မောင်ဇိ၏ ဂရိဒဏ္ဍာရီ (၁၅) { ဟာမီးစ် - ၆ }

မောင်ဇိ၏ ဂရိဒဏ္ဍာရီ (၁၅) { ဟာမီးစ် - ၆ }

**********************************

ဟာမီးစ်၏အချစ်ဇာတ်လမ်းများ
-------------------------------------
တစ်နေ့မှာ သိုးကျောင်းသားတွေ၊ ကုန်သည်တွေ၊ ခရီးသည်တွေ၊ လျင်မြန်ဖျတ်လတ်စွာလှုပ်ရှားရတဲ့ အားကစားသမားတွေနဲ့ ကလိမ်ဉာဏ်ကျယ်တဲ့ခိုးသူတွေရဲ့ နတ်ဘုရားဟာမီးစ်က သူ့ဖခင်ဖြစ်တဲ့ ဇူးစ်နတ်ဘုရားကိုပြောတယ်။

" မသေမျိုးဖြစ်သောနတ်ဘုရားမများသာမက သေမျိုးဖြစ်သောလူသားမိန်းမတို့၏ ချစ်ခင်မြတ်နိုးမှုကို အစဥ်တစိုက်ခံရလေ့ရှိသော ဖခင်...
ကျွန်ုပ်မှာ တစ်စုံတစ်ယောက်ကို ချစ်ခင်နှစ်သက်သော်လည်း ငြင်းပယ်ခံရခြင်း၏ ခါးသီးသောအရသာကိုသာ အဖန်တလဲလဲ ခံစားနေရပါသည်။ မည်သို့ပြုရမည်နည်း"

" ငါ၏ လက်ရုံးသဖွယ် အားကိုးအားထားပြုရသော သားတော်ဟာမီးစ်...
သင်ကဲ့သို့ ဉာဏ်ရည်ထက်မြက်၍ နတ်ဘုရားအများ၏ ချီးမြှောက်မှုကိုခံရသူကို အဘယ်သူက ငြင်းပယ်နိုင်မည်နည်း"

"ဖခင်... မသိ၍ မေးသည်လော၊ သိလျက်နှင့်မေးသည်လော မစောကြောတော့ပါ။

လှပမှုအပေါင်း၏ အရှင်သခင်မ၊ ဖိုမအချစ်တို့၏ စိုးမိုးသူနတ်ဘုရားမဖြစ်သော အဖရိုဒိုက်တီး ကို ပြင်းထန်စွာစုံမက်မိသော်လည်း တူညီသောတုံ့ပြန်မှုကိုမရ၍ သားတော်၏ စိတ်နှလုံးသည် အေးချမ်းခြင်းကို မရနိုင် ဖြစ်နေပါသည်"

" သင် မကြိုးပမ်းလော"

" အကြိမ်ကြိမ်ပင်ဖြစ်သည်။ အရေးမသာခဲ့ပါ။ သို့ဖြစ်၍ ဖခင်၏ အကြံဉာဏ်ကို ရယူလိုခြင်းဖြစ်ပါသည်"

" ဤအတွက် မပူလင့်သားတော်၊ ငါ စီမံအံ့"


ဇူးစ် (Zeus)က သူ့ကိုအမြဲအကူအညီပေးလေ့ရှိတဲ့၊ သူအားကိုးရတဲ့သားတော် ဟာမီးစ် (Hermes)ကို မျက်နှာသာပေးတဲ့အနေနဲ့ ဟာမီးစ်ရဲ့အချစ်ရေးကိစ္စမှာ ကူညီဖို့ ဆုံးဖြတ်လိုက်တယ်။ အဖရိုဒိုက်တီး(Aphrodite)ကိုမရလို့ စိတ်ဓါတ်ကျဝမ်းနည်းနေတဲ့ ဟာမီးစ်ကို သနားတာလဲပါတာပေါ့။

အဖရိုဒိုက်တီး (Aphrodite)
-------------------------------

ဇူးစ်နတ်ဘုရားရဲ့ အဖိုးဖြစ်သူ ကောင်းကင်ကြီးကို ကိုယ်စားပြုတဲ့ ယူရေးနပ်စ် (Uranus) ကို ဇူးစ်ရဲ့ဖခင်ဖြစ်တဲ့ ခရိုးနက်စ် (Cronus) က နန်းလုတဲ့အချိန်မှာ အဖရိုဒိုက်တီး (Aphrodite) ကို မွေးဖွားခဲ့တယ်။ ယူရေးနပ်စ်ရဲ့ လိင်အင်္ဂါကိုခရိုးနက်စ်က ဖြတ်တောက်ပြီး ပင်လယ်ထဲကိုပစ်လိုက်ရာကနေ ပင်လယ်ရေမြှုပ်လေးတစ်ခုပေါ်လာတယ်။ အဲဒီရေမြှုပ်ကလေးကနေမှ လှပတင့်တယ်မှုမှာပြိုင်ဘက်ကင်းတဲ့ အဖရိုဒိုက်တီးကို ဆိုက်ပရပ်စ်ကျွန်း (Cyprus) အနီးမှာမွေးဖွားလာခဲ့တယ်။

အဖရိုဒိုက်တီးကို ပင်လယ်ပြင်ခရီးသွားသူတွေရဲ့ နတ်ဘုရားမအဖြစ်ကိုးကွယ်ကြသလို၊ ကိုးကွယ်သူတွေကြားထဲမှာ ဖိုမအချစ်ရဲ့နတ်ဘုရားမနဲ့ အလှနတ်ဘုရားမအဖြစ်လဲ ထင်ရှားတယ်။ အိုလံပစ်တောင်မှာ စံမြန်းတဲ့ နတ်ဘုရားတွေကြားမှာ တစ်ပါးအပါအဝင်ဖြစ်လာပြီး နတ်ဘုရားအများက နှစ်သက်ချစ်ခင်ခြင်းကိုခံရသူဖြစ်လာတယ်။

ဇူးစ်၏အစီအမံ
-------------------

တစ်ရက်မှာပေါ့။
အခလိုးဝက်စ်မြစ်ကြီး  (River Achelous) က သာယာလှပတဲ့ နေရောင်ခြည်အောက်မှာ တသွင်သွင်စီးနေတယ်။
အလှနတ်ဘုရားမ အဖရိုဒိုက်တီးက မြစ်ထဲမှာ လှပတင့်တယ်စွာနဲ့ ရေချိုးလို့ပေါ့။
မြစ်ဘေးမှာချွတ်ထားတဲ့ အဖရိုဒိုက်တီးရဲ့ဖိနပ်တွေကို ကောင်းကင်ပေါ်ကရုတ်တရက်ထိုးဆင်းလာတဲ့ သိမ်းငှက်တစ်ကောင်က ထိုးသုတ်လို့ ကောင်းကင်ပေါ်ကိုပြန်ပြီး ပျံတက်သွားတယ်။

ဖိနပ်တွေပြန်ရဖို့ သိမ်းငှက်နောက်ကို အဆင့်ဆင့်လိုက်တဲ့ အဖရိုဒိုက်တီးဟာ အီဂျစ်ပြည်အရောက်မှာတော့ သူ့ဖိနပ်လေးတွေကို ပိုက်ထားတဲ့ ဟာမီးစ်ကိုတွေ့လိုက်ရတယ်။

ဖိနပ်ကိုအကြောင်းပြုပြီး မရမကလူပျိုလှည့်တဲ့ဟာမီးစ်ကို အဖရိုဒိုက်တီးက လက်ခံလိုက်ပြီး သူတို့နှစ်ယောက်ကနေ ချောမောလှပတဲ့ ကလေးလေးတစ်ယောက်မွေးလာခဲ့တယ်။

မိခင်ဖြစ်သူ အဖရိုဒိုက်တီးနဲ့ ဖခင်ဖြစ်သူ ဟာမီးစ်တို့ရဲ့နာမည်တွေပေါင်းပြီး ကလေးကို ဟာမဖရိုဒိုက်တီး ( Hermaphrodite) လို့ အမည်ပေးလိုက်ကြတယ်။

ဆန္ဒပြည့်ဝသွားတဲ့ ဟာမီးစ်က သူ့ကိုကူညီတဲ့သိမ်းငှက်ကိုတော့ ကောင်းကင်ပေါ်မှာ ကြယ်တာရာတစ်စုအနေနဲ့ ဖန်ဆင်းပေးပြီး ဆုချလိုက်လေရဲ့။

ပန်နလိုပီးယား (Penelopeia)
-----------------------------------
အာကေးဒီးယားဒေသက ဟာမီးစ်ကို မွေးဖွားရာစီလိနီတောင် ( Mount Cyllene) မှာ သိုးအုပ်ပိုင်ရှင်တစ်ယောက်ရှိတယ်။ ဒရိုင်အိုပိုစ်(Dryopos) လို့ နာမည်ရတဲ့လူရဲ့ သိုးအုပ်ကို ဟာမီးစ်က ကိုယ်တိုင်လာပြီး ကြည့်ရှုစောင့်ရှောက်ပေးလေ့ရှိတယ်။ အကြောင်းရင်းကတော့ ဒရိုင်အိုပိုစ်ရဲ့သမီးဖြစ်သူ ပန်နလိုပီးယား (Penelopeia) ကိုစုံမက်လို့ပါပဲ။

မကြာခင်မှာပဲ ဟာမီးစ်နဲ့ ပန်နလိုပီးယားတို့သင့်မြတ်ပြီး ကလေးလေးတစ်ယောက်မွေးလာတယ်။ ဆိတ်ရဲ့ခြေထောက်တွေနဲ့ နှဖူးမှာဆိတ်ချိုတွေပါတဲ့ ကလေးလေးက ရွှင်မြူးစွာရယ်နေလေ့ရှိတယ်။ မွေးပြီးခါစ ကလေးမျက်နှာကိုကြည့်လိုက်တဲ့အခါ မုတ်ဆိတ်မွေးတွေနဲ့ ဆိတ်ချိုနဲ့ဖြစ်နေတာကိုတွေ့လိုက်ရလို့ မိခင်ဖြစ်သူ ပန်နလိုပီးယား လန့်သွားတယ်။ ကလေးကိုလဲ မမွေးမြူချင်တော့ဘူး။

ဟာမီးစ်ကတော့ ဆိတ်ခြေထောက်၊ နှဖူးမှာဆိတ်ချို၊ မေးအောက်မှာမုတ်ဆိတ်မွေးနဲ့ ကလေးငယ်လေးကို ကြင်ကြင်နာနာပဲပွေ့ချီပြီး အိုလံပစ်တောင်ကို ခေါ်သွားလိုက်တယ်။ အဲဒီကလေးငယ်က သိုးကျောင်းသားတို့ရဲ့နတ်ဘုရား၊ သဘာဝတရားနဲ့ပက်သက်ဆက်နွယ်တဲ့နတ်ဘုရားဖြစ်လာပြီး ပုလွေလေးနဲ့အတူအမြဲတွေ့ရတဲ့ ဆိတ်ခြေထောက်၊လူကိုယ်ခန္ဓာနဲ့သူ့ကို ဆိတ်ခြေထောက်နဲ့နတ်ဘုရား ပန် (goat-footed God Pan) လို့ခေါ်ကြတယ်။ ပန်ပုလွေ (Pan flute) ဆိုတာက အခေါင်းပါတဲ့ကျူရိုးလေးတွေ၊ ဝါးလုံးငယ်လေးတွေ၊ ပိုက်လေးတွေကို တိုရာကရှည်ရာ အစဉ်လိုက်စီပြီး သီထားတဲ့ တူရိယာတစ်မျိုးဖြစ်ပြီး ပန်ကို အစွဲပြုလို့ ပန်ပုလွေ( Pan Flute/ Panpipes)လို့ခေါ်ကြတာပါ။

ပီသော (Peitho)
--------------------
နောက်တစ်ကြိမ်မှာတော့ ဟာမီးစ်က ပီသော (Peitho)နဲ့ချစ်ခင်စုံမက်ပြန်တယ်။ ပီသောက အဖရိုဒိုက်တီးရဲ့ အဖော်အလှော်တစ်ယောက်ဖြစ်ပြီး ဆွဲဆောင်ဖျားယောင်းမှုနဲ့ သိမ်းသွင်းမှုတို့ရဲ့ နတ်ဘုရားမတစ်ပါး။ ပန်ဒိုရာကို ဟာဖက်စ်တပ်စ်က ဖန်တီးခဲ့စဥ်က  နတ်ဘုရားမငယ်လေးတွေဖြစ်တဲ့ ဂရေ့စ် (Graces)တွေနဲ့ အတူပန်ဒိုရာကို လှပတဲ့လည်ဆွဲလေးတစ်ခုလက်ဆောင်ပေးခဲ့သူဖြစ်တယ်။
------------------------------
*Side Note One: ဟာမီးစ်က ဟင်းသီးဟင်းရွက်တို့ရဲ့နတ်ဘုရားမပါဆီဖိုနီ(Persephone)ကိုလဲ ပိုးပန်းခဲ့ဖူးသေးပေမယ့် မိခင်ဖြစ်သူ ကောက်ပဲသီးနှံနဲ့ မြေဆီလွှာတို့ရဲ့နတ်ဘုရားမဒမီတာ(Demeter)က သဘောမတူခဲ့ဘူးလို့ဆိုတယ်။ သူ့ရဲ့လက်စွဲ ကဒူးဆီးရက်စ်နှင်တံကို ပိုကြေးပန်းကြေးအနေနဲ့ပေးခဲ့တာတောင် ဒမီတာက သမီးနဲ့သဘောမတူလို့ ပြန်ပို့စေခဲ့လိုက်ပါတယ်တဲ့။

**Side Note Two: ဟာမီးစ်မှာ လူသားထဲကရော၊ နတ်သမီးငယ်တွေထဲကပါချစ်သူအများအပြားရှိပြီး ယောက်ျားလေးတစ်ချို့ပါသူ့ချစ်သူထဲမှာပါတယ်လို့ဆိုတယ်။ အဲဒီထဲကထင်ရှားတဲ့ချစ်သူကတော့ ပါဆီးရက်စ် (Perseus) ပါလို့ ဒဏ္ဍာရီတော်တော်များများက ညွှန်ပြကြတယ်။

***Side Note Three: ပန်ကသူ့တောအုပ်ထဲဝင်လာတဲ့ လူစိမ်းတွေကို စူးရှကျယ်လောင်တဲ့ ဟိန်းဟောက်သံပေးပြီး မောင်းထုတ်လေ့ရှိတယ်။ ကြောက်ရွံ့ထိတ်လန့်ဖွယ်ရာ အသံကိုကြားသူတိုင်းက ကြောက်လန့်တကြားထွက်ပြေးရလေ့ရှိတယ်။ အဲလို ကြောက်ပြီးခြေမကိုင်မိ၊ လက်မကိုင်မိဖြစ်တာကို ပန်ရဲ့နာမည် Pan ကိုစွဲပြီး Panic ဖြစ်တယ် (picnic မဟုတ်၊ penis မဟုတ်)လို့ခေါ်တယ်။



(ဟာမီးစ်အကြောင်းပြီးပါပြီ။)

မောင်ဇိ
(၂၁၊၀၇၊၂၀၂၀)

https://greekgodsandgoddesses.net/goddesses/aphrodite/

https://www.britannica.com/topic/Venus-goddess

https://01greekmythology.blogspot.com/2013/10/hermes-and-aphrodite.html

https://www.greekboston.com/culture/mythology/hermes-messenger-god/

https://mythopedia.com/greek-mythology/gods/hermes/

http://home.riise.hiroshima-u.ac.jp/~nakamura/AN/rekisi-e.html
---------------------------------------------------------
ေမာင္ဇိ၏ ဂရိဒ႑ာရီ (၁၅) { ဟာမီးစ္ - ၆ }

**********************************

ဟာမီးစ္၏အခ်စ္ဇာတ္လမ္းမ်ား
-------------------------------------
တစ္ေန႔မွာ သိုးေက်ာင္းသားေတြ၊ ကုန္သည္ေတြ၊ ခရီးသည္ေတြ၊ လ်င္ျမန္ဖ်တ္လတ္စြာလႈပ္ရွားရတဲ့ အားကစားသမားေတြနဲ႔ ကလိမ္ဉာဏ္က်ယ္တဲ့ခိုးသူေတြရဲ႕ နတ္ဘုရားဟာမီးစ္က သူ႔ဖခင္ျဖစ္တဲ့ ဇူးစ္နတ္ဘုရားကိုေျပာတယ္။

" မေသမ်ိဳးျဖစ္ေသာနတ္ဘုရားမမ်ားသာမက ေသမ်ိဳးျဖစ္ေသာလူသားမိန္းမတို႔၏ ခ်စ္ခင္ျမတ္ႏိုးမႈကို အစဥ္တစိုက္ခံရေလ့ရွိေသာ ဖခင္...
ကြၽႏ္ုပ္မွာ တစ္စုံတစ္ေယာက္ကို ခ်စ္ခင္ႏွစ္သက္ေသာ္လည္း ျငင္းပယ္ခံရျခင္း၏ ခါးသီးေသာအရသာကိုသာ အဖန္တလဲလဲ ခံစားေနရပါသည္။ မည္သို႔ျပဳရမည္နည္း"

" ငါ၏ လက္႐ုံးသဖြယ္ အားကိုးအားထားျပဳရေသာ သားေတာ္ဟာမီးစ္...
သင္ကဲ့သို႔ ဉာဏ္ရည္ထက္ျမက္၍ နတ္ဘုရားအမ်ား၏ ခ်ီးေျမႇာက္မႈကိုခံရသူကို အဘယ္သူက ျငင္းပယ္ႏိုင္မည္နည္း"

"ဖခင္... မသိ၍ ေမးသည္ေလာ၊ သိလ်က္ႏွင့္ေမးသည္ေလာ မေစာေၾကာေတာ့ပါ။

လွပမႈအေပါင္း၏ အရွင္သခင္မ၊ ဖိုမအခ်စ္တို႔၏ စိုးမိုးသူနတ္ဘုရားမျဖစ္ေသာ အဖ႐ိုဒိုက္တီး ကို ျပင္းထန္စြာစုံမက္မိေသာ္လည္း တူညီေသာတုံ႔ျပန္မႈကိုမရ၍ သားေတာ္၏ စိတ္ႏွလုံးသည္ ေအးခ်မ္းျခင္းကို မရႏိုင္ ျဖစ္ေနပါသည္"

" သင္ မႀကိဳးပမ္းေလာ"

" အႀကိမ္ႀကိမ္ပင္ျဖစ္သည္။ အေရးမသာခဲ့ပါ။ သို႔ျဖစ္၍ ဖခင္၏ အႀကံဉာဏ္ကို ရယူလိုျခင္းျဖစ္ပါသည္"

" ဤအတြက္ မပူလင့္သားေတာ္၊ ငါ စီမံအံ့"


ဇူးစ္ (Zeus)က သူ႔ကိုအၿမဲအကူအညီေပးေလ့ရွိတဲ့၊ သူအားကိုးရတဲ့သားေတာ္ ဟာမီးစ္ (Hermes)ကို မ်က္ႏွာသာေပးတဲ့အေနနဲ႔ ဟာမီးစ္ရဲ႕အခ်စ္ေရးကိစၥမွာ ကူညီဖို႔ ဆုံးျဖတ္လိုက္တယ္။ အဖ႐ိုဒိုက္တီး(Aphrodite)ကိုမရလို႔ စိတ္ဓါတ္က်ဝမ္းနည္းေနတဲ့ ဟာမီးစ္ကို သနားတာလဲပါတာေပါ့။

အဖ႐ိုဒိုက္တီး (Aphrodite)
-------------------------------

ဇူးစ္နတ္ဘုရားရဲ႕ အဖိုးျဖစ္သူ ေကာင္းကင္ႀကီးကို ကိုယ္စားျပဳတဲ့ ယူေရးနပ္စ္ (Uranus) ကို ဇူးစ္ရဲ႕ဖခင္ျဖစ္တဲ့ ခ႐ိုးနက္စ္ (Cronus) က နန္းလုတဲ့အခ်ိန္မွာ အဖ႐ိုဒိုက္တီး (Aphrodite) ကို ေမြးဖြားခဲ့တယ္။ ယူေရးနပ္စ္ရဲ႕ လိင္အဂၤါကိုခ႐ိုးနက္စ္က ျဖတ္ေတာက္ၿပီး ပင္လယ္ထဲကိုပစ္လိုက္ရာကေန ပင္လယ္ေရျမႇဳပ္ေလးတစ္ခုေပၚလာတယ္။ အဲဒီေရျမႇဳပ္ကေလးကေနမွ လွပတင့္တယ္မႈမွာၿပိဳင္ဘက္ကင္းတဲ့ အဖ႐ိုဒိုက္တီးကို ဆိုက္ပရပ္စ္ကြၽန္း (Cyprus) အနီးမွာေမြးဖြားလာခဲ့တယ္။

အဖ႐ိုဒိုက္တီးကို ပင္လယ္ျပင္ခရီးသြားသူေတြရဲ႕ နတ္ဘုရားမအျဖစ္ကိုးကြယ္ၾကသလို၊ ကိုးကြယ္သူေတြၾကားထဲမွာ ဖိုမအခ်စ္ရဲ႕နတ္ဘုရားမနဲ႔ အလွနတ္ဘုရားမအျဖစ္လဲ ထင္ရွားတယ္။ အိုလံပစ္ေတာင္မွာ စံျမန္းတဲ့ နတ္ဘုရားေတြၾကားမွာ တစ္ပါးအပါအဝင္ျဖစ္လာၿပီး နတ္ဘုရားအမ်ားက ႏွစ္သက္ခ်စ္ခင္ျခင္းကိုခံရသူျဖစ္လာတယ္။

ဇူးစ္၏အစီအမံ
-------------------

တစ္ရက္မွာေပါ့။
အခလိုးဝက္စ္ျမစ္ႀကီး  (River Achelous) က သာယာလွပတဲ့ ေနေရာင္ျခည္ေအာက္မွာ တသြင္သြင္စီးေနတယ္။
အလွနတ္ဘုရားမ အဖ႐ိုဒိုက္တီးက ျမစ္ထဲမွာ လွပတင့္တယ္စြာနဲ႔ ေရခ်ိဳးလို႔ေပါ့။
ျမစ္ေဘးမွာခြၽတ္ထားတဲ့ အဖ႐ိုဒိုက္တီးရဲ႕ဖိနပ္ေတြကို ေကာင္းကင္ေပၚက႐ုတ္တရက္ထိုးဆင္းလာတဲ့ သိမ္းငွက္တစ္ေကာင္က ထိုးသုတ္လို႔ ေကာင္းကင္ေပၚကိုျပန္ၿပီး ပ်ံတက္သြားတယ္။

ဖိနပ္ေတြျပန္ရဖို႔ သိမ္းငွက္ေနာက္ကို အဆင့္ဆင့္လိုက္တဲ့ အဖ႐ိုဒိုက္တီးဟာ အီဂ်စ္ျပည္အေရာက္မွာေတာ့ သူ႔ဖိနပ္ေလးေတြကို ပိုက္ထားတဲ့ ဟာမီးစ္ကိုေတြ႕လိုက္ရတယ္။

ဖိနပ္ကိုအေၾကာင္းျပဳၿပီး မရမကလူပ်ိဳလွည့္တဲ့ဟာမီးစ္ကို အဖ႐ိုဒိုက္တီးက လက္ခံလိုက္ၿပီး သူတို႔ႏွစ္ေယာက္ကေန ေခ်ာေမာလွပတဲ့ ကေလးေလးတစ္ေယာက္ေမြးလာခဲ့တယ္။

မိခင္ျဖစ္သူ အဖ႐ိုဒိုက္တီးနဲ႔ ဖခင္ျဖစ္သူ ဟာမီးစ္တို႔ရဲ႕နာမည္ေတြေပါင္းၿပီး ကေလးကို ဟာမဖ႐ိုဒိုက္တီး ( Hermaphrodite) လို႔ အမည္ေပးလိုက္ၾကတယ္။

ဆႏၵျပည့္ဝသြားတဲ့ ဟာမီးစ္က သူ႔ကိုကူညီတဲ့သိမ္းငွက္ကိုေတာ့ ေကာင္းကင္ေပၚမွာ ၾကယ္တာရာတစ္စုအေနနဲ႔ ဖန္ဆင္းေပးၿပီး ဆုခ်လိုက္ေလရဲ႕။

ပန္နလိုပီးယား (Penelopeia)
-----------------------------------
အာေကးဒီးယားေဒသက ဟာမီးစ္ကို ေမြးဖြားရာစီလိနီေတာင္ ( Mount Cyllene) မွာ သိုးအုပ္ပိုင္ရွင္တစ္ေယာက္ရွိတယ္။ ဒ႐ိုင္အိုပိုစ္(Dryopos) လို႔ နာမည္ရတဲ့လူရဲ႕ သိုးအုပ္ကို ဟာမီးစ္က ကိုယ္တိုင္လာၿပီး ၾကည့္ရႈေစာင့္ေရွာက္ေပးေလ့ရွိတယ္။ အေၾကာင္းရင္းကေတာ့ ဒ႐ိုင္အိုပိုစ္ရဲ႕သမီးျဖစ္သူ ပန္နလိုပီးယား (Penelopeia) ကိုစုံမက္လို႔ပါပဲ။

မၾကာခင္မွာပဲ ဟာမီးစ္နဲ႔ ပန္နလိုပီးယားတို႔သင့္ျမတ္ၿပီး ကေလးေလးတစ္ေယာက္ေမြးလာတယ္။ ဆိတ္ရဲ႕ေျခေထာက္ေတြနဲ႔ ႏွဖူးမွာဆိတ္ခ်ိဳေတြပါတဲ့ ကေလးေလးက ႐ႊင္ျမဴးစြာရယ္ေနေလ့ရွိတယ္။ ေမြးၿပီးခါစ ကေလးမ်က္ႏွာကိုၾကည့္လိုက္တဲ့အခါ မုတ္ဆိတ္ေမြးေတြနဲ႔ ဆိတ္ခ်ိဳနဲ႔ျဖစ္ေနတာကိုေတြ႕လိုက္ရလို႔ မိခင္ျဖစ္သူ ပန္နလိုပီးယား လန္႔သြားတယ္။ ကေလးကိုလဲ မေမြးျမဴခ်င္ေတာ့ဘူး။

ဟာမီးစ္ကေတာ့ ဆိတ္ေျခေထာက္၊ ႏွဖူးမွာဆိတ္ခ်ိဳ၊ ေမးေအာက္မွာမုတ္ဆိတ္ေမြးနဲ႔ ကေလးငယ္ေလးကို ၾကင္ၾကင္နာနာပဲေပြ႕ခ်ီၿပီး အိုလံပစ္ေတာင္ကို ေခၚသြားလိုက္တယ္။ အဲဒီကေလးငယ္က သိုးေက်ာင္းသားတို႔ရဲ႕နတ္ဘုရား၊ သဘာဝတရားနဲ႔ပက္သက္ဆက္ႏြယ္တဲ့နတ္ဘုရားျဖစ္လာၿပီး ပုေလြေလးနဲ႔အတူအၿမဲေတြ႕ရတဲ့ ဆိတ္ေျခေထာက္၊လူကိုယ္ခႏၶာနဲ႔သူ႔ကို ဆိတ္ေျခေထာက္နဲ႔နတ္ဘုရား ပန္ (goat-footed God Pan) လို႔ေခၚၾကတယ္။ ပန္ပုေလြ (Pan flute) ဆိုတာက အေခါင္းပါတဲ့က်ဴ႐ိုးေလးေတြ၊ ဝါးလုံးငယ္ေလးေတြ၊ ပိုက္ေလးေတြကို တိုရာကရွည္ရာ အစဥ္လိုက္စီၿပီး သီထားတဲ့ တူရိယာတစ္မ်ိဳးျဖစ္ၿပီး ပန္ကို အစြဲျပဳလို႔ ပန္ပုေလြ( Pan Flute/ Panpipes)လို႔ေခၚၾကတာပါ။

ပီေသာ (Peitho)
--------------------
ေနာက္တစ္ႀကိမ္မွာေတာ့ ဟာမီးစ္က ပီေသာ (Peitho)နဲ႔ခ်စ္ခင္စုံမက္ျပန္တယ္။ ပီေသာက အဖ႐ိုဒိုက္တီးရဲ႕ အေဖာ္အေလွာ္တစ္ေယာက္ျဖစ္ၿပီး ဆြဲေဆာင္ဖ်ားေယာင္းမႈနဲ႔ သိမ္းသြင္းမႈတို႔ရဲ႕ နတ္ဘုရားမတစ္ပါး။ ပန္ဒိုရာကို ဟာဖက္စ္တပ္စ္က ဖန္တီးခဲ့စဥ္က  နတ္ဘုရားမငယ္ေလးေတြျဖစ္တဲ့ ဂေရ႕စ္ (Graces)ေတြနဲ႔ အတူပန္ဒိုရာကို လွပတဲ့လည္ဆြဲေလးတစ္ခုလက္ေဆာင္ေပးခဲ့သူျဖစ္တယ္။
------------------------------
*Side Note One: ဟာမီးစ္က ဟင္းသီးဟင္း႐ြက္တို႔ရဲ႕နတ္ဘုရားမပါဆီဖိုနီ(Persephone)ကိုလဲ ပိုးပန္းခဲ့ဖူးေသးေပမယ့္ မိခင္ျဖစ္သူ ေကာက္ပဲသီးႏွံနဲ႔ ေျမဆီလႊာတို႔ရဲ႕နတ္ဘုရားမဒမီတာ(Demeter)က သေဘာမတူခဲ့ဘူးလို႔ဆိုတယ္။ သူ႔ရဲ႕လက္စြဲ ကဒူးဆီးရက္စ္ႏွင္တံကို ပိုေၾကးပန္းေၾကးအေနနဲ႔ေပးခဲ့တာေတာင္ ဒမီတာက သမီးနဲ႔သေဘာမတူလို႔ ျပန္ပို႔ေစခဲ့လိုက္ပါတယ္တဲ့။

**Side Note Two: ဟာမီးစ္မွာ လူသားထဲကေရာ၊ နတ္သမီးငယ္ေတြထဲကပါခ်စ္သူအမ်ားအျပားရွိၿပီး ေယာက္်ားေလးတစ္ခ်ိဳ႕ပါသူ႔ခ်စ္သူထဲမွာပါတယ္လို႔ဆိုတယ္။ အဲဒီထဲကထင္ရွားတဲ့ခ်စ္သူကေတာ့ ပါဆီးရက္စ္ (Perseus) ပါလို႔ ဒ႑ာရီေတာ္ေတာ္မ်ားမ်ားက ၫႊန္ျပၾကတယ္။

***Side Note Three: ပန္ကသူ႔ေတာအုပ္ထဲဝင္လာတဲ့ လူစိမ္းေတြကို စူးရွက်ယ္ေလာင္တဲ့ ဟိန္းေဟာက္သံေပးၿပီး ေမာင္းထုတ္ေလ့ရွိတယ္။ ေၾကာက္႐ြံ႕ထိတ္လန္႔ဖြယ္ရာ အသံကိုၾကားသူတိုင္းက ေၾကာက္လန္႔တၾကားထြက္ေျပးရေလ့ရွိတယ္။ အဲလို ေၾကာက္ၿပီးေျခမကိုင္မိ၊ လက္မကိုင္မိျဖစ္တာကို ပန္ရဲ႕နာမည္ Pan ကိုစြဲၿပီး Panic ျဖစ္တယ္ (picnic မဟုတ္၊ penis မဟုတ္)လို႔ေခၚတယ္။



(ဟာမီးစ္အေၾကာင္းၿပီးပါၿပီ။)

ေမာင္ဇိ
(၂၁၊၀၇၊၂၀၂၀)

https://greekgodsandgoddesses.net/goddesses/aphrodite/

https://www.britannica.com/topic/Venus-goddess

https://01greekmythology.blogspot.com/2013/10/hermes-and-aphrodite.html

https://www.greekboston.com/culture/mythology/hermes-messenger-god/

https://mythopedia.com/greek-mythology/gods/hermes/

http://home.riise.hiroshima-u.ac.jp/~nakamura/AN/rekisi-e.html