပြန်တယ်။ Perithous လိုချင်တာက မြေအောက်ကမ္ဘာရဲ့အရှင်သခင် Hades ရဲ့မိဖုရားကြီးဖြစ်တဲ့ Persephone တဲ့ (ဒီဇာတ်လမ်းကတော့ နောက်တစ်ပုဒ်သတ်သတ်ရေးမှရမယ်)။ Theseus တို့မြေအောက်ကမ္ဘာကိုရောက်နေစဥ်မှာပဲ စွမ်းအားထက်တဲ့အမွှာညီအစ်ကိုနှစ်ယောက်က Athens နားမှာရှိတဲ့ Attica ဆိုတဲ့မြို့ငယ်လေးတစ်ခုမှာ ထိန်းသိမ်းထားခံရတဲ့ သူတို့ညီမ‌လေး Helen ကိုကယ်တင်ဖို့ အဲဒီမြို့လေးကိုဝင်ပြီးတိုက်ခိုက်ပစ်လိုက်တယ်။ အဲဒီနောက် သူရဲကောင်းညီနောင်တို့ဟာ ညီမငယ်ကိုဆောင်ယူပြီးပြည်တော်ပြန်ခဲ့ကြတယ်တဲ့။

ဂရိဒဏ္ဍာရီမှာထင်ရှားတဲ့ Calydonian တောဝက်ရိုင်းကြီးကို သုတ်သင်ဖို့ သူရဲကောင်းတွေ အမဲလိုက်ကြတဲ့ပွဲတော်ကြီးမှာလဲ သူတို့ညီအစ်ကိုနှစ်ယောက်ပါတယ်လို့ဆိုတယ်။ နောက်တစ်ခါ သူရဲကောင်း Jason က ရွှေရောင်သိုးသားရေ (မိဿAries နက္ခတ်အကြောင်းမှာပါ) ကိုသွားယူဖို့ Argon ဆိုတဲ့သင်္ဘောကြီးနဲ့လိုက်မယ့် သူရဲကောင်း ၅၀ ခေါ်တဲ့အခါမှာလဲ သူတို့ညီအစ်ကိုနှစ်ယောက်က တက်တက်ကြွကြွလိုက်သွားကြတယ်။
Argon သင်္ဘောကိုအစွဲပြုပြီး Argonauts လို့ ခေါ်ကြတဲ့သူရဲကောင်းတွေရဲ့ခရီးလမ်းက Bebryces ဆိုတဲ့တိုင်းပြည်ကိုရောက်ချိန်မှာ အဲဒီကဘုရင်က သူတို့ထဲကအရဲရင့်ဆုံးလူတစ်ယောက်နဲ့ လက်ဝှေ့ထိုးဖို့စိန်ခေါ်ခဲ့တယ်။ ဘုရင် Amycus ကရေနတ်ဘုရား Poseidon ရဲ့သားတစ်ယောက်ဖြစ်တယ်လို့ဆိုတယ်။ ရက်စက်ကြမ်းကြုတ်တဲ့ဘုရင်က ခရီးသွားတွေကိုလက်ဝှေ့ထိုးဖို့စိန်ခေါ်ပြီး ရှုံးသွားတဲ့သူတွေကို သတ်ဖြတ်ပစ်လေ့ရှိတယ်တဲ့။ စိန်ခေါ်ချက်ကို Argonaut တွေနဲ့ပါလာတဲ့ အမွှာညီအစ်ကိုထဲက အထိုးအခုတ်ကျင်လည်သူ Pollux ကလက်ခံလိုက်ပြီး ဘုရင် Amycus နဲ့ထိုးသတ်ကြရာမှာ ဘုရင်သေသွားပါသတဲ့။ အဲဒီတော့မှ Argonaut သူရဲကောင်းတွေလဲ ဆက်ပြီးခရီးထွက်နိုင်ကြတော့တယ်တဲ့။

နောက်ပိုင်းမှာ တိုင်းပြည်ကိုပြန်ရောက်ပြီးတဲ့နောက် Castor နဲ့ Pollux တို့နှစ်ယောက်က Phoebe နဲ့ Hilaeira ဆိုတဲ့ညီအစ်မနှစ်ယောက်ကို အသီးသီးကြိုက်ကြပြီးလက်ထပ်ဖို့ဆုံးဖြတ်ကြတယ်။ ဒါပေမယ့် မိန်းကလေးနှစ်ယောက်က အမွှာညီနောင်ရဲ့ ဝမ်းကွဲညီအစ်ကိုတော်သူ နောက်ထပ်အမွှာတွေဖြစ်တဲ့ Thebes မြို့က Lynceus နဲ့ Idas တို့နဲ့လက်ထပ်ဖို့စေ့စပ်ပြီးသားပါတဲ့။ Castor နဲ့ Pollux ညီနောင်ကတော့ ဂရုမစိုက်ပဲ ညီအစ်မနှစ်ယောက်ကို မ ပြီး စပါတာကို ပြေးကြသတဲ့။ ဒါနဲ့ပဲ ဝမ်းကွဲလေးယောက်ကြားမှာ မကြေမလည်တွေဖြစ်လာတော့တယ်။

တစ်နေ့မှာ ညီအစ်ကိုလေးယောက်က Arcadia မှာ သိုးတွေကိုအမဲလိုက်ဖမ်းဆီးကြတယ်။ အမဲလိုက်ပြီးတော့ ဝေစုခွဲချိန်မှာ လူကောင်ကြီးမားထွားကြိုင်းတဲ့ Ida က အဆိုပြုတယ်။ သိုးတွေကို လေးပုံမပုံပဲ နှစ်ပုံပဲပုံမယ်။ သိုးတစ်ကောင်ကို ကင်စားကြပြီး ကိုယ်ရတဲ့အပိုင်းကို အရင်ကုန်အောင်စားနိုင်တဲ့ အမွှာက နှစ်ပုံလုံးယူလို့ပြောတယ်။ Dioscuri ညီအစ်ကိုက သဘောတူလိုက်ပြီး သိုးသားစားကြချိန်မှာ Ida ကသူ့ဝေစုရော၊ သူ့အမွှာဖြစ်တဲ့ Lynceus ရဲ့ဝေစုကိုပါယူစားပစ်လိုက်ပြီး စားစရာတွေအမြန်ကုန်သွားသတဲ့။ Dioscuri ညီနောင်လဲ သိုးအုပ်တစ်ခုလုံးကို Ida တို့ညီအစ်ကိုလက် အပ်လိုက်ရပါလေရော။ တစ်နေ့နေ့မှာပြန်လက်စားချေမယ်လို့တော့ ကြုံးဝါးထားတာပေါ့။

အဲဒီတစ်နေ့နေ့က မကြာခင်မှာရောက်လာတယ်။ သူ့တို့ဦးလေးဖြစ်သူဆီကိုလာလည်တဲ့ Ida နဲ့ Lynceus ကို ဦးလေးဖြစ်သူအပြင်သွားနေလို့ Helen၊ Castor နဲ့ Pollux တို့ကဧည့်ခံကြတယ်။ အဲဒီအချိန်မှာ Troy မြို့ကအိမ်ရှေ့မင်းသား Paris လဲရောက်နေတယ်။ အခွင့်အရေးစောင့်နေတဲ့ Castor နဲ့ Pollux တို့က ဧည့်သည်တွေကို Helen နဲ့ထားခဲ့ပြီး Ida နဲ့ Lynceus တို့ရဲ့သိုးအုပ်ကိုခိုးဖို့ထွက်သွားကြတယ်။ တော်တော်လေးကြာချိန်မှာ Ida နဲ့ Lynceus တို့က Helen နဲ့ Paris ကိုထားခဲ့ပြီး တစ်ခါပြန်လာကြပြန်တယ်။ အဲဒီမှာတင် သိုးအုပ်ခိုးဖို့ကြိုးစားနေတဲ့ Castor နဲ့ Pollux တို့ကိုအိမ်အပြန်မှာတွေ့ပြီးတိုက်ခိုက်ကြတော့တယ်။ Ida ရဲ့လက်ချက်နဲ့ Castor သေသွားပြီး Pollux ကတော့ Lynceus ကိုသတ်လိုက်တယ်။ ကျန်ခဲ့တဲ့ Ida နဲ့ Pollux တို့မတိုက်ခိုက်ခင်မှာပဲ Zeus ကသူ့သားနဲ့ရန်ဖြစ်နေတဲ့ Ida ကိုမိုးကြိုးနဲ့ပစ်ပြီးသတ်လိုက်တယ်။

ကျန်ခဲ့တဲ့ Castor ရဲ့မြင်း Pep ကိုစီးပြီး ဖြေမဆည်နိုင်အောင် ဝမ်းနည်းကြေကွဲနေတဲ့  Pollux က သူ့အဖေဖြစ်သူ Zeus ကိုတောင်းဆိုတယ်။ သူ့မှာရှိတဲ့ မသေခြင်းတရားကို သူ့ညီ Castor ကိုပေးပါရစေတဲ့။ နှလုံးကြေကွဲနေတဲ့သူ့သားရဲ့ ဆန္ဒကိုဖြည့်ဆည်းပေးဖို့ နတ်ဘုရင် Zeus က Castor နဲ့ Pollux ညီအစ်ကိုနှစ်ယောက်ကို ကောင်းကင်ပြင်ပေါ်မှာ Dioscuri ကြယ်တာရာစုအဖြစ် ထာဝရရှိနေစေဖို့ ဖန်ဆင်းပေးလိုက်တယ်။ အဲဒီကြယ်စုကတော့ အမွှာနှစ်ယောက်ကို ကိုယ်စားပြုတဲ့ မေထုန်နက္ခတ် (Gemini)  ပါပဲ။

အပေါ်မှာရေးခဲ့တာကတော့ မေထုန်ရာသီခွင် Gemini ရဲ့ သင်္ကေတအမွှာညီနောင်ရဲ့နောက်ခံဇာတ်လမ်းပဲဖြစ်ပါတယ်။ ဂရိနဲ့ရောမဒဏ္ဍာရီကနေလာတဲ့ ဇာတ်လမ်းလေးတစ်ခုပါ။ Gemini ရဲ့ နောက်ခံဒဏ္ဍာရီက သူတို့ညီအစ်ကိုနှစ်ယောက်အကြောင်းကလွဲလို့ တစ်ခြားဟာရှာလို့မတွေ့ပါဘူး။ မူကွဲလေးတွေနည်းနည်းရှိပေမယ့် မောင်ဇိရေးခဲ့တဲ့ Castor နဲ့ Pollux တို့အကြောင်းကတော့ တတ်နိုင်သမျှတော်တော်လေးပြည့်ပြည့်စုံစုံဖြစ်အောင်ကြိုးစားထားပါတယ်။ ။

မောင်ဇိ

#ရာသီခွင်ဇာတ်လမ်း #မောင်ဇိ #မောင်ဇိ၏ပုံပြင်များ #မေထုန်ရာသီ #MaungZi #MaungZitales #Myth #Mythology #Horoscope #Gemini

=======================================================================

ေမထုန္ရာသီခြင္ (Gemini) သေကၤတ အမႊာညီေနာင္ဇာစ္ျမစ္
*********************************************
ေမထုန္ရာသီခြင္ကိုေခၚတဲ့ Gemini ဆိုတာက လက္တင္ဘာသာစကားျဖစ္ၿပီး အဂၤလိပ္ဘာသာနဲ႔ဆို The Twins လို႔ဘာသာျပန္တယ္။ ျမန္မာလိုဆိုရင္ေတာ့ "အမႊာ" ေပါ့။ ေမထုန္ရာသီခြင္ရဲ႕ ၾကယ္စု (Gemini constellation) က သေဘၤာသားေတြကို လမ္းျပေလ့ရွိလို႔ သေဘၤာသားေတြကိုေစာင့္ေရွာက္သူလို႔လဲ တင္စားေခၚၾကတယ္။
သူ႔ရဲ႕ေနာက္ခံဇာတ္လမ္းက ဂရိနဲ႔ေရာမသားေတြေျပာခဲ့တဲ့ ဒ႑ာရီတစ္ခုပဲရွာလို႔ရတဲ့အတြက္ ဒီဇာတ္ေၾကာင္းကိုပဲ နည္းနည္းေလးအက်ယ္ခ်ဲ႕ၿပီး ေျပာၾကတာေပါ့။

ဂရိဒ႑ာရီလာ ေမထုန္ရာသီ၏ သေကၤတ
*******************************
ေရွးေခတ္ ဂရိႏိုင္ငံက စပါတာျပည္မွာ Leda လို႔ေခၚတဲ့ လွပတဲ့မိဖုရားတစ္ပါးရွိတယ္။ သူ႔ရဲ႕ခင္ပြန္းဘုရင္ႀကီးကေတာ့ Tyndareus တဲ့။ မိဖုရားဟာ လွပလြန္းတဲ့အတြက္ လွပေခ်ာေမာသူေတြကို သေဘာက်တတ္တဲ့ နတ္ဘုရင္ Zeus ရဲ႕မ်က္စိက်ျခင္းကို ခံရတယ္(ထုံးစံအတိုင္း) ။

မိဖုရား Leda တစ္ေယာက္နန္းေတာ္က ဥယ်ာဥ္ထဲမွာတစ္ေယာက္ထဲရွိေနတုန္း သိမ္းငွက္တစ္ေကာင္လိုက္လို႔ ထြက္ေျပးလာတဲ့ ငန္းျဖဴႀကီးတစ္ေကာင္ဟာ မိဖုရားဆီအားကိုးတႀကီးေျပးလာၿပီး အကာအကြယ္လာယူတယ္။ အဲဒီ လွပတဲ့ငန္းျဖဴႀကီးက အမွန္ေတာ့ ဉာဏ္မ်ားတဲ့ နတ္ဘုရင္ Zeus ကိုယ္တိုင္ပါပဲ။ ငန္းအသြင္ယူထားတဲ့ Zeus နတ္ဘုရားဟာ မိဖုရားေဘးမွာ တစ္ေနကုန္ကပ္ေနၿပီး မိဖုရားကိုကိုယ္ဝန္ရသြားေစခဲ့တယ္။
အဲဒီညမွာပဲ မိဖုရားက သူ႔ခ်စ္လင္ ဘုရင္ႀကီး  Tyndareus နဲ႔အတူေနျပန္တယ္။ ဒီလိုနဲ႔ မိဖုရားမွာ ကိုယ္ဝန္ရင့္လာၿပီး အမႊာကေလးေယာက္်ားေလးႏွစ္ေယာက္ေမြးလာေတာ့တယ္ (တစ္ခ်ိဳ႕ဇာတ္လမ္းေတြမွာေတာ့ ဥကေပါက္တယ္လို႔ဆိုတယ္)။ တစ္ေယာက္ကေတာ့ ဘုရင္Tyndareus နဲ႔ရတဲ့လူသားကေလး Castor ျဖစ္ၿပီး ေနာက္တစ္ေယာက္ကေတာ့ Zeus နတ္မင္းရဲ႕ရင္ေသြး Pollux ေပါ့
( Castor နဲ႔ Pollux ကလက္တင္နာမည္ေတြျဖစ္ၿပီး ဂရိမွာေတာ့ Pollux ကို Polydeuces လို႔လဲေခၚတယ္)။ သူတို႔နဲ႔အတူေနာက္ထပ္ေမြးလာတာက Helen နဲ႔  Clytemnestra ဆိုတဲ့ညီအစ္မႏွစ္ေယာက္။ အဲဒီ Helen ကပဲေနာင္တစ္ခ်ိန္မွာ အလွပေဂးတစ္‌ေယာက္အျဖစ္ႀကီးျပင္းလာလို႔ Helen of Troy ဆိုၿပီးသူ႔ကိုနာမည္ႀကီးေစမယ့္ Trojan စစ္ပြဲကိုျဖစ္ေစခဲ့တဲ့ အေၾကာင္းအရင္းျဖစ္လာခဲ့တယ္။

အမႊာညီအစ္ကိုႏွစ္ေယာက္အေၾကာင္းဆက္ေျပာရရင္ Castor ကလူသားမိဘေတြကေမြးသူျဖစ္လို႔ သာမန္လူသားတစ္ေယာက္ျဖစ္ေပမယ့္ demigod လို႔ေခၚၾကတဲ့ လူတစ္ပိုင္း၊နတ္တစ္ပိုင္း Pollux ကေတာ့ ေသျခင္းကင္းသူ (immortal) တစ္ေယာက္ျဖစ္တယ္။ အေဖတစ္ေယာက္စီကေမြးတာျဖစ္ေပမယ့္ အမႊာညီအစ္ကိုႏွစ္ေယာက္က သိပ္ကိုခ်စ္ခင္စည္းလုံးၾကတယ္။ နတ္ဘုရားေသြးပါလို႔ ခြန္အားဗလႀကီးမားၿပီး၊ အတိုက္အခိုက္၊ အသတ္အပုတ္ကြၽမ္းက်င္တဲ့ Pollux ကို သူ႔ညီ Castor ကၿပိဳင္ဘက္ကင္းျမင္းစီးအတတ္နဲ႔ ပခုံးခ်င္းယွဥ္ႏိုင္တယ္။ သူ႔ရဲ႕ျမင္းျဖစ္တဲ့ Pep ကိုအခ်ိန္ျပည့္စီးနင္းေလ့က်င့္ေနတဲ့ Castor ကို အေတာ္ဆုံးျမင္းသည္ေတာ္အျဖစ္အဲဒီေဒသမွာ အသိအမွတ္ျပဳထားၾကတယ္။ တိုက္ခိုက္စြန႔္စားရတဲ့ကိစၥေတြမွာ တိုက္ရည္ခိုက္ရည္ေကာင္းတဲ့ Pollux ကိုသာမက ျမင္းေရးႂကြယ္ၿပီး ကင္းေထာက္ေတာ္တဲ့ Castor ကိုပါ လူေတြက အားကိုးၾကရပါသတဲ့။  ျမင္းစီးအမဲလိုက္ကြၽမ္းက်င္တဲ့ သူတို႔ႏွစ္ေယာက္က ဘယ္ေလာက္ေတာင္မခြဲမခြာအတူရွိၾကလြန္းလဲဆို သူတို႔ညီအစ္ကိုႏွစ္ေယာက္ကိုတစ္ေယာက္ခ်င္းစီနာမည္မေခၚေတာ့ပဲ ႏွစ္ေယာက္ေပါင္းကို  Dioscuri (Zeus ရဲ႕သားေတြ) လို႔ေခၚၾကတဲ့ထိပါပဲ။ Dioscuri ဆိုရင္ Castor နဲ႔ Pollux ညီေနာင္ႏွစ္ေယာက္ေပါ့။

သူတို႔ညီအစ္ကိုႏွစ္ေယာက္ရဲ႕ ညီမျဖစ္တဲ့ Helen အင္မတန္ငယ္႐ြယ္စဥ္မွာ ေအသင္ၿမိဳ႕က သူရဲေကာင္း Theseus နဲ႔ သူ႔မိတ္ေဆြတစ္ေယာက္က စပါတာ ကိုခိုးဝင္ၿပီး Helen ကိုခိုးသြားတယ္။ အေၾကာင္းရင္းကိုေျပာရမယ္ဆိုရင္ Theseus ရဲ႕အိပ္မက္တစ္ခုက နတ္ဘုရင္ Zeus ရဲ႕သမီးတစ္ေယာက္နဲ႔လက္ထပ္ခ်င္တာမို႔လို႔ပါတဲ့။ ဒါနဲ႔ပဲ Zeus ရဲ႕သမီးေတာ္လို႔နာမည္ထြက္တဲ့ Helen က Theseus ရဲ႕ပစ္မွတ္ျဖစ္သြားတယ္။ အဲဒီေနာက္သူနဲ႔ႀကံစည္ေဖာ္ႀကံစည္ဖက္ျဖစ္တဲ့ သူ႔မိတ္ေဆြျဖစ္သူ Larissa ျပည္ရဲ႕ဘုရင္ Perithous လိုခ်င္တဲ့သတို႔သမီးကိုခိုးယူဖို႔ ႏွစ္ေယာက္သားေျမေအာက္ကမာၻကိုဆင္းသြားၾကျပန္တယ္။ Perithous လိုခ်င္တာက ေျမေအာက္ကမာၻရဲ႕အရွင္သခင္ Hades ရဲ႕မိဖုရားႀကီးျဖစ္တဲ့ Persephone တဲ့ (ဒီဇာတ္လမ္းကေတာ့ ေနာက္တစ္ပုဒ္သတ္သတ္ေရးမွရမယ္)။ Theseus တို႔ေျမေအာက္ကမာၻကိုေရာက္ေနစဥ္မွာပဲ စြမ္းအားထက္တဲ့အမႊာညီအစ္ကိုႏွစ္ေယာက္က Athens နားမွာရွိတဲ့ Attica ဆိုတဲ့ၿမိဳ႕ငယ္ေလးတစ္ခုမွာ ထိန္းသိမ္းထားခံရတဲ့ သူတို႔ညီမ‌ေလး Helen ကိုကယ္တင္ဖို႔ အဲဒီၿမိဳ႕ေလးကိုဝင္ၿပီးတိုက္ခိုက္ပစ္လိုက္တယ္။ အဲဒီေနာက္ သူရဲေကာင္းညီေနာင္တို႔ဟာ ညီမငယ္ကိုေဆာင္ယူၿပီးျပည္ေတာ္ျပန္ခဲ့ၾကတယ္တဲ့။

ဂရိဒ႑ာရီမွာထင္ရွားတဲ့ Calydonian ေတာဝက္႐ိုင္းႀကီးကို သုတ္သင္ဖို႔ သူရဲေကာင္းေတြ အမဲလိုက္ၾကတဲ့ပြဲေတာ္ႀကီးမွာလဲ သူတို႔ညီအစ္ကိုႏွစ္ေယာက္ပါတယ္လို႔ဆိုတယ္။ ေနာက္တစ္ခါ သူရဲေကာင္း Jason က ေ႐ႊေရာင္သိုးသားေရ (မိႆAries နကၡတ္အေၾကာင္းမွာပါ) ကိုသြားယူဖို႔ Argon ဆိုတဲ့သေဘၤာႀကီးနဲ႔လိုက္မယ့္ သူရဲေကာင္း ၅၀ ေခၚတဲ့အခါမွာလဲ သူတို႔ညီအစ္ကိုႏွစ္ေယာက္က တက္တက္ႂကြႂကြလိုက္သြားၾကတယ္။
Argon သေဘၤာကိုအစြဲျပဳၿပီး Argonauts လို႔ ေခၚၾကတဲ့သူရဲေကာင္းေတြရဲ႕ခရီးလမ္းက Bebryces ဆိုတဲ့တိုင္းျပည္ကိုေရာက္ခ်ိန္မွာ အဲဒီကဘုရင္က သူတို႔ထဲကအရဲရင့္ဆုံးလူတစ္ေယာက္နဲ႔ လက္ေဝွ႔ထိုးဖို႔စိန္ေခၚခဲ့တယ္။ ဘုရင္ Amycus ကေရနတ္ဘုရား Poseidon ရဲ႕သားတစ္ေယာက္ျဖစ္တယ္လို႔ဆိုတယ္။ ရက္စက္ၾကမ္းၾကဳတ္တဲ့ဘုရင္က ခရီးသြားေတြကိုလက္ေဝွ႔ထိုးဖို႔စိန္ေခၚၿပီး ရႈံးသြားတဲ့သူေတြကို သတ္ျဖတ္ပစ္ေလ့ရွိတယ္တဲ့။ စိန္ေခၚခ်က္ကို Argonaut ေတြနဲ႔ပါလာတဲ့ အမႊာညီအစ္ကိုထဲက အထိုးအခုတ္က်င္လည္သူ Pollux ကလက္ခံလိုက္ၿပီး ဘုရင္ Amycus နဲ႔ထိုးသတ္ၾကရာမွာ ဘုရင္ေသသြားပါသတဲ့။ အဲဒီေတာ့မွ Argonaut သူရဲေကာင္းေတြလဲ ဆက္ၿပီးခရီးထြက္ႏိုင္ၾကေတာ့တယ္တဲ့။

ေနာက္ပိုင္းမွာ တိုင္းျပည္ကိုျပန္ေရာက္ၿပီးတဲ့ေနာက္ Castor နဲ႔ Pollux တို႔ႏွစ္ေယာက္က Phoebe နဲ႔ Hilaeira ဆိုတဲ့ညီအစ္မႏွစ္ေယာက္ကို အသီးသီးႀကိဳက္ၾကၿပီးလက္ထပ္ဖို႔ဆုံးျဖတ္ၾကတယ္။ ဒါေပမယ့္ မိန္းကေလးႏွစ္ေယာက္က အမႊာညီေနာင္ရဲ႕ ဝမ္းကြဲညီအစ္ကိုေတာ္သူ ေနာက္ထပ္အမႊာေတြျဖစ္တဲ့ Thebes ၿမိဳ႕က Lynceus နဲ႔ Idas တို႔နဲ႔လက္ထပ္ဖို႔ေစ့စပ္ၿပီးသားပါတဲ့။ Castor နဲ႔ Pollux ညီေနာင္ကေတာ့ ဂ႐ုမစိုက္ပဲ ညီအစ္မႏွစ္ေယာက္ကို မ ၿပီး စပါတာကို ေျပးၾကသတဲ့။ ဒါနဲ႔ပဲ ဝမ္းကြဲေလးေယာက္ၾကားမွာ မေၾကမလည္ေတြျဖစ္လာေတာ့တယ္။

တစ္ေန႔မွာ ညီအစ္ကိုေလးေယာက္က Arcadia မွာ သိုးေတြကိုအမဲလိုက္ဖမ္းဆီးၾကတယ္။ အမဲလိုက္ၿပီးေတာ့ ေဝစုခြဲခ်ိန္မွာ လူေကာင္ႀကီးမားထြားႀကိဳင္းတဲ့ Ida က အဆိုျပဳတယ္။ သိုးေတြကို ေလးပုံမပုံပဲ ႏွစ္ပုံပဲပုံမယ္။ သိုးတစ္ေကာင္ကို ကင္စားၾကၿပီး ကိုယ္ရတဲ့အပိုင္းကို အရင္ကုန္ေအာင္စားႏိုင္တဲ့ အမႊာက ႏွစ္ပုံလုံးယူလို႔ေျပာတယ္။ Dioscuri ညီအစ္ကိုက သေဘာတူလိုက္ၿပီး သိုးသားစားၾကခ်ိန္မွာ Ida ကသူ႔ေဝစုေရာ၊ သူ႔အမႊာျဖစ္တဲ့ Lynceus ရဲ႕ေဝစုကိုပါယူစားပစ္လိုက္ၿပီး စားစရာေတြအျမန္ကုန္သြားသတဲ့။ Dioscuri ညီေနာင္လဲ သိုးအုပ္တစ္ခုလုံးကို Ida တို႔ညီအစ္ကိုလက္ အပ္လိုက္ရပါေလေရာ။ တစ္ေန႔ေန႔မွာျပန္လက္စားေခ်မယ္လို႔ေတာ့ ႀကဳံးဝါးထားတာေပါ့။

အဲဒီတစ္ေန႔ေန႔က မၾကာခင္မွာေရာက္လာတယ္။ သူ႔တို႔ဦးေလးျဖစ္သူဆီကိုလာလည္တဲ့ Ida နဲ႔ Lynceus ကို ဦးေလးျဖစ္သူအျပင္သြားေနလို႔ Helen၊ Castor နဲ႔ Pollux တို႔ကဧည့္ခံၾကတယ္။ အဲဒီအခ်ိန္မွာ Troy ၿမိဳ႕ကအိမ္ေရွ႕မင္းသား Paris လဲေရာက္ေနတယ္။ အခြင့္အေရးေစာင့္ေနတဲ့ Castor နဲ႔ Pollux တို႔က ဧည့္သည္ေတြကို Helen နဲ႔ထားခဲ့ၿပီး Ida နဲ႔ Lynceus တို႔ရဲ႕သိုးအုပ္ကိုခိုးဖို႔ထြက္သြားၾကတယ္။ ေတာ္ေတာ္ေလးၾကာခ်ိန္မွာ Ida နဲ႔ Lynceus တို႔က Helen နဲ႔ Paris ကိုထားခဲ့ၿပီး တစ္ခါျပန္လာၾကျပန္တယ္။ အဲဒီမွာတင္ သိုးအုပ္ခိုးဖို႔ႀကိဳးစားေနတဲ့ Castor နဲ႔ Pollux တို႔ကိုအိမ္အျပန္မွာေတြ႕ၿပီးတိုက္ခိုက္ၾကေတာ့တယ္။ Ida ရဲ႕လက္ခ်က္နဲ႔ Castor ေသသြားၿပီး Pollux ကေတာ့ Lynceus ကိုသတ္လိုက္တယ္။ က်န္ခဲ့တဲ့ Ida နဲ႔ Pollux တို႔မတိုက္ခိုက္ခင္မွာပဲ Zeus ကသူ႔သားနဲ႔ရန္ျဖစ္ေနတဲ့ Ida ကိုမိုးႀကိဳးနဲ႔ပစ္ၿပီးသတ္လိုက္တယ္။

က်န္ခဲ့တဲ့ Castor ရဲ႕ျမင္း Pep ကိုစီးၿပီး ေျဖမဆည္ႏိုင္ေအာင္ ဝမ္းနည္းေၾကကြဲေနတဲ့  Pollux က သူ႔အေဖျဖစ္သူ Zeus ကိုေတာင္းဆိုတယ္။ သူ႔မွာရွိတဲ့ မေသျခင္းတရားကို သူ႔ညီ Castor ကိုေပးပါရေစတဲ့။ ႏွလုံးေၾကကြဲေနတဲ့သူ႔သားရဲ႕ ဆႏၵကိုျဖည့္ဆည္းေပးဖို႔ နတ္ဘုရင္ Zeus က Castor နဲ႔ Pollux ညီအစ္ကိုႏွစ္ေယာက္ကို ေကာင္းကင္ျပင္ေပၚမွာ Dioscuri ၾကယ္တာရာစုအျဖစ္ ထာဝရရွိေနေစဖို႔ ဖန္ဆင္းေပးလိုက္တယ္။ အဲဒီၾကယ္စုကေတာ့ အမႊာႏွစ္ေယာက္ကို ကိုယ္စားျပဳတဲ့ ေမထုန္နကၡတ္ (Gemini)  ပါပဲ။

အေပၚမွာေရးခဲ့တာကေတာ့ ေမထုန္ရာသီခြင္ Gemini ရဲ႕ သေကၤတအမႊာညီေနာင္ရဲ႕ေနာက္ခံဇာတ္လမ္းပဲျဖစ္ပါတယ္။ ဂရိနဲ႔ေရာမဒ႑ာရီကေနလာတဲ့ ဇာတ္လမ္းေလးတစ္ခုပါ။ Gemini ရဲ႕ ေနာက္ခံဒ႑ာရီက သူတို႔ညီအစ္ကိုႏွစ္ေယာက္အေၾကာင္းကလြဲလို႔ တစ္ျခားဟာရွာလို႔မေတြ႕ပါဘူး။ မူကြဲေလးေတြနည္းနည္းရွိေပမယ့္ ေမာင္ဇိေရးခဲ့တဲ့ Castor နဲ႔ Pollux တို႔အေၾကာင္းကေတာ့ တတ္ႏိုင္သမွ်ေတာ္ေတာ္ေလးျပည့္ျပည့္စုံစုံျဖစ္ေအာင္ႀကိဳးစားထားပါတယ္။ ။

ေမာင္ဇိ

#ရာသီခြင္ဇာတ္လမ္း #ေမာင္ဇိ #ေမာင္ဇိ၏ပုံျပင္မ်ား #ေမထုန္ရာသီ #MaungZi #MaungZitales #Myth #Mythology #Horoscope #Gemini

ကုမ်ရာသီခွင် (Aquarius) သင်္ကေတ ရေသွန်းသူဇာစ်မြစ်

ကုမ်ရာသီခွင် (Aquarius) သင်္ကေတ ရေသွန်းသူဇာစ်မြစ်
*********************************************
ကုမ်ရာသီခွင် Aquarius ရဲ့ နာမည်ကို လက်တင်ဘာသာကနေ အင်္ဂလိပ်ဘာသာပြန်ရရင် ‌‌"water-carrier" ဒါမှမဟုတ် "cup-bearer" လို့ပြန်ကြတယ်။ မြန်မာလိုဆိုရင်တော့ "ရေထမ်းသူ" သို့မဟုတ် " အဖျော်ယမကာကမ်းသူ" လို့ပြန်ရမယ်ထင်ပါတယ်။ သင်္ကေတကိုတော့ ယောကျ်ားတစ်ယောက်က ရေအိုးထဲကရေတွေသွန်ချပေးနေပုံ သရုပ်ဖော်လေ့ရှိတယ်။ ဘေဘီလုံခေတ်မတိုင်ခင်ကတည်းကရှိခဲ့တဲ့ ရှေးကျတဲ့နက္ခတ်တွေထဲမှာတစ်ခုအပါအဝင်ပေါ့။

ဘေဘီလုံဒဏ္ဍာရီလာ ကုမ်ရာသီ၏ သင်္ကေတ
**********************************
ဘေဘီလုံရှေးဟောင်းကျောက်စာတွေမှာ ကုမ်ရာသီ Aquarius ကို နတ်ဘုရား Ea နဲ့ဆက်စပ်တယ်လို့ဖော်ပြကြတယ်။ Ea ဆိုတာက ဘေဘီလုံရေနတ်ဘုရား။ သူ့လက်ထဲမှာ ရေလျှံကျနေတဲ့ရေတကောင်းတစ်လုံးကိုင်ထားတဲ့ပုံနဲ့ ဖော်ပြလေ့ရှိတယ်။ Ea ကိုဘေဘီလုံခတ်မတိုင်ခင် ဆူမီးရီးရန်းခေတ်မှာတော့ Enki ဆိုတဲ့နာမည်နဲ့ကိုးကွယ်ခဲ့ကြတယ်။ ဖန်တီးရှင်နတ်ဘုရား၊ ပင်လယ်၊ မြစ်ချောင်း၊ အင်းအိုင်တို့ရဲ့ရေနတ်ဘုရား၊ အသိပညာဗဟုသုတ၊ လက်မှုပညာနဲ့  နောက်ပြောင်ဆော့ကစားမှုတို့ကို အစိုးရတဲ့နတ်ဘုရားတစ်ပါးဖြစ်တယ်။
(မကာရရာသီခွင် Capricorn ရဲ့ဆိတ်တစ်ပိုင်းငါးတစ်ပိုင်းကလဲ Enki နဲ့ပက်သက်တယ်လို့ဆိုထားတယ်)။

အီဂျစ်ဒဏ္ဍာရီလာ ကုမ်ရာသီ၏ သင်္ကေတ
*******************************
ရှေးခေတ်အီဂျစ်တွေအတွက်ကတော့ ကုမ်ရာသီဟာ နိုင်းမြစ်ရေကြီးမှုနဲ့ဆက်နွယ်နေတယ်လို့ ယူဆကြတယ်။ ကောင်းကင်ပေါ်ကကုမ်ရာသီခွင်ရဲ့ရေကရားကစီးကျလာတဲ့ရေတွေဟာ နှစ်စဉ်နိုင်းမြစ်ရေကြီးမှုရဲ့ အဓိကလက်သည်တရားခံပါတဲ့။
မြစ်ကမ်းပါးကိုကျော်ပြီးတက်လာတဲ့ရေတွေက နိုင်းမြစ်ရဲ့ဝဲယာတစ်လျှောက်မှာရှိတဲ့ စိုက်ပျိုးခင်းတွေအတွက်လိုအပ်တဲ့ရေကို အလျှံပယ်ရရှိစေတယ်။

ဂရိဒဏ္ဍာရီလာ ကုမ်ရာသီ၏ သင်္ကေတ (၁)
*****************************
ဂရိဒဏ္ဍာရီမှာတော့ ကုမ်ရာသီနဲ့ပက်သက်ပြီး ဇာတ်လမ်းနှစ်ခုရှိတယ်။
ပထမတစ်ခုက တိုက်တန်တစ်ဦးဖြစ်တဲ့ Prometheus ရဲ့သား Deucalion နဲ့ပက်သက်တယ်။ ကြေးခေတ်လူသားတွေကို ရေလွှမ်းပြီးဖျက်ပစ်ဖို့ နတ်ဘုရင် Zeus ကစီမံတဲ့အခါမှာ Prometheus ကသူ့သားကို သတိပေးခဲ့တဲ့အတွက် Deucalion နဲ့ သူ့ကြင်ယာဖြစ်သူPyrrha တို့က ရေလုံတဲ့ဧရာမသေတ္တာကြီးတစ်ခုထဲမှာဝင်နေခြင်းဖြင့်လွတ်မြောက်သွားကြတယ်။ ကမ္ဘာ‌ြမေပေါ်မှာ ကိုးရက်ကြာရေလွှမ်းမိုးသွားပြီးတဲ့နောက် သူတို့နှစ်ဦးထဲရှင်ကျန်ရစ်ခဲ့ကြလို့ ကမ္ဘာမြေကိုလူဦးရေပြန်လည်စည်ပင်အောင်ဘယ်လိုလုပ်ရမလဲဆိုတာကို နတ်ဘုရား Themis ရဲ့နတ်ကွန်းမှာသွားမေးကြပါသတဲ့။ နတ်ဝင်သည်က "မိခင်ရဲ့အရိုးတွေကို နောက်ပြန်ပစ်ခြင်းနဲ့ လူဦးရေပြန်လည်တိုးပွားလာမယ်"လို့အတိတ်ပေးလိုက်တယ်။ Deucalion နဲ့ Pyrrha တို့ကလဲ မိခင်ဆိုတာကမ္ဘာမြေကြီးဖြစ်တဲ့ Gaia ကိုညွှန်းတာဖြစ်ပြီး၊ အရိုးတွေကတော့ ကျောက်တုံးတွေကိုဆိုလိုတာဖြစ်မယ်လို့ အနက်ပြန်ပြီး ကျောက်တုံးတွေကိုကျောပေါ်ကကျော်ပြီးနောက်ပြန်ပစ်လိုက်တဲ့အခါ အဲဒီကျောက်တုံးတွေကနေလူတွေဖြစ်သွားပြီး အဲဒီကစလို့ ကမ္ဘာ့လူဦးရေပြန်လည်ဖွံ့ဖြိုးလာတယ်လို့ ဒဏ္ဍာရီကဆိုတယ်။
ကုမ်ရာသီခွင်မှာရေထမ်းထားတဲ့လုလင်ပုံဟာ Deucalion ဖြစ်တယ်လို့ ဒီဇာတ်လမ်းက ဖော်ပြတယ်။

ဂရိဒဏ္ဍာရီလာ ကုမ်ရာသီ၏ သင်္ကေတ (၂)
********************************
ဂရိဒဏ္ဍာရီက ဒီဒုတိယဇာတ်လမ်းကတော့ ပိုပြီးစိတ်ဝင်စားဖို့ကောင်းတယ်။ ကုမ်ရာသီနဲ့ပက်သက်ရင် လူသိပိုများတဲ့ ဇာတ်လမ်းလဲဖြစ်တယ်။

တစ်ခါတုန်းက Ganymede ဆိုတဲ့ အင်မတန်ချောမောလှပလွန်းတဲ့သူငယ်တစ်ယောက်ရှိတယ်။ ဆယ်ကျော်သက်အရွယ် Ganymede က Troy မြို့ကဘုရင်ရဲ့သားတော်မင်းသားတစ်ပါးဖြစ်ပြီး အဲဒီဒေသမှာအချောမောအလှပဆုံးလုလင်ပျိုတစ်ယောက်ဖြစ်သတဲ့။
တစ်နေ့မှာ မြို့နဲ့မလှမ်းမကမ်းကမြက်ခင်းပြင်မှာ သူ့အဖေရဲ့သိုးတွေကျောင်းနေတဲ့ Ganymede ကို နတ်ဘုရင် Zeus ကသူ့ရဲ့သိမ်းစွန်ကိုစေလွှတ်ပြီးကုပ်ချီဖမ်းဆီးစေခဲ့တယ်။ တစ်ချို့ဒဏ္ဍာရီတွေမှာတော့ Zeus ကိုယ်တိုင် ကြီးမားတဲ့ သိမ်းစွန်ပုံစံဖန်ဆင်းပြီး လုလင်ငယ်ကို  အိုလံပစ်တောင်ရှိရာကိုခေါ်ဆောင်ခဲ့တယ်လို့လဲဆိုတယ်။
မင်းသားငယ်ရဲ့ ဖခင်ဖြစ်သူ ဘုရင် Tros ကိုတော့ Zeus ကနတ်ဘုရားတွေသုံးတဲ့မြင်းတွေလက်ဆောင်ပေးလိုက်ခြင်းအားဖြင့် ကျေနပ်နှစ်သိမ့်စေခဲ့တယ်။ ဒါ့အပြင် သားတော်ဟာ နတ်ဘုရားတွေရဲ့အဖျော်ယမကာကမ်းသူ (cup-bearer) အဖြစ်ကောင်းမွန်စွာနေရမှာဖြစ်ကြောင်းကိုပါသိစေခဲ့တယ်တဲ့။

ချောမောတဲ့ Ganymede ကို Zeus က မသေခြင်းတရားကိုပေးပြီး သူ့ရဲ့အဖျော်ယမကာဆက်သသူအဖြစ် အမှုထမ်းစေပါသတဲ့။ တစ်ချိန်ကတော့ Zeus ရဲ့ အဖျော်ယမကာခွက်ကိုအမြဲကိုင်ခဲ့သူဟာ Zeus နဲ့ သူ့ကြင်ယာတော် Hera တို့ရဲ့သမီးတော်ဖြစ်တဲ့ Hebe နတ်သမီးဖြစ်တယ်။ ခုချိန်မှာတော့ Zeus ကသမီးတော်ကိုဖယ်ရှားပြီး ရုပ်သွင်ပြေပြစ်လှပတဲ့ Ganymede ကိုသူ့ရဲ့ အဖျော်ယမကာခွက်ကိုင်လုပ်စေခဲ့တာပေါ့။
ရေခွက်ကိုကိုင်ထားတဲ့ Ganymede က လူသားတွေမိုးခေါင်ရေရှားပြီး ဒုက္ခတွေ့နေတာကိုမြင်ရတဲ့အချိန်မှာ ကရုဏာတရားဖြစ်မိလို့ ခွက်ထဲကနေ ကမ္ဘာမြေပေါ်ကို ရေတွေသွန်းလောင်းခွင့်ပြုဖို့  Zeus ကိုခွင့်တောင်းတယ်။ ခွင့်ပြုလိုက်တဲ့အခါမှာ ခြောက်သွေ့ပူပြင်းတဲ့ ကမ္ဘာမြေပေါ်ကိုရေတွေသွန်းပြီး မိုးတွေရွာစေလို့ ကောက်ပဲသီးနှံတွေကိုဖြစ်ထွန်းစေရုံမက လူသားတွေကိုပါပျော်ရွှင်စေခဲ့တယ်။
တစ်ချိန်ထဲမှာပဲ ရာထူးကဖယ်ရှားခံရတဲ့ Hebe နတ်သမီးနဲ့ မိခင်ဖြစ်သူ Hera တို့ကလဲ Ganymede ကိုမကျေနပ်ကြပါဘူး။ အထူးသဖြင့် မိဖုရားကြီး Hera က သူ့ခင်ပွန်း Zeus ကို လူချောလေးတစ်ယောက်ဖြစ်တဲ့ Ganymede နဲ့မသင်္ကာပါဘူး။ Ganymede ဟာသူ့ခင်ပွန်းကိုသူ့ဆီကလုယူမယ့်သူလို့ပဲ အခိုင်အမာယုံကြည်ယူဆနေခဲ့တယ်။ အငြင်းအခုန်တွေ၊ မကျေနပ်ချက်တွေများလာလွန်းတဲ့အတွက် နောက်ဆုံးမှာ Zeus က Ganymede ကို ရေထမ်းသမားပုံကြယ်တာရာစု Aquarius အဖြစ်ပြောင်းလဲဖန်ဆင်းပေးလိုက်ပါတယ်။ ဒီလိုနဲ့ ကုမ်ရာသီနက္ခတ် Aquarius ပေါ်ပေါက်လာတယ်လို့ ဂရိဒဏ္ဍာရီမှာ ဆိုပါတယ်။

Ganymede ရဲ့ဇာတ်လမ်းက မူကွဲတွေအများကြီးရှိပေမယ့် အဓိက ကတော့ ဒီဇာတ်လမ်းကျောရိုးပါပဲ။ အပေါ်မှာရေးခဲ့တဲ့ ဂရိဒဏ္ဍာရီက ကုမ်ရာသီသင်္ကေတဖြစ်ပေါ်လာပုံဇာတ်လမ်းတွေ၊ ဘေဘီလုံနဲ့ အီဂျစ်လူမျိုးတို့ရဲ့ ကုမ်ရာသီနဲ့ပက်သက်ဆက်နွှယ်တဲ့ ဇာတ်လမ်းတွေကတော့ မောင်ဇိလက်လှမ်းမီသ‌လောက် ရှာဖွေဖတ်ရှုထားတဲ့ထဲက လိုအပ်သလောက်ထုတ်နှုတ်၊ စုစည်းပြီး ပြန်စီစဥ်ရေးထားတာပဲဖြစ်ပါတယ်။ ကုမ်ရာသီခွင်ရဲ့ သင်္ကေတအကြောင်း နောက်ခံဇာတ်လမ်းတွေကိုသိလိုသူတွေ ကျေနပ်ကြလိမ့်မယ်လို့ မျှော်လင့်ပါတယ်။

မောင်ဇိ

#ရာသီခွင်ဇာတ်လမ်း #မောင်ဇိ #မောင်ဇိ၏ပုံပြင်များ #ကုမ်ရာသီ #MaungZi #MaungZitales #Myth #Mythology #Horoscope #Aquarius

====================================================================

ကုမ္ရာသီခြင္ (Aquarius) သေကၤတ ေရသြန္းသူဇာစ္ျမစ္
*********************************************
ကုမ္ရာသီခြင္ Aquarius ရဲ႕ နာမည္ကို လက္တင္ဘာသာကေန အဂၤလိပ္ဘာသာျပန္ရရင္ ‌‌"water-carrier" ဒါမွမဟုတ္ "cup-bearer" လို႔ျပန္ၾကတယ္။ ျမန္မာလိုဆိုရင္ေတာ့ "ေရထမ္းသူ" သို႔မဟုတ္ " အေဖ်ာ္ယမကာကမ္းသူ" လို႔ျပန္ရမယ္ထင္ပါတယ္။ သေကၤတကိုေတာ့ ေယာက်္ားတစ္ေယာက္က ေရအိုးထဲကေရေတြသြန္ခ်ေပးေနပုံ သ႐ုပ္ေဖာ္ေလ့ရွိတယ္။ ေဘဘီလုံေခတ္မတိုင္ခင္ကတည္းကရွိခဲ့တဲ့ ေရွးက်တဲ့နကၡတ္ေတြထဲမွာတစ္ခုအပါအဝင္ေပါ့။

ေဘဘီလုံဒ႑ာရီလာ ကုမ္ရာသီ၏ သေကၤတ
**********************************
ေဘဘီလုံေရွးေဟာင္းေက်ာက္စာေတြမွာ ကုမ္ရာသီ Aquarius ကို နတ္ဘုရား Ea နဲ႔ဆက္စပ္တယ္လို႔ေဖာ္ျပၾကတယ္။ Ea ဆိုတာက ေဘဘီလုံေရနတ္ဘုရား။ သူ႔လက္ထဲမွာ ေရလွ်ံက်ေနတဲ့ေရတေကာင္းတစ္လုံးကိုင္ထားတဲ့ပုံနဲ႔ ေဖာ္ျပေလ့ရွိတယ္။ Ea ကိုေဘဘီလုံခတ္မတိုင္ခင္ ဆူမီးရီးရန္းေခတ္မွာေတာ့ Enki ဆိုတဲ့နာမည္နဲ႔ကိုးကြယ္ခဲ့ၾကတယ္။ ဖန္တီးရွင္နတ္ဘုရား၊ ပင္လယ္၊ ျမစ္ေခ်ာင္း၊ အင္းအိုင္တို႔ရဲ႕ေရနတ္ဘုရား၊ အသိပညာဗဟုသုတ၊ လက္မႈပညာနဲ႔  ေနာက္ေျပာင္ေဆာ့ကစားမႈတို႔ကို အစိုးရတဲ့နတ္ဘုရားတစ္ပါးျဖစ္တယ္။
(မကာရရာသီခြင္ Capricorn ရဲ႕ဆိတ္တစ္ပိုင္းငါးတစ္ပိုင္းကလဲ Enki နဲ႔ပက္သက္တယ္လို႔ဆိုထားတယ္)။

အီဂ်စ္ဒ႑ာရီလာ ကုမ္ရာသီ၏ သေကၤတ
*******************************
ေရွးေခတ္အီဂ်စ္ေတြအတြက္ကေတာ့ ကုမ္ရာသီဟာ ႏိုင္းျမစ္ေရႀကီးမႈနဲ႔ဆက္ႏြယ္ေနတယ္လို႔ ယူဆၾကတယ္။ ေကာင္းကင္ေပၚကကုမ္ရာသီခြင္ရဲ႕ေရကရားကစီးက်လာတဲ့ေရေတြဟာ ႏွစ္စဥ္ႏိုင္းျမစ္ေရႀကီးမႈရဲ႕ အဓိကလက္သည္တရားခံပါတဲ့။
ျမစ္ကမ္းပါးကိုေက်ာ္ၿပီးတက္လာတဲ့ေရေတြက ႏိုင္းျမစ္ရဲ႕ဝဲယာတစ္ေလွ်ာက္မွာရွိတဲ့ စိုက္ပ်ိဳးခင္းေတြအတြက္လိုအပ္တဲ့ေရကို အလွ်ံပယ္ရရွိေစတယ္။

ဂရိဒ႑ာရီလာ ကုမ္ရာသီ၏ သေကၤတ (၁)
*****************************
ဂရိဒ႑ာရီမွာေတာ့ ကုမ္ရာသီနဲ႔ပက္သက္ၿပီး ဇာတ္လမ္းႏွစ္ခုရွိတယ္။
ပထမတစ္ခုက တိုက္တန္တစ္ဦးျဖစ္တဲ့ Prometheus ရဲ႕သား Deucalion နဲ႔ပက္သက္တယ္။ ေၾကးေခတ္လူသားေတြကို ေရလႊမ္းၿပီးဖ်က္ပစ္ဖို႔ နတ္ဘုရင္ Zeus ကစီမံတဲ့အခါမွာ Prometheus ကသူ႔သားကို သတိေပးခဲ့တဲ့အတြက္ Deucalion နဲ႔ သူ႔ၾကင္ယာျဖစ္သူPyrrha တို႔က ေရလုံတဲ့ဧရာမေသတၱာႀကီးတစ္ခုထဲမွာဝင္ေနျခင္းျဖင့္လြတ္ေျမာက္သြားၾကတယ္။ ကမာၻ‌ျေမေပၚမွာ ကိုးရက္ၾကာေရလႊမ္းမိုးသြားၿပီးတဲ့ေနာက္ သူတို႔ႏွစ္ဦးထဲရွင္က်န္ရစ္ခဲ့ၾကလို႔ ကမာၻေျမကိုလူဦးေရျပန္လည္စည္ပင္ေအာင္ဘယ္လိုလုပ္ရမလဲဆိုတာကို နတ္ဘုရား Themis ရဲ႕နတ္ကြန္းမွာသြားေမးၾကပါသတဲ့။ နတ္ဝင္သည္က "မိခင္ရဲ႕အ႐ိုးေတြကို ေနာက္ျပန္ပစ္ျခင္းနဲ႔ လူဦးေရျပန္လည္တိုးပြားလာမယ္"လို႔အတိတ္ေပးလိုက္တယ္။ Deucalion နဲ႔ Pyrrha တို႔ကလဲ မိခင္ဆိုတာကမာၻေျမႀကီးျဖစ္တဲ့ Gaia ကိုၫႊန္းတာျဖစ္ၿပီး၊ အ႐ိုးေတြကေတာ့ ေက်ာက္တုံးေတြကိုဆိုလိုတာျဖစ္မယ္လို႔ အနက္ျပန္ၿပီး ေက်ာက္တုံးေတြကိုေက်ာေပၚကေက်ာ္ၿပီးေနာက္ျပန္ပစ္လိုက္တဲ့အခါ အဲဒီေက်ာက္တုံးေတြကေနလူေတြျဖစ္သြားၿပီး အဲဒီကစလို႔ ကမာၻ႔လူဦးေရျပန္လည္ဖြံ႕ၿဖိဳးလာတယ္လို႔ ဒ႑ာရီကဆိုတယ္။
ကုမ္ရာသီခြင္မွာေရထမ္းထားတဲ့လုလင္ပုံဟာ Deucalion ျဖစ္တယ္လို႔ ဒီဇာတ္လမ္းက ေဖာ္ျပတယ္။

ဂရိဒ႑ာရီလာ ကုမ္ရာသီ၏ သေကၤတ (၂)
********************************
ဂရိဒ႑ာရီက ဒီဒုတိယဇာတ္လမ္းကေတာ့ ပိုၿပီးစိတ္ဝင္စားဖို႔ေကာင္းတယ္။ ကုမ္ရာသီနဲ႔ပက္သက္ရင္ လူသိပိုမ်ားတဲ့ ဇာတ္လမ္းလဲျဖစ္တယ္။

တစ္ခါတုန္းက Ganymede ဆိုတဲ့ အင္မတန္ေခ်ာေမာလွပလြန္းတဲ့သူငယ္တစ္ေယာက္ရွိတယ္။ ဆယ္ေက်ာ္သက္အ႐ြယ္ Ganymede က Troy ၿမိဳ႕ကဘုရင္ရဲ႕သားေတာ္မင္းသားတစ္ပါးျဖစ္ၿပီး အဲဒီေဒသမွာအေခ်ာေမာအလွပဆုံးလုလင္ပ်ိဳတစ္ေယာက္ျဖစ္သတဲ့။
တစ္ေန႔မွာ ၿမိဳ႕နဲ႔မလွမ္းမကမ္းကျမက္ခင္းျပင္မွာ သူ႔အေဖရဲ႕သိုးေတြေက်ာင္းေနတဲ့ Ganymede ကို နတ္ဘုရင္ Zeus ကသူ႔ရဲ႕သိမ္းစြန္ကိုေစလႊတ္ၿပီးကုပ္ခ်ီဖမ္းဆီးေစခဲ့တယ္။ တစ္ခ်ိဳ႕ဒ႑ာရီေတြမွာေတာ့ Zeus ကိုယ္တိုင္ ႀကီးမားတဲ့ သိမ္းစြန္ပုံစံဖန္ဆင္းၿပီး လုလင္ငယ္ကို  အိုလံပစ္ေတာင္ရွိရာကိုေခၚေဆာင္ခဲ့တယ္လို႔လဲဆိုတယ္။
မင္းသားငယ္ရဲ႕ ဖခင္ျဖစ္သူ ဘုရင္ Tros ကိုေတာ့ Zeus ကနတ္ဘုရားေတြသုံးတဲ့ျမင္းေတြလက္ေဆာင္ေပးလိုက္ျခင္းအားျဖင့္ ေက်နပ္ႏွစ္သိမ့္ေစခဲ့တယ္။ ဒါ့အျပင္ သားေတာ္ဟာ နတ္ဘုရားေတြရဲ႕အေဖ်ာ္ယမကာကမ္းသူ (cup-bearer) အျဖစ္ေကာင္းမြန္စြာေနရမွာျဖစ္ေၾကာင္းကိုပါသိေစခဲ့တယ္တဲ့။

ေခ်ာေမာတဲ့ Ganymede ကို Zeus က မေသျခင္းတရားကိုေပးၿပီး သူ႔ရဲ႕အေဖ်ာ္ယမကာဆက္သသူအျဖစ္ အမႈထမ္းေစပါသတဲ့။ တစ္ခ်ိန္ကေတာ့ Zeus ရဲ႕ အေဖ်ာ္ယမကာခြက္ကိုအၿမဲကိုင္ခဲ့သူဟာ Zeus နဲ႔ သူ႔ၾကင္ယာေတာ္ Hera တို႔ရဲ႕သမီးေတာ္ျဖစ္တဲ့ Hebe နတ္သမီးျဖစ္တယ္။ ခုခ်ိန္မွာေတာ့ Zeus ကသမီးေတာ္ကိုဖယ္ရွားၿပီး ႐ုပ္သြင္ေျပျပစ္လွပတဲ့ Ganymede ကိုသူ႔ရဲ႕ အေဖ်ာ္ယမကာခြက္ကိုင္လုပ္ေစခဲ့တာေပါ့။
ေရခြက္ကိုကိုင္ထားတဲ့ Ganymede က လူသားေတြမိုးေခါင္ေရရွားၿပီး ဒုကၡေတြ႕ေနတာကိုျမင္ရတဲ့အခ်ိန္မွာ က႐ုဏာတရားျဖစ္မိလို႔ ခြက္ထဲကေန ကမာၻေျမေပၚကို ေရေတြသြန္းေလာင္းခြင့္ျပဳဖို႔  Zeus ကိုခြင့္ေတာင္းတယ္။ ခြင့္ျပဳလိုက္တဲ့အခါမွာ ေျခာက္ေသြ႕ပူျပင္းတဲ့ ကမာၻေျမေပၚကိုေရေတြသြန္းၿပီး မိုးေတြ႐ြာေစလို႔ ေကာက္ပဲသီးႏွံေတြကိုျဖစ္ထြန္းေစ႐ုံမက လူသားေတြကိုပါေပ်ာ္႐ႊင္ေစခဲ့တယ္။
တစ္ခ်ိန္ထဲမွာပဲ ရာထူးကဖယ္ရွားခံရတဲ့ Hebe နတ္သမီးနဲ႔ မိခင္ျဖစ္သူ Hera တို႔ကလဲ Ganymede ကိုမေက်နပ္ၾကပါဘူး။ အထူးသျဖင့္ မိဖုရားႀကီး Hera က သူ႔ခင္ပြန္း Zeus ကို လူေခ်ာေလးတစ္ေယာက္ျဖစ္တဲ့ Ganymede နဲ႔မသကၤာပါဘူး။ Ganymede ဟာသူ႔ခင္ပြန္းကိုသူ႔ဆီကလုယူမယ့္သူလို႔ပဲ အခိုင္အမာယုံၾကည္ယူဆေနခဲ့တယ္။ အျငင္းအခုန္ေတြ၊ မေက်နပ္ခ်က္ေတြမ်ားလာလြန္းတဲ့အတြက္ ေနာက္ဆုံးမွာ Zeus က Ganymede ကို ေရထမ္းသမားပုံၾကယ္တာရာစု Aquarius အျဖစ္ေျပာင္းလဲဖန္ဆင္းေပးလိုက္ပါတယ္။ ဒီလိုနဲ႔ ကုမ္ရာသီနကၡတ္ Aquarius ေပၚေပါက္လာတယ္လို႔ ဂရိဒ႑ာရီမွာ ဆိုပါတယ္။

Ganymede ရဲ႕ဇာတ္လမ္းက မူကြဲေတြအမ်ားႀကီးရွိေပမယ့္ အဓိက ကေတာ့ ဒီဇာတ္လမ္းေက်ာ႐ိုးပါပဲ။ အေပၚမွာေရးခဲ့တဲ့ ဂရိဒ႑ာရီက ကုမ္ရာသီသေကၤတျဖစ္ေပၚလာပုံဇာတ္လမ္းေတြ၊ ေဘဘီလုံနဲ႔ အီဂ်စ္လူမ်ိဳးတို႔ရဲ႕ ကုမ္ရာသီနဲ႔ပက္သက္ဆက္ႏႊယ္တဲ့ ဇာတ္လမ္းေတြကေတာ့ ေမာင္ဇိလက္လွမ္းမီသ‌ေလာက္ ရွာေဖြဖတ္ရႈထားတဲ့ထဲက လိုအပ္သေလာက္ထုတ္ႏႈတ္၊ စုစည္းၿပီး ျပန္စီစဥ္ေရးထားတာပဲျဖစ္ပါတယ္။ ကုမ္ရာသီခြင္ရဲ႕ သေကၤတအေၾကာင္း ေနာက္ခံဇာတ္လမ္းေတြကိုသိလိုသူေတြ ေက်နပ္ၾကလိမ့္မယ္လို႔ ေမွ်ာ္လင့္ပါတယ္။

ေမာင္ဇိ

#ရာသီခြင္ဇာတ္လမ္း #ေမာင္ဇိ #ေမာင္ဇိ၏ပုံျပင္မ်ား #ကုမ္ရာသီ #MaungZi #MaungZitales #Myth #Mythology #Horoscope #Aquarius

တောင်တန်းတွေပေါ်က အင်ကာနိုင်ငံတော်

 

တောင်တန်းတွေပေါ်က အင်ကာနိုင်ငံတော်

********************************

အရှေ့တောင်အာရှသမိုင်းမှာ အကြီးကျယ်အခမ်းနားဆုံးနိုင်ငံတော်လို့ဆိုနိုင်မယ့် ဒုတိယမြန်မာနိုင်ငံတော်ကြီးကို ဘုရင့်နောင်မင်းတရားကြီးက အောင်အောင်မြင်မြင်ထူထောင်နေတဲ့အချိန်နဲ့မရှေးမ‌နှောင်းမှာ တောင်အမေရိကတိုက်က ခမ်းနားကြီးကျယ်လှတဲ့ အင်ကာနိုင်ငံတော်ကြီး (Inca Empire) ကတော့ပြိုလဲပျက်စီးပြီး စပိန်နယ်ချဲ့တွေလက်အောက်ကိုရောက်သွားခဲ့တယ်။ ပီရူးနိုင်ငံ အန်ဒီးစ်တောင်တန်းတွေပေါ်မှာ ရှုမငြီးစရာအံ့ဖွယ်ကျောက်တုံးအဆောက်အဦတွေနဲ့ တောက်ပပျိုးပြက်တဲ့နိုင်ငံတော်ကြီးတစ်ခုကိုစုစည်းတည်ဆောက်နိုင်ခဲ့ပေမယ့် နှစ်ပေါင်း ၃၀၀လောက်အကြာမှာတော့ ပြည်တွင်းစစ်ရဲ့ဖျက်စီးမှုနဲ့အတူ စပိန်လူမျိုးတွေရဲ့တိုက်ခိုက်သိမ်းပိုက်မှုအောက်ကို အလွယ်တကူပဲကျသွားတဲ့ အင်ကာနိုင်ငံတော်ကြီးပေါ့။

တောင်အမေရိကတိုက်မှာ အကြီးဆုံးနိုင်ငံတော်ဖြစ်ခဲ့တဲ့အင်ကာအင်ပါယာ အထွတ်အထိပ်ရောက်ချိန်မှာ အခုခေတ်ပီရူး၊ အီကွေဒေါ၊ ဘိုလီဗိီးယား၊ အာဂျင်တီးနားနဲ့ ချီလီနိုင်ငံရဲ့ အစိတ်အပိုင်းတော်တော်များများဟာ အင်ကာနိုင်ငံတော်ကြီးအောက်မှာပါဝင်ခဲ့တယ်။ စာပေအရေးအသားမရှိခဲ့ပေမယ့် အင်မတန်ကောင်းမွန်တဲ့အုပ်ချုပ်မှုစနစ်၊ အဆင့်အတန်းမြင့်တဲ့ဆောက်လုပ်ရေးနည်းပညာနဲ့တောင်တန်းတွေပေါ်မှာ‌အောင်မြင်အောင်စိုက်ပျိုးနိုင်တဲ့ အံမခန်းစနစ်ကျတဲ့စိုက်ပျိုးရေးစနစ်ရှိပြီး ချမ်းသာကြွယ်ဝတဲ့နိုင်ငံတော်ကြီးဖြစ်ခဲ့တယ်။

ဒါပေမယ့်လဲ အေဒီ ၁၅၂၇ ခုနှစ်မှာ အင်ကာဧကရာဇ် ဟွာနာကာပက် (Huayna Capac) ကွယ်လွန်သွားချိန်ကစလို့ အင်ကာနိုင်ငံတော်ကြီးအတွက် ကြမ္မာငင်ဖို့ဖြစ်လာတော့တာပါပဲ။ ဧကရာဇ်ရဲ့မိဖုရားတစ်ပါးစီကနေမွေးတဲ့ မင်းသားနှစ်ပါးတို့ဟာ သမိုင်းကြောင်းကြီးတဲ့နိုင်ငံကြီးရဲ့ထီးနန်းကို သူရထိုက်၊ငါရထိုက်လုရာကနေ ပြည်တွင်းစစ်ဖြစ်တော့တယ်။ အဲဒီအချိန် မြန်မာပြည်မှာတော့ တပင်ရွှေထီးဦးစီးတဲ့တောင်ငူမြို့ကအင်အားကောင်းလာပြီး ဒုတိယမြန်မာနိုင်ငံတော်ရဲ့အစပိုင်းကာလတွေကို ဘုရင့်နောင်နဲ့အတူစပြီးထူထောင်နေကြပေါ့။

အင်ကာနိုင်ငံတော်မှာတော့ ထီးနန်းကိုကွယ်လွန်သူဧကရာဇ်ရဲ့သားတစ်ယောက်ဖြစ်တဲ့ ဟွာစကာ( Huascar ) က သိမ်းပိုက်ပြီးမြို့တော် ကက်စ်ကို (Cuzco) မှာနန်းထိုင်ပေမယ့် နောက်ထပ်သားတစ်ယောက်ဖြစ်သူ အတာဟွာပါ (Atahualpa) ကနောက်လိုက်အများအပြား၊ စစ်ပရိယာယ်ကောင်းကောင်းနဲ့ သူ့အစ်ကိုကို စစ်ပြုနေခဲ့တယ်။ သုံးနှစ်ကျော်ကြာတဲ့စစ်ပွဲတွေအလီလီအပြီးမှာတော့ အတာဟွာပါကအောင်ပွဲရသွားခဲ့တယ်။

မှတ်တမ်းတွေအရစစ်သား ၆ သောင်းစီပါတဲ့ တပ်နှစ်တပ်ဟာ မြို့တော် ကက်စ်ကိုနားမှာရင်ဆိုင်တွေ့ပြီး တိုက်ခိုက်ကြတဲ့အခါ မြို့တော်မှာနန်းစိုက်သူဟွာစကာရဲ့တပ်တွေအရေးနိမ့်သွားပြီး ဟွာစကာကိုယ်တိုင်လဲအဖမ်းခံလိုက်ရတယ်။ မြောက်ဘက်ကနေဆင်းလာတဲ့ အတာဟွာပါဟာ သူ့တပ်မှူးတွေရဲ့အောင်ပွဲသတင်းကြောင့်စိတ်ဓါတ်တက်ကြွနေပြီး သူသိမ်းပိုက်ထားတဲ့ ကာဂျာမာကာ(Cajamarca)မြို့ကနေ စစ်သားလေးသောင်းနဲ့အတူ သူ့အစ်ကို့ကိုဖမ်းဆီးထားရာကိုသွားပြီး ဧကရာဇ်အဖြစ်ခံယူဖို့အဆင်သင့်ဖြစ်နေပြီ။

အဲဒီအချိန်မှာ ပီဇာရိုနဲ့ လူ ၁၈၀ လောက်ရှိတဲ့စပိန်သင်္ဘောသားတွေက လက်ဆောင်တွေနဲ့အတူ အောင်ပွဲခံ ဧကရာဇ်အတာဟွာပါကိုတွေ့ခွင့်တောင်းတယ်။

တွေ့ဖို့ချိန်းဆိုထားတဲ့ ကွင်းပြင်ပတ်ပတ်လည်မှာတော့ လူ ၁၈၀ သော စပိန်တပ်တွေက အမြောက်တွေအပါအဝင်၊ မြင်းတပ်၊ သေနတ်တပ်တွေနဲ့အသင့်အနေအထားနဲ့စောင့်နေခဲ့တယ်။

ထောင်ပေါင်းများစွာသော လက်နက်မဲ့အခြံအရံတွေနဲ့ အတူ အတာဟွာပါရောက်လာခဲ့တယ်။ လောလောလတ်လတ်အောင်ပွဲကြီးလဲရထား၊ လူသောင်းဂဏန်းရှိတဲ့စစ်တပ်ကိုလဲပိုင်ဆိုင်ထားတဲ့ အတာဟွာပါက လူလေး ၁၈၀ လောက်ပါတဲ့စပိန်တပ်တွေကို လျှော့တွက်ထားခဲ့မိလိုက်ပုံပါပဲ။ ပီဇာရိုနဲ့ အတာဟွာပါတွေ့ချိန်မှာ ပီဇာရိုနဲ့ပါလာတဲ့ ခရစ်ယာန်ဘုန်းကြီးကသမ္မာကျမ်းစာစာအုပ်ကိုထိုးပေးပြီး ခရစ်ယာန်ဘာသာနဲ့ စပိန်ဘုရင်မင်းမြတ်ကိုလက်ခံဖို့ အတာဟွာပါကိုဖိအားပေးတယ်။ အတာဟွာပါက ငြင်းလိုက်ပြီးသူ့ကိုအတင်းထိုးပေးတဲ့သမ္မာကျမ်းစာကိုပုတ်ချလိုက်ချိန်မှာပဲ ပီဇာရိုကသူ့တပ်တွေကိုတိုက်ဖို့အမိန့်ပေးလိုက်ပြီး အမြောက်တွေ၊သေနတ်တွေနဲ့တရကြမ်းပစ်ခတ်သတ်ဖြတ်ကြတော့တယ်။ ထွက်ပြေးဖို့ကြိုးစားကြသူတွေကိုလဲ မြင်းတပ်နဲ့လိုက်လံရှင်းလင်းသုတ်သင်တယ်။

သေနတ်မမြင်ဘူးတဲ့၊ လက်နက်မပါသ‌လောက်ဖြစ်တဲ့ ဧကရာဇ်ရဲ့နောက်လိုက်တွေအကုန်ဝရုန်းသုန်းကားသွေးပျက်ကုန်ပြီး၊ အတုံးအရုံးကျဆုံးကုန်ကြတယ်။ ဧကရာဇ် အတာဟွာပါကိုယ်တိုင်လဲအဖမ်းခံလိုက်ရတယ်။

အမှန်ကတော့ ဘာသာရေးဆိုတာက စပိန်တွေအတွက်နယ်ချဲ့ချင်လို့အကြောင်းပြချက်ရှာရုံသက်သက်ပါ။ မြန်မာပြည် အင်္ဂလိပ်-မြန်မာ တတိယကျူးကျော်စစ်မှာတုန်းကဒီလိုပဲ သစ်လုံးကိစ္စကိုအကြောင်းပြပြီး အင်္ဂလိပ်ကအနိုင်ကျင့်တိိုက်ခိုက်သိမ်းပိုက်သွားတာပါပဲ။

ရန်စချင်တဲ့သူဆိုတာက အကြောင်းပြချက်တစ်ခုခုပေးပြီး ရန်ရှာကြတာ ထုံးစံပဲမဟုတ်လား။

စပိန်တွေက အတာဟွာပါ ကိုသူ့အစ်ကိုနဲ့ဘယ်သူကပိုကောင်းတဲ့ဧကရာဇ်ဖြစ်မလဲဆိုတာကြည့်ရမယ်လို့ဆိုတဲ့အတွက် အတာဟွာပါကစိတ်ချရအောင် သူ့လူတွေကို ဖမ်းထားတဲ့ဟွာစကာ ကိုရေချပြီးကွပ်မြက်စေခဲ့တယ်။ ပြီးတော့ သူ့ကိုပြန်လွှတ်ပေးရင် ခန်းမတစ်ခုလုံးအပြည့်ရွှေတွေငွေတွေဖြည့်ပေးမယ်လို့လဲ စပိန်တွေကိုကမ်းလှမ်းလိုက်တယ်။ ပီဇာရိုက အတာဟွာပါရဲ့တောင်းဆိုချက်ကိုလက်ခံပြီး တစ်နိုင်ငံလုံးကရွှေတွေ၊ငွေတွေသူ့ဆီရောက်လာတာကို အကုန်သိမ်းကြုံးယူနေခဲ့တယ်။

ရွှေငွေတွေအကုန်ရပြီဆိုတော့မှ သူ့အစ်ကိုကိုသတ်မှု၊ စပိန်ဘုရင်ကိုပုန်ကန်မှုနဲ့ တစ်ခြားသေးသေးမွှားမွှားအမှုလေးတွေတပ်၊ မတရားတဲ့ တရားခွင်တစ်ခုစီရင်ပြီး ဧကရာဇ်ဖြစ်ခါစ အတာဟွာပါကို ကြိုးဆွဲချပြီးသေဒဏ်ပေးလိုက်ပါတော့တယ်။

အဲဒီနောက်တော့ ပီဇာရိုက နောက်ထပ်စစ်ကူရောက်လာတဲ့ စပိန်တပ်တွေနဲ့အတူ မြို့တော် ကက်စ်ကို ကိုလွယ်လွယ်ကူကူပဲသိမ်းပိုက်လိုက်တယ်။ သူ့ကိုယ်သူ အင်ကာနိုင်ငံတော်ရဲ့ စပိန်အုပ်ချုပ်သူအဖြစ်ကြေငြာလိုက်ပြီး သူနဲ့အတူ လုပ်ဖော်ကိုင်ဖက်စစ်သားတစ်ယောက်ဖြစ်တဲ့ ဒီယက်ဂို အယ်မာဂရို(Diego Almagro) ကိုတော့ ချီလီနိုင်ငံပိုင်းကိုယူစေတယ်။

ဆင်းရဲမွဲတေလွန်းတဲ့ ချီလီနိုင်ငံကနေဘာမှမရနိုင်တဲ့အတွက် အယ်မာဂရိုက ပီဇာရိုဆီကနေ သူရထားတဲ့အတောမသတ်များပြားလွန်းတဲ့ရွှေ၊ငွေတစ်ချို့ကိုဝေစုခွဲပေးဖို့တောင်းဆိုရာကနေ အဝေမတည့်လို့ သူတို့နှစ်ယောက်စစ်ဖြစ်ကြပြန်တယ်။ အယ်မာဂရိုရှုံးနိမ့်သွားပြီး သေဒဏ်ပေးခံရတယ်။

၁၅၄၁ ခုနှစ်မှာတော့ အယ်မာဂရိုရဲ့သားရဲ့မိတ်ဆွေတွေက ပီဇာရိုရဲ့နန်းတော်ကိုထိုးဖောက်ဝင်ရောက်ပြီး ညစာစားနေတဲ့ ပီဇာရိုကိုလုပ်ကြံသတ်ဖြတ်လိုက်ကြတယ်။

ဒီလိုနဲ့ ပီဇာရိုသေသွားပေမယ့် အင်ကာနိုင်ငံကတော့ စပိန်တွေရဲ့ ဆက်လက်ကျွန်ပြုခြင်းခံရမြဲပါပဲ။

ဒီအချိန်မြန်မာပြည်မှာ တောင်ငူဘုရင်တပင်ရွှေထီးက ပဲခူးကိုသိမ်းပိုက်ပြီးထီးနန်းကိုပဲခူးကို ရွှေ့နေပြီ။ တပင်ရွှေထီးနောက် ဘုရင့်နောင်လက်ထက်မှာတော့ မြန်မာနိုင်ငံက ၁၆ ရာစုအရှေ့တောင်အာရှမှာ အကြီးမားအကျယ်ပြန့်ဆုံး၊ အကြွယ်ဝဆုံးဧကရာဇ်နိုင်ငံတော်ကြီးအဖြစ် ခံ့ခံ့ညားညားပေါ်ထွက်လာတော့တယ်။

ဧကရာဇ်နိုင်ငံဖြစ်ခဲ့တဲ့ အင်ကာနိုင်ငံတော်ကြီးဟာ အင်အားတွေပြုန်းတီးသွားစေတဲ့ပြည်တွင်းစစ်၊ ကမ္ဘာကိုလေ့လာမှုအားနည်းခဲ့လို့ နိမ့်ကျတဲ့လက်နက်တပ်ဆင်မှု၊ ရန်သူစပိန်တွေကိုအထင်သေးမှုတွေနဲ့အတူ လျှောကျပျက်စီးသွားချိန်မှာတော့ ဘုရင့်နောင်မင်းတရားကြီးက သစ္စာခံတွေကို သစ္စာမြဲစေတဲ့ သဘောထားကြီးမြတ်မှု၊ ပေါ်တူဂီကြေးစားစစ်သားတွေကိုတောင်ငှားပြီးစစ်တိုက်ခိုင်းနိုင်လောက်တဲ့အမြင်ကျယ်မှု၊ ခေတ်နဲ့လျော်ညီတဲ့လက်နက်တပ်ဆင်မှု၊ ကိုယ်တိုင်အရည်အသွေးပြည့်ဝမှုတွေနဲ့အတူ ထိုင်း၊လာအို၊ မဏိပူရ်စတဲ့ဒေသတွင်းနိုင်ငံတွေကိုပါသိမ်းသွင်းပြီး စကြဝတေးမင်းအဖြစ် မြန်မာနိုင်ငံတော်ကြီးကိုအုပ်စိုးနိုင်ခဲ့တယ်။ ထိုင်းနိုင်ငံသားတွေကဆို ဘုရင့်နောင်မင်းတရားကြီးကို အရပ်ဆယ်မျက်နှာကိုအောင်မြင်တဲ့ဘုရင်မင်းမြတ်ကြီးအဖြစ် အသိအမှတ်ပြုမြတ်နိုးခဲ့ကြတယ်လို့ဆိုတယ်။

ခေတ်ကိုမျက်ခြေမပြတ်ပဲ အမြင်ကျယ်ကျယ်နဲ့ စွမ်းဆောင်ရည်ကိုအကောင်းဆုံးမြှင့်တင်နိုင်သူ၊ တိုင်းသူပြည်သားကိုချစ်မြတ်နိုးသူ၊ စည်းရုံးရေးဆက်ဆံရေးကောင်းမွန်သူခေါင်းဆောင်တွေက နိုင်ငံတစ်ခုရဲ့ကံကြမ္မာကို အကောင်းဘက်ရောက်အောင် အဆုံးအဖြတ်ပေးကြတာပါပဲ။

#မောင်ဇိ

#MaungZiTales #history #MaungZi #သမိုင်းပုံပြင်

===========================================

ေတာင္တန္းေတြေပၚက အင္ကာႏိုင္ငံေတာ္

********************************

အေရွ႕ေတာင္အာရွသမိုင္းမွာ အႀကီးက်ယ္အခမ္းနားဆုံးႏိုင္ငံေတာ္လို႔ဆိုႏိုင္မယ့္ ဒုတိယျမန္မာႏိုင္ငံေတာ္ႀကီးကို ဘုရင့္ေနာင္မင္းတရားႀကီးက ေအာင္ေအာင္ျမင္ျမင္ထူေထာင္ေနတဲ့အခ်ိန္နဲ႔မေရွးမ‌ေႏွာင္းမွာ ေတာင္အေမရိကတိုက္က ခမ္းနားႀကီးက်ယ္လွတဲ့ အင္ကာႏိုင္ငံေတာ္ႀကီး (Inca Empire) ကေတာ့ၿပိဳလဲပ်က္စီးၿပီး စပိန္နယ္ခ်ဲ႕ေတြလက္ေအာက္ကိုေရာက္သြားခဲ့တယ္။ ပီ႐ူးႏိုင္ငံ အန္ဒီးစ္ေတာင္တန္းေတြေပၚမွာ ရႈမၿငီးစရာအံ့ဖြယ္ေက်ာက္တုံးအေဆာက္အဦေတြနဲ႔ ေတာက္ပပ်ိဳးျပက္တဲ့ႏိုင္ငံေတာ္ႀကီးတစ္ခုကိုစုစည္းတည္ေဆာက္ႏိုင္ခဲ့ေပမယ့္ ႏွစ္ေပါင္း ၃၀၀ေလာက္အၾကာမွာေတာ့ ျပည္တြင္းစစ္ရဲ႕ဖ်က္စီးမႈနဲ႔အတူ စပိန္လူမ်ိဳးေတြရဲ႕တိုက္ခိုက္သိမ္းပိုက္မႈေအာက္ကို အလြယ္တကူပဲက်သြားတဲ့ အင္ကာႏိုင္ငံေတာ္ႀကီးေပါ့။

ေတာင္အေမရိကတိုက္မွာ အႀကီးဆုံးႏိုင္ငံေတာ္ျဖစ္ခဲ့တဲ့အင္ကာအင္ပါယာ အထြတ္အထိပ္ေရာက္ခ်ိန္မွာ အခုေခတ္ပီ႐ူး၊ အီေကြေဒါ၊ ဘိုလီဗိီးယား၊ အာဂ်င္တီးနားနဲ႔ ခ်ီလီႏိုင္ငံရဲ႕ အစိတ္အပိုင္းေတာ္ေတာ္မ်ားမ်ားဟာ အင္ကာႏိုင္ငံေတာ္ႀကီးေအာက္မွာပါဝင္ခဲ့တယ္။ စာေပအေရးအသားမရွိခဲ့ေပမယ့္ အင္မတန္ေကာင္းမြန္တဲ့အုပ္ခ်ဳပ္မႈစနစ္၊ အဆင့္အတန္းျမင့္တဲ့ေဆာက္လုပ္ေရးနည္းပညာနဲ႔ေတာင္တန္းေတြေပၚမွာ‌ေအာင္ျမင္ေအာင္စိုက္ပ်ိဳးႏိုင္တဲ့ အံမခန္းစနစ္က်တဲ့စိုက္ပ်ိဳးေရးစနစ္ရွိၿပီး ခ်မ္းသာႂကြယ္ဝတဲ့ႏိုင္ငံေတာ္ႀကီးျဖစ္ခဲ့တယ္။

ဒါေပမယ့္လဲ ေအဒီ ၁၅၂၇ ခုႏွစ္မွာ အင္ကာဧကရာဇ္ ဟြာနာကာပက္ (Huayna Capac) ကြယ္လြန္သြားခ်ိန္ကစလို႔ အင္ကာႏိုင္ငံေတာ္ႀကီးအတြက္ ၾကမၼာငင္ဖို႔ျဖစ္လာေတာ့တာပါပဲ။ ဧကရာဇ္ရဲ႕မိဖုရားတစ္ပါးစီကေနေမြးတဲ့ မင္းသားႏွစ္ပါးတို႔ဟာ သမိုင္းေၾကာင္းႀကီးတဲ့ႏိုင္ငံႀကီးရဲ႕ထီးနန္းကို သူရထိုက္၊ငါရထိုက္လုရာကေန ျပည္တြင္းစစ္ျဖစ္ေတာ့တယ္။ အဲဒီအခ်ိန္ ျမန္မာျပည္မွာေတာ့ တပင္ေ႐ႊထီးဦးစီးတဲ့ေတာင္ငူၿမိဳ႕ကအင္အားေကာင္းလာၿပီး ဒုတိယျမန္မာႏိုင္ငံေတာ္ရဲ႕အစပိုင္းကာလေတြကို ဘုရင့္ေနာင္နဲ႔အတူစၿပီးထူေထာင္ေနၾကေပါ့။

အင္ကာႏိုင္ငံေတာ္မွာေတာ့ ထီးနန္းကိုကြယ္လြန္သူဧကရာဇ္ရဲ႕သားတစ္ေယာက္ျဖစ္တဲ့ ဟြာစကာ( Huascar ) က သိမ္းပိုက္ၿပီးၿမိဳ႕ေတာ္ ကက္စ္ကို (Cuzco) မွာနန္းထိုင္ေပမယ့္ ေနာက္ထပ္သားတစ္ေယာက္ျဖစ္သူ အတာဟြာပါ (Atahualpa) ကေနာက္လိုက္အမ်ားအျပား၊ စစ္ပရိယာယ္ေကာင္းေကာင္းနဲ႔ သူ႔အစ္ကိုကို စစ္ျပဳေနခဲ့တယ္။ သုံးႏွစ္ေက်ာ္ၾကာတဲ့စစ္ပြဲေတြအလီလီအၿပီးမွာေတာ့ အတာဟြာပါကေအာင္ပြဲရသြားခဲ့တယ္။

မွတ္တမ္းေတြအရစစ္သား ၆ ေသာင္းစီပါတဲ့ တပ္ႏွစ္တပ္ဟာ ၿမိဳ႕ေတာ္ ကက္စ္ကိုနားမွာရင္ဆိုင္ေတြ႕ၿပီး တိုက္ခိုက္ၾကတဲ့အခါ ၿမိဳ႕ေတာ္မွာနန္းစိုက္သူဟြာစကာရဲ႕တပ္ေတြအေရးနိမ့္သြားၿပီး ဟြာစကာကိုယ္တိုင္လဲအဖမ္းခံလိုက္ရတယ္။ ေျမာက္ဘက္ကေနဆင္းလာတဲ့ အတာဟြာပါဟာ သူ႔တပ္မႉးေတြရဲ႕ေအာင္ပြဲသတင္းေၾကာင့္စိတ္ဓါတ္တက္ႂကြေနၿပီး သူသိမ္းပိုက္ထားတဲ့ ကာဂ်ာမာကာ(Cajamarca)ၿမိဳ႕ကေန စစ္သားေလးေသာင္းနဲ႔အတူ သူ႔အစ္ကို႔ကိုဖမ္းဆီးထားရာကိုသြားၿပီး ဧကရာဇ္အျဖစ္ခံယူဖို႔အဆင္သင့္ျဖစ္ေနၿပီ။

အဲဒီအခ်ိန္မွာ ပီဇာ႐ိုနဲ႔ လူ ၁၈၀ ေလာက္ရွိတဲ့စပိန္သေဘၤာသားေတြက လက္ေဆာင္ေတြနဲ႔အတူ ေအာင္ပြဲခံ ဧကရာဇ္အတာဟြာပါကိုေတြ႕ခြင့္ေတာင္းတယ္။

ေတြ႕ဖို႔ခ်ိန္းဆိုထားတဲ့ ကြင္းျပင္ပတ္ပတ္လည္မွာေတာ့ လူ ၁၈၀ ေသာ စပိန္တပ္ေတြက အေျမာက္ေတြအပါအဝင္၊ ျမင္းတပ္၊ ေသနတ္တပ္ေတြနဲ႔အသင့္အေနအထားနဲ႔ေစာင့္ေနခဲ့တယ္။

ေထာင္ေပါင္းမ်ားစြာေသာ လက္နက္မဲ့အၿခံအရံေတြနဲ႔ အတူ အတာဟြာပါေရာက္လာခဲ့တယ္။ ေလာေလာလတ္လတ္ေအာင္ပြဲႀကီးလဲရထား၊ လူေသာင္းဂဏန္းရွိတဲ့စစ္တပ္ကိုလဲပိုင္ဆိုင္ထားတဲ့ အတာဟြာပါက လူေလး ၁၈၀ ေလာက္ပါတဲ့စပိန္တပ္ေတြကို ေလွ်ာ့တြက္ထားခဲ့မိလိုက္ပုံပါပဲ။ ပီဇာ႐ိုနဲ႔ အတာဟြာပါေတြ႕ခ်ိန္မွာ ပီဇာ႐ိုနဲ႔ပါလာတဲ့ ခရစ္ယာန္ဘုန္းႀကီးကသမၼာက်မ္းစာစာအုပ္ကိုထိုးေပးၿပီး ခရစ္ယာန္ဘာသာနဲ႔ စပိန္ဘုရင္မင္းျမတ္ကိုလက္ခံဖို႔ အတာဟြာပါကိုဖိအားေပးတယ္။ အတာဟြာပါက ျငင္းလိုက္ၿပီးသူ႔ကိုအတင္းထိုးေပးတဲ့သမၼာက်မ္းစာကိုပုတ္ခ်လိုက္ခ်ိန္မွာပဲ ပီဇာ႐ိုကသူ႔တပ္ေတြကိုတိုက္ဖို႔အမိန႔္ေပးလိုက္ၿပီး အေျမာက္ေတြ၊ေသနတ္ေတြနဲ႔တရၾကမ္းပစ္ခတ္သတ္ျဖတ္ၾကေတာ့တယ္။ ထြက္ေျပးဖို႔ႀကိဳးစားၾကသူေတြကိုလဲ ျမင္းတပ္နဲ႔လိုက္လံရွင္းလင္းသုတ္သင္တယ္။

ေသနတ္မျမင္ဘူးတဲ့၊ လက္နက္မပါသ‌ေလာက္ျဖစ္တဲ့ ဧကရာဇ္ရဲ႕ေနာက္လိုက္ေတြအကုန္ဝ႐ုန္းသုန္းကားေသြးပ်က္ကုန္ၿပီး၊ အတုံးအ႐ုံးက်ဆုံးကုန္ၾကတယ္။ ဧကရာဇ္ အတာဟြာပါကိုယ္တိုင္လဲအဖမ္းခံလိုက္ရတယ္။

အမွန္ကေတာ့ ဘာသာေရးဆိုတာက စပိန္ေတြအတြက္နယ္ခ်ဲ႕ခ်င္လို႔အေၾကာင္းျပခ်က္ရွာ႐ုံသက္သက္ပါ။ ျမန္မာျပည္ အဂၤလိပ္-ျမန္မာ တတိယက်ဴးေက်ာ္စစ္မွာတုန္းကဒီလိုပဲ သစ္လုံးကိစၥကိုအေၾကာင္းျပၿပီး အဂၤလိပ္ကအႏိုင္က်င့္တိိုက္ခိုက္သိမ္းပိုက္သြားတာပါပဲ။

ရန္စခ်င္တဲ့သူဆိုတာက အေၾကာင္းျပခ်က္တစ္ခုခုေပးၿပီး ရန္ရွာၾကတာ ထုံးစံပဲမဟုတ္လား။

စပိန္ေတြက အတာဟြာပါ ကိုသူ႔အစ္ကိုနဲ႔ဘယ္သူကပိုေကာင္းတဲ့ဧကရာဇ္ျဖစ္မလဲဆိုတာၾကည့္ရမယ္လို႔ဆိုတဲ့အတြက္ အတာဟြာပါကစိတ္ခ်ရေအာင္ သူ႔လူေတြကို ဖမ္းထားတဲ့ဟြာစကာ ကိုေရခ်ၿပီးကြပ္ျမက္ေစခဲ့တယ္။ ၿပီးေတာ့ သူ႔ကိုျပန္လႊတ္ေပးရင္ ခန္းမတစ္ခုလုံးအျပည့္ေ႐ႊေတြေငြေတြျဖည့္ေပးမယ္လို႔လဲ စပိန္ေတြကိုကမ္းလွမ္းလိုက္တယ္။ ပီဇာ႐ိုက အတာဟြာပါရဲ႕ေတာင္းဆိုခ်က္ကိုလက္ခံၿပီး တစ္ႏိုင္ငံလုံးကေ႐ႊေတြ၊ေငြေတြသူ႔ဆီေရာက္လာတာကို အကုန္သိမ္းႀကဳံးယူေနခဲ့တယ္။

ေ႐ႊေငြေတြအကုန္ရၿပီဆိုေတာ့မွ သူ႔အစ္ကိုကိုသတ္မႈ၊ စပိန္ဘုရင္ကိုပုန္ကန္မႈနဲ႔ တစ္ျခားေသးေသးမႊားမႊားအမႈေလးေတြတပ္၊ မတရားတဲ့ တရားခြင္တစ္ခုစီရင္ၿပီး ဧကရာဇ္ျဖစ္ခါစ အတာဟြာပါကို ႀကိဳးဆြဲခ်ၿပီးေသဒဏ္ေပးလိုက္ပါေတာ့တယ္။

အဲဒီေနာက္ေတာ့ ပီဇာ႐ိုက ေနာက္ထပ္စစ္ကူေရာက္လာတဲ့ စပိန္တပ္ေတြနဲ႔အတူ ၿမိဳ႕ေတာ္ ကက္စ္ကို ကိုလြယ္လြယ္ကူကူပဲသိမ္းပိုက္လိုက္တယ္။ သူ႔ကိုယ္သူ အင္ကာႏိုင္ငံေတာ္ရဲ႕ စပိန္အုပ္ခ်ဳပ္သူအျဖစ္ေၾကျငာလိုက္ၿပီး သူနဲ႔အတူ လုပ္ေဖာ္ကိုင္ဖက္စစ္သားတစ္ေယာက္ျဖစ္တဲ့ ဒီယက္ဂို အယ္မာဂ႐ို(Diego Almagro) ကိုေတာ့ ခ်ီလီႏိုင္ငံပိုင္းကိုယူေစတယ္။

ဆင္းရဲမြဲေတလြန္းတဲ့ ခ်ီလီႏိုင္ငံကေနဘာမွမရႏိုင္တဲ့အတြက္ အယ္မာဂ႐ိုက ပီဇာ႐ိုဆီကေန သူရထားတဲ့အေတာမသတ္မ်ားျပားလြန္းတဲ့ေ႐ႊ၊ေငြတစ္ခ်ိဳ႕ကိုေဝစုခြဲေပးဖို႔ေတာင္းဆိုရာကေန အေဝမတည့္လို႔ သူတို႔ႏွစ္ေယာက္စစ္ျဖစ္ၾကျပန္တယ္။ အယ္မာဂ႐ိုရႈံးနိမ့္သြားၿပီး ေသဒဏ္ေပးခံရတယ္။

၁၅၄၁ ခုႏွစ္မွာေတာ့ အယ္မာဂ႐ိုရဲ႕သားရဲ႕မိတ္ေဆြေတြက ပီဇာ႐ိုရဲ႕နန္းေတာ္ကိုထိုးေဖာက္ဝင္ေရာက္ၿပီး ညစာစားေနတဲ့ ပီဇာ႐ိုကိုလုပ္ႀကံသတ္ျဖတ္လိုက္ၾကတယ္။

ဒီလိုနဲ႔ ပီဇာ႐ိုေသသြားေပမယ့္ အင္ကာႏိုင္ငံကေတာ့ စပိန္ေတြရဲ႕ ဆက္လက္ကြၽန္ျပဳျခင္းခံရၿမဲပါပဲ။

ဒီအခ်ိန္ျမန္မာျပည္မွာ ေတာင္ငူဘုရင္တပင္ေ႐ႊထီးက ပဲခူးကိုသိမ္းပိုက္ၿပီးထီးနန္းကိုပဲခူးကို ေ႐ႊ႕ေနၿပီ။ တပင္ေ႐ႊထီးေနာက္ ဘုရင့္ေနာင္လက္ထက္မွာေတာ့ ျမန္မာႏိုင္ငံက ၁၆ ရာစုအေရွ႕ေတာင္အာရွမွာ အႀကီးမားအက်ယ္ျပန႔္ဆုံး၊ အႂကြယ္ဝဆုံးဧကရာဇ္ႏိုင္ငံေတာ္ႀကီးအျဖစ္ ခံ့ခံ့ညားညားေပၚထြက္လာေတာ့တယ္။

ဧကရာဇ္ႏိုင္ငံျဖစ္ခဲ့တဲ့ အင္ကာႏိုင္ငံေတာ္ႀကီးဟာ အင္အားေတြျပဳန္းတီးသြားေစတဲ့ျပည္တြင္းစစ္၊ ကမာၻကိုေလ့လာမႈအားနည္းခဲ့လို႔ နိမ့္က်တဲ့လက္နက္တပ္ဆင္မႈ၊ ရန္သူစပိန္ေတြကိုအထင္ေသးမႈေတြနဲ႔အတူ ေလွ်ာက်ပ်က္စီးသြားခ်ိန္မွာေတာ့ ဘုရင့္ေနာင္မင္းတရားႀကီးက သစၥာခံေတြကို သစၥာၿမဲေစတဲ့ သေဘာထားႀကီးျမတ္မႈ၊ ေပၚတူဂီေၾကးစားစစ္သားေတြကိုေတာင္ငွားၿပီးစစ္တိုက္ခိုင္းႏိုင္ေလာက္တဲ့အျမင္က်ယ္မႈ၊ ေခတ္နဲ႔ေလ်ာ္ညီတဲ့လက္နက္တပ္ဆင္မႈ၊ ကိုယ္တိုင္အရည္အေသြးျပည့္ဝမႈေတြနဲ႔အတူ ထိုင္း၊လာအို၊ မဏိပူရ္စတဲ့ေဒသတြင္းႏိုင္ငံေတြကိုပါသိမ္းသြင္းၿပီး စၾကဝေတးမင္းအျဖစ္ ျမန္မာႏိုင္ငံေတာ္ႀကီးကိုအုပ္စိုးႏိုင္ခဲ့တယ္။ ထိုင္းႏိုင္ငံသားေတြကဆို ဘုရင့္ေနာင္မင္းတရားႀကီးကို အရပ္ဆယ္မ်က္ႏွာကိုေအာင္ျမင္တဲ့ဘုရင္မင္းျမတ္ႀကီးအျဖစ္ အသိအမွတ္ျပဳျမတ္ႏိုးခဲ့ၾကတယ္လို႔ဆိုတယ္။

ေခတ္ကိုမ်က္ေျခမျပတ္ပဲ အျမင္က်ယ္က်ယ္နဲ႔ စြမ္းေဆာင္ရည္ကိုအေကာင္းဆုံးျမႇင့္တင္ႏိုင္သူ၊ တိုင္းသူျပည္သားကိုခ်စ္ျမတ္ႏိုးသူ၊ စည္း႐ုံးေရးဆက္ဆံေရးေကာင္းမြန္သူေခါင္းေဆာင္ေတြက ႏိုင္ငံတစ္ခုရဲ႕ကံၾကမၼာကို အေကာင္းဘက္ေရာက္ေအာင္ အဆုံးအျဖတ္ေပးၾကတာပါပဲ။

#ေမာင္ဇိ

#MaungZiTales #history #MaungZi #သမိုင္းပုံျပင္

တူရာသီခွင် (Libra) သင်္ကေတ ချိန်ခွင်၏ဇာစ်မြစ်

တူရာသီခွင် (Libra) သင်္ကေတ ချိန်ခွင်၏ဇာစ်မြစ်
***********************************
တူရာသီခွင် Libra ရဲ့ အမှတ်တံဆိပ်ဖြစ်တဲ့ ချိန်ခွင်ပုံ နက္ခတ်က ကန်ရာသီနက္ခတ်နဲ့ ဗြိစ္ဆာရာသီနက္ခတ်တွေကြားမှာရှိနေပြီး သူ့ကိုဗြိစ္ဆာရဲ့ကင်းမြီးကောက်ပုံက ကင်းမြီးကောက်လက်သည်းလို့လဲ ရှေးကခေါ်ခဲ့ကြဖူးတယ်။ တစ်ချိန်ထဲမှာပဲ ဂရိဒဏ္ဍာရီရဲ့အဆိုအရ ကန်ရာသီနက္ခတ်နဲ့ တူရာသီနက္ခတ်တို့ဟာ တစ်ခုနဲ့တစ်ခုနီးနီးကပ်ကပ် ဆက်နွယ်ပက်သက်နေတယ်လို့ဆိုတယ်။

၁၂ ရာသီခွင်ထဲမှာ လူနဲ့တိရစ္ဆာန်ကိုကိုယ်စားမပြုတဲ့တစ်ခုတည်းသောနက္ခတ်ဖြစ်သူ တူရာသီခွင်ကိုကိုယ်စားပြုတဲ့အရာက တရားမျှတမှုနဲ့ ဟန်ချက်ညီမှုကိုဖော်ပြတဲ့ ချိန်ခွင်ပုံပါ။

ဘေဘီလုံဒဏ္ဍာရီလာ တူရာသီ၏သင်္ကေတ
********************************
ဘေဘီလုံခေတ်က ဒဏ္ဍာရီတွေမှာ တူရာသီရဲ့သင်္ကေတ ချိန်ခွင်တစ်စုံက နေနတ်ဘုရား Shamash (ဆူမီးရီးရန်း နေနတ်ဘုရား Utu) ရဲ့ အမှတ်တံဆိပ်အဖြစ်အထွတ်အမြတ်ထားရာဖြစ်တယ်။ နေနတ်ဘုရား Shamash  က အမှန်တရားနဲ့ တရားမျှတမှုကို စောင့်ရှောက်တဲ့နတ်ဘုရားလဲဖြစ်ပါသတဲ့။

အီဂျစ်ဒဏ္ဍာရီလာ တူရာသီ၏သင်္ကေတ
*****************************
ရှေးခေတ်အီဂျစ်ပြည်မှာ ယုံကြည်ခဲ့ကြတာ ဒီလို။
လူတစ်ယောက်သေသွားရင် သေသူရဲ့နှလုံးသားကို တရားမျှတမှုကို‌စောင့်ရှောက်တဲ့ နတ်ဘုရားမ Ma'at ရဲ့ ချိန်ခွင်တစ်ဖက်ပေါ်တင်ပြီး တစ်ခြားတစ်ဖက်မှာတော့ ငှက်ကုလားအုပ်တစ်ကောင်ရဲ့ အမွေးတစ်ချောင်းကိုတင်၊ သေသူရဲ့နှလုံးသားသန့်စင်မှုရှိမရှိ ချိန်တွယ်ဆန်းစစ်တယ်လို့ဆိုတယ်။
Ma'at ရဲ့ငှက်ကုလားအုပ်မွေးကိုတော့ Feather of Ma'at လို့ခေါ်ကြတယ်။
 အကုသိုလ်တွေနဲ့ပြည့်နေတဲ့နှလုံးသားက ငှက်ကုလားအုပ်မွေးထက်လေးလံမှာဖြစ်လို့ အဲဒီအခါကျရင် သေသူဟာမကောင်းဆိုးဝါးမိစ္ဆာကောင်ကြီး Ammit ရဲ့ဝါးမျိုစားသောက်ခြင်းကိုခံရမှာဖြစ်တယ်။
အကယ်၍နှလုံးသားက ငှက်မွေးထက်ပေါ့ပါးခဲ့ရင်တော့ နတ်ဘုရား Osiris ရဲ့ မြေအောက်ကမ္ဘာမှာ ပျော်ရွှင်အေးချမ်းစွာနေထိုင်ခွင့်ရမှာပါတယ်တဲ့။ ကွယ်လွန်သူရဲ့နှလုံးသားကို Ma'at ရဲ့ ကုလားအုတ်မွေးနဲ့ချိန်ခွင်ပေါ်မှာချိန်စက်ခြင်းကိုတော့ နတ်ဘုရား Osiris ရဲ့လက်ရုံးတစ်ဆူဖြစ်တဲ့ ဝံပုလွေခေါင်း (သို့) ခွေးအ ခေါင်းနဲ့လူကိုယ်ရှိတဲ့ Anubis ကဆောင်ရွက်ပါတယ်။ Anubis ဟာဖြောင့်မတ်ပြီး အကြင်နာတရားကင်းမဲ့တဲ့တရားသူကြီးတစ်ယောက်ဖြစ်ပါတယ်တဲ့။
အီဂျစ်ဒဏ္ဍာရီရဲ့အဆိုအရ တရားမျှတမှုနဲ့ မျှခြေဖြစ်မှုကိုစောင့်ရှောက်တဲ့ Ma'al ရဲ့ချိန်ခွင်က တူရာသီ Libra ရဲ့သင်္ကေတ ချိန်ခွင်ပါပဲ။

ဂရိဒဏ္ဍာရီလာ တူရာသီ၏ သင်္ကေတ (၁)
****************************
ဂရိဒဏ္ဍာရီမှာတော့ တူရာသီက ကန်ရာသီနဲ့ ဆက်စပ်နေပြန်ရော။
ကန်ရာသီကို ကိုယ်စားပြုတဲ့နတ်သမီး Dike (Astraea လို့လဲခေါ်ကြ) ရဲ့ လက်ထဲကချိန်ခွင်ဟာ တူရာသီခွင်ရဲ့နက္ခတ်ဖြစ်ပါသတဲ့။ Dike က လူသားတွေအတွက် တရားမျှတမှုနဲ့တည်ငြိမ်အေးချမ်းမှုကိုလိုလားတဲ့နတ်သမီးတစ်ပါးဖြစ်သလို နတ်ဘုရင် Zeus နဲ့ တိုက်တန်နတ်ဘုရားမတစ်ပါးဖြစ်တဲ့ Themis တို့ကနေရတဲ့သမီးတစ်ယောက်လဲဖြစ်တယ်။ သူ့မိခင် Themis ကိုယ်တိုင်ကလဲ တရားမျှတမှုကိုစောင့်ရှောက်တဲ့နတ်ဘုရားမတစ်ပါးဖြစ်လို့ တူရာသီရဲ့ ချိန်ခွင်ဟာThemis ရဲ့ချိန်ခွင်ကို ကိုယ်စားပြုတယ်လို့လဲ ဆိုသူတွေကဆိုတယ်။
Dike ကိုမျက်လုံးမှာအဝတ်စည်းထားပြီး လက်တစ်ဖက်မှာချိန်ခွင်၊ တစ်ဖက်မှာဓါးကိုင်ထားတဲ့ပုံနဲ့ပုံဖော်လေ့ရှိကြပါတယ်တဲ့။ Dike အကြောင်း အသေးစိတ်က ကန်ရာသီအကြောင်းမှာရေးထားပြီးဖြစ်လို့ ဒီမှာထပ်မရေးတော့ပါဘူး။
ဒီတော့ နတ်သမီး Dike က ကန်ရာသီကိုကိုယ်စားပြုပြီး သူ့ရဲ့ချိန်ခွင်ကတော့ တူရာသီကိုကိုယ်စားပြုတယ်လို့ပြောရမှာပါ။

ဂရိဒဏ္ဍာရီလာ တူရာသီ၏ သင်္ကေတ(၂)
*****************************
နောက်ထပ် ဂရိဒဏ္ဍာရီတစ်ခုမှာတော့ တူရာသီခွင် libra ရဲ့သင်္ကေတက မြေအောက်ကမ္ဘာရဲ့ဘုရင် Hades ရဲ့ ရွှေရောင်စစ်လှည်းကိုကိုယ်စားပြုတယ်လို့ဆိုထားတယ်။
မြင်းနက်လေးကောင် က တဲ့ Hades ရဲ့ရွှေရောင်စစ်လှည်းက လှပတဲ့ Persephone ကို မြေအောက်ကမ္ဘာကိုအတင်းအဓမ္မဆောင်ယူသွားခဲ့ချိန်မှာ သုံးခဲ့တာပါ။
လုံမပျို Persephone ကို ချစ်ခင်နှစ်သက်တဲ့ Hades က သူ့ကိုမိဖုရားအဖြစ်လိုချင်တာနဲ့ပဲ ကမ္ဘာမြေပေါ်မှာပန်းတွေကြည့်နေဆဲ Persephone ကို မြေအောက်ကနေ စစ်လှည်းနဲ့တိုးထွက်လာပြီး ရထားတင်ပြေးသွားခဲ့တယ်။
Persephone ရဲ့ သမီးပျောက်မိခင်ဖြစ်သူ ကောက်ပဲသီးနှံတို့ရဲ့နတ်ဘုရားမ Demeter မှာရောက်နေတဲ့ ကြီးမားတဲ့ပူဆွေးသောကကြောင့် နတ်ဘုရင် Zeus ကသူ့အစ်ကိုဖြစ်သူ Hades  နဲ့ညှိနှိုင်းပြီး Persephone ကိုမြေပေါ်ကမ္ဘာကိုပြန်ခေါ်ဆောင်လာစေခဲ့ပါတယ်။ ဒါပေမယ့်လဲမြေအောက်ကမ္ဘာမှာစားခဲ့မိတဲ့ သလဲသီးစေ့ ၆ စေ့ကြောင့် Persephone ဟာ မြေပေါ်နဲ့မြေ‌အောက်ကမ္ဘာကို နှစ်စဥ်၆ လစီအညီအမျှပိုင်းပြီး တစ်လှည့်စီနေထိုင်သွားခဲ့ရပါသတဲ့။
ဒီဇာတ်လမ်းမှာပါတဲ့ Hades ရဲ့မြင်းနက်ကြီး ၄ ကောင်ဆွဲတဲ့ ရွှေစစ်ရထားက တူရာသီရဲ့သင်္ကေတကိုကိုယ်စားပြုပါတယ်လို့ တစ်ချို့ဂရိဒဏ္ဍာရီက ဆိုတယ်။

အပေါ်မှာရေးခဲ့တဲ့ ဘေဘီလုံ၊အီဂျစ်၊ ဂရိဒဏ္ဍာရီနောက်ခံ ဇာတ်လမ်းလေးတွေက တူရာသီခွင်ရဲ့သင်္ကေတနဲ့ပက်သက်လို့ အပြောများ၊ အရေးများကြတဲ့ နောက်ခံဒဏ္ဍာရီလေးတွေပါ။ အင်တာနက်မှာ ရှာလို့ရသလောက်စုဆောင်းပြီး လိုတာတွေရွေးထုတ်ရေးထားတာမို့ ကျန်ခဲ့တဲ့ဇာတ်လမ်းတွေလဲရှိကောင်းရှိပါလိမ့်မယ်။ ဒါပေမယ့် အပေါ်ကဇာတ်လမ်းတွေကတော့ အပြောအများဆုံး၊ အသိအများဆုံး နောက်ခံဇာတ်လမ်းလေးတွေပဲဖြစ်ပါတယ်။

မောင်ဇိ
#ရာသီခွင်ဇာတ်လမ်း #မောင်ဇိ #မောင်ဇိ၏ပုံပြင်များ #တူရာသီ #MaungZi #MaungZitales #Myth #Mythology #Horoscope #Libra
====================================================================

တူရာသီခြင္ (Libra) သေကၤတ ခ်ိန္ခြင္၏ဇာစ္ျမစ္
***********************************
တူရာသီခြင္ Libra ရဲ႕ အမွတ္တံဆိပ္ျဖစ္တဲ့ ခ်ိန္ခြင္ပုံ နကၡတ္က ကန္ရာသီနကၡတ္နဲ႔ ၿဗိစာၦရာသီနကၡတ္ေတြၾကားမွာရွိေနၿပီး သူ႔ကိုၿဗိစာၦရဲ႕ကင္းၿမီးေကာက္ပုံက ကင္းၿမီးေကာက္လက္သည္းလို႔လဲ ေရွးကေခၚခဲ့ၾကဖူးတယ္။ တစ္ခ်ိန္ထဲမွာပဲ ဂရိဒ႑ာရီရဲ႕အဆိုအရ ကန္ရာသီနကၡတ္နဲ႔ တူရာသီနကၡတ္တို႔ဟာ တစ္ခုနဲ႔တစ္ခုနီးနီးကပ္ကပ္ ဆက္ႏြယ္ပက္သက္ေနတယ္လို႔ဆိုတယ္။

၁၂ ရာသီခြင္ထဲမွာ လူနဲ႔တိရစာၦန္ကိုကိုယ္စားမျပဳတဲ့တစ္ခုတည္းေသာနကၡတ္ျဖစ္သူ တူရာသီခြင္ကိုကိုယ္စားျပဳတဲ့အရာက တရားမွ်တမႈနဲ႔ ဟန္ခ်က္ညီမႈကိုေဖာ္ျပတဲ့ ခ်ိန္ခြင္ပုံပါ။

ေဘဘီလုံဒ႑ာရီလာ တူရာသီ၏သေကၤတ
********************************
ေဘဘီလုံေခတ္က ဒ႑ာရီေတြမွာ တူရာသီရဲ႕သေကၤတ ခ်ိန္ခြင္တစ္စုံက ေနနတ္ဘုရား Shamash (ဆူမီးရီးရန္း ေနနတ္ဘုရား Utu) ရဲ႕ အမွတ္တံဆိပ္အျဖစ္အထြတ္အျမတ္ထားရာျဖစ္တယ္။ ေနနတ္ဘုရား Shamash  က အမွန္တရားနဲ႔ တရားမွ်တမႈကို ေစာင့္ေရွာက္တဲ့နတ္ဘုရားလဲျဖစ္ပါသတဲ့။

အီဂ်စ္ဒ႑ာရီလာ တူရာသီ၏သေကၤတ
*****************************
ေရွးေခတ္အီဂ်စ္ျပည္မွာ ယုံၾကည္ခဲ့ၾကတာ ဒီလို။
လူတစ္ေယာက္ေသသြားရင္ ေသသူရဲ႕ႏွလုံးသားကို တရားမွ်တမႈကို‌ေစာင့္ေရွာက္တဲ့ နတ္ဘုရားမ Ma'at ရဲ႕ ခ်ိန္ခြင္တစ္ဖက္ေပၚတင္ၿပီး တစ္ျခားတစ္ဖက္မွာေတာ့ ငွက္ကုလားအုပ္တစ္ေကာင္ရဲ႕ အေမြးတစ္ေခ်ာင္းကိုတင္၊ ေသသူရဲ႕ႏွလုံးသားသန႔္စင္မႈရွိမရွိ ခ်ိန္တြယ္ဆန္းစစ္တယ္လို႔ဆိုတယ္။
Ma'at ရဲ႕ငွက္ကုလားအုပ္ေမြးကိုေတာ့ Feather of Ma'at လို႔ေခၚၾကတယ္။
 အကုသိုလ္ေတြနဲ႔ျပည့္ေနတဲ့ႏွလုံးသားက ငွက္ကုလားအုပ္ေမြးထက္ေလးလံမွာျဖစ္လို႔ အဲဒီအခါက်ရင္ ေသသူဟာမေကာင္းဆိုးဝါးမိစာၦေကာင္ႀကီး Ammit ရဲ႕ဝါးမ်ိဳစားေသာက္ျခင္းကိုခံရမွာျဖစ္တယ္။
အကယ္၍ႏွလုံးသားက ငွက္ေမြးထက္ေပါ့ပါးခဲ့ရင္ေတာ့ နတ္ဘုရား Osiris ရဲ႕ ေျမေအာက္ကမာၻမွာ ေပ်ာ္႐ႊင္ေအးခ်မ္းစြာေနထိုင္ခြင့္ရမွာပါတယ္တဲ့။ ကြယ္လြန္သူရဲ႕ႏွလုံးသားကို Ma'at ရဲ႕ ကုလားအုတ္ေမြးနဲ႔ခ်ိန္ခြင္ေပၚမွာခ်ိန္စက္ျခင္းကိုေတာ့ နတ္ဘုရား Osiris ရဲ႕လက္႐ုံးတစ္ဆူျဖစ္တဲ့ ဝံပုေလြေခါင္း (သို႔) ေခြးအ ေခါင္းနဲ႔လူကိုယ္ရွိတဲ့ Anubis ကေဆာင္႐ြက္ပါတယ္။ Anubis ဟာေျဖာင့္မတ္ၿပီး အၾကင္နာတရားကင္းမဲ့တဲ့တရားသူႀကီးတစ္ေယာက္ျဖစ္ပါတယ္တဲ့။
အီဂ်စ္ဒ႑ာရီရဲ႕အဆိုအရ တရားမွ်တမႈနဲ႔ မွ်ေျချဖစ္မႈကိုေစာင့္ေရွာက္တဲ့ Ma'al ရဲ႕ခ်ိန္ခြင္က တူရာသီ Libra ရဲ႕သေကၤတ ခ်ိန္ခြင္ပါပဲ။

ဂရိဒ႑ာရီလာ တူရာသီ၏ သေကၤတ (၁)
****************************
ဂရိဒ႑ာရီမွာေတာ့ တူရာသီက ကန္ရာသီနဲ႔ ဆက္စပ္ေနျပန္ေရာ။
ကန္ရာသီကို ကိုယ္စားျပဳတဲ့နတ္သမီး Dike (Astraea လို႔လဲေခၚၾက) ရဲ႕ လက္ထဲကခ်ိန္ခြင္ဟာ တူရာသီခြင္ရဲ႕နကၡတ္ျဖစ္ပါသတဲ့။ Dike က လူသားေတြအတြက္ တရားမွ်တမႈနဲ႔တည္ၿငိမ္ေအးခ်မ္းမႈကိုလိုလားတဲ့နတ္သမီးတစ္ပါးျဖစ္သလို နတ္ဘုရင္ Zeus နဲ႔ တိုက္တန္နတ္ဘုရားမတစ္ပါးျဖစ္တဲ့ Themis တို႔ကေနရတဲ့သမီးတစ္ေယာက္လဲျဖစ္တယ္။ သူ႔မိခင္ Themis ကိုယ္တိုင္ကလဲ တရားမွ်တမႈကိုေစာင့္ေရွာက္တဲ့နတ္ဘုရားမတစ္ပါးျဖစ္လို႔ တူရာသီရဲ႕ ခ်ိန္ခြင္ဟာThemis ရဲ႕ခ်ိန္ခြင္ကို ကိုယ္စားျပဳတယ္လို႔လဲ ဆိုသူေတြကဆိုတယ္။
Dike ကိုမ်က္လုံးမွာအဝတ္စည္းထားၿပီး လက္တစ္ဖက္မွာခ်ိန္ခြင္၊ တစ္ဖက္မွာဓါးကိုင္ထားတဲ့ပုံနဲ႔ပုံေဖာ္ေလ့ရွိၾကပါတယ္တဲ့။ Dike အေၾကာင္း အေသးစိတ္က ကန္ရာသီအေၾကာင္းမွာေရးထားၿပီးျဖစ္လို႔ ဒီမွာထပ္မေရးေတာ့ပါဘူး။
ဒီေတာ့ နတ္သမီး Dike က ကန္ရာသီကိုကိုယ္စားျပဳၿပီး သူ႔ရဲ႕ခ်ိန္ခြင္ကေတာ့ တူရာသီကိုကိုယ္စားျပဳတယ္လို႔ေျပာရမွာပါ။

ဂရိဒ႑ာရီလာ တူရာသီ၏ သေကၤတ(၂)
*****************************
ေနာက္ထပ္ ဂရိဒ႑ာရီတစ္ခုမွာေတာ့ တူရာသီခြင္ libra ရဲ႕သေကၤတက ေျမေအာက္ကမာၻရဲ႕ဘုရင္ Hades ရဲ႕ ေ႐ႊေရာင္စစ္လွည္းကိုကိုယ္စားျပဳတယ္လို႔ဆိုထားတယ္။
ျမင္းနက္ေလးေကာင္ က တဲ့ Hades ရဲ႕ေ႐ႊေရာင္စစ္လွည္းက လွပတဲ့ Persephone ကို ေျမေအာက္ကမာၻကိုအတင္းအဓမၼေဆာင္ယူသြားခဲ့ခ်ိန္မွာ သုံးခဲ့တာပါ။
လုံမပ်ိဳ Persephone ကို ခ်စ္ခင္ႏွစ္သက္တဲ့ Hades က သူ႔ကိုမိဖုရားအျဖစ္လိုခ်င္တာနဲ႔ပဲ ကမာၻေျမေပၚမွာပန္းေတြၾကည့္ေနဆဲ Persephone ကို ေျမေအာက္ကေန စစ္လွည္းနဲ႔တိုးထြက္လာၿပီး ရထားတင္ေျပးသြားခဲ့တယ္။
Persephone ရဲ႕ သမီးေပ်ာက္မိခင္ျဖစ္သူ ေကာက္ပဲသီးႏွံတို႔ရဲ႕နတ္ဘုရားမ Demeter မွာေရာက္ေနတဲ့ ႀကီးမားတဲ့ပူေဆြးေသာကေၾကာင့္ နတ္ဘုရင္ Zeus ကသူ႔အစ္ကိုျဖစ္သူ Hades  နဲ႔ညႇိႏႈိင္းၿပီး Persephone ကိုေျမေပၚကမာၻကိုျပန္ေခၚေဆာင္လာေစခဲ့ပါတယ္။ ဒါေပမယ့္လဲေျမေအာက္ကမာၻမွာစားခဲ့မိတဲ့ သလဲသီးေစ့ ၆ ေစ့ေၾကာင့္ Persephone ဟာ ေျမေပၚနဲ႔ေျမ‌ေအာက္ကမာၻကို ႏွစ္စဥ္၆ လစီအညီအမွ်ပိုင္းၿပီး တစ္လွည့္စီေနထိုင္သြားခဲ့ရပါသတဲ့။
ဒီဇာတ္လမ္းမွာပါတဲ့ Hades ရဲ႕ျမင္းနက္ႀကီး ၄ ေကာင္ဆြဲတဲ့ ေ႐ႊစစ္ရထားက တူရာသီရဲ႕သေကၤတကိုကိုယ္စားျပဳပါတယ္လို႔ တစ္ခ်ိဳ႕ဂရိဒ႑ာရီက ဆိုတယ္။

အေပၚမွာေရးခဲ့တဲ့ ေဘဘီလုံ၊အီဂ်စ္၊ ဂရိဒ႑ာရီေနာက္ခံ ဇာတ္လမ္းေလးေတြက တူရာသီခြင္ရဲ႕သေကၤတနဲ႔ပက္သက္လို႔ အေျပာမ်ား၊ အေရးမ်ားၾကတဲ့ ေနာက္ခံဒ႑ာရီေလးေတြပါ။ အင္တာနက္မွာ ရွာလို႔ရသေလာက္စုေဆာင္းၿပီး လိုတာေတြေ႐ြးထုတ္ေရးထားတာမို႔ က်န္ခဲ့တဲ့ဇာတ္လမ္းေတြလဲရွိေကာင္းရွိပါလိမ့္မယ္။ ဒါေပမယ့္ အေပၚကဇာတ္လမ္းေတြကေတာ့ အေျပာအမ်ားဆုံး၊ အသိအမ်ားဆုံး ေနာက္ခံဇာတ္လမ္းေလးေတြပဲျဖစ္ပါတယ္။

ေမာင္ဇိ
#ရာသီခြင္ဇာတ္လမ္း #ေမာင္ဇိ #ေမာင္ဇိ၏ပုံျပင္မ်ား #တူရာသီ #MaungZi #MaungZitales #Myth #Mythology #Horoscope #Libra

ကမ္ဘာမပျက်သောနေ့

ကမ္ဘာမပျက်သောနေ့
***************
ရက်ပေါင်းအနည်းငယ်၊ လပေါင်းအနည်းငယ်အတွင်း ကမ္ဘာပေါ်ကလူသားတွေအားလုံး တစ်ခါထဲမျိုးတုန်းပြီးပျောက်သွားမယ့် အန္တရာယ်မျိုးကိုရုတ်တရက် ကြုံကြပြီဆိုပါစို့။ လူတွေဘယ်လိုတုံ့ပြန်ကြမလဲ။

တစ်ယောက်နဲ့တစ်ယောက်တွေးတာချင်းမတူသလို၊ တုံံ့ပြန်ပုံချင်းကလဲတူမှာတော့မဟုတ်ပါဘူး။ တစ်ချို့က ဘုရားသခင်ကိုတိုင်တည်ဆုတောင်းကြမယ်။ တစ်ချို့က အသက်ရှင်ရပ်တည်ရေးအတွက် တတ်နိုင်သလောက်ခုခံကြမယ်။ တစ်ချို့က မထူးဇာတ်ခင်းပြီးထင်ရာစိုင်းကြမယ်။ တစ်ချို့က ငိုကြွေးပူဆွေးကြမယ်။
တစ်ချို့ကတော့ ကျန်ရှိနေသေးတဲ့အချိန်လေးတွေကို ‌ပျော်ပျော်ရွှင်ရွှင်ပဲ ဖြတ်သန်းဖို့ဆုံးဖြတ်ကြမယ်။
 တစ်ကယ်သာလက်တွေ့ကြုံလာခဲ့ရင်ရော ကျွန်တော်တို့ဘာလုပ်ကြမလဲ။

ကမ္ဘာကြီးတစ်ခုလုံးကလူသားတွေ မျိုးပြုတ်မယ့်ဘေးအန္တရာယ်အကြောင်းတွေရိုက်ထားတဲ့ ရုပ်ရှင်ကားကောင်းတွေ အများကြီးရှိပါတယ်။ ကြည့်ဖူးတဲ့ထဲကမှတ်မှတ်ရရ သဘာဝဘေးအန္တရာယ်နဲ့ ကမ္ဘာပျက်တဲ့အကြောင်းရိုက်ထားတဲ့ 2012 ရုပ်ရှင်၊ ဂြိုဟ်သားတွေ လာကျူးကျော်တဲ့အကြောင်းရိုက်ထားတဲ့ ကားတွေထဲမှာဆိုရင် မြန်မာပြည်မှာလူကြိုက်များတဲ့လူမည်းမင်းသား Will Smith ပါတဲ့ နာမည်ကြီး Independence Day၊ နောက် Tom Cruise ပါတဲ့ ကျွန်တော်သိပ်ကြိုက်တဲ့ Edge of Tomorrow၊ ဆရာ Tom Cruise ပဲ ထပ်သရုပ်ဆောင်ထားတဲ့  The War of the Worlds စသည်ဖြင့်ပေါ့လေ။

ခုတလောကြည့်ဖြစ်တာက The Day the Earth Stood Still ဆိုတဲ့ရုပ်ရှင်။ မင်းသားက နာမည်‌ကျော် Keanu Reeves။ ဗုံးထောင်ခံထားရတဲ့ ဘတ်စ်ကားပေါ်ကလူတွေကိုကယ်တဲ့ Speed ရုပ်ရှင်မှာ စကြိုက်ခဲ့ရတဲ့မင်းသား။ The Day the Earth Stood Still ကိုဟိုတစ်ပိုင်း၊ ဒီတစ်ပိုင်းကြည့်ဖူးပေမယ့် ဒီတစ်ခါမှာ အစကနေ အဆုံးထိထိုင်ကြည့်ဖြစ်သွားတာ။ အက်ရှင်တွေကြိုက်တဲ့သူတွေအတွက်ကတော့ အက်ရှင်ကသိပ်မများသလို၊ အာကာသယာဥ်တွေ၊ လက်နက်ဆန်းတွေလဲ သိပ်မပါ။ ပါတဲ့ စက်ရုပ်တစ်ရုပ်ကတောင် ပုံတုံးလို့စိတ်ဝင်စားဖို့မကောင်း။ ဒါနဲ့ပဲ တော်တော်နဲ့မကြည့်ဖြစ်ရာကနေ ဒီတစ်ခါကြည့်ဖြစ်တော့ သဘောကျမိတယ်။ မှတ်မှတ်ထင်ထင်ခေါင်းထဲမှာတွေးစရာတွေပေးခဲ့တဲ့အခန်းတွေလဲပါတယ်ပေါ့လေ။

ဇာတ်လမ်းက လူသားတွေကြောင့်တဖြည်းဖြည်းပျက်စီးတော့မယ့် ကမ္ဘာမြေကြီးကိုကယ်တင်ဖို့ လူသားDNAသုံးပြီးလူပုံစံဖန်တီးထားတဲ့ဂြိုဟ်သား Klaatu (Keanu Reeves) ကမ္ဘာမြေပေါ်ကို ကမ္ဘာလုံးပုံစံယာဥ်ကြီးနဲ့ရောက်လာတာကစတယ်။
သူ့ရည်ရွယ်ရင်းက ကမ္ဘာ့ခေါင်းဆောင်တွေအားလုံးကိုစုပြီး ကမ္ဘာကြီးပျက်စီးမယ့်အန္တရာယ်အကြောင်းသတိပေး၊ ပြောင်းလဲမှုတွေလုပ်ရအောင်ပြောဖို့ဖြစ်ပေမယ့် အမေရိကန်အစိုးရရဲ့ သူ့အပေါ်မယုံကြည်မှုနဲ့ရန်လိုမှု၊ လူသားတွေရဲ့ငါတကောကောမှု၊ ရန်သတ္တုပြုလိုစိတ်ရှိမှုနဲ့ ပြောင်းလဲချင်စိတ်နည်းပါးမှုတွေကိုတွေ့ရ သိရပြီးတဲ့နောက် မူလအစီအစဥ်ထဲကတစ်ခုဖြစ်တဲ့ လူသားတွေကိုဖျက်စီးပစ်လိုက်ဖို့ပဲဆုံးဖြတ်ပြီး ထိတွေ့သမျှအရာမှန်သမျှကိုဝါးမျိုပစ်ရုံသာမက အဲလိုဝါးမျိုပစ်ပြီးတိုင်းလဲ ပိိုပိုအရွယ်အစားကြီးမားလာတဲ့ စက်ရုပ်ပိုးကောင်အုပ် (Nanomite) ကြီးကို အရာရာကိုဖျက်စီးဖို့ စတင်စေခဲ့လိုက်တယ်။

လုံခြုံရာမှာကိုယ်စီပုန်းအောင်းနေတဲ့ အမေရိကန်သမ္မတနဲ့ဒုသမ္မတတို့ကိုကိုယ်စားပြုပြီး အလုပ်လုပ်ပေးနေတဲ့ ကာကွယ်ရေးဦးစီးချုပ်အမျိုးသမီး Regina Jackson ပြောခဲ့တဲ့စကားတွေကလဲ တော်တော်မှန်ပါတယ်။ သူ့လူတွေက ဂြိုဟ်သားကို သူပြောတဲ့အတိုင်း ကမ္ဘာခေါင်းဆောင်တွေနဲ့တွေ့ပေးဖို့အကြံပေးတဲ့အခါ " သမိုင်းကနေငါတို့ သင်ခန်းစာတွေအများကြီးရခဲ့ပြီးပြီ။  ယဥ်ကျေးမှုနဲ့နေထိုင်မှုပုံစံမတူခြားနားတဲ့လူ့အဖွဲ့အစည်းနှစ်ခု ပထမဆုံးအကြိမ် စပြီးထိတွေ့ကြပြီးတိုင်း နည်းပညာပိုမြင့်တဲ့လူမျိုးက ‌နောက်လူမျိုးကို မျိုးဖြုတ်ရင်ဖြုတ်၊ မဖြုတ်ရင်ကျွန်ပြုလိုက်တာပဲ။
Pizarro (စပိန်လူမျိုး) နဲ့ Inca Empire (အင်ကာနိုင်ငံတော်)၊ Columbus နဲ့ အမေရိကတိုက်၊ နောက်ထပ်ဥပမာတွေအများကြီး ရှိသေးတယ်။ အခုကိစ္စမှာတော့ ငါတို့က နည်းပညာနိမ့်တဲ့သူတွေဖြစ်နေလို့ ဒီဂြိုဟ်သားရဲ့အစီအစဥ်တွေကို မရရအောင်စစ်ပြီးတားဆီးမှဖြစ်မယ်" လို့ အဓိပ္ပါယ်ရတဲ့ စကားတွေပြန်ပြောတယ်။

Pizarro က စပိန်ကနေသေနတ်၊အမြောက်တွေတပ်ဆင်ထားတဲ့ လူ၁၈၀လောက်နဲ့ထွက်လာပြီး အဲဒီအချိန်ကကြွယ်ဝချမ်းသာတဲ့၊ တောင်အမေရိကတိုက်က Inca Empire ဘုရင်ကိုတွေ့၊ နောက်တော့ဖမ်းသတ်လိုက်ပြီး Inca တစ်နိုင်ငံလုံးကို သိမ်းပိုက်လိုက်တာပါ။ Columbus တို့အမေရိကတိုက်ကိုရောက်လာပြီး ဒေသခံ Native Indian တွေကိုတဖြည်းဖြည်းတိုက်ခိုက်နယ်ချဲ့ပြီး အမေရိကတိုက်ကိုလူဖြူစိုးမိုးတဲ့နေရာဖြစ်အောင်လုပ်ခဲ့တာတော့ လူတိုင်းသိပြီးသားဖြစ်ပါလိမ့်မယ်။ ကျွန်တော်တို့ မြန်မာပြည်ကိုလဲ အဲဒီလိုပဲ အနိုင်ကျင့်ပြီး အင်္ဂလိပ်က သိမ်းပိုက်ခဲ့တာပါပဲ။
လူ့သဘာဝကိုက ကိုယ့်ထက်ဖွံ့ဖြိုးမှုနောက်ကျပေမယ့် ကြွယ်ဝတဲ့လူ့အသိုက်အဝန်း၊ကိုယ့်အတွက်အခွင့်အလမ်းသာမယ့်ဒေသသစ်တစ်ခုကိုတွေ့ရတဲ့အခါ နိုင်တယ်ဆိုတာနဲ့ အနိုင်အထက်ပြုပြီး အရှင်သခင်လုပ်ချင်ကြတာပါ။

လူ့အဖွဲ့အစည်းနဲ့ ယဥ်‌ကျေးမှုပိုပြီးဖွံ့ဖြိုးလာတာနဲ့အမျှ အဲဒီလို ကြီးနိုင်ငယ်ညှင်း၊ အနိုင်ကျင့်တတ်တဲ့အရိုင်းအစိုင်းစိတ်တွေဟာ မလုပ်အပ်တဲ့အရာတွေမှန်းလူတွေလဲတစ်ဖြည်းဖြည်းတော့ သဘောပေါက်စပြုနေကြပါပြီ။ ဒီသဘောတရားကိုလဲ Star Trek ရုပ်ရှင်ဇာတ်လမ်းတွဲထဲမှာရိုက်ပြထားပါတယ်။အနာဂါတ်အာကာသခရီးသွားခေတ်အကြောင်းရိုက်ထားတဲ့ Star Trek series တွေထဲမှာဆိုရင် ယာဥ်ပေါ်ကသူတွေ စကြဝဠာထဲမှာစူးစမ်းရှာဖွေရင်း သူတို့အသစ်တွေ့တဲ့ဂြိုဟ်တွေမှာ မဖွံ့ဖြိုးသေးတဲ့လူနဲ့ဆင်တဲ့သက်ရှိ(Humanoids)တွေရှိရင် ဝင်ရောက်ပက်သက်စွက်ဖက်ခွင့်မပြုထားပါဘူး။ သူ့သဘာဝအတိုင်း ပုံမှန်တိုးတက်ဖွံ့ဖြိုးလာတာကိုသာ သူတို့ကမသိနိုင်တဲ့နေရာကနေ စောင့်ကြည့်ရုံပဲကြည့်လို့ရပါတယ်။ နည်းပညာမြင့်တဲ့တစ်ခြားသက်ရှိတွေရှိနေတယ်ဆိုတာတောင် အချိန်မတန်သေးပဲသိသွားရင် မလိုလားအပ်တဲ့အပြောင်းအလဲတွေဖြစ်ကုန်မှာစိုးလို့ပါတဲ့။
တိုက်ခိုက်သိမ်းယူဖို့ဆိုတာက ဝေလာဝေးပါ။ ဒါကယဥ်ကျေးမှုအင်မတန်မြင့်မားတဲ့ခေတ်ကိုရောက်နေပြီဆိုတာကိုပြတဲ့သဘောပါပဲ။

မူရင်းပြောလက်စဇာတ်လမ်းထဲမှာ ဂြိုဟ်သား Klaatu ပြောသွားတဲ့စကားတစ်ခွန်းကလဲတော်တော်ကောင်းပါတယ်။
" ကမ္ဘာမြေကြီးက လူသားတွေအတွက်ပဲ မဟုတ်ဘူး" တဲ့။
သိပ်မှန်ပါတယ်။ လူသားတွေက ကမ္ဘာပေါ်မှာဉာဏ်ရည်အမြင့်ဆုံးမျိုးစိတ်ဖြစ်တာနဲ့ ကမ္ဘာပေါ်မှာအတူမှီတင်းနေထိုင်ကြတဲ့ တစ်ခြားသက်ရှိတွေကိုအနိုင်ကျင့်ပြီး ကမ္ဘာမြေကြီးကလူသားတို့အတွက်ချည်းပဲဖြစ်သယောင်ယောင် ထင်သလိုပြုမူဆောင်ရွက်နေကြတာပါ။ လူတွေကြောင့်ပဲ သဘာဝတရားတွေပျက်စီးပြီး
ကမ္ဘာကြီးက ပိုပိုပြီးအဆိပ်သင့်နေရသလို၊ လူတွေကြောင့်ပဲ တစ်ခြားသက်ရှိမျိုးစိတ်တွေလဲ တစ်ခုပြီးတစ်ခုမျိုးသုဥ်းနေကြရတာမဟုတ်လား။

နောက်ဆုံးမှတ်မှတ်ထင်ထင် အတွေးပွားစေတာကတော့ Klaatu ကိုဂြိုဟ်သားမှန်းမသိပဲ ကားကြုံတင်ခေါ်ခဲ့တဲ့ စုံတွဲရဲ့ နှုတ်ဆက်စကားပါ။
" Woo hoo...End of the world. Good luck!" ပါတဲ့။ ကမ္ဘာကြီးတစ်ခုလုံးပျက်တော့မယောင် ကမောက်ကမတွေဖြစ်နေချိန်မှာ ရွှင်ရွှင်လန်းလန်းနဲ့ လာမယ့်ဘေးကိုအရှိအတိုင်းရင်ဆိုင်နေကြပုံပါပဲ။ ဘာမှမတတ်နိုင်တော့တဲ့အခြေအနေမှာ စိုးရိမ်ခြင်း၊ ထိတ်လန့်ခြင်းမရှိပဲ ကျန်တဲ့အချိန်တွေကိုပျော်ရွှင်တက်ကြွစွာပဲကုန်ဆုံးသွားတော့မယ်ဆိုတဲ့ လူအမျိုးအစားတစ်မျိုးကိုလဲ ပါးပါးလေးထည့်ပြသွားတာဖြစ်ပါလိမ့်မယ်။

ဇာတ်လမ်းက နည်းနည်းအေးပြီး၊ ကမ္ဘာပျက်တဲ့ရုပ်ရှင်တွေကလဲများလွန်းတော့ The Day the Earth Stood Still က တခြားကားတွေနဲ့ယှဥ်ရင်လူတိုင်းကြိုက်ချင်မှကြိုက်မှာပါ (၁၉၅၁ ခုနှစ်တုံးက ဒီနာမည်နဲ့ပဲ တစ်ကြိမ်ရိုက်ခဲ့ဖူး)။
ကျွန်တော်ကတော့ ကြိုက်ပါတယ်။
တွေးစရာလေးတွေလဲ ရလိုက်ပါတယ်။
ကြည့်ချင်သူတွေခံစားလို့ရအောင် ဇာတ်သိမ်းကိုတော့မပြောတော့ပါဘူး။

တကယ်လို့အပြင်မှာတကယ်သာ ကမ္ဘာကြီးတစ်ခုလုံးပျက်စီးမယ့်အရေးမျိုးကြုံလာလို့ ကျွန်တော်တို့ဘာမှမတတ်နိုင်တော့တဲ့အခြေအနေဖြစ်လာရင် ကျွန်တော်တို့ကရောဘယ်လိုရင်ဆိုင်ကြမလဲဆိုတဲ့မေးခွန်းလေးကိုတော့ ကိုယ့်ဟာကိုယ်မေးပြီး ကိုယ့်ဟာကိုယ်ဖြေကြည့်ကြစေချင်ပါတယ်။  ။
(ရုပ်ရှင်ကားနာမည်ကတော့ "ကမ္ဘာမပျက်သောနေ့" The Day the Earth Stood Still ပါ)

 မောင်ဇိ
=======================================================================

ကမာၻမပ်က္ေသာေန႔
***************
ရက္ေပါင္းအနည္းငယ္၊ လေပါင္းအနည္းငယ္အတြင္း ကမာၻေပၚကလူသားေတြအားလုံး တစ္ခါထဲမ်ိဳးတုန္းၿပီးေပ်ာက္သြားမယ့္ အႏၲရာယ္မ်ိဳးကို႐ုတ္တရက္ ႀကဳံၾကၿပီဆိုပါစို႔။ လူေတြဘယ္လိုတုံ႔ျပန္ၾကမလဲ။

တစ္ေယာက္နဲ႔တစ္ေယာက္ေတြးတာခ်င္းမတူသလို၊ တုံံ့ျပန္ပုံခ်င္းကလဲတူမွာေတာ့မဟုတ္ပါဘူး။ တစ္ခ်ိဳ႕က ဘုရားသခင္ကိုတိုင္တည္ဆုေတာင္းၾကမယ္။ တစ္ခ်ိဳ႕က အသက္ရွင္ရပ္တည္ေရးအတြက္ တတ္ႏိုင္သေလာက္ခုခံၾကမယ္။ တစ္ခ်ိဳ႕က မထူးဇာတ္ခင္းၿပီးထင္ရာစိုင္းၾကမယ္။ တစ္ခ်ိဳ႕က ငိုေႂကြးပူေဆြးၾကမယ္။
တစ္ခ်ိဳ႕ကေတာ့ က်န္ရွိေနေသးတဲ့အခ်ိန္ေလးေတြကို ‌ေပ်ာ္ေပ်ာ္႐ႊင္႐ႊင္ပဲ ျဖတ္သန္းဖို႔ဆုံးျဖတ္ၾကမယ္။
 တစ္ကယ္သာလက္ေတြ႕ႀကဳံလာခဲ့ရင္ေရာ ကြၽန္ေတာ္တို႔ဘာလုပ္ၾကမလဲ။

ကမာၻႀကီးတစ္ခုလုံးကလူသားေတြ မ်ိဳးျပဳတ္မယ့္ေဘးအႏၲရာယ္အေၾကာင္းေတြ႐ိုက္ထားတဲ့ ႐ုပ္ရွင္ကားေကာင္းေတြ အမ်ားႀကီးရွိပါတယ္။ ၾကည့္ဖူးတဲ့ထဲကမွတ္မွတ္ရရ သဘာဝေဘးအႏၲရာယ္နဲ႔ ကမာၻပ်က္တဲ့အေၾကာင္း႐ိုက္ထားတဲ့ 2012 ႐ုပ္ရွင္၊ ၿဂိဳဟ္သားေတြ လာက်ဴးေက်ာ္တဲ့အေၾကာင္း႐ိုက္ထားတဲ့ ကားေတြထဲမွာဆိုရင္ ျမန္မာျပည္မွာလူႀကိဳက္မ်ားတဲ့လူမည္းမင္းသား Will Smith ပါတဲ့ နာမည္ႀကီး Independence Day၊ ေနာက္ Tom Cruise ပါတဲ့ ကြၽန္ေတာ္သိပ္ႀကိဳက္တဲ့ Edge of Tomorrow၊ ဆရာ Tom Cruise ပဲ ထပ္သ႐ုပ္ေဆာင္ထားတဲ့  The War of the Worlds စသည္ျဖင့္ေပါ့ေလ။

ခုတေလာၾကည့္ျဖစ္တာက The Day the Earth Stood Still ဆိုတဲ့႐ုပ္ရွင္။ မင္းသားက နာမည္‌ေက်ာ္ Keanu Reeves။ ဗုံးေထာင္ခံထားရတဲ့ ဘတ္စ္ကားေပၚကလူေတြကိုကယ္တဲ့ Speed ႐ုပ္ရွင္မွာ စႀကိဳက္ခဲ့ရတဲ့မင္းသား။ The Day the Earth Stood Still ကိုဟိုတစ္ပိုင္း၊ ဒီတစ္ပိုင္းၾကည့္ဖူးေပမယ့္ ဒီတစ္ခါမွာ အစကေန အဆုံးထိထိုင္ၾကည့္ျဖစ္သြားတာ။ အက္ရွင္ေတြႀကိဳက္တဲ့သူေတြအတြက္ကေတာ့ အက္ရွင္ကသိပ္မမ်ားသလို၊ အာကာသယာဥ္ေတြ၊ လက္နက္ဆန္းေတြလဲ သိပ္မပါ။ ပါတဲ့ စက္႐ုပ္တစ္႐ုပ္ကေတာင္ ပုံတုံးလို႔စိတ္ဝင္စားဖို႔မေကာင္း။ ဒါနဲ႔ပဲ ေတာ္ေတာ္နဲ႔မၾကည့္ျဖစ္ရာကေန ဒီတစ္ခါၾကည့္ျဖစ္ေတာ့ သေဘာက်မိတယ္။ မွတ္မွတ္ထင္ထင္ေခါင္းထဲမွာေတြးစရာေတြေပးခဲ့တဲ့အခန္းေတြလဲပါတယ္ေပါ့ေလ။

ဇာတ္လမ္းက လူသားေတြေၾကာင့္တျဖည္းျဖည္းပ်က္စီးေတာ့မယ့္ ကမာၻေျမႀကီးကိုကယ္တင္ဖို႔ လူသားDNAသုံးၿပီးလူပုံစံဖန္တီးထားတဲ့ၿဂိဳဟ္သား Klaatu (Keanu Reeves) ကမာၻေျမေပၚကို ကမာၻလုံးပုံစံယာဥ္ႀကီးနဲ႔ေရာက္လာတာကစတယ္။
သူ႔ရည္႐ြယ္ရင္းက ကမာၻ႔ေခါင္းေဆာင္ေတြအားလုံးကိုစုၿပီး ကမာၻႀကီးပ်က္စီးမယ့္အႏၲရာယ္အေၾကာင္းသတိေပး၊ ေျပာင္းလဲမႈေတြလုပ္ရေအာင္ေျပာဖို႔ျဖစ္ေပမယ့္ အေမရိကန္အစိုးရရဲ႕ သူ႔အေပၚမယုံၾကည္မႈနဲ႔ရန္လိုမႈ၊ လူသားေတြရဲ႕ငါတေကာေကာမႈ၊ ရန္သတၱဳျပဳလိုစိတ္ရွိမႈနဲ႔ ေျပာင္းလဲခ်င္စိတ္နည္းပါးမႈေတြကိုေတြ႕ရ သိရၿပီးတဲ့ေနာက္ မူလအစီအစဥ္ထဲကတစ္ခုျဖစ္တဲ့ လူသားေတြကိုဖ်က္စီးပစ္လိုက္ဖို႔ပဲဆုံးျဖတ္ၿပီး ထိေတြ႕သမွ်အရာမွန္သမွ်ကိုဝါးမ်ိဳပစ္႐ုံသာမက အဲလိုဝါးမ်ိဳပစ္ၿပီးတိုင္းလဲ ပိိုပိုအ႐ြယ္အစားႀကီးမားလာတဲ့ စက္႐ုပ္ပိုးေကာင္အုပ္ (Nanomite) ႀကီးကို အရာရာကိုဖ်က္စီးဖို႔ စတင္ေစခဲ့လိုက္တယ္။

လုံၿခဳံရာမွာကိုယ္စီပုန္းေအာင္းေနတဲ့ အေမရိကန္သမၼတနဲ႔ဒုသမၼတတို႔ကိုကိုယ္စားျပဳၿပီး အလုပ္လုပ္ေပးေနတဲ့ ကာကြယ္ေရးဦးစီးခ်ဳပ္အမ်ိဳးသမီး Regina Jackson ေျပာခဲ့တဲ့စကားေတြကလဲ ေတာ္ေတာ္မွန္ပါတယ္။ သူ႔လူေတြက ၿဂိဳဟ္သားကို သူေျပာတဲ့အတိုင္း ကမာၻေခါင္းေဆာင္ေတြနဲ႔ေတြ႕ေပးဖို႔အႀကံေပးတဲ့အခါ " သမိုင္းကေနငါတို႔ သင္ခန္းစာေတြအမ်ားႀကီးရခဲ့ၿပီးၿပီ။  ယဥ္ေက်းမႈနဲ႔ေနထိုင္မႈပုံစံမတူျခားနားတဲ့လူ႔အဖြဲ႕အစည္းႏွစ္ခု ပထမဆုံးအႀကိမ္ စၿပီးထိေတြ႕ၾကၿပီးတိုင္း နည္းပညာပိုျမင့္တဲ့လူမ်ိဳးက ‌ေနာက္လူမ်ိဳးကို မ်ိဳးျဖဳတ္ရင္ျဖဳတ္၊ မျဖဳတ္ရင္ကြၽန္ျပဳလိုက္တာပဲ။
Pizarro (စပိန္လူမ်ိဳး) နဲ႔ Inca Empire (အင္ကာႏိုင္ငံေတာ္)၊ Columbus နဲ႔ အေမရိကတိုက္၊ ေနာက္ထပ္ဥပမာေတြအမ်ားႀကီး ရွိေသးတယ္။ အခုကိစၥမွာေတာ့ ငါတို႔က နည္းပညာနိမ့္တဲ့သူေတြျဖစ္ေနလို႔ ဒီၿဂိဳဟ္သားရဲ႕အစီအစဥ္ေတြကို မရရေအာင္စစ္ၿပီးတားဆီးမွျဖစ္မယ္" လို႔ အဓိပၸါယ္ရတဲ့ စကားေတြျပန္ေျပာတယ္။

Pizarro က စပိန္ကေနေသနတ္၊အေျမာက္ေတြတပ္ဆင္ထားတဲ့ လူ၁၈၀ေလာက္နဲ႔ထြက္လာၿပီး အဲဒီအခ်ိန္ကႂကြယ္ဝခ်မ္းသာတဲ့၊ ေတာင္အေမရိကတိုက္က Inca Empire ဘုရင္ကိုေတြ႕၊ ေနာက္ေတာ့ဖမ္းသတ္လိုက္ၿပီး Inca တစ္ႏိုင္ငံလုံးကို သိမ္းပိုက္လိုက္တာပါ။ Columbus တို႔အေမရိကတိုက္ကိုေရာက္လာၿပီး ေဒသခံ Native Indian ေတြကိုတျဖည္းျဖည္းတိုက္ခိုက္နယ္ခ်ဲ႕ၿပီး အေမရိကတိုက္ကိုလူျဖဴစိုးမိုးတဲ့ေနရာျဖစ္ေအာင္လုပ္ခဲ့တာေတာ့ လူတိုင္းသိၿပီးသားျဖစ္ပါလိမ့္မယ္။ ကြၽန္ေတာ္တို႔ ျမန္မာျပည္ကိုလဲ အဲဒီလိုပဲ အႏိုင္က်င့္ၿပီး အဂၤလိပ္က သိမ္းပိုက္ခဲ့တာပါပဲ။
လူ႔သဘာဝကိုက ကိုယ့္ထက္ဖြံ႕ၿဖိဳးမႈေနာက္က်ေပမယ့္ ႂကြယ္ဝတဲ့လူ႔အသိုက္အဝန္း၊ကိုယ့္အတြက္အခြင့္အလမ္းသာမယ့္ေဒသသစ္တစ္ခုကိုေတြ႕ရတဲ့အခါ ႏိုင္တယ္ဆိုတာနဲ႔ အႏိုင္အထက္ျပဳၿပီး အရွင္သခင္လုပ္ခ်င္ၾကတာပါ။

လူ႔အဖြဲ႕အစည္းနဲ႔ ယဥ္‌ေက်းမႈပိုၿပီးဖြံ႕ၿဖိဳးလာတာနဲ႔အမွ် အဲဒီလို ႀကီးႏိုင္ငယ္ညႇင္း၊ အႏိုင္က်င့္တတ္တဲ့အ႐ိုင္းအစိုင္းစိတ္ေတြဟာ မလုပ္အပ္တဲ့အရာေတြမွန္းလူေတြလဲတစ္ျဖည္းျဖည္းေတာ့ သေဘာေပါက္စျပဳေနၾကပါၿပီ။ ဒီသေဘာတရားကိုလဲ Star Trek ႐ုပ္ရွင္ဇာတ္လမ္းတြဲထဲမွာ႐ိုက္ျပထားပါတယ္။အနာဂါတ္အာကာသခရီးသြားေခတ္အေၾကာင္း႐ိုက္ထားတဲ့ Star Trek series ေတြထဲမွာဆိုရင္ ယာဥ္ေပၚကသူေတြ စၾကဝဠာထဲမွာစူးစမ္းရွာေဖြရင္း သူတို႔အသစ္ေတြ႕တဲ့ၿဂိဳဟ္ေတြမွာ မဖြံ႕ၿဖိဳးေသးတဲ့လူနဲ႔ဆင္တဲ့သက္ရွိ(Humanoids)ေတြရွိရင္ ဝင္ေရာက္ပက္သက္စြက္ဖက္ခြင့္မျပဳထားပါဘူး။ သူ႔သဘာဝအတိုင္း ပုံမွန္တိုးတက္ဖြံ႕ၿဖိဳးလာတာကိုသာ သူတို႔ကမသိႏိုင္တဲ့ေနရာကေန ေစာင့္ၾကည့္႐ုံပဲၾကည့္လို႔ရပါတယ္။ နည္းပညာျမင့္တဲ့တစ္ျခားသက္ရွိေတြရွိေနတယ္ဆိုတာေတာင္ အခ်ိန္မတန္ေသးပဲသိသြားရင္ မလိုလားအပ္တဲ့အေျပာင္းအလဲေတြျဖစ္ကုန္မွာစိုးလို႔ပါတဲ့။
တိုက္ခိုက္သိမ္းယူဖို႔ဆိုတာက ေဝလာေဝးပါ။ ဒါကယဥ္ေက်းမႈအင္မတန္ျမင့္မားတဲ့ေခတ္ကိုေရာက္ေနၿပီဆိုတာကိုျပတဲ့သေဘာပါပဲ။

မူရင္းေျပာလက္စဇာတ္လမ္းထဲမွာ ၿဂိဳဟ္သား Klaatu ေျပာသြားတဲ့စကားတစ္ခြန္းကလဲေတာ္ေတာ္ေကာင္းပါတယ္။
" ကမာၻေျမႀကီးက လူသားေတြအတြက္ပဲ မဟုတ္ဘူး" တဲ့။
သိပ္မွန္ပါတယ္။ လူသားေတြက ကမာၻေပၚမွာဉာဏ္ရည္အျမင့္ဆုံးမ်ိဳးစိတ္ျဖစ္တာနဲ႔ ကမာၻေပၚမွာအတူမွီတင္းေနထိုင္ၾကတဲ့ တစ္ျခားသက္ရွိေတြကိုအႏိုင္က်င့္ၿပီး ကမာၻေျမႀကီးကလူသားတို႔အတြက္ခ်ည္းပဲျဖစ္သေယာင္ေယာင္ ထင္သလိုျပဳမူေဆာင္႐ြက္ေနၾကတာပါ။ လူေတြေၾကာင့္ပဲ သဘာဝတရားေတြပ်က္စီးၿပီး
ကမာၻႀကီးက ပိုပိုၿပီးအဆိပ္သင့္ေနရသလို၊ လူေတြေၾကာင့္ပဲ တစ္ျခားသက္ရွိမ်ိဳးစိတ္ေတြလဲ တစ္ခုၿပီးတစ္ခုမ်ိဳးသုဥ္းေနၾကရတာမဟုတ္လား။

ေနာက္ဆုံးမွတ္မွတ္ထင္ထင္ အေတြးပြားေစတာကေတာ့ Klaatu ကိုၿဂိဳဟ္သားမွန္းမသိပဲ ကားႀကဳံတင္ေခၚခဲ့တဲ့ စုံတြဲရဲ႕ ႏႈတ္ဆက္စကားပါ။
" Woo hoo...End of the world. Good luck!" ပါတဲ့။ ကမာၻႀကီးတစ္ခုလုံးပ်က္ေတာ့မေယာင္ ကေမာက္ကမေတြျဖစ္ေနခ်ိန္မွာ ႐ႊင္႐ႊင္လန္းလန္းနဲ႔ လာမယ့္ေဘးကိုအရွိအတိုင္းရင္ဆိုင္ေနၾကပုံပါပဲ။ ဘာမွမတတ္ႏိုင္ေတာ့တဲ့အေျခအေနမွာ စိုးရိမ္ျခင္း၊ ထိတ္လန႔္ျခင္းမရွိပဲ က်န္တဲ့အခ်ိန္ေတြကိုေပ်ာ္႐ႊင္တက္ႂကြစြာပဲကုန္ဆုံးသြားေတာ့မယ္ဆိုတဲ့ လူအမ်ိဳးအစားတစ္မ်ိဳးကိုလဲ ပါးပါးေလးထည့္ျပသြားတာျဖစ္ပါလိမ့္မယ္။

ဇာတ္လမ္းက နည္းနည္းေအးၿပီး၊ ကမာၻပ်က္တဲ့႐ုပ္ရွင္ေတြကလဲမ်ားလြန္းေတာ့ The Day the Earth Stood Still က တျခားကားေတြနဲ႔ယွဥ္ရင္လူတိုင္းႀကိဳက္ခ်င္မွႀကိဳက္မွာပါ (၁၉၅၁ ခုႏွစ္တုံးက ဒီနာမည္နဲ႔ပဲ တစ္ႀကိမ္႐ိုက္ခဲ့ဖူး)။
ကြၽန္ေတာ္ကေတာ့ ႀကိဳက္ပါတယ္။
ေတြးစရာေလးေတြလဲ ရလိုက္ပါတယ္။
ၾကည့္ခ်င္သူေတြခံစားလို႔ရေအာင္ ဇာတ္သိမ္းကိုေတာ့မေျပာေတာ့ပါဘူး။

တကယ္လို႔အျပင္မွာတကယ္သာ ကမာၻႀကီးတစ္ခုလုံးပ်က္စီးမယ့္အေရးမ်ိဳးႀကဳံလာလို႔ ကြၽန္ေတာ္တို႔ဘာမွမတတ္ႏိုင္ေတာ့တဲ့အေျခအေနျဖစ္လာရင္ ကြၽန္ေတာ္တို႔ကေရာဘယ္လိုရင္ဆိုင္ၾကမလဲဆိုတဲ့ေမးခြန္းေလးကိုေတာ့ ကိုယ့္ဟာကိုယ္ေမးၿပီး ကိုယ့္ဟာကိုယ္ေျဖၾကည့္ၾကေစခ်င္ပါတယ္။  ။
(႐ုပ္ရွင္ကားနာမည္ကေတာ့ "ကမာၻမပ်က္ေသာေန႔" The Day the Earth Stood Still ပါ)

 ေမာင္ဇိ

မောင်ဇိနဲ့သရက်သီးတစ်လုံး

 မောင်ဇိနဲ့သရက်သီးတစ်လုံး
********************

အဲဒီနေ့က သရက်သီးတစ်လုံးသွားဝယ်မယ်ဆိုတော့မောင်ဇိနဲ့အတူ မောင်ဇိဘော်ဒါ အာရုံအတူ လိုက်လာတယ်။

"သရက်သီးပဲဝယ်မှာဆိုမကြာဘူး မဟုတ်လား။ စောင့်လိုက်မယ်လေ။ အတူတူပြန်ကြတာပေါ့တဲ့"

ပုံမှန်ဆိုသူလုပ်စရာရှိတာပဲ လုပ်တတ်တဲ့အာရုံက သဘောတွေကောင်းလို့။

ဆူပါမားကတ်ထဲမှာ မောင်ဇိမျက်စိကျနေတဲ့ ဖားပြုပ်ဖောင်းဖောင်းကြီးလို လုံးပြီးဝိုင်းနေတဲ့သရက်သီးကြီးက တစ်ခြားအမျိုးအစားတွေထက်စျေးသုံး-လေးဆလောက်များနေတယ်။
ဘာပဲဖြစ်ဖြစ်စမ်းကြည့်တာပေါ့လေလို့ သရက်သီးကိုယူလာပြီး ငွေရှင်းကောင်တာမှာတန်းစီတော့ အာရုံလေးက အဝမှာသွားစောင့်နေတယ်။

"သရက်သီးတစ်လုံးပဲ မဟုတ်လား၊ ဘာလို့ကောင်တာမှာကြာနေတာလဲ"
"အေးကွာ...သရက်သီးမှာ ဘားကုဒ်မကပ်ထားတော့ ငွေသိမ်းအန်တီက စာအုပ်ထဲမှာ သရက်သီးဘားကုဒ်လိုက်ရှာနေရလို့"
"ဟုတ်လား...သရက်သီးကလဲ စျေးကြီးလိုက်တာနော်"
လမ်းလျှောက်လာရင်းနဲ့ပြောကြတယ်။
"အေးကွာ...ဒီလောက် စျေးကြီးတဲ့သရက်သီးဝယ်လာပြီးမှတော့ စားပြီးရင် Review တစ်ပုဒ်လောက်ရေးကိုရေးမှဖြစ်တော့မယ် ငိငိ"

"ဘာလဲ...သရက်သီးစရွေးတာကစပြီး...အခွံဘယ်လိုခွာတာတွေပါ ရေးမလို့လား"

" အဲလိုတော့ မရေးပါဘူး။ ပျင်းစရာကောင်းတယ်။
သရက်သီး ဝယ်ဖို့အသွားကားပေါ်ကအဆင်းမှာ နောက်ကလူတွေကိုလမ်းပိတ်ရပ်ရင်း ကောင်မလေးလှတပတလေးကို နှာခေါင်းထပြီး အရင်ပေးဆင်းလို့ နောက်ကတန်းစီနေတဲ့သူတွေ ဝိုင်းပြီးမျက်စောင်းထိုးကြတာတို့၊ အောက်ရောက်တော့မှ စောင့်နေတဲ့သူ့ဘဲကိုလက်တွဲပြီးထွက်သွားတာတွေ့လိုက်ရလို့ ကြေကွဲရတာတို့ပေါ့ကွာ"

စကားတပြောပြောနဲ့လာလိုက်ကြတာ ရထားပေါ်တောင်ရောက်ပေါ့။

"အေးလေ...အဲဒါကြောင့် ခုနကသူ့ဘဲကြီး ပါပါတယ်လို့။ ကားပေါ်မှာကတည်းကတွေ့လိုက်တယ်"
"မသိဘူးလေ...ငါက မင်းတို့ထိုင်တဲ့ခုံနဲ့ဝေးတော့ ကောင်မလေးဆင်းခါနီးမှ တွေ့တာ ဟိဟိ။ အဲဒါလေးတွေပါ အသေးစိတ်ထည့်ရေးလိုက်ရမလား"

"ဟီဟီ...ရေးရေး၊ စာတစ်အုပ်လောက်ရအောင်ရေး"
"ရေးလိုက်မယ်ကွာ...အဲဒါတွေရေးပြီးရင် ခုနက ရထားပေါ်မှာ  သူ့အိမ်၊သူ့ရာအမှတ်နဲ့ ရထားတစ်စီးလုံးကြားအောင် ဖုန်းကိုအသံကျယ်ကြီးဖွင့်ပြီး တစ်ဖုန်းဖုန်း၊တစ်ဒိုင်းဒိုင်းနဲ့ စစ်ကားကြည့်နေတဲ့ဘဲကြီးအကြောင်းရေးမယ်ကွာ။ ငါ့မှာ ဗုံးများပေါက်တာလားလို့ လန့်သွားတာပဲ"
"ဟဟ...ပြီးတော့ရော"
"ပြီးရင် မင်းကငါနဲ့လိုက်လာတယ်ဆိုတော့ "မောင်ဇိနဲ့ပါလာတဲ့ အာရုံက" လို့အစချီပြီး မင်းအကြောင်း ငါးမျက်နှာလောက် ရေးမယ်ကွာ။ မရသေးရင် ခါတိုင်းဆို ဇိုးလဲပါတတ်တယ်။ ဒီနေ့တော့ ဇိုးမလာလို့ တို့နှစ်ယောက်ပဲဖြစ်နေတာဆိုပြီး ဇိုးအကြောင်းတွေ ၁၀ မျက်နှာလောက်‌ရေးမယ်ကွာ"
" ဟီးဟီး...ပြီးတော့ရော၊ ဘာဆက်ရေးမလဲ"
"အို...ကြာပါတယ်ကွာ၊ လိုသေးတယ်ဆိုရင် ဇိုးရဲ့ ရည်းစားဟောင်းတွေအကြောင်းပါ ၁၅ မျက်နှာလောက်ရေးလိုက်မယ် ခိခိ"
" အင်း...အကုန်သာရေး၊ ပြီးရော ဟိဟိ"

စကားပြောရင်းနဲ့ လမ်းခွဲရမယ့်နေရာရောက်လို့ လမ်းခွဲလာကြရင်း ဒီလို မဆိုင်တာတွေအတင်းဆက်စပ်ပြီး လျှောက်ပြောတဲ့ အတွေးမျိုးတွေ ဘယ်ကရလာလဲဆိုတာကိုပါ ပြန်စဥ်းစားရင်းပြုံးမိတယ်။
မောင်ဇိနဲ့ ငယ်သူငယ်ချင်းတွေကြားမှာ ရေပန်းစားခဲ့တဲ့ ပီတာလေး ဟာသတွေထဲကဟာကို ကော်ပီယူထားတာပဲ။
မောင်းကောင်းထိုက်ရေးတဲ့ ဟာသပဒေသာထဲမှာ ကလေးဇာတ်ကောင်ပီတာလေးရဲ့ သိပ်သဘောကျရတဲ့ ဟာသတွေထဲကတစ်ခုပေါ့။

မှတ်မိသလောက်ကတော့ တစ်နေ့မှာဆရာမကကျောင်းသားတွေကိုကျောင်းမှာသင်ထားတဲ့ တိရစ္ဆာန်တွေအကြောင်း စာမေးမယ်ပြောလိုက်သတဲ့။
ပီတာလေးကတော့ "သန်း" အကြောင်းပဲကျက်ပြီးသွားသတဲ့။
ဆရာမက ကြောင်အကြောင်းမေးတဲ့အခါ
" ကြောင်ဆိုသည်မှာ ခြေလောချောင်းရှိပါသည်။ အမွေးရှိပါသည်။ ထို့ကြောင့် သန်းရှိပါသည်။ သန်းဆိုသည်မှာ..." ဆိုပြီးသူအလွတ်ကျက်ထားတဲ့သန်းအကြောင်းဖြေပါသတဲ့။
ဒါနဲ့ခွေးအကြောင်းမေးလဲ အဲလိုပဲ။
"ခွေးဆိုသည်မှာ အမွေးရှိ၍ သန်းရှိပါသည်။ သန်းဆိုသည်မှာ..." ဆိုပြီးဖြေပြန်ရောတဲ့။
ဒီလောက်တောင်ရှိလှတာဆိုပြီး ဆရာမက ငါးအကြောင်း‌မေးလိုက်သတဲ့။ အဲဒီတော့ ပီတာက
"ငါးသည်ရေထဲမှာနေပါသည်။ ငါးတွင်သန်းမရှိပါ။ သန်းဆိုသည်မှာ..." ဆိုပြီး သန်းအကြောင်းမရောက်ရောက်အောင်ဆွဲပြီး ဖြေပြန်ရောဆိုပဲ။
မောင်ဇိတို့တွေသဘောကျလွန်းလို့ ခဏခဏပြန်ပြန်ပြောပြီး ရယ်နေရတဲ့ဟာသပေါ့။
ခုတော့ မောင်ဇိတောင် ပီတာလေး ဓါတ်တွေကူးလို့။

သရက်သီး Review ကတော့ အိမ်‌ရောက်လို့ခွဲစားကြည့်လိုက်တဲ့အခါ ‌ပေါ့ရွှတ်ရွှတ်နဲ့ လုံးဝမချို၊ အရသာမရှိပါဘူး။ ဒါပါပဲ ခင်ညာ။

#မောင်ဇိ
(သရက်သီးတစ်လုံးဝယ်စားပြီး သရက်တောတစ်တောစာလေရှည်သူ)
======================================================

ေမာင္ဇိနဲ႔သရက္သီးတစ္လုံး
********************

အဲဒီေန႔က သရက္သီးတစ္လုံးသြားဝယ္မယ္ဆိုေတာ့ေမာင္ဇိနဲ႔အတူ ေမာင္ဇိေဘာ္ဒါ အာ႐ုံအတူ လိုက္လာတယ္။

"သရက္သီးပဲဝယ္မွာဆိုမၾကာဘူး မဟုတ္လား။ ေစာင့္လိုက္မယ္ေလ။ အတူတူျပန္ၾကတာေပါ့တဲ့"

ပုံမွန္ဆိုသူလုပ္စရာရွိတာပဲ လုပ္တတ္တဲ့အာ႐ုံက သေဘာေတြေကာင္းလို႔။

ဆူပါမားကတ္ထဲမွာ ေမာင္ဇိမ်က္စိက်ေနတဲ့ ဖားျပဳပ္ေဖာင္းေဖာင္းႀကီးလို လုံးၿပီးဝိုင္းေနတဲ့သရက္သီးႀကီးက တစ္ျခားအမ်ိဳးအစားေတြထက္ေစ်းသုံး-ေလးဆေလာက္မ်ားေနတယ္။
ဘာပဲျဖစ္ျဖစ္စမ္းၾကည့္တာေပါ့ေလလို႔ သရက္သီးကိုယူလာၿပီး ေငြရွင္းေကာင္တာမွာတန္းစီေတာ့ အာ႐ုံေလးက အဝမွာသြားေစာင့္ေနတယ္။

"သရက္သီးတစ္လုံးပဲ မဟုတ္လား၊ ဘာလို႔ေကာင္တာမွာၾကာေနတာလဲ"
"ေအးကြာ...သရက္သီးမွာ ဘားကုဒ္မကပ္ထားေတာ့ ေငြသိမ္းအန္တီက စာအုပ္ထဲမွာ သရက္သီးဘားကုဒ္လိုက္ရွာေနရလို႔"
"ဟုတ္လား...သရက္သီးကလဲ ေစ်းႀကီးလိုက္တာေနာ္"
လမ္းေလွ်ာက္လာရင္းနဲ႔ေျပာၾကတယ္။
"ေအးကြာ...ဒီေလာက္ ေစ်းႀကီးတဲ့သရက္သီးဝယ္လာၿပီးမွေတာ့ စားၿပီးရင္ Review တစ္ပုဒ္ေလာက္ေရးကိုေရးမွျဖစ္ေတာ့မယ္ ငိငိ"

"ဘာလဲ...သရက္သီးစေ႐ြးတာကစၿပီး...အခြံဘယ္လိုခြာတာေတြပါ ေရးမလို႔လား"

" အဲလိုေတာ့ မေရးပါဘူး။ ပ်င္းစရာေကာင္းတယ္။
သရက္သီး ဝယ္ဖို႔အသြားကားေပၚကအဆင္းမွာ ေနာက္ကလူေတြကိုလမ္းပိတ္ရပ္ရင္း ေကာင္မေလးလွတပတေလးကို ႏွာေခါင္းထၿပီး အရင္ေပးဆင္းလို႔ ေနာက္ကတန္းစီေနတဲ့သူေတြ ဝိုင္းၿပီးမ်က္ေစာင္းထိုးၾကတာတို႔၊ ေအာက္ေရာက္ေတာ့မွ ေစာင့္ေနတဲ့သူ႔ဘဲကိုလက္တြဲၿပီးထြက္သြားတာေတြ႕လိုက္ရလို႔ ေၾကကြဲရတာတို႔ေပါ့ကြာ"

စကားတေျပာေျပာနဲ႔လာလိုက္ၾကတာ ရထားေပၚေတာင္ေရာက္ေပါ့။

"ေအးေလ...အဲဒါေၾကာင့္ ခုနကသူ႔ဘဲႀကီး ပါပါတယ္လို႔။ ကားေပၚမွာကတည္းကေတြ႕လိုက္တယ္"
"မသိဘူးေလ...ငါက မင္းတို႔ထိုင္တဲ့ခုံနဲ႔ေဝးေတာ့ ေကာင္မေလးဆင္းခါနီးမွ ေတြ႕တာ ဟိဟိ။ အဲဒါေလးေတြပါ အေသးစိတ္ထည့္ေရးလိုက္ရမလား"

"ဟီဟီ...ေရးေရး၊ စာတစ္အုပ္ေလာက္ရေအာင္ေရး"
"ေရးလိုက္မယ္ကြာ...အဲဒါေတြေရးၿပီးရင္ ခုနက ရထားေပၚမွာ  သူ႔အိမ္၊သူ႔ရာအမွတ္နဲ႔ ရထားတစ္စီးလုံးၾကားေအာင္ ဖုန္းကိုအသံက်ယ္ႀကီးဖြင့္ၿပီး တစ္ဖုန္းဖုန္း၊တစ္ဒိုင္းဒိုင္းနဲ႔ စစ္ကားၾကည့္ေနတဲ့ဘဲႀကီးအေၾကာင္းေရးမယ္ကြာ။ ငါ့မွာ ဗုံးမ်ားေပါက္တာလားလို႔ လန႔္သြားတာပဲ"
"ဟဟ...ၿပီးေတာ့ေရာ"
"ၿပီးရင္ မင္းကငါနဲ႔လိုက္လာတယ္ဆိုေတာ့ "ေမာင္ဇိနဲ႔ပါလာတဲ့ အာ႐ုံက" လို႔အစခ်ီၿပီး မင္းအေၾကာင္း ငါးမ်က္ႏွာေလာက္ ေရးမယ္ကြာ။ မရေသးရင္ ခါတိုင္းဆို ဇိုးလဲပါတတ္တယ္။ ဒီေန႔ေတာ့ ဇိုးမလာလို႔ တို႔ႏွစ္ေယာက္ပဲျဖစ္ေနတာဆိုၿပီး ဇိုးအေၾကာင္းေတြ ၁၀ မ်က္ႏွာေလာက္‌ေရးမယ္ကြာ"
" ဟီးဟီး...ၿပီးေတာ့ေရာ၊ ဘာဆက္ေရးမလဲ"
"အို...ၾကာပါတယ္ကြာ၊ လိုေသးတယ္ဆိုရင္ ဇိုးရဲ႕ ရည္းစားေဟာင္းေတြအေၾကာင္းပါ ၁၅ မ်က္ႏွာေလာက္ေရးလိုက္မယ္ ခိခိ"
" အင္း...အကုန္သာေရး၊ ၿပီးေရာ ဟိဟိ"

စကားေျပာရင္းနဲ႔ လမ္းခြဲရမယ့္ေနရာေရာက္လို႔ လမ္းခြဲလာၾကရင္း ဒီလို မဆိုင္တာေတြအတင္းဆက္စပ္ၿပီး ေလွ်ာက္ေျပာတဲ့ အေတြးမ်ိဳးေတြ ဘယ္ကရလာလဲဆိုတာကိုပါ ျပန္စဥ္းစားရင္းၿပဳံးမိတယ္။
ေမာင္ဇိနဲ႔ ငယ္သူငယ္ခ်င္းေတြၾကားမွာ ေရပန္းစားခဲ့တဲ့ ပီတာေလး ဟာသေတြထဲကဟာကို ေကာ္ပီယူထားတာပဲ။
ေမာင္းေကာင္းထိုက္ေရးတဲ့ ဟာသပေဒသာထဲမွာ ကေလးဇာတ္ေကာင္ပီတာေလးရဲ႕ သိပ္သေဘာက်ရတဲ့ ဟာသေတြထဲကတစ္ခုေပါ့။

မွတ္မိသေလာက္ကေတာ့ တစ္ေန႔မွာဆရာမကေက်ာင္းသားေတြကိုေက်ာင္းမွာသင္ထားတဲ့ တိရစာၦန္ေတြအေၾကာင္း စာေမးမယ္ေျပာလိုက္သတဲ့။
ပီတာေလးကေတာ့ "သန္း" အေၾကာင္းပဲက်က္ၿပီးသြားသတဲ့။
ဆရာမက ေၾကာင္အေၾကာင္းေမးတဲ့အခါ
" ေၾကာင္ဆိုသည္မွာ ေျခေလာေခ်ာင္းရွိပါသည္။ အေမြးရွိပါသည္။ ထို႔ေၾကာင့္ သန္းရွိပါသည္။ သန္းဆိုသည္မွာ..." ဆိုၿပီးသူအလြတ္က်က္ထားတဲ့သန္းအေၾကာင္းေျဖပါသတဲ့။
ဒါနဲ႔ေခြးအေၾကာင္းေမးလဲ အဲလိုပဲ။
"ေခြးဆိုသည္မွာ အေမြးရွိ၍ သန္းရွိပါသည္။ သန္းဆိုသည္မွာ..." ဆိုၿပီးေျဖျပန္ေရာတဲ့။
ဒီေလာက္ေတာင္ရွိလွတာဆိုၿပီး ဆရာမက ငါးအေၾကာင္း‌ေမးလိုက္သတဲ့။ အဲဒီေတာ့ ပီတာက
"ငါးသည္ေရထဲမွာေနပါသည္။ ငါးတြင္သန္းမရွိပါ။ သန္းဆိုသည္မွာ..." ဆိုၿပီး သန္းအေၾကာင္းမေရာက္ေရာက္ေအာင္ဆြဲၿပီး ေျဖျပန္ေရာဆိုပဲ။
ေမာင္ဇိတို႔ေတြသေဘာက်လြန္းလို႔ ခဏခဏျပန္ျပန္ေျပာၿပီး ရယ္ေနရတဲ့ဟာသေပါ့။
ခုေတာ့ ေမာင္ဇိေတာင္ ပီတာေလး ဓါတ္ေတြကူးလို႔။

သရက္သီး Review ကေတာ့ အိမ္‌ေရာက္လို႔ခြဲစားၾကည့္လိုက္တဲ့အခါ ‌ေပါ့႐ႊတ္႐ႊတ္နဲ႔ လုံးဝမခ်ိဳ၊ အရသာမရွိပါဘူး။ ဒါပါပဲ ခင္ညာ။

#ေမာင္ဇိ
(သရက္သီးတစ္လုံးဝယ္စားၿပီး သရက္ေတာတစ္ေတာစာေလရွည္သူ)