အက်စ်ကလိပီးယက်စ်တောင်ဝှေးနဲ့ ကဒူးဆီးရက်စ်နှင်တံ(Rod of Asclepius & Caduceus)

အက်စ်ကလိပီးယက်စ်တောင်ဝှေးနဲ့ ကဒူးဆီးရက်စ်နှင်တံ(Rod of Asclepius & Caduceus)
—————————————————————

ဆေးပညာနဲ့ပက်သက်တဲ့နေရာတွေမှာ သုံးကြတဲ့ သင်္ကေတ နှစ်ခုရှိတယ်။ တစ်ခုက တုတ်ချောင်းမှာမြွေတစ်ကောင်ပတ်နေတဲ့ပုံဖြစ်ပြီး နောက်တစ်ခုက တုတ်ချောင်းမှာ မြွေနှစ်ကောင်ပတ်ပြီး တောင်ပံတစ်စုံပါ ပါတဲ့ပုံဖြစ်တယ်။ နှစ်ခုစလုံးက ရှေးဟောင်း ဂရိဒဏ္ဍာရီတွေကနေအစပြုတယ်။

 မြွေတစ်ကောင်ပတ်နေတဲ့ တုတ်ချောင်းကို ရောဂါကုသမှုနဲ့ ဆေးဝါးပညာရပ်ရဲ့နတ်ဘုရား အက်စ်ကလိပီးယက်စ် (Asclepius) ကိုအစွဲပြုပြီး အက်စ်ကလိပီးယက်စ်တောင်ဝှေး (Rod of Asclepius) လို့ခေါ်ပြီး မြွေနှစ်ကောင်ပတ်နေတဲ့ တောင်ပံတစ်စုံနဲ့ တုတ်ချောင်းကတော့ တမန်တော်နတ်ဘုရား ဟာမီးစ်ရဲ့ ကဒူးဆီးရက်စ် (Caduceus) ပဲဖြစ်တယ်။

ဆေးပညာရဲ့ကနဦးသင်္ကေတအစစ်အမှန်က Rod of Asclepius  ဖြစ်ပေမယ့် တစ်ချို့နိုင်ငံကြီးတွေနဲ့ ဆေးပညာနဲ့ပက်သက်တဲ့ဌာနတစ်ချို့မှာ Caduceus ကိုဆေးပညာရဲ့သင်္ကေတအဖြစ် သုံးကြပြန်တယ်။ 

အက်က်စ်ကလိပီးယက်စ်တောင်ဝှေး (သို့)Rod of Asclepius
***********************************************
အက်စ်ကလိပီးယက်စ်ကို နေနဲ့လင်းရောင်ခြည်၊ ရောဂါဘယနဲ့ကုသရေး၊ ဂီတနဲ့ကဗျာတို့ကိုစိုးမိုးတဲ့နတ်ဘုရား အပိုလို (Apollo) နဲ့ သက်စလေတိုင်းက လူသားမင်းသမီး ခိုရိုးနစ်စ် (Coronis) တို့စုံမက်ရာကနေ မွေးဖွားတယ်။
အက်စ်ကလိပီးယက်စ် ကို ကိုယ်ဝန်ဆောင်နေစဉ်မှာပဲ မိခင်လောင်းဖြစ်သူ ခိုရိုနစ်စ်သေဆုံးသွားလို့ ဖခင်ဖြစ်သူ အပိုလိုက မီးပုံပေါ်မှာတင်ထားတဲ့ မိခင်အလောင်းကနေဗိုက်ခွဲပြီး သူ့ကိုမွေးထုတ်ပေးခဲ့တယ်လို့ဆိုတယ်။ ဒဏ္ဍာရီတွေမှာ သူ့မိခင်သေဆုံးရတဲ့အကြောင်းရင်းကို အမျိုးမျိုးပြောကြပေမယ့် သေချာတာကတော့ အက်စ်ကလိပီးယက်စ်ဟာ မိခင်မရှိပဲကြီးပြင်းလာရတယ်ဆိုတာပါပဲ။

ဖခင်ဖြစ်သူ အပိုလိုကိုယ်တိုင်က သူ့ကိုဆေးပညာသင်ကြားပေးရုံသာမက အတတ်မျိုးစုံတတ်တဲ့ပညာရှိကြီး ချီရွန် (Chiron) ဆီမှာပါ ငယ်စဉ်ကတည်းကအပ်ထားပြီး ဆေးကုသရေးပညာရပ်ကိုသင်ယူစေတယ်။ ချီရွန်ဆိုတာက ခါးအပေါ်ပိုင်းမှာလူသားကိုယ်ခန္ဓာ၊ ခါးအောက်ပိုင်းမှာမြင်းတစ်ကောင်ရဲ့ခြေလေးချောင်းနဲ့ကိုယ်ကိုပိုင်ဆိုင်တဲ့ ဆန်တော (Centaur)လို့ခေါ်တဲ့ မြင်းလူတစ်ယောက်။ နတ်တစ်ပိုင်းလူတစ်ပိုင်း (demigod) တွေ၊ သူရဲကောင်းတွေနဲ့ မင်းညီမင်းသားတွေက ချီရွန်ဆီမှာပညာသင်ကြလေ့ရှိတယ်။ ထင်ရှားကျော်ကြားတဲ့ ဟာရကလိ(ဟာကြူလီ)-Heracles၊  အေးဂျက်စ်-Ajax ၊ အာခီးလိစ်-Achilles ၊ ဂျေဆန်- Jason၊ ဒိုင်အိုနစ်ဆက်စ်-Dionysus စသူတွေဟာ ချီရွန်ရဲ့တပည့်တွေဖြစ်ခဲ့ကြဖူးတယ်လို့ဆိုတယ်။
ဆေးပညာနဲ့ပက်သက်ရင် အက်စ်ကလိပီးရက်စ်က သူ့ဆရာချီရွန်ထက်တောင်သာလွန်သွားပြီး ဆရာထက်တပည့်လက်စောင်းထက်တယ်လို့ ဆိုကြတယ်။

အက်စ်ကလိပီးယက်စ်အကြောင်းဆက်ရရင် တစ်နေ့မှာလူနာကြည့်ရင်း အာရုံစိုက်နေတုန်း သူ့လက်စွဲတော်တောင်ဝှေးပေါ်ကို မြွေတစ်ကောင်တက်လာလို့ အဲဒီမြွေကိုသူသတ်လိုက်တယ်။ သိပ်မကြာခင်မှာနောက်ထပ်မြွေတစ်ကောင်ရောက်လာပြီး ပါးစပ်မှာကိုက်ချီလာတဲ့ ဆေးပင်ဆေးမြစ်တွေကို သေနေတဲ့မြွေပါးစပ်ထဲကို ထည့်လိုက်တာ မြွေသေကပြန်အသက်ရှင်သွားတယ်။  အဲဒီ ဆေးပင်ကို အက်စ်ကလိပီးယက်စ်က မှတ်သားပြီး လူနာကိုကုလိုက်တာ အသက်ရှင်သွားတယ်တဲ့။ နောက်ပိုင်း အဲဒီ ဆေးပင်ဆေးရွက်နဲ့ သူ့ပညာပေါင်းပြီးကုလိုက်တာ သေသူတွေတောင်ပြန်ရှင်ကြပါတယ်။ (တစ်ချို့ဒဏ္ဍာရီမှာတော့ နတ်ဘုရားမအသီးနား (Athena) ပေးတဲ့ မက်ဒူးဆာရဲ့သွေးနဲ့ကုလို့ ပြန်ရှင်ကြတယ်လို့ပြောတယ်)

မြေအောက်ကမ္ဘာရဲ့ဘုရင်ဟေးဒီးစ် (Hades) ကသူ့ဆီမှာလူဦးရေနည်းအောင် အက်စ်ကလိပီးယက်စ်က လုပ်နေပါတယ်လို့ နတ်ဘုရင်ဇူးစ်ကိုသွားတိုင်လို့ ဇူးစ်က လူဦးရေအချိုးမမျှတမှုမဖြစ်စေရအောင် သမားတော် အက်စ်ကလိပီးယက်စ်ကို မိုးကြိုးလက်နက်နဲ့ ပစ်သတ်လိုက်ရတယ်။ ဒါပေမယ့် အပိုလိုရဲ့တောင်းဆိုချက်ကြောင့် ကောင်းကင်မှာ Ophiochus (မြွေကိုကိုင်ထားသူ) ကြယ်စုအဖြစ်နေရာပေးခဲ့တယ်။

အနောက်တိုင်းဆေးပညာဖခင်ကြီးဖြစ်တဲ့ ဟစ်ပိုကရေးတီးစ်(Hippocrates)ရဲ့ သမားဟူးရားတို့၏သစ္စာဆိုခန်းမှာ မူလက "အပိုလိုနတ်မင်း၊အက်စ်ကလိပီးရက်စ်နှင့် (အခြားနတ်များ) တို့ကိုတိုင်တည်၍ သမားတော်တို့၏သစ္စာကိုဆိုပါသည်” လို့ပါတယ်။
အဲဒီ အက်စ်ကလိပီးယက်စ်ရဲ့ တောင်ဝှေးမှာမြွေပတ်နေတဲ့ Rod of Asclepius သင်္ကေတကိုပဲ ဆေးပညာရဲ့သင်္ကေတအနေနဲ့ယူပြီး သားစဉ်မြေးဆက်သုံးခဲ့ကြတယ်။

ကဒူးဆီးရက်စ် - Caduceus
*****************************
ခေါင်းကဦးထုပ်မှာတောင်ပံတစ်စုံ၊ ဖိနပ်တွေမှာလဲတောင်ပံလေးတွေပါတဲ့ တမန်တော်နတ်ဘုရား ဟာမီးစ် (Hermes) ရဲ့ နှင်တံပါ။ သူ့အစ်ကိုဖြစ်သူ နေနတ်ဘုရားနဲ့ ကုသမှုနတ်ဘုရားအပြင် တခြားတာဝန်အများကြီးပါတွဲထမ်းဆောင်တဲ့အပိုလို (Apollo) ဆီကနေလက်ဆောင်ရခဲ့တာပါ။ ကဒူးဆီးရက်စ်က သက်ရှိတွေကို အိပ်မွေ့ချနိုင်တဲ့အစွမ်းရှိလို့ ဟားမီးစ်ကလူသားတွေကို သတင်းစကားပေးချင်ရင် အိပ်မွေ့ချပြီး အိပ်မက်ထဲမှာပြောလေ့ရှိပါတယ်။

အသေအကြေကိုက်ခဲပြီးတိုက်ခိုက်နေတဲ့မြွေနှစ်ကောင်ကို ကဒူးဆီးရက်စ်နဲ့တားဆီးလိုက်ရာက မြွေနှစ်ကောင်ဟာ ကဒူးဆီးရက်စ်မှာ ပတ်ပြီးနေကြတယ်လို့ ဒဏ္ဍာရီတွေကဆိုတယ်။ တစ်ချို့ဇာတ်လမ်းတွေမှာတော့ မြွေသေနှစ်ကောင်ကို အသက်သွင်းလိုက်ရာက ကဒူးဆီးရက်စ်မှာပတ်နေကြတယ်လို့လဲ ဆိုကြတယ်။

၁၉၀၂ ခုနှစ်မှာ အမေရိကန်စစ်တပ်ဆေးအဖွဲ့က ဒီသ​င်္ကေတကိုယူသုံးခဲ့ပြီး ဆေးပညာရဲ့အမှတ်တံဆိပ်တစ်ခုအဖြစ် နေရာတစ်ချို့မှာ ကျယ်ကျယ်ပြန့်ပြန့် သုံးနေကြတယ်။
တစ်ချို့ကတော့ အက်စ်ကလိပီးရက်စ် တောင်ဝှေးအစား ကဒူးဆီးရက်စ်ကို မှားသုံးမိတာလို့လဲ ထောက်ပြကြတယ်။

မြွေရဲ့ ကိုယ်စားပြုမှု
*******************
မြွေတစ်ကောင်ပတ်နေတဲ့အက်စ်ကလိပီးယက်စ်တောင်ဝှေးရော...
မြွေနှစ်ကောင်တောင်ပံတစ်စုံနဲ့ ကဒူးဆီးရက်စ်နှင်တံမှာရော...
ပါတဲ့မြွေက အကန့်အသတ်မဲ့အသက်ရှည်ခြင်း (Immortality) နဲ့ အရေခွံလဲလိုက်တာနဲ့ အသစ်ဖြစ်သလိုနုပျိုသွားတဲ့မြွေရဲ့ဂုဏ်သတ္တိက ရောဂါပျောက်ကင်းချမ်းသာခြင်း(Healing) ကို ကိုယ်စားပြုတယ်။

တခြား သံတူကြောင်းကွဲဇာတ်လမ်းလေးတွေရှိသေးပေမယ့် ထင်ရှားတာကတော့ ပြောခဲ့တဲ့ ဂရိဒဏ္ဍာရီနောက်ခံဇာတ်လမ်းလေးတွေပါပဲ။

မောင်ဇိ (၁၃၊ ၀၇၊ ၂၀၂၀)

ကိုးကား။ ။

https://www.theoi.com/Ouranios/Asklepios.html

https://www.ancient.eu/Asclepius/

https://www.greeklegendsandmyths.com/chiron.html

https://www.ncbi.nlm.nih.gov/pmc/articles/PMC4439707/

https://www.livescience.com/amp/33104-why-is-the-medical-symbol-a-snake-on-a-stick.html

https://www.newworldencyclopedia.org/entry/Caduceus

https://hubpages.com/education/The-Centaur-Chiron-in-Greek-Mythology
—————။———။———
Zawgyi
အက္စ္ကလိပီးယက္စ္ေတာင္ေဝွးနဲ႔ ကဒူးဆီးရက္စ္ႏွင္တံ(Rod of Asclepius & Caduceus)
—————————————————————

ေဆးပညာနဲ႔ပက္သက္တဲ့ေနရာေတြမွာ သုံးၾကတဲ့ သေကၤတ ႏွစ္ခုရွိတယ္။ တစ္ခုက တုတ္ေခ်ာင္းမွာေႁမြတစ္ေကာင္ပတ္ေနတဲ့ပုံျဖစ္ၿပီး ေနာက္တစ္ခုက တုတ္ေခ်ာင္းမွာ ေႁမြႏွစ္ေကာင္ပတ္ၿပီး ေတာင္ပံတစ္စုံပါ ပါတဲ့ပုံျဖစ္တယ္။ ႏွစ္ခုစလုံးက ေရွးေဟာင္း ဂရိဒ႑ာရီေတြကေနအစျပဳတယ္။

 ေႁမြတစ္ေကာင္ပတ္ေနတဲ့ တုတ္ေခ်ာင္းကို ေရာဂါကုသမႈနဲ႔ ေဆးဝါးပညာရပ္ရဲ႕နတ္ဘုရား အက္စ္ကလိပီးယက္စ္ (Asclepius) ကိုအစြဲျပဳၿပီး အက္စ္ကလိပီးယက္စ္ေတာင္ေဝွး (Rod of Asclepius) လို႔ေခၚၿပီး ေႁမြႏွစ္ေကာင္ပတ္ေနတဲ့ ေတာင္ပံတစ္စုံနဲ႔ တုတ္ေခ်ာင္းကေတာ့ တမန္ေတာ္နတ္ဘုရား ဟာမီးစ္ရဲ႕ ကဒူးဆီးရက္စ္ (Caduceus) ပဲျဖစ္တယ္။

ေဆးပညာရဲ႕ကနဦးသေကၤတအစစ္အမွန္က Rod of Asclepius  ျဖစ္ေပမယ့္ တစ္ခ်ိဳ႕ႏိုင္ငံႀကီးေတြနဲ႔ ေဆးပညာနဲ႔ပက္သက္တဲ့ဌာနတစ္ခ်ိဳ႕မွာ Caduceus ကိုေဆးပညာရဲ႕သေကၤတအျဖစ္ သုံးၾကျပန္တယ္။  

အက္က္စ္ကလိပီးယက္စ္ေတာင္ေဝွး (သို႔)Rod of Asclepius
***********************************************
အက္စ္ကလိပီးယက္စ္ကို ေနနဲ႔လင္းေရာင္ျခည္၊ ေရာဂါဘယနဲ႔ကုသေရး၊ ဂီတနဲ႔ကဗ်ာတို႔ကိုစိုးမိုးတဲ့နတ္ဘုရား အပိုလို (Apollo) နဲ႔ သက္စေလတိုင္းက လူသားမင္းသမီး ခို႐ိုးနစ္စ္ (Coronis) တို႔စုံမက္ရာကေန ေမြးဖြားတယ္။
အက္စ္ကလိပီးယက္စ္ ကို ကိုယ္ဝန္ေဆာင္ေနစဥ္မွာပဲ မိခင္ေလာင္းျဖစ္သူ ခို႐ိုနစ္စ္ေသဆုံးသြားလို႔ ဖခင္ျဖစ္သူ အပိုလိုက မီးပုံေပၚမွာတင္ထားတဲ့ မိခင္အေလာင္းကေနဗိုက္ခြဲၿပီး သူ႔ကိုေမြးထုတ္ေပးခဲ့တယ္လို႔ဆိုတယ္။ ဒ႑ာရီေတြမွာ သူ႔မိခင္ေသဆုံးရတဲ့အေၾကာင္းရင္းကို အမ်ိဳးမ်ိဳးေျပာၾကေပမယ့္ ေသခ်ာတာကေတာ့ အက္စ္ကလိပီးယက္စ္ဟာ မိခင္မရွိပဲႀကီးျပင္းလာရတယ္ဆိုတာပါပဲ။

ဖခင္ျဖစ္သူ အပိုလိုကိုယ္တိုင္က သူ႔ကိုေဆးပညာသင္ၾကားေပး႐ုံသာမက အတတ္မ်ိဳးစုံတတ္တဲ့ပညာရွိႀကီး ခ်ီ႐ြန္ (Chiron) ဆီမွာပါ ငယ္စဥ္ကတည္းကအပ္ထားၿပီး ေဆးကုသေရးပညာရပ္ကိုသင္ယူေစတယ္။ ခ်ီ႐ြန္ဆိုတာက ခါးအေပၚပိုင္းမွာလူသားကိုယ္ခႏၶာ၊ ခါးေအာက္ပိုင္းမွာျမင္းတစ္ေကာင္ရဲ႕ေျခေလးေခ်ာင္းနဲ႔ကိုယ္ကိုပိုင္ဆိုင္တဲ့ ဆန္ေတာ (Centaur)လို႔ေခၚတဲ့ ျမင္းလူတစ္ေယာက္။ နတ္တစ္ပိုင္းလူတစ္ပိုင္း (demigod) ေတြ၊ သူရဲေကာင္းေတြနဲ႔ မင္းညီမင္းသားေတြက ခ်ီ႐ြန္ဆီမွာပညာသင္ၾကေလ့ရွိတယ္။ ထင္ရွားေက်ာ္ၾကားတဲ့ ဟာရကလိ(ဟာၾကဴလီ)-Heracles၊  ေအးဂ်က္စ္-Ajax ၊ အာခီးလိစ္-Achilles ၊ ေဂ်ဆန္- Jason၊ ဒိုင္အိုနစ္ဆက္စ္-Dionysus စသူေတြဟာ ခ်ီ႐ြန္ရဲ႕တပည့္ေတြျဖစ္ခဲ့ၾကဖူးတယ္လို႔ဆိုတယ္။
ေဆးပညာနဲ႔ပက္သက္ရင္ အက္စ္ကလိပီးရက္စ္က သူ႔ဆရာခ်ီ႐ြန္ထက္ေတာင္သာလြန္သြားၿပီး ဆရာထက္တပည့္လက္ေစာင္းထက္တယ္လို႔ ဆိုၾကတယ္။

အက္စ္ကလိပီးယက္စ္အေၾကာင္းဆက္ရရင္ တစ္ေန႔မွာလူနာၾကည့္ရင္း အာ႐ုံစိုက္ေနတုန္း သူ႔လက္စြဲေတာ္ေတာင္ေဝွးေပၚကို ေႁမြတစ္ေကာင္တက္လာလို႔ အဲဒီေႁမြကိုသူသတ္လိုက္တယ္။ သိပ္မၾကာခင္မွာေနာက္ထပ္ေႁမြတစ္ေကာင္ေရာက္လာၿပီး ပါးစပ္မွာကိုက္ခ်ီလာတဲ့ ေဆးပင္ေဆးျမစ္ေတြကို ေသေနတဲ့ေႁမြပါးစပ္ထဲကို ထည့္လိုက္တာ ေႁမြေသကျပန္အသက္ရွင္သြားတယ္။  အဲဒီ ေဆးပင္ကို အက္စ္ကလိပီးယက္စ္က မွတ္သားၿပီး လူနာကိုကုလိုက္တာ အသက္ရွင္သြားတယ္တဲ့။ ေနာက္ပိုင္း အဲဒီ ေဆးပင္ေဆး႐ြက္နဲ႔ သူ႔ပညာေပါင္းၿပီးကုလိုက္တာ ေသသူေတြေတာင္ျပန္ရွင္ၾကပါတယ္။ (တစ္ခ်ိဳ႕ဒ႑ာရီမွာေတာ့ နတ္ဘုရားမအသီးနား (Athena) ေပးတဲ့ မက္ဒူးဆာရဲ႕ေသြးနဲ႔ကုလို႔ ျပန္ရွင္ၾကတယ္လို႔ေျပာတယ္)

ေျမေအာက္ကမာၻရဲ႕ဘုရင္ေဟးဒီးစ္ (Hades) ကသူ႔ဆီမွာလူဦးေရနည္းေအာင္ အက္စ္ကလိပီးယက္စ္က လုပ္ေနပါတယ္လို႔ နတ္ဘုရင္ဇူးစ္ကိုသြားတိုင္လို႔ ဇူးစ္က လူဦးေရအခ်ိဳးမမွ်တမႈမျဖစ္ေစရေအာင္ သမားေတာ္ အက္စ္ကလိပီးယက္စ္ကို မိုးႀကိဳးလက္နက္နဲ႔ ပစ္သတ္လိုက္ရတယ္။ ဒါေပမယ့္ အပိုလိုရဲ႕ေတာင္းဆိုခ်က္ေၾကာင့္ ေကာင္းကင္မွာ Ophiochus (ေႁမြကိုကိုင္ထားသူ) ၾကယ္စုအျဖစ္ေနရာေပးခဲ့တယ္။

အေနာက္တိုင္းေဆးပညာဖခင္ႀကီးျဖစ္တဲ့ ဟစ္ပိုကေရးတီးစ္(Hippocrates)ရဲ႕ သမားဟူးရားတို႔၏သစၥာဆိုခန္းမွာ မူလက "အပိုလိုနတ္မင္း၊အက္စ္ကလိပီးရက္စ္ႏွင့္ (အျခားနတ္မ်ား) တို႔ကိုတိုင္တည္၍ သမားေတာ္တို႔၏သစၥာကိုဆိုပါသည္” လို႔ပါတယ္။
အဲဒီ အက္စ္ကလိပီးယက္စ္ရဲ႕ ေတာင္ေဝွးမွာေႁမြပတ္ေနတဲ့ Rod of Asclepius သေကၤတကိုပဲ ေဆးပညာရဲ႕သေကၤတအေနနဲ႔ယူၿပီး သားစဥ္ေျမးဆက္သုံးခဲ့ၾကတယ္။

ကဒူးဆီးရက္စ္ - Caduceus
*****************************
ေခါင္းကဦးထုပ္မွာေတာင္ပံတစ္စုံ၊ ဖိနပ္ေတြမွာလဲေတာင္ပံေလးေတြပါတဲ့ တမန္ေတာ္နတ္ဘုရား ဟာမီးစ္ (Hermes) ရဲ႕ ႏွင္တံပါ။ သူ႔အစ္ကိုျဖစ္သူ ေနနတ္ဘုရားနဲ႔ ကုသမႈနတ္ဘုရားအျပင္ တျခားတာဝန္အမ်ားႀကီးပါတြဲထမ္းေဆာင္တဲ့အပိုလို (Apollo) ဆီကေနလက္ေဆာင္ရခဲ့တာပါ။ ကဒူးဆီးရက္စ္က သက္ရွိေတြကို အိပ္ေမြ႕ခ်ႏိုင္တဲ့အစြမ္းရွိလို႔ ဟားမီးစ္ကလူသားေတြကို သတင္းစကားေပးခ်င္ရင္ အိပ္ေမြ႕ခ်ၿပီး အိပ္မက္ထဲမွာေျပာေလ့ရွိပါတယ္။

အေသအေၾကကိုက္ခဲၿပီးတိုက္ခိုက္ေနတဲ့ေႁမြႏွစ္ေကာင္ကို ကဒူးဆီးရက္စ္နဲ႔တားဆီးလိုက္ရာက ေႁမြႏွစ္ေကာင္ဟာ ကဒူးဆီးရက္စ္မွာ ပတ္ၿပီးေနၾကတယ္လို႔ ဒ႑ာရီေတြကဆိုတယ္။ တစ္ခ်ိဳ႕ဇာတ္လမ္းေတြမွာေတာ့ ေႁမြေသႏွစ္ေကာင္ကို အသက္သြင္းလိုက္ရာက ကဒူးဆီးရက္စ္မွာပတ္ေနၾကတယ္လို႔လဲ ဆိုၾကတယ္။

၁၉၀၂ ခုႏွစ္မွာ အေမရိကန္စစ္တပ္ေဆးအဖြဲ႕က ဒီသ​ေကၤတကိုယူသုံးခဲ့ၿပီး ေဆးပညာရဲ႕အမွတ္တံဆိပ္တစ္ခုအျဖစ္ ေနရာတစ္ခ်ိဳ႕မွာ က်ယ္က်ယ္ျပန္႔ျပန္႔ သုံးေနၾကတယ္။
တစ္ခ်ိဳ႕ကေတာ့ အက္စ္ကလိပီးရက္စ္ ေတာင္ေဝွးအစား ကဒူးဆီးရက္စ္ကို မွားသုံးမိတာလို႔လဲ ေထာက္ျပၾကတယ္။

ေႁမြရဲ႕ ကိုယ္စားျပဳမႈ
*******************
ေႁမြတစ္ေကာင္ပတ္ေနတဲ့အက္စ္ကလိပီးယက္စ္ေတာင္ေဝွးေရာ...
ေႁမြႏွစ္ေကာင္ေတာင္ပံတစ္စုံနဲ႔ ကဒူးဆီးရက္စ္ႏွင္တံမွာေရာ...
ပါတဲ့ေႁမြက အကန္႔အသတ္မဲ့အသက္ရွည္ျခင္း (Immortality) နဲ႔ အေရခြံလဲလိုက္တာနဲ႔ အသစ္ျဖစ္သလိုႏုပ်ိဳသြားတဲ့ေႁမြရဲ႕ဂုဏ္သတၱိက ေရာဂါေပ်ာက္ကင္းခ်မ္းသာျခင္း(Healing) ကို ကိုယ္စားျပဳတယ္။

တျခား သံတူေၾကာင္းကြဲဇာတ္လမ္းေလးေတြရွိေသးေပမယ့္ ထင္ရွားတာကေတာ့ ေျပာခဲ့တဲ့ ဂရိဒ႑ာရီေနာက္ခံဇာတ္လမ္းေလးေတြပါပဲ။

ေမာင္ဇိ (၁၃၊ ၀၇၊ ၂၀၂၀)

ကိုးကား။ ။

https://www.theoi.com/Ouranios/Asklepios.html

https://www.ancient.eu/Asclepius/

https://www.greeklegendsandmyths.com/chiron.html

https://www.ncbi.nlm.nih.gov/pmc/articles/PMC4439707/

https://www.livescience.com/amp/33104-why-is-the-medical-symbol-a-snake-on-a-stick.html

https://www.newworldencyclopedia.org/entry/Caduceus

https://hubpages.com/education/The-Centaur-Chiron-in-Greek-Mythology
—————။———။———