မောင်ဇိ၏ ဂရိဒဏ္ဍာရီ (၁၄) { ဟာမီးစ် - ၅}

မောင်ဇိ၏ ဂရိဒဏ္ဍာရီ (၁၄) { ဟာမီးစ် - ၅}
*******************************

ကျောက်သံ ပတ္တမြားတွေနဲ့ ပြိုးပြိုးပြက်နေတဲ့ခန်းမကြီးရဲ့ အဆုံးမှာ မဟူရာအဆင်းရှိတဲ့ ကျောက်သားကုလားထိုင်ကြီးရှိတယ်။ ကျောက်မျက်တွေစီခြယ်ထားတဲ့ ခန့်ညားတဲ့ ပလ္လင်နက်ကြီးပေါ်မှာ ခက်ရင်းနှစ်ခွပါတဲ့မှိန်းရှည်ကြီးကို လက်မှာကိုင်ပြီးထိုင်နေတာက မြေအောက်ကမ္ဘာရဲ့ အရှင်သခင်ဖြစ်တဲ့ ဟေးဒီးစ်(Hades)။ သူ့ဘေးမှာတော့ မြေပေါ်ကမ္ဘာကနေ သူခိုးယူပြန်ပေးဆွဲလာတဲ့ ချောမောလှပတဲ့ နတ်မိမယ်လေး ပါဆီဖိုနီ (Persephone)။

ပလ္လင်ရှေ့မှာရပ်နေတဲ့ ငယ်ရွယ်တဲ့နတ်ဘုရား ဟာမီးစ်ကိုကြည့်ပြီး ဟေးဒီးစ်ကမေးလိုက်တယ်။

" သေသူတို့မွေ့ပျော်ရာ ငါ၏နယ်မြေနှင့် သက်ရှိတို့၏လူသားနယ်မြေကိုပေါင်းကူးပေးသော လျင်မြန်ဖြတ်လတ်သည့် တမန်တော်ဟာမီးစ်...
တူတော်သည် မည်သည့်အရာကို အလိုရှိ၍ ငါ၏နန်းတော်သို့ အလည်အပတ်ရောက်ရှိလာပါသနည်း”

ဟာမီးစ်က ပါဆီဖိုနီရှိရာကို ညွှန်ပြပြီး
“ ကောင်းကင်ကိုပိုင်စိုးသည့် ဇူးစ်နတ်ဘုရားနှင့် ကောက်ပဲသီးနှံတို့ရှင်သန်ကြွယ်ဝမှုကိုအစိုးရသည့်နတ်ဘုရားမ ဒမီတာတို့၏ တစ်ဦးတည်းသော သမီးဖြစ်သူ ပါဆီဖိုနီကို မြေကမ္ဘာပေါ်သို့ ပြန်လည်ဆောင်ကျဉ်းရန်ဖြစ်သည်”

" ငါသည် ငါ၏ညီဖြစ်သူ ဇူးစ်၏သဘောတူညီချက်ဖြင့် ငါ၏မိဖုရားထိပ်ခေါင်တင်အဖြစ် ဘိသိက်သွန်းပေးရန်အတွက် ချစ်ခင်နှစ်လိုဖွယ်ကောင်းသည့် ပါဆီဖိုနီကို မြေအောက်ကမ္ဘာသို့ ခေါ်ယူခဲ့ခြင်းဖြစ်သည်”

"မိခင်ဖြစ်သူ ဒမီတာမှ သဘောမတူပါ”
"ငါသည် မြေကြီးအောက်ရှိ သယံဇာတအားလုံး၏ ပိုင်ရှင်ဖြစ်သည်။ ငါ၏မိဖုရားတစ်ပါးအဖြစ် လှပအဖိုးတန်သော ရတနာအသွယ်သွယ်ကို လက်ဆောင်နှင်းအပ်ခြင်းခံရမည်ဆိုပါက သဘောမတူစရာရှိပါမည်လော”

" အဖိုးထိုက်တန်၍ လှပဆန်းကြယ်သော ရတနာတို့သည် ပျော်ရွှင်မှု၏ အာမခံချက်မဟုတ်ပေ”

" ပါဆီဖိုနီ၏ စိတ်ပျော်ရွှင်မှုအတွက် ဤလောကတွင် အလှပဆုံးသော ပန်းဥယျာဉ်တစ်ခုကို ငါစိုက်ပျိုးပေးခဲ့သည်။ ငါ၏နန်းတော်သို့အဝင်တွင် သင်မမြင်ခဲ့သလော"
"နူးညံ့သိမ်မွေ့၍ အရောင်အသွေးစုံလင်စွာ လှပလန်းဆန်းသော သင်းကြိုင်သည့် ပန်းမျိုးစုံတို့သည် စိတ်ကိုရွှင်လန်းစေသည်မှာ အမှန်ပင်ဖြစ်သည်။ သို့သော် ဆုံးစမဲ့အေးချမ်းသည့် မိခင်မေတ္တာကသာ ပါဆီဖိုနီ၏ရင်တွင်းမှ ပျော်ရွှင်ခြင်းပန်းခင်းကို အမှန်တကယ် ရွှင်လန်းသန်စွမ်းစေပါမည်”

"တူတော်ဟာမီးစ်...သင်၏ နတ်ဘုရားတမန်တော်ဆိုသောဂုဏ်ပုဒ်နှင့် လျော်ညီစွာပင် စကားအရာတွင် လိမ္မာကာလှည့်ပတ်ပြောဆိုတတ်လှသည်။ ငါ၏ညီတော် ဇူးစ်သည် ခွင့်ပြုပြီးသော ကိစ္စဖြစ်လင့်ကစား အဘယ်အကြောင်းကြောင့် သင့်ကိုစေလွှတ်၍ ပါဆီဖိုနီကို ဆောင်ယူစေသနည်းဆိုသည်ကိုလဲ သိလိုလှသည်"

"ခွင့်ပြုခဲ့သည်မှာ မှန်ပေသည် ဘကြီးတော်ဟေးဒီးစ်၊၊
ဇူးစ်နတ်မင်းမှ မိခင်ဖြစ်သူကို အသိမပေးပဲ ခွင့်ပြုခဲ့ခြင်းဖြစ်သည်။
သို့သော်လည်း ပါဆီဖိုနီ၏ မိခင်ဖြစ်သူ ဒမီတာမှ သမီးဇောဖြင့် ပြုမြဲဆောင်တာနတ်ဘုရားတာဝန်တို့ကို မပြုတော့သောကြောင့် မြေပြင်ပေါ်ရှိသက်ရှိတို့၏ပျက်စီးခြင်းသည် နီးကပ်လာနေပြီဖြစ်သည်။ ကြွယ်ဝသည့်မြေလွှာမှ ထွက်ရှိမြဲစားနပ်ရိက္ခာများသည် ခန်းခြောက်လာပြီဖြစ်သည်။ နှလုံးကြေကွဲနေသည့် ဒမီတာ၏သောကကြောင့် မြေအပြင်တစ်ခုလုံးအေးခဲကာ သတ္တဝါအများပင် သေပွဲဝင်နေရပြီဖြစ်သည်။
မကြာမီပင် အလုံးအရင်းနှင့်ဝင်လာမည့် ဝိညာဏ်တို့ကြောင့် အရှင်ဟေးဒီးစ်၏တရားသူကြီးသုံးဦးတို့သည် အားလပ်ချိန်မရှိသည့်တိုင်အောင်ပင် သေဆုံးပြီးသူတို့ကို စစ်ဆေး၊ဆုံးဖြတ်၍နေရာချထားခြင်းအမှုကိုပြုရတော့မည်"

" ငါ၏နယ်မြေ၌ နေထိုင်သူများပြားလာခြင်းကို ကြိုဆိုရပေမည်။”

"အပြစ်မဲ့သေဆုံး၍ ကောင်းကျိုးလဲဆောင်ရွက်ခဲ့ခြင်းမရှိသေးသော များပြားလှသည့် ဝိညာဥ်များကို ငရဲဘုံ တားတာရပ်စ်သို့မပို့နိုင်သလို သုခဘုံ အီလီဆီရမ်၌ထားရှိရန်လည်းဖြစ်နိုင်မည်မဟုတ်ပါ။ ဝိညာဥ်တို့ မေ့လျော့လှည့်လည်ရာ ကတ္တရာပန်းလွင်ပြင်သာလျင် အလွန်အမင်းပြည့်ကြပ်လာပေလိမ့်မည်”

မြေအောက်ကမ္ဘာ၏ နေရာဒေသများ
----------------------------------------------
မြေအောက်ကမ္ဘာမှာရှိတဲ့ နေရာ‌ဒေသသုံးခုအကြောင်းကို ဟာမီးစ်ကရည်ညွှန်းတာပါ။
မြေအောက်ကမ္ဘာကိုရောက်လာတဲ့ ဝိညာဥ်တွေဟာ စတစ်မြစ် (River Styx)ကိုဖြတ်ပြီးတဲ့နောက် လိသီမြစ်ရေ (River Lethe)ကိုသောက်ရပါတယ်။ အဲဒီမြစ်ရေကိုသောက်ပြီး အတိတ်ဘဝကမှတ်ဉာဏ်တွေ မေ့လျော့ဆုံးရှံးသွားတဲ့အခါ အဖြူရောင်ကတ္တရာပန်းတွေဖွေးဖွေးလှုပ်ပွင့်နေတဲ့ လွင်ပြင် (Asphodel Meadow)မှာ သွားလာနေထိုင်ကြရတယ်။
အဲဒီကမှတဆင့် ဟေးဒီးစ်ရဲ့ တရားသူကြီးသုံးဦးဖြစ်တဲ့ မီနိုးစ်(Minos)  ၊ ရာဒါမန်သစ်စ်(Rhadamanthys)၊ အေးကက်စ်(Aeacus) တို့က လမ်းသုံးခွဆုံတဲ့နေရာကနေ အသစ်ရောက်လာတဲ့ ဝိညာဥ်တွေကို စစ်ဆေးပြီး သူရဲကောင်းတွေ၊ ကောင်းမှုဆောင်ခဲ့သူတွေကို စိတ်ကိုလန်းဆန်းစေတဲ့ အနောက်လေတွေတစ်ဖြူးဖြူးတိုက်ခတ်ရာ အီလစ်ဆီရမ် (Elysium) ကိုသွားစေတယ်။ မကောင်းမှုပြုခဲ့သူတွေကို ပူပြင်းလောင်မြိုက်တဲ့မြေအောက်ကမ္ဘာရဲ့အနက်ရှိုင်းဆုံးအပိုင်းက တားတာရပ်စ် (Tatarus) ငရဲဘုံကိုပို့တယ်။
 ကောင်းမှုမကောင်းမှု အထွေအထူးမကွဲပြားသူတွေကို ကတ္တရာပန်းတွေပွင့်ရာ အက်စ်ဖိုဒယ်မြက်ခင်းလွင်ပြင် (Asphodel Meadows) ကိုပြန်သွားစေတယ်။
အချိန်မတန်ပဲ သေဆုံးသူတွေများလာရင် မှတ်ဉာဏ်မရှိပဲ မေ့လျော့နေတဲ့ဝိညာဥ်တွေ အက်စ်ဖိုဒယ်မြက်ခင်းလွင်ပြင်မှာ အဆမတန်များပြားကြပ်ညပ်လာမယ်လို့ ဟာမီးစ်ပြောလိုက်တာပါ။

ဟာမီးစ်ရဲ့စကားတွေကြောင့် ဟေးဒီးစ်က စဉ်းစားသွားတယ်။ ဟာမီးစ်က သူ့စကားကိုဆက်တယ်။

"ငတ်မွတ်ခေါင်းပါးခြင်းကပ်ဘေးကြောင့် သေဆုံးသူတို့မှာ များပြားလွန်းလှကား ကူးတို့သမားခိုင်ရွန်ကိုပေးရန် ငွေတစ်ပြားမပါသူများလဲ အများပင်ရှိပါလိမ့်မည်။
မြေအောက်ကမ္ဘာသို့ လာခွင့်မရသော ထိုဝိညာဥ်များသည် စတစ်မြစ်၏လူ့လောကအခြမ်းကမ်းခြေ၌ မြည်တမ်းငိုကြွေးသွားလာကာ ခြောက်လှန့်ကြပေဦးမည်။
မြေပေါ်မြေအောက်ကမ္ဘာချိန်ခွင်လျှာမညီမျှမှုကြီးမားပါက ကမ္ဘာလောကရှိ အရာအားလုံးပျက်စီးမည်ဖြစ်၍ ပါဆီဖိုနီကို ပြန်လွှတ်ပေးစေလိုပါသည်"

ဟာမီးစ်ရဲ့ချက်ကျလက်ကျပြောဆိုမှုတွေက ဟေးဒီးစ်ကိုတွေဝေစေတယ်။
 ဒါကြောင့်လဲ ဟေးဒီးစ်က ပါဆီဖိုနီရဲ့သဘောထားကိုမေးရတော့တယ်။
“ ငါ၏မြတ်နိုးမှုကို အတိုင်းအဆမဲ့ရရှိသည့် ပါဆီဖိုနီ...
မြေအောက်ကမ္ဘာသို့ သင်ရောက်သည့်နေ့မှစ၍ သင်ပျော်ရွှင်စေမည့် အရာအားလုံးကို ကျွန်ုပ်ဆောင်ရွက်ပေးခဲ့သည်ကို သင်အသိပင်။
 သင်သာကျွန်ုပ်ထံတွင်နေလိုလျင် သင့်ဖခင်ဇူးစ်နှင့်လဲ စစ်ခင်းဖို့ဝန်မလေးပါ။ ကမ္ဘာကြီးပျက်စီးမည်ဆိုပါကလဲ သင့်လက်ကိုဆွဲကိုင်၍ ရင်ဆိုင်ရန်အသင့်ပင်။ ဆုံးဖြတ်ရန်တာဝန်ကို သင့်အားပေးအံ့"

ပါဆီဖိုနီက ဟေးဒီးစ်ကိုတစ်လှည့် ဟာမီးစ်ကိုတစ်လှည့်ကြည့်လိုက်ပြီး
“ အရှင်ဟေးဒီးစ်...သင်သည် အကျွန်ုပ်ပေါ်တွင် ကြင်နာသည်မှာ အမှန်ပင်ဖြစ်သည်။ သို့သော် အကျွန်ုပ်အပေါ် မေတ္တာကြီးမားလှသောမိခင်နှင့်ကင်းကွာ၍ နေထိုင်ရခြင်းကြောင့် အကျွန်ုပ်မပျော်ပိုက်နိုင်ပါ။
မိခင်သောကရောက်နေသည်ကိုလည်း မရှုရက်နိုင်ပါ။ ထို့ကြောင့် မိခင်နှင့်ပြန်လည်ဆုံဆည်းခွင့်ပြုစေလိုပါသည်"

နောက်ဆုံးမှာတော့ နတ်ဘုရားဇူးစ်ရဲ့တောင်းဆိုချက်၊ တမန်တော်ဟာမီးစ်ရဲ့စွမ်းဆောင်ချက်၊ ဒမီတာရဲ့သမီးအပေါ်သံယောဇဉ်ကြီးချက်၊ ပါဆီဖိုနီရဲ့မေတ္တာရပ်ခံချက်နဲ့ မျှခြေပျက်ပြီး ကမ္ဘာကြီးပျက်စီးမဲ့အရေးကနေကယ်တင်ဖို့ အချက်တွေကြောင့် ဟေးဒီးစ်ဟာ တစ်သက်မှာတစ်ခါပဲ ချစ်ခင်မြတ်နိုးပြီးမိဖုရားမြှောက်ဖူးတဲ့ ပါဆီဖိုနီကို လက်လွှတ်လိုက်ရပါတော့တယ်။

ဒမီတာနှင့် ပါဆီဖိုနီပြန်လည်ဆုံတွေ့ခြင်း
--------------------------------------------------
မြေပြင်အက်ကွဲကြောင်းကနေ ဟာမီးစ်နဲ့အတူတက်လာတဲ့ ပါဆီဖိုနီကိုမြင်လိုက်တဲ့ခဏမှာပဲ နတ်ဘုရားမ ဒမီတာဟာ ကြီးမားတဲ့ရွှင်လန်းဝမ်းမြောက်မှုနဲ့အတူ ထပ်တူဝမ်းသာနေတဲ့သမီးဖြစ်သူကိုတင်းကျပ်စွာထွေးပွေ့လိုက်တယ်။
ပါဆီဖိုနီကို မြေပေါ်ကိုပြန်ခေါ်သွားပြီး သူ့မိခင်ဒမီတာနဲ့တွေ့စေတဲ့အခါ ကမ္ဘာမြေပေါ်မှာပန်းကလေးတွေပြန်လည်ဖူးပွင့်လာပြီး မြေဆီလွှာတွေလဲ ပြန်လည်ဖြစ်ထွန်းလာတယ်။
ပြန်လည်ဆုံတွေ့ရလို့ဝမ်းမြောက်ဝမ်းသာဖြစ်နေတဲ့ သားအမိနှစ်ဦး လှည့်လည်သွားလေရာမှာ ရာသီဥတုသာယာပြီး ကောက်ပဲသီးနှံတွေ အစေ့အညှောင့်ပေါက်ပြီးကြီးထွားလာကြတယ်။
ခြောက်သွေ့နေတဲ့ အပင်တွေမှာလဲ ရွက်နုတွေနဲ့စိမ်းစိုလာပြီး စားနပ်ရိက္ခာတွေပေါများလာတယ်။
ကောင်းကင်က ကြည်လင်ပြီး မြေပြင်မှာလဲ စမ်းချောင်းလေးတွေတစ်သွင်သွင် စီးလို့ စိမ်းလန်းလှပတဲ့ကမ္ဘာကြီးပြန်ဖြစ်လာတော့တယ်။
သက်ရှိသတ္တဝါတွေလဲ ကျန်းမာဝဖြိုးလို့ အရင်ကလို စည်ပင်လှပတဲ့ကမ္ဘာမြေကြီးပေါ့။

ဒါပေမယ့် မြေအောက်ကမ္ဘာမှာရှိစဉ်အတွင်းမှာ ပါဆီဖိုနီက နောက်ဆုံးအနေနဲ့ ဟေးဒီးစ်ကျွေးတဲ့သလဲသီးကိုစားခဲ့မိလိုက်တယ်။
စုစုပေါင်း သလဲသီးထဲက အဆံခြောက်စေ့တိတိယူစားခဲ့တာ။
မြေအောက်ကမ္ဘာက အစားအသောက်ကိုစားမိသူကို မြေအောက်ကမ္ဘာကပိုင်ဆိုင်တယ်ဆိုတဲ့ ဥပဒေသကြောင့်  ပါဆီဖိုနီဟာ မြေပြင်ပေါ်မှာ နှစ်တစ်နှစ်ရဲ့တစ်ဝက်၊ ခြောက်လတာပဲနေနိုင်ပြီး သလဲသီးဆံခြောက်စေ့အတွက် ကျန်ခြောက်လတာကို မြေအောက်ကမ္ဘာမှာ ဟေးဒီးစ်နဲ့အတူစံမြန်းရင်း မြေအောက်ကမ္ဘာရဲ့ဘုရင်မအဖြစ် ကုန်ဆုံးရတယ်။

ပါဆီဖိုနီမြေအောက်ကမ္ဘာကိုသွားနေချိန်မှာ အထီးကျန်နေတဲ့ မိခင်ဒမီတာရဲ့စိတ်အခြေအနေကြောင့် ကမ္ဘာပေါ်မှာသစ်ပင်တွေပေါ်က အရွက်တွေညှိုးရော်ခြောက်သွေ့ကြွေကျတဲ့ ဆောင်းဦးပေါက် (Autumn) နဲ့ အေးခဲပြီး ကောက်ပဲသီးနှံတွေမဖြစ်ထွန်းတဲ့ ဆောင်းရာသီ (winter)  တို့ဖြစ်နေတယ်။ မြေပေါ်ကို ပါဆီဖိုနီပြန်ရောက်လာတဲ့ အချိန်တွေမှာတော့ ပန်းတွေစပြီးဖူးပွင့်တဲ့ နွေဦးရာသီ (spring) နဲ့ ကောက်ပဲသီးနှံတွေ၊ သီးပင်စားပင်တွေကြီးထွားပြီး ရာသီဥတုသာယာတဲ့ နွေရာသီ (summer) ပေါ့။
ဒီလိုနဲ့ ပါဆီဖိုနီရဲ့ နှစ်စဉ် ခြောက်လတာစီ ပြောင်းရွှေ့နေထိုင်မှုက ရာသီစက်ဝန်းတစ်ခုကိုစတင်လည်ပတ်စေပါတော့တယ်။

မောင်ဇိ (ဇူလိုင် ၇၊ ၂၀၂၀)
pictures: internet
ကိုးကား။
https://www.theoi.com/
https://www.ancient.eu/persephone/
http://thisenchantedpixie.org/2013/09/22/the-story-of-persephone-and-the-pomegranate-seeds/
https://www.greekmyths-greekmythology.com/myth-of-hades-and-persephone/
https://www.infoplease.com/culture-entertainment/mythology-folklore/classical-mythology-hades-takes-wife-persephone
https://www.greekmythology.com/Myths/Places/The_Underworld
https://www.britannica.com/topic/Hermes-Greek-mythology/the_underworld.html
________________________
ေမာင္ဇိ၏ ဂရိဒ႑ာရီ (၁၄) { ဟာမီးစ္ - ၅}
*******************************

ေက်ာက္သံ ပတၱျမားေတြနဲ႔ ၿပိဳးၿပိဳးျပက္ေနတဲ့ခန္းမႀကီးရဲ႕ အဆုံးမွာ မဟူရာအဆင္းရွိတဲ့ ေက်ာက္သားကုလားထိုင္ႀကီးရွိတယ္။ ေက်ာက္မ်က္ေတြစီျခယ္ထားတဲ့ ခန္႔ညားတဲ့ ပလႅင္နက္ႀကီးေပၚမွာ ခက္ရင္းႏွစ္ခြပါတဲ့မွိန္းရွည္ႀကီးကို လက္မွာကိုင္ၿပီးထိုင္ေနတာက ေျမေအာက္ကမာၻရဲ႕ အရွင္သခင္ျဖစ္တဲ့ ေဟးဒီးစ္(Hades)။ သူ႔ေဘးမွာေတာ့ ေျမေပၚကမာၻကေန သူခိုးယူျပန္ေပးဆြဲလာတဲ့ ေခ်ာေမာလွပတဲ့ နတ္မိမယ္ေလး ပါဆီဖိုနီ (Persephone)။

ပလႅင္ေရွ႕မွာရပ္ေနတဲ့ ငယ္႐ြယ္တဲ့နတ္ဘုရား ဟာမီးစ္ကိုၾကည့္ၿပီး ေဟးဒီးစ္ကေမးလိုက္တယ္။

" ေသသူတို႔ေမြ႕ေပ်ာ္ရာ ငါ၏နယ္ေျမႏွင့္ သက္ရွိတို႔၏လူသားနယ္ေျမကိုေပါင္းကူးေပးေသာ လ်င္ျမန္ျဖတ္လတ္သည့္ တမန္ေတာ္ဟာမီးစ္...
တူေတာ္သည္ မည္သည့္အရာကို အလိုရွိ၍ ငါ၏နန္းေတာ္သို႔ အလည္အပတ္ေရာက္ရွိလာပါသနည္း”

ဟာမီးစ္က ပါဆီဖိုနီရွိရာကို ၫႊန္ျပၿပီး
“ ေကာင္းကင္ကိုပိုင္စိုးသည့္ ဇူးစ္နတ္ဘုရားႏွင့္ ေကာက္ပဲသီးႏွံတို႔ရွင္သန္ႂကြယ္ဝမႈကိုအစိုးရသည့္နတ္ဘုရားမ ဒမီတာတို႔၏ တစ္ဦးတည္းေသာ သမီးျဖစ္သူ ပါဆီဖိုနီကို ေျမကမာၻေပၚသို႔ ျပန္လည္ေဆာင္က်ဥ္းရန္ျဖစ္သည္”

" ငါသည္ ငါ၏ညီျဖစ္သူ ဇူးစ္၏သေဘာတူညီခ်က္ျဖင့္ ငါ၏မိဖုရားထိပ္ေခါင္တင္အျဖစ္ ဘိသိက္သြန္းေပးရန္အတြက္ ခ်စ္ခင္ႏွစ္လိုဖြယ္ေကာင္းသည့္ ပါဆီဖိုနီကို ေျမေအာက္ကမာၻသို႔ ေခၚယူခဲ့ျခင္းျဖစ္သည္”

"မိခင္ျဖစ္သူ ဒမီတာမွ သေဘာမတူပါ”
"ငါသည္ ေျမႀကီးေအာက္ရွိ သယံဇာတအားလုံး၏ ပိုင္ရွင္ျဖစ္သည္။ ငါ၏မိဖုရားတစ္ပါးအျဖစ္ လွပအဖိုးတန္ေသာ ရတနာအသြယ္သြယ္ကို လက္ေဆာင္ႏွင္းအပ္ျခင္းခံရမည္ဆိုပါက သေဘာမတူစရာရွိပါမည္ေလာ”

" အဖိုးထိုက္တန္၍ လွပဆန္းၾကယ္ေသာ ရတနာတို႔သည္ ေပ်ာ္႐ႊင္မႈ၏ အာမခံခ်က္မဟုတ္ေပ”

" ပါဆီဖိုနီ၏ စိတ္ေပ်ာ္႐ႊင္မႈအတြက္ ဤေလာကတြင္ အလွပဆုံးေသာ ပန္းဥယ်ာဥ္တစ္ခုကို ငါစိုက္ပ်ိဳးေပးခဲ့သည္။ ငါ၏နန္းေတာ္သို႔အဝင္တြင္ သင္မျမင္ခဲ့သေလာ"
"ႏူးညံ့သိမ္ေမြ႕၍ အေရာင္အေသြးစုံလင္စြာ လွပလန္းဆန္းေသာ သင္းႀကိဳင္သည့္ ပန္းမ်ိဳးစုံတို႔သည္ စိတ္ကို႐ႊင္လန္းေစသည္မွာ အမွန္ပင္ျဖစ္သည္။ သို႔ေသာ္ ဆုံးစမဲ့ေအးခ်မ္းသည့္ မိခင္ေမတၱာကသာ ပါဆီဖိုနီ၏ရင္တြင္းမွ ေပ်ာ္႐ႊင္ျခင္းပန္းခင္းကို အမွန္တကယ္ ႐ႊင္လန္းသန္စြမ္းေစပါမည္”

"တူေတာ္ဟာမီးစ္...သင္၏ နတ္ဘုရားတမန္ေတာ္ဆိုေသာဂုဏ္ပုဒ္ႏွင့္ ေလ်ာ္ညီစြာပင္ စကားအရာတြင္ လိမၼာကာလွည့္ပတ္ေျပာဆိုတတ္လွသည္။ ငါ၏ညီေတာ္ ဇူးစ္သည္ ခြင့္ျပဳၿပီးေသာ ကိစၥျဖစ္လင့္ကစား အဘယ္အေၾကာင္းေၾကာင့္ သင့္ကိုေစလႊတ္၍ ပါဆီဖိုနီကို ေဆာင္ယူေစသနည္းဆိုသည္ကိုလဲ သိလိုလွသည္"

"ခြင့္ျပဳခဲ့သည္မွာ မွန္ေပသည္ ဘႀကီးေတာ္ေဟးဒီးစ္၊၊
ဇူးစ္နတ္မင္းမွ မိခင္ျဖစ္သူကို အသိမေပးပဲ ခြင့္ျပဳခဲ့ျခင္းျဖစ္သည္။
သို႔ေသာ္လည္း ပါဆီဖိုနီ၏ မိခင္ျဖစ္သူ ဒမီတာမွ သမီးေဇာျဖင့္ ျပဳၿမဲေဆာင္တာနတ္ဘုရားတာဝန္တို႔ကို မျပဳေတာ့ေသာေၾကာင့္ ေျမျပင္ေပၚရွိသက္ရွိတို႔၏ပ်က္စီးျခင္းသည္ နီးကပ္လာေနၿပီျဖစ္သည္။ ႂကြယ္ဝသည့္ေျမလႊာမွ ထြက္ရွိၿမဲစားနပ္ရိကၡာမ်ားသည္ ခန္းေျခာက္လာၿပီျဖစ္သည္။ ႏွလုံးေၾကကြဲေနသည့္ ဒမီတာ၏ေသာကေၾကာင့္ ေျမအျပင္တစ္ခုလုံးေအးခဲကာ သတၱဝါအမ်ားပင္ ေသပြဲဝင္ေနရၿပီျဖစ္သည္။
မၾကာမီပင္ အလုံးအရင္းႏွင့္ဝင္လာမည့္ ဝိညာဏ္တို႔ေၾကာင့္ အရွင္ေဟးဒီးစ္၏တရားသူႀကီးသုံးဦးတို႔သည္ အားလပ္ခ်ိန္မရွိသည့္တိုင္ေအာင္ပင္ ေသဆုံးၿပီးသူတို႔ကို စစ္ေဆး၊ဆုံးျဖတ္၍ေနရာခ်ထားျခင္းအမႈကိုျပဳရေတာ့မည္"

" ငါ၏နယ္ေျမ၌ ေနထိုင္သူမ်ားျပားလာျခင္းကို ႀကိဳဆိုရေပမည္။”

"အျပစ္မဲ့ေသဆုံး၍ ေကာင္းက်ိဳးလဲေဆာင္႐ြက္ခဲ့ျခင္းမရွိေသးေသာ မ်ားျပားလွသည့္ ဝိညာဥ္မ်ားကို ငရဲဘုံ တားတာရပ္စ္သို႔မပို႔ႏိုင္သလို သုခဘုံ အီလီဆီရမ္၌ထားရွိရန္လည္းျဖစ္ႏိုင္မည္မဟုတ္ပါ။ ဝိညာဥ္တို႔ ေမ့ေလ်ာ့လွည့္လည္ရာ ကတၱရာပန္းလြင္ျပင္သာလ်င္ အလြန္အမင္းျပည့္ၾကပ္လာေပလိမ့္မည္”

ေျမေအာက္ကမာၻ၏ ေနရာေဒသမ်ား
----------------------------------------------
ေျမေအာက္ကမာၻမွာရွိတဲ့ ေနရာ‌ေဒသသုံးခုအေၾကာင္းကို ဟာမီးစ္ကရည္ၫႊန္းတာပါ။
ေျမေအာက္ကမာၻကိုေရာက္လာတဲ့ ဝိညာဥ္ေတြဟာ စတစ္ျမစ္ (River Styx)ကိုျဖတ္ၿပီးတဲ့ေနာက္ လိသီျမစ္ေရ (River Lethe)ကိုေသာက္ရပါတယ္။ အဲဒီျမစ္ေရကိုေသာက္ၿပီး အတိတ္ဘဝကမွတ္ဉာဏ္ေတြ ေမ့ေလ်ာ့ဆုံးရွံးသြားတဲ့အခါ အျဖဴေရာင္ကတၱရာပန္းေတြေဖြးေဖြးလႈပ္ပြင့္ေနတဲ့ လြင္ျပင္ (Asphodel Meadow)မွာ သြားလာေနထိုင္ၾကရတယ္။
အဲဒီကမွတဆင့္ ေဟးဒီးစ္ရဲ႕ တရားသူႀကီးသုံးဦးျဖစ္တဲ့ မီႏိုးစ္(Minos)  ၊ ရာဒါမန္သစ္စ္(Rhadamanthys)၊ ေအးကက္စ္(Aeacus) တို႔က လမ္းသုံးခြဆုံတဲ့ေနရာကေန အသစ္ေရာက္လာတဲ့ ဝိညာဥ္ေတြကို စစ္ေဆးၿပီး သူရဲေကာင္းေတြ၊ ေကာင္းမႈေဆာင္ခဲ့သူေတြကို စိတ္ကိုလန္းဆန္းေစတဲ့ အေနာက္ေလေတြတစ္ျဖဴးျဖဴးတိုက္ခတ္ရာ အီလစ္ဆီရမ္ (Elysium) ကိုသြားေစတယ္။ မေကာင္းမႈျပဳခဲ့သူေတြကို ပူျပင္းေလာင္ၿမိဳက္တဲ့ေျမေအာက္ကမာၻရဲ႕အနက္ရႈိင္းဆုံးအပိုင္းက တားတာရပ္စ္ (Tatarus) ငရဲဘုံကိုပို႔တယ္။
 ေကာင္းမႈမေကာင္းမႈ အေထြအထူးမကြဲျပားသူေတြကို ကတၱရာပန္းေတြပြင့္ရာ အက္စ္ဖိုဒယ္ျမက္ခင္းလြင္ျပင္ (Asphodel Meadows) ကိုျပန္သြားေစတယ္။
အခ်ိန္မတန္ပဲ ေသဆုံးသူေတြမ်ားလာရင္ မွတ္ဉာဏ္မရွိပဲ ေမ့ေလ်ာ့ေနတဲ့ဝိညာဥ္ေတြ အက္စ္ဖိုဒယ္ျမက္ခင္းလြင္ျပင္မွာ အဆမတန္မ်ားျပားၾကပ္ညပ္လာမယ္လို႔ ဟာမီးစ္ေျပာလိုက္တာပါ။

ဟာမီးစ္ရဲ႕စကားေတြေၾကာင့္ ေဟးဒီးစ္က စဥ္းစားသြားတယ္။ ဟာမီးစ္က သူ႔စကားကိုဆက္တယ္။

"ငတ္မြတ္ေခါင္းပါးျခင္းကပ္ေဘးေၾကာင့္ ေသဆုံးသူတို႔မွာ မ်ားျပားလြန္းလွကား ကူးတို႔သမားခိုင္႐ြန္ကိုေပးရန္ ေငြတစ္ျပားမပါသူမ်ားလဲ အမ်ားပင္ရွိပါလိမ့္မည္။
ေျမေအာက္ကမာၻသို႔ လာခြင့္မရေသာ ထိုဝိညာဥ္မ်ားသည္ စတစ္ျမစ္၏လူ႔ေလာကအျခမ္းကမ္းေျခ၌ ျမည္တမ္းငိုေႂကြးသြားလာကာ ေျခာက္လွန္႔ၾကေပဦးမည္။
ေျမေပၚေျမေအာက္ကမာၻခ်ိန္ခြင္လွ်ာမညီမွ်မႈႀကီးမားပါက ကမာၻေလာကရွိ အရာအားလုံးပ်က္စီးမည္ျဖစ္၍ ပါဆီဖိုနီကို ျပန္လႊတ္ေပးေစလိုပါသည္"

ဟာမီးစ္ရဲ႕ခ်က္က်လက္က်ေျပာဆိုမႈေတြက ေဟးဒီးစ္ကိုေတြေဝေစတယ္။
 ဒါေၾကာင့္လဲ ေဟးဒီးစ္က ပါဆီဖိုနီရဲ႕သေဘာထားကိုေမးရေတာ့တယ္။
“ ငါ၏ျမတ္ႏိုးမႈကို အတိုင္းအဆမဲ့ရရွိသည့္ ပါဆီဖိုနီ...
ေျမေအာက္ကမာၻသို႔ သင္ေရာက္သည့္ေန႔မွစ၍ သင္ေပ်ာ္႐ႊင္ေစမည့္ အရာအားလုံးကို ကြၽႏ္ုပ္ေဆာင္႐ြက္ေပးခဲ့သည္ကို သင္အသိပင္။
 သင္သာကြၽႏ္ုပ္ထံတြင္ေနလိုလ်င္ သင့္ဖခင္ဇူးစ္ႏွင့္လဲ စစ္ခင္းဖို႔ဝန္မေလးပါ။ ကမာၻႀကီးပ်က္စီးမည္ဆိုပါကလဲ သင့္လက္ကိုဆြဲကိုင္၍ ရင္ဆိုင္ရန္အသင့္ပင္။ ဆုံးျဖတ္ရန္တာဝန္ကို သင့္အားေပးအံ့"

ပါဆီဖိုနီက ေဟးဒီးစ္ကိုတစ္လွည့္ ဟာမီးစ္ကိုတစ္လွည့္ၾကည့္လိုက္ၿပီး
“ အရွင္ေဟးဒီးစ္...သင္သည္ အကြၽႏ္ုပ္ေပၚတြင္ ၾကင္နာသည္မွာ အမွန္ပင္ျဖစ္သည္။ သို႔ေသာ္ အကြၽႏ္ုပ္အေပၚ ေမတၱာႀကီးမားလွေသာမိခင္ႏွင့္ကင္းကြာ၍ ေနထိုင္ရျခင္းေၾကာင့္ အကြၽႏ္ုပ္မေပ်ာ္ပိုက္ႏိုင္ပါ။
မိခင္ေသာကေရာက္ေနသည္ကိုလည္း မရႈရက္ႏိုင္ပါ။ ထို႔ေၾကာင့္ မိခင္ႏွင့္ျပန္လည္ဆုံဆည္းခြင့္ျပဳေစလိုပါသည္"

ေနာက္ဆုံးမွာေတာ့ နတ္ဘုရားဇူးစ္ရဲ႕ေတာင္းဆိုခ်က္၊ တမန္ေတာ္ဟာမီးစ္ရဲ႕စြမ္းေဆာင္ခ်က္၊ ဒမီတာရဲ႕သမီးအေပၚသံေယာဇဥ္ႀကီးခ်က္၊ ပါဆီဖိုနီရဲ႕ေမတၱာရပ္ခံခ်က္နဲ႔ မွ်ေျခပ်က္ၿပီး ကမာၻႀကီးပ်က္စီးမဲ့အေရးကေနကယ္တင္ဖို႔ အခ်က္ေတြေၾကာင့္ ေဟးဒီးစ္ဟာ တစ္သက္မွာတစ္ခါပဲ ခ်စ္ခင္ျမတ္ႏိုးၿပီးမိဖုရားေျမႇာက္ဖူးတဲ့ ပါဆီဖိုနီကို လက္လႊတ္လိုက္ရပါေတာ့တယ္။

ဒမီတာႏွင့္ ပါဆီဖိုနီျပန္လည္ဆုံေတြ႕ျခင္း
--------------------------------------------------
ေျမျပင္အက္ကြဲေၾကာင္းကေန ဟာမီးစ္နဲ႔အတူတက္လာတဲ့ ပါဆီဖိုနီကိုျမင္လိုက္တဲ့ခဏမွာပဲ နတ္ဘုရားမ ဒမီတာဟာ ႀကီးမားတဲ့႐ႊင္လန္းဝမ္းေျမာက္မႈနဲ႔အတူ ထပ္တူဝမ္းသာေနတဲ့သမီးျဖစ္သူကိုတင္းက်ပ္စြာေထြးေပြ႕လိုက္တယ္။
ပါဆီဖိုနီကို ေျမေပၚကိုျပန္ေခၚသြားၿပီး သူ႔မိခင္ဒမီတာနဲ႔ေတြ႕ေစတဲ့အခါ ကမာၻေျမေပၚမွာပန္းကေလးေတြျပန္လည္ဖူးပြင့္လာၿပီး ေျမဆီလႊာေတြလဲ ျပန္လည္ျဖစ္ထြန္းလာတယ္။
ျပန္လည္ဆုံေတြ႕ရလို႔ဝမ္းေျမာက္ဝမ္းသာျဖစ္ေနတဲ့ သားအမိႏွစ္ဦး လွည့္လည္သြားေလရာမွာ ရာသီဥတုသာယာၿပီး ေကာက္ပဲသီးႏွံေတြ အေစ့အေညႇာင့္ေပါက္ၿပီးႀကီးထြားလာၾကတယ္။
ေျခာက္ေသြ႕ေနတဲ့ အပင္ေတြမွာလဲ ႐ြက္ႏုေတြနဲ႔စိမ္းစိုလာၿပီး စားနပ္ရိကၡာေတြေပါမ်ားလာတယ္။
ေကာင္းကင္က ၾကည္လင္ၿပီး ေျမျပင္မွာလဲ စမ္းေခ်ာင္းေလးေတြတစ္သြင္သြင္ စီးလို႔ စိမ္းလန္းလွပတဲ့ကမာၻႀကီးျပန္ျဖစ္လာေတာ့တယ္။
သက္ရွိသတၱဝါေတြလဲ က်န္းမာဝၿဖိဳးလို႔ အရင္ကလို စည္ပင္လွပတဲ့ကမာၻေျမႀကီးေပါ့။

ဒါေပမယ့္ ေျမေအာက္ကမာၻမွာရွိစဥ္အတြင္းမွာ ပါဆီဖိုနီက ေနာက္ဆုံးအေနနဲ႔ ေဟးဒီးစ္ေကြၽးတဲ့သလဲသီးကိုစားခဲ့မိလိုက္တယ္။
စုစုေပါင္း သလဲသီးထဲက အဆံေျခာက္ေစ့တိတိယူစားခဲ့တာ။
ေျမေအာက္ကမာၻက အစားအေသာက္ကိုစားမိသူကို ေျမေအာက္ကမာၻကပိုင္ဆိုင္တယ္ဆိုတဲ့ ဥပေဒသေၾကာင့္  ပါဆီဖိုနီဟာ ေျမျပင္ေပၚမွာ ႏွစ္တစ္ႏွစ္ရဲ႕တစ္ဝက္၊ ေျခာက္လတာပဲေနႏိုင္ၿပီး သလဲသီးဆံေျခာက္ေစ့အတြက္ က်န္ေျခာက္လတာကို ေျမေအာက္ကမာၻမွာ ေဟးဒီးစ္နဲ႔အတူစံျမန္းရင္း ေျမေအာက္ကမာၻရဲ႕ဘုရင္မအျဖစ္ ကုန္ဆုံးရတယ္။

ပါဆီဖိုနီေျမေအာက္ကမာၻကိုသြားေနခ်ိန္မွာ အထီးက်န္ေနတဲ့ မိခင္ဒမီတာရဲ႕စိတ္အေျခအေနေၾကာင့္ ကမာၻေပၚမွာသစ္ပင္ေတြေပၚက အ႐ြက္ေတြညႇိဳးေရာ္ေျခာက္ေသြ႕ေႂကြက်တဲ့ ေဆာင္းဦးေပါက္ (Autumn) နဲ႔ ေအးခဲၿပီး ေကာက္ပဲသီးႏွံေတြမျဖစ္ထြန္းတဲ့ ေဆာင္းရာသီ (winter)  တို႔ျဖစ္ေနတယ္။ ေျမေပၚကို ပါဆီဖိုနီျပန္ေရာက္လာတဲ့ အခ်ိန္ေတြမွာေတာ့ ပန္းေတြစၿပီးဖူးပြင့္တဲ့ ေႏြဦးရာသီ (spring) နဲ႔ ေကာက္ပဲသီးႏွံေတြ၊ သီးပင္စားပင္ေတြႀကီးထြားၿပီး ရာသီဥတုသာယာတဲ့ ေႏြရာသီ (summer) ေပါ့။
ဒီလိုနဲ႔ ပါဆီဖိုနီရဲ႕ ႏွစ္စဥ္ ေျခာက္လတာစီ ေျပာင္းေ႐ႊ႕ေနထိုင္မႈက ရာသီစက္ဝန္းတစ္ခုကိုစတင္လည္ပတ္ေစပါေတာ့တယ္။

ေမာင္ဇိ (ဇူလိုင္ ၇၊ ၂၀၂၀)
pictures: internet
ကိုးကား။
https://www.theoi.com/
https://www.ancient.eu/persephone/
http://thisenchantedpixie.org/2013/09/22/the-story-of-persephone-and-the-pomegranate-seeds/
https://www.greekmyths-greekmythology.com/myth-of-hades-and-persephone/
https://www.infoplease.com/culture-entertainment/mythology-folklore/classical-mythology-hades-takes-wife-persephone
https://www.greekmythology.com/Myths/Places/The_Underworld
https://www.britannica.com/topic/Hermes-Greek-mythology/the_underworld.html